Nikah Ke Baad Chuare (Suki Khajur) Lutana Kesa ? SAWAL:- Assalamu Alaikum Wa Rahmatullah Wa Barkathu Hazrat Mera Sawal Hai Ki Shadi Me Nikah Ke Bad Chuaare Lutana Ya Lutna Kaisa Hai Rehnumai Farmaye JAWAB:- Nikah Ke Baad Chhuhare (Suki Khajur/Kharek) Lutana Mustahab He. Sarkar Aala Hazrat Alaihir Rahmato Ridwan Nikah Ke Baad Chhuhare Lutne Ya Lutane Ke Ta'alluq Se Farmate Hai, Hadees Shareef Me Lutne Ka Hukm He or Lutaane Me Bhi Harj Nahiñ. Ye Hadees Daar Qutni W Bayhaqi W Tahtaawi Se Marwi He. 》(Ahkame Shariyat, S-232, Nizamiyah Kitab Ghar Lahor) 》(Al-Malfooz, H-3, S-261) Isi Tarah Hazrat Allama Abdul Haq Muhaddise Dahelwi Alaihir Rahma Tahreer Farmate Hai, Huzur ﷺ Ne Ek Tabaaq Khajuroñ Ka Liya or Jama'ate Sahaba Par Bikher Kar Lutaya, Isi Bina Par Fuqha Ki Ek Jama'at Kahti He Ki Shakar W Badaam Wagairah Ka Bikher Kar Lutana Aqde Nikah Ki Ziyafat Me Mustahab He. 》(Madarijun Nabuwwah, J-2, S-109) Chhuhare Halqe Hath Se Lutana Ki Kisi Ko Lage Nahiñ Mustahab He, Haañ Jahañ Maal Zaaye'a Hone Ka Qawi Andesha Ho Wahañ Lutaane Ki Ijazat Nahiñ He. Albatta Agar Masjid Me Ya Aysi Jagah Nikah Kare Jahañ Maal Zaaye'a Hone Ka Andesha Na Ho to Luta Sakte Hai Koi Harj Nahiñ. Wallahu Ta'ala Aa'alam Bis-sawab