*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵لايا* *❴🔢❵الـــبـــــــــــ❴السادس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #لايا #بقلم_شامة_ويمنى_عفيف الحلقة السادسة <<<<<<••>>>>>> وقف مراد بسرعة أول ما دخلوا، وقمر استغربت من جية نسمة لهالوقت .. نسمة : السلام عليكم رن صوتها بإذن مراد رن، ورجع بذكرياته لورا *فلاش باااآك* كان عم يركض وراها بالشارع وهي ماعم توقف لتعطيه مجال يوصللها .. بس كان اسرع منها وقف قدامها وهو عم يلهت اجت لتمر بس حكى بسرعة : طولي بالك .. بس دقيقة نسمة : نعم ! ليش عم تلحقني مراد : ا انا يا آنسة بدي اجي اطلبك من ابوك نسمة : عفواً! مراد : رح جيب اهلي واجي نسمة : ........ مراد : شو ؟ تركته نسمة وركضت باقوى سرعة لحتى ما تخليله مجال يلحقها .. شرب مي وحكى : الايام بيننا يا نسمتي مشي لبيت اخته وهو مبتسم .. قمر : مراد .. اهلين اخي مراد : اهلين فيك اختي .. اي انا جاي مشان موضوع .. يعني موضوع قمر : يعني موضوع ! مراد : يعني .. اخطبيلي نسمة قمر : !!!!!! مراد : اختي انا عجبتني البنت قمر : بس مراد البنت مخطوبة مراد : نعم؟؟؟ قمر : اي مراد : ما شفت بإيديها محبس قمر : لانه مخطوبة لابن عمها وبس تخلص الجامعة رح ينخطبو رسمي مراد : يعني مافي شي رسمي؟ قمر : لسا مراد : لكن اخطبيلي ياها قمر : انت شفتا؟ مراد ؛ اي قمر : حكيت معها؟ مراد : اي قمر : قالتلك شي مراد : للا .. ولا انها مخطوبة حتى قمر : اممم .. طيب عين خير .. منروح انا وانت ومنطلبها مراد : الله يخليلي اياكِ يا اختي قمر : ويخليلي اياك.. *بااآآك* فاتت نسمة وبراء اعتذر وطلع على شغله كان مراد عم يطلع على نسمة نظرة عتب وحب واشتياق .. نفس النظرات يلي نظرلها اياهم قبل سنين لما راحت من ايده نسمة ماكانت مبسوطة بشوفته بالقدر يلي هي متوترة من وجوده معها بنفس الغرفة وكأنه القدر مو راضي ينسيها اياه من بين كل الشباب يلي تقدمولها او حتى حبوها .. كل ما تتطلع عليه بتلاقيه عم يتطلع عليها .. شافت بنظرة عيونه انكسار .. يمكن بعدها من لما تقدملها *فلاآش بآآآك* فات مراد عالفيلا هو وقمر ولايا سلمو على الكل وقعدوا .. القعدة كانت بوجود عم نسمة يلي كان ابنه خاطب نسمة حكى مراد : عمي انا .. جاي اطلب ايد المحروسة بنتك على سنة الله ورسوله .. قاسم : هههههه هههههه مراد : ؟؟ قاسم : بس يا مراد انا ولادي كلهم متزوجين مراد : الآنسة نسمة وقف ابن عم نسمة بعصبية ومشي لعنده وضربه على وجهه ثائر : عم تحكي بخطيبتي ولااك قاسم : ثائر بعد عنه ثائر : عم تحكي بخطيبتي قدامي مراد : الآنسة نسمة مو مخطوبة من وين لوين صارت خطيبتك ؟ ثائر : لا يا؟ بالله شو ؟ خطيبتي من هي وعمرها 10 سنين منيح هيك؟ اسمنا مربوط ببعضه كمان نزلت نسمة على صوتهم .. وارتعبت لما شافت ثائر ماسك برقبة مراد .. نسمة :شو عم يصير ؟ التفت ثائر بعصبية لعند نسمة : شو يا آنسة نسمة ؟ من وين بيعرفك الاخ حتى جاي يخطبك انصدمت وتبلكمت .. وماعاد طلع معها الحكي ... ما توقعت يكون جاد لهالدرجة هي .. نسمة : ..... ثائر : حاكية معه ؟ حاكية معه يا نسمة ! مشي لعند نسمة ليضربها بس وقفه مراد ورجعله ايده لورا ثائر : ااااخ مراد : عم تتقاوى على بنت عمك يا استاذ يا متعلم... نسمة : مراد اتركه.. ثائر : وبتعرفي اسمه كمان مراد شد على ايده اكتر وصرخ ثائر اكتر مراد : انا رايح .. تتهنو قاسم : مراد استنى .. وقف مراد بعد ما ترك ثائر قاسم : نسمة محكي فيها لثائر .. وهي آخر بناتي .. بس تأكد .. لو انه كان عندي بنت تانية كنت حزوجك ياها مراد : هه عن اذنكم طلع مراد بكسرة خاطره ولحقته قمر لتهدي النار الشاعلة بقلبه *بآآك* كان رح ياكل نسمة بعيونه لوقت ما قالت : مرت اخي .. انا جاية احكي مع لايا بموضوع .. طلع من صفنته وتجلس قمر : لايا راحت عالمكتب نسومة شوي وبتجي .. نسمة : اه .. لكن خلص بروح انا وبعدين برجع.. وبعتت رسالة لعمران .. قمر : لك خليك قاعدة والله بتونس فيك مراد : لا اخت نسمة انت اقعدي انا رايح .. نسمة : لا مو مشان هيك .. انا بس .. يعني مراد : بدك شي اختي قمر : رح ودعك للباب .. ودعته قمر لمراد ونزل وفاتت هي قعدت حد نسمة : ولي نسمة .. بتحبيه نسمة : هاه؟ قمر : لمراد نسمة : اسمعي على هالحكي .. يوه .. قمر ضحكت : لا باين باين .. <<<<<<••>>>>>> بالمكتب عند لايا خلصت كل شي بدها تخلصه واخذت نظرة سريعة عالمكتب وقبل ما تطلع انفتح باب المكتب ودخل واحد م‌ـــِْن المحاميين اللي معها راجح~تفاجأ~:مسا الخير لايا~حملت اغراضها~:مسا النور أستاذ راجح راجح~تناول ملف عن مكتبه~:مروحة؟ لايا:اي و •اللّـہ‌‌ جيت بس لحتى زبط كم شغلة مشان بكرة راجح:بتحبي اوصلك بطريقي ؟ فكرت لايا شوي وقررت بالاخر توافق وحكت: اذا ما فيها غلبة استاذ راجح~ابتسم:تفضلي تفضلي.. طلعت لايا مع راجح…وطول الطريق ما حكو كلمتين وكانوا ملتزمين الصمت…لحد ما وصلوا ووقف راجح السيارة فتحت لايا الباب ونزلت و قبل ما تسكره حكت وهي راسمه عوجهها ابتسامة:شكرا كثير استاذ راجح راجح ~ابتسم:عفوا سكرت لايا الباب وكملت مشيها …وفي عيون بتراقبها بغيظ وعصبية …فجأة لقيت حدا مسكها م‌ـــِْن ايدها وجرها لاخر الحديقة لايا~بنفاذ صبر~:عمران اترك ايدي بلاش اكسرلك ايدك خلصني عمران:مين اللي وصلك؟ لايا:ما دخلك …بصفتك شو عم تسأل؟ عمران ~بصرخ:لاني بحبك فااهمة وهالشغل بدك تتركيه ما بقدر اشوفك كل يوم مع واحد.. سمعت لايا هالكلمة وكان في براسها عقل وطار ضربته كف وقالتله : بعمره ماحد حكى كلمة عن لايا الا وورجيته قيمته .. اذا بدك اضل محترمتك .. ابعد عني عمران .. عمران : بس انا بحبك لايا لايا : انتو ما بتحبوني للايا .. انتو بتحبو تتملكوا لايا وتكسروا راسها .. بس ما حزرتوا .. بعدين انت شو جابك لهون ؟ عمران : اجت خالتي نسمة لهون وانا رحت لعند محمود ابن خالي و بعتتلي رسالة مشان اجي رجعها وشفتك مع يلي ما بيتسمى .. لايا : والله .. ما بيتسمى .. هاد محامي من اشهر محاميين البلد .. بطيرك عالهفى اذا سمعك شو عم تحكي .. عمران قرب ومسك ايد لايا : ينزلني ع سابع ارض .. بشق الارض وبطلع مشانك .. نترت ايده ومشيت وابتسامة مرسومة ع وجهها ... <<<<<<••>>>>>> بشركة قاسم كان قاعد عم يتناقش هو وبراء مشان شغل الشركة لما فات عمران .. براء قلب وجهه وعمران ما اعاره اهتمامه .. عمران قرب وباس ايد جده وحطها عراسه : كيفك جدي ؟ قاسم : اهلين يا ولد عمران : هلأ انا ولد جدي 😒 قاسم : اي نعم ولد .. بعدك طايش وغير مسؤول .. قلتلك الف مرة رافق براء وتعلم منه وشوفه كيف بيشبهني .. كان ح يسب براء بس خطرت عباله فكرة ممكن تقربه من لايا : اي والله بصير جدي .. بس براء برافقني ؟ انت اسأله هالسؤال اله .. تطلع قاسم ب براء يلي سكت ومو عاجبه .. براء : جدي اذا ما بقي شي بدي روح.. قاسم : مبلى بدي .. بدي اياك تدير بالك على عمران وتنتبهلي عليه وتخليه يصير متلك براء هو وطالع : ان شاء الله جدي .. ان شاء الله .. <<<<<<••>>>>>>> ببيت عمار قاعد تيم مع علي بغرفته بضمدله بجروحه بسبب ضرب ابوه…وبستنى نوران تخلص ترتيب غرفته خلص علي وطلب منه تيم يطلع ويتركه لحاله شوي …طلع علي وبقي تيم لحاله تيم: طيب والحل؟…فكر يا تيم كيف رح ترجع لايا؟…مش لازم تروح لحدا غيرك فكر تفكير عميق وبعدها خطرت بباله فكرة…نادى نوران وجابتله تلفونه…طلب رقم واتصل…انتظر لسمع رد الطرف التاني …:الو <<<<<<••>>>>>> ببيت اسراء رجع عمران عالبيت .. فات وسكر الباب وراه هالهسي .. اسراء : بسم الله رعبتني عمران .. ليش فايت متل الحرامية عمران : امي وطي صوتك .. وين تاج؟ اسراء : عم تلبس رايحة لعند سيلين .. عمران : يا حبيبي اسراء : ليش شوفي؟ عمران : جبتلها الموبايل الجديد يلي بدها ياه اسراء : الله يرضى عليك .. يلا انا بدي اروح كمل الطبخة .. بس اسمع صراخ تاج بفهم عمران : شو بتفهمي .. اسراء : بفهم انه شافت الموبايل وعجبها عمران : ههههههههههه بنتك مجنونة والله اسراء : وابني مجنون لا تقلق .. مخلفة مجانين انا عمران : الله يسامحك ابتسمت اسراء وهي بترجع للمطبخ : الله يسامحنا جميعنا.. نزلت تاج من فوق هي وعم تحط موبايلها بالشنتة عمران .. اهلين اخي عمران : اهلين فيك اي انا وعدتك بشغلة وجبتلك ياها اعطاها الكيس وفتحته ولما شافت الآيفون صرخت وضمته ..: ياااااااااي يسلمو يسلمووو يسلمووو ضحك عمران ع شكلها : الله يسلمك .. انت كل مرة تعاليلي بخبر دسم وانا بجبلك هدية حلوة هيك تاج : اي تكرم لكن .. رايحة عند سيلين وبرجع مع الاخبار الطيبة ان شاء الله عمران : هههههههه انتبهي ع حالك تاج : تمام بااي عمران : باااي <<<<<<••>>>>>>> راحت تاج لعند سيلين وفتحلها خالها انور انور : يا هلا ببنت اخي تاج : كيفك خالو انور : مشتاقلك يا تاج راسي تاج : يخليلي اياك يا خالو، سيلين هون؟ انور : اي هون هههههه تاج : انا فايتة لعندا انور : سلمي عليها يبقى هههه تاج : هههههه بتؤمر _______ *انور* *55* سنة بيشتغل طبيب بمشفى العيلة.. طيب وحنون على ولاده وولاد اخوته ... والكل بيعتبروا ابوهم التاني ____ *ملك* *47* سنة زوجة انور درست طب وبتشغل معه تزوجها زواج تقليدي .... طيبة وحنونة عالكل ____ *سالي* *23* سنة .. بتدرس ادارة اعمال .. بتحب تدير كل اعمال البيت مع امها .. العقل المدبر .. ومكتبة تمشي على الأرض من كثر ثقافتها .. ما بتهتم بالموضات ووالشغلات الجديدة .. بتلبس وبتشتري يلي بريحها عكس سيلين، بتحب التراث والعصور الوسطى ____ *أمير* *20* آخر العنقود والمدلل .. بيدرس سنة تانية جامعة فرع احياء .. بحب اخواته كتير وحنون عليهم وشخصيته قوية وماله بشغل البنات ______ فاتت تاج لعند سيلين بدون ما تدق الباب تاج : سيلييينن سيلين : فضايل قل هو الله أحد شو هاد متل الارهاب يا و قعتيلي قلبي .. تاج طلعت تلفونها وبلشت تتمايزه قدام سيلين : شوفي شو جبلي عمران سيلين : واااو .. شو هاد يا يبنت بجنننن ولا ألوانه تاج : خيااالل 😍 فاتت سالي عالغرفة بعد ما دقت الباب .. قربت منهن وهن ماسكين الهاتف عم يشوفوه .. سالي.: كيفك تاج تاج : مشتاقتلك لك ضرسانة وين هالغيبة سالي : والله بالدراسة تاج : الله يوفقك يا روحي سالي اشرت عالهاتف : جديد؟ تاج : 🥰😍 اي سالي : اممم .. الوانه فاقعة كتير .. تلات كاميرات كتار عليه الكفر مبشعه .. تاج : والله سيلين : لك لا تردي عليها هي لسا حاملة نوكيا ابو شحاطة تاج : هههههههههه سالي : احم احم تاج وسيلين :🤫🤭 سالي : اجيت احكيلكم انه الغدا حضرته مشان تجو تاكلوا... تاج : اي اي انا جوعانة سالي : تفضلي سيلين : ليش انت ايمتا بتشبعي الكل : هههههههههه #للرواية_بقية #بقلم_شامة_ويمنى_عفيف