*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵لايا* *❴🔢❵الـــبـــــــــــ❴الرابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #لايا #بقلم_شامة_و_يمنى_عفيف الحلقة الرابعة <<<<<••>>>>> التفت قاسم على قمر يلي كانت دموعها معبية عيونها وهي بعدت وجهها عنه .. قاسم : اهلا مراد .. مراد وقف ..واتجه لعند تيم .. : شو يا سيد تيم .. طولان لسانك على مرت عمك .. تيم: .... قاسم : اهدا مراد واقعد .. تيم جاي يعتذر من قمر ولايا وبراء .. براء : اعتذاره مو مقبول .. قمر أشرت ل براء بعيونها ليسكت .. ومشيت لعند تيم ووقفت قدامه .. دموعها سبقوها قبل ما تحكي : ارتحت سيد تيم؟ ارتحت وانت عم تهتني انه عمك مو هون؟ انا شو ذنبي ؟ هاا شو ذنبي ؟ علي صوتها هي وعم تصرخ : كان ميّت فيه .. ركض وراي سنين لحتى قبلت فيه .. كنت شوف الحب والاخلاص بعيونه .. تزوجنا وكان طاير عقله .. وانا كنت فرحانه اكتر منه .. لاني فكرته .. تطلعت على قاسم وكملت : فكرته رجال وقد كلمته .. فكرته عنجد رح يحافظ علي وعلى ولاده .. بس لا .. ما سأل .. ترك ولاده يلي اكبرهم لايا.. ولحق بنت مراهقة قد بنته .. ضل وراها لعلقها فيه .. ترك كل شي هون وراح .. تركني وترك ولاده .. ترك ابوه وامه وهرب .. اي نعم هرب .. هرب من مواجهتنا .. هرب من حياتنا .. انسحب متل ما دخل .. هرب معها لبعيد ليعيشو سوا .. اتصل فينا بعد اسبوع من غيابه وحكالنا.. بتتذكر لما اجيت عالمشفى وانا مغيبة وانت كنت مع ابوك وسألت شوفي وماحدا رضي يقلك يومها .. يومها بعتلي صورته هو واياها بعرسهم.. ليحرق قلبي أكتر ... بتعرف مين وقف ضده؟ جدك او ابوك؟ لاا .. لايا وقفت ضده أول وحدة .. هي يلي سهرت ليالي لتحاول تنسيني ياه .. هي يلي حملت مسؤوليتنا كلنا .. بتعرف كم كان عمر لايا؟ *15* سنة .. بس .. هي يلي وقفت بوجه جدك وطلبت نبقى ببيتنا .. هي يلي اشتغلت وشغلت حالها لتطلع محامية وترجعلي حقوقي يلي اخدهم عمك معه .. عمك .. تطلعت على فاطمة وحكت : اخد كل دهباتي ودهبات ستك وعمتك نسمة.. اخدهم كلهم ليبلش حياة جديدة على حسابنا .. عمك ما خلالي غير ولادي .. لا خلالي قلب ولا حب .. أنا صرت أقوى بولادي .. بس انا تعبت .. والله تعبت والكل بذلني ببعده عنا ! أنا قلتله يروح؟ صرخت : انا قلتله اسرقني وروح ؟ انا قلتله تركنا هون خلي الكل يتمقطع فينا ؟ انا انا ؟ مسكت تيم من قميصه وبلشت تهزه وهي عم تصرخ وتقله : تحملت كتيير حكي .. بس خلص .. خلص ماعاد اقدر .. حلّوا عنا عاد .. تركونا بحالنا .. اتركوا ولادي بحالهممم خلصصصص... مراد : هدي حالك اختي .. التفتت قمر على مراد وضمته وهي عم تبكي .. زور قاسم تيم وحكا تيم وهو عم يتأتئ : أ أنا آسف مرت عمي .. مو بقصدي طلعت معي الكلمة ... بس لانه لايا .. قمر : اخرسس .. لا تكمل .. خلص لاعاد حدا يجيب سيرة لايا على لسانه الوسخ .. من هون ورايح انا بظهر كل ولادي .. رح وقف قدامكم كلكم ومارح اسمحلكم تقربوا منهم .. قاسم : قمر طولي بالك .. انا جبت تيم اول شي لحتى يعتذر .. تاني شي لحتى احكي شي تاني بخصوص لايا .. تجلست لايا وهي عم تستنى الشي يلي رح يحكيه جدها .. قاسم : لايا رح ترجع لشغلها .. لمعت عيونها للايا وهي عم تطلع على تيم يلي استفزه الحكي .. قاسم : والشي التاني .. تيم .. تيم : نعم جدي .. قاسم : طلق لايا .. تيم : نعم! قاسم : سمعت شو قلتلك ؟ اذا لايا بدها اياك .. انا ماعاد ارضى فيك زوج للايا .. تيم : جدي.. قاسم : شو سمعت .. تيم تطلع على لايا بحنق وحكى : انتِ طالق .. تنفست الصعداء أخيراً، مجرد فكرة انفصالها عن تيم ريحتها على الآخر ... طلع تيم من البيت ووراه امه وقاسم حكا : لايا فيكِ ترجعي على شغلك .. ومراد بتنورنا بالفيلا .. هلأ اسمحولي .. يلا فاطمة .. فاطمة : يلا يلا .. طلعو قاسم وفاطمة من البيت وسكروا الباب.. ركضت لايا لعند امها وحضنتها وانهاروا التنتين من البكى .. مراد : خلص طولوا بالكم يا عمري ما بصير هيك .. هي لايا انفصلت بشكل قانوني عن تيم وماعاد في شي بيربطها فيه .. ورجعت على شغلها ... قمر.: وانا ؟ وانا يا اخي ! هلأ بينسو كم يوم وبيرجع حكيهم يلي متل السم .. براء.: لا تردي عليهم امي .. ما بيستحقوا دمعة من عينك... قمر : الله يخليلي اياكم .. ____ *مراد* اخو قمر عمره *45* ما بيسمح لأي حد يمس اخته وولادها بأي شي .. ومتوعد لجاسم بقتله اول ما يشوفه ... عنده شركة وبساعد اخته بالمصاريف ... ____ رجعوا وسن وشجن من المعهد وفاتوا وهمه عم يضحكوا شجن: شوفي .. امي ليش عم تبكي .. وسن : خالو اهلا وسهلا .. شوفي ليش عم تبكو هيك .. شجن : لك شوفي والله وقعتولي قلبي .. مراد : مافي شي حبيباتي .. صارت مشكلة وانحلت .. وسن : شوفي لايا؟ تيم ضايقك .. براء : تيم طلق لايا شجن : عنجدد .. الحمد لله لكن ليش عم تبكو ؟ لايا : مافي شي يا عمري .. فوتوا انتو غسلوا وغيروا تيابكم بينما حضر الأكل .. وسن : امممم متأكدين ! لايا : اي يلا .. فاتوا وسن وشجن على الغرفة .. وسن : مو عاجبيني بنوب شجن: ولا انا .. شوفي خالو ما بيجي لعنا غير اذا في مشكلة .. دائما احنا منروح لعنده .. وسن : ماما شكلها مو طبيعي .. كأنها بكيانة كتير .. شجن : بعدين تيم كيف ترك لايا بهالسهولة؟ ويا ترا جدو عنده علم .. *ترن ترن ترن* شجن: هي نوران عم تتصل .. شجن : الو كيفك نوري ؟ نوران : قلتلك سبعمية مليون مرة لا تقوليلي نوري .. ما بروح فكري غير على العريف نوري .. المهم .. شجن : اي قوليلي المهم نوران : تيم طلق لايا .. شجن : اي عرفنا .. هلأ اجينا عالبيت، بس ما عرفنا شي تاني .. نوران : اممممم شجن : شو في نوران؟ نوران : هاد تيم الله يصلحه .. قال لامك مو من قليل عمي ترككم وراح .. شجن : شووو وسن : شوفيي؟ شجن : هوسس وسن .. عفوا نوران ليش ليقول لامي هيك ؟ نوران : يلي فهمته انه عمران بحب لايا وتيم عرف وحكى هيك شجن : اخوكِ كتير حقير على فكرة ومنيح انه تركها للايا .. سلام .. نوران : لك .. انا شو دخلني .. اوف فصلت .. طيب شو دخلني انا .. والله انا نوران مو تيم .. ___•°•___________ وسن: شوفيي شجن؟ شجن: هاد الحقير تيم قال لماما مو من قليل تركك عمو .. وسن : يااه عنجد حقير .. وانا عم قول شومالها ماما هيك وجهها احمر .. شجن : الله يخزيك يا تيم شو انك حقير وسن : خلص قومي نغير تيابنا ونطلع لبرا شجن : يلا .. <<<<<<••>>>>>>> فات قاسم عالفيلا هو وفاطمة؛؛ قاسم : فاطمة وين نسمة! فاكمة : بغرفتها .. قاسم : انا طالع لعندها .. فاطمة : الله يجبر خاطرك لا تعصب عليها .. قاسم : طالع اراضيها فاطمة مو عصب عليها فاطمة : الله يخليلي اياك ويجبر بخاطرك ان شاء الله.. دق دق دق نسمة : تفضل .. فات قاسم وسكر الباب وراه .. تطلعت عليه نسمة ورجعت دارت وجهها .. قاسم : كيفها بنتي الحلوة .. نسمة : الحمد لله .. قاسم : لساتك زعلانة مني؟ نسمة : لا .. ليش لازعل ؟ ليش انت عملت شي يزعلني .. قاسم : نسمة مو بقصدي ضربتك .. انت استفزيتيني وانا كانت طالعة خلاقي على لايا وتيم .. نسمة : مشان تيم ولايا بتضربني الي؟ قاسم : الله يخزي الشيطان .. هي لايا وتيم تطلقوا .. نسمة تجلست : عنجد؟ قاسم هز براسه نسمة : يعني ماعاد رح تزوجهم غصب ؟ قاسم : لا .. نسمة : وشو اللي غير رأيك .. قاسم : تصرفات تيم ما عجبتني .. نسمة : ....... قاسم : ما رضيتِ على ابوك يا بطة ؟ نسمة لوت تمها من كلمة بطة وهو ضحك .. قامت لعنده وباست ايده : انت يلي بترضى علي بابا مو انا .. قاسم مسد على شعرها : الله يرضى عليك يا نسمة ويبعتلك ابن الحلال .. دمعت عيونها ورجعت على تختها بمحاولة تخبي دموعها بس ما قدرت... قرب منها قاسم وحكى : هلأ شو صار ؟ نسمة : يلي صار انه اذا بدك تضل عم ترفض العرسان يلي عم ييجوني .. بعمري مارح اتزوج .. قاسم : وانت مفكرة اني عم ارفضهم هيك بدون ما اسأل عنهم واعرف بالضبط لشو جايين؟ نسمة : ش شو قصدك! قاسم : قصدي انه كل يلي عم يجو طمعانين بالأملاك مو فيكِ .. انا آسف نسمة بس هي الحقيقة .. وبس يجي الشخص المناسب أكيد مارح ارفضه .. بالنهاية بدك تروحي .. ولا حتضلي قاعدة على قلبي .. نسمة ضحكت وخبت وجهها .. قاسم : الله يرضى عليك يا نسمة .. يلا بدك شي ؟ نسمة : سلامتك بابا <<<<<<<••>>>>>>> ببيت اسراء فاتت تاج على البيت بعد مارجعت من عند سيلين .. طلعت على غرفة عمران ودقت الباب .. عمران : فوت تاج : عمران عمران : اهلين تاج .. شبك شوفي جاي هادية تاج : بدي البشارة .. عمران : اممم شو بدك تاج : بتتذكر الموبايل يلي.. عمران : شفناه هديك المرة وعجبك كتير وقلتيلي جبلك ياه وقلتلك ماعملتيلي شي محرز لجبلك ياه .. تاج : هههه لك ولعية اي بدي ياه.. عمران : هاتِ يلي عندك تاج : اول بتوعدني تجبلي ياه عمران : يااختي بوعدك جبلك اياه اذا الخبر عجبني تاج : تيم ولايا انفصلوا .. عمران : هه خبرك بايت لوت تاج تمها وحكت : وانت شو عرفك عمران : ما العيلة مطروشة.. تاج : مستحيل كيف لحقوا ؟ سيلين قالتلي لا تقولي لحدا عمران.: قصدك ! اليوم؟؟؟ تاج: لك اي شو عم احكي لكن .. انفصلوا عالاخير بأمر من جدك .. عمران : لك يسعددددددددددددد وقف وحمل تاج وبلش يدور فيها تاج : لك نزلني رح توقعني نزلني ولك عمران فاتت اسراء عالغرفة وحكت : ولك شوفي هون زت عمران تاج عالتخت وركض لعند امه وبلش يرقص معها تاج : اخخ اسراء : ولك جن الولد شو قلتيله يا تاج لاخوك تاج : انكسر حوضي الله لا يعطيك العافية يا عمران على هالزتة عمران : امي تيم طلق لايا اسراء. : شوو عمران : متل ماعم قلك .. وحزري شو كمان .. اسراء مصدومة : شو! عمران : بأمر من جدي .. اسراء : لك انتو من وين بتجيبو الاخبار بس .. شوف ولا عمران هون حفرنا وهون طمرنا .. ما بتطلع كلمة من هون قبل ما نتأكد عمران : 🙊🤐 اجت اسراء لتطلع من الغرفة بس صرخت تاج: امي .. خديني معك الله يوفقك مو قادرة قوم اسراء : تعي تعي .. الله لا يعطيك العافية يا عمران معقول هيك بتزتا لاختك عمران : يي آسف يا تاج راسي والله مو قصدي .. تاج : اي تعال تلحلح حملني على غرفتي مو انت يلي كسرتني عمران : اي على راسي يا تاج راسي .. فوتها عالغرفة وقبل ما يطلع قالتله : ولا تنسى الموبايل عمران : اي من عيوني يا عيوني .. <<<<<<<••>>>>>>> عند جاسم .. جاسم : يا عسل .. يا سكر .. يا نوتيلا وينك طلعت مرته من المطبخ وهي مكشرة : تأخرت جاسم جاسم : شو اعمل يا حبيبتي شغل لفوق راسي.. : يعني انت ابوك عنده شركات ومشفى خلي يبعتلك مصاري جاسم : بدك اياه يقتلني لانا.. شو نسيتِ اني هربت هريبة لانا : لا ما نسيت بس اكيد همه نسيوا جاسم : مو قاسم المالك يلي بينسى ولا قمر لانا بوزمت: شو جاب سيرة قمر هلأ ! كل هالقد مشتقلها قرب جاسم وضمها : ليش في قمر من بعدك يا لوليتي .. _______ *جاسم* عمره *48* سنة هرب من قمر وولاده واهله وسافر على تركيا مع مرته لانا يلي ضل وراها لحتى أقنعها تتزوجه .. بيشتغل بشركة وبخاف على لانا كتير .. وتارك وراه مرته وولاده لحالهم بعانوا الأمرّين ظن الدنيا وهو مو سائل فخّار يكسر بعضه .. _______ *لانا* عمرها *28* سنة لما تزوجها كان عمرها *18* سنة وحيدة ماعندها غير أخ مو سائل عنها وما صدق انه واحد متل جاسم المالك يتزوجها ولو بدون عرس .. بس المهم يخلص منها هو ومرته ... ما بتشتغل وبتغار من قمر كتير مع انه ما شافتها وبعيدة عنها وبتضل خايفة انه جاسم بيوم من الأيام يرجعلها .. <<<<<<<••>>>>>>>> نرجع لعند قمر .. جهزت لايا السفرة بمساعدة شجن ووسن وبراء حطوا الأكل وبلشوا ياكلوا مع خالهم وهمه عم يتبادلوا الكلام والنكت ليطالعوا امهم من جو الحزن .. *ترن ترن ترن* لايا : انا رح شوف تلفوني فاتت لايا على غرفتها وردت على التلفون : سُرى كيفك يا روحي سرى : هلا للوش تمام انت كيفك لايا تنهدت بفرح : منيحة .. منيحة كتير سرى : الفرح بابن على صوتك... ان شاء الله دوم يارب .. بس شو صار مشان الشغل مابدك تطلعي ؟ لايا : رح اطلع .. رح اطلع بس عالعلن سرى : لك جدك ما منعك؟ لايا : لا برجليه رجعني سرى : حييييووو، شو صار وكيف ومتى ووين احكيلي لايا : ههههه .. انفصلت عن المغضوب . سرى : تييممم! لايا : مين غيره سرى : حيووو… غيره؟ لايا : ورجعت على شغلي سرى : الحمد لله .. الحمد لله لايا : شوعم تحمدي الله انك ارتحتِ سرى : 😒😒 شو رأيك لايا : ههههه عم امزح .. اي شو اخبارك انت وقضاياك سرى : بشهو كل مجرم احلى من التاني .. ااااه قصدي كل قضية احلى من التانية لايا : ههههههههه سرى : الله يسعدك يا لولو لايا : لايا**** سرى : لولو لولو لولو لولو لايا : بتعرفي صوت القطار ؟ سرى : اي لابا : ممتاز فصلت الخط بوجه سرى طوط طوط طوط سرى : اي شو يعني ؟ هاااااااااا .. الله يخزيك يا سرى كيف تضحكت عليك لايا .. والله لازم هي تكون محققة مو انت .. هههههههه #للرواية_بقية #بقلم_شامة_و_يمنى_عفيف