*Bangziak a Kuki te'n hichibang thu zuau hon thehtha'ng uh hiam chih na ngaihtuah ngei hia?* Bangziak a KNA-B te' Burma a Meitei helpawl te toh a buai ua leh United Tribals Volunteer (UTV), a sisa, Kuki Chiefs Association zang a UTV a sih sak sa uh, Kuki-Zo Village Volunteer (KZVV) chia a khek uh hon ging non hi hiam? Tua bangziak a PV ging nawn zel? UTV te Kachin ah tamtak va training ua, Kachin Independent Army (KIA) te'n ana hentang ua, amau khutzat (mercenery) di'n ana zang ua, Bhamo, Kachin State (China border toh kinai) ah leng KNA-B te tamtak va si uh hi. KIA te China leh India kikal ah diplomacy siamtak in play ua, Meitei helpawl te leh Junta te China te'n panpih uh ahihziakin Min Thar leh a sehvel, Sagaing Division a om, Myanmar ah Meitei helpawl te Kachin te'n va kap utlou uh a, amau tang in KNA-B khutzat in nei uh hi. Phualpi sawrkar in ei singtangmi te sang in Meitei helpawl te haw zaw leh lauh huai sa zo ahihman in KIA te thilhih in phualpi sawrkar naktak in kipaksak hi. Himahleh UTV cadre te kikaptuahna a ana pang uh leh KNA-B a si te lak ah aadhar card leh a dangdang te muhsuah a aom chiang in Meitei te'n naktak in phualpi sawrkar nawk uh a, KNA-B te khutzat in na zang uh chi in ngohna bawl uh hi, KNA-B te Manipur a non lut kik sak nonlouh ding uh ahi, non lutsak ngeingei uh leh Manipur buai semsem ding ahi chi in khauhtak in phualpi sawrkar nawk uh hi. Hiai ngetnate za in phualpi sawrkar in India leh Myanmar gamgi khauh zo sem in enkai hi. Huai kia hilou in UTV heutute kua te ahi ua, kua phuh khiat, bangchidan a Myanmar va tung thei uh chih enzui uh hi. Bangziak a UTV, a sisa, KZVV a kikhek pen ging nawn hiam i chihleh Kuki te policy ahi a, amau mat a om khak lauhna ziak leh responsibility a lak utlouh ziak un UTV phutkhetu ITLF te pum ngoh in ngoh maimah uhi. ITLF minsiat na teng a khuk ua responsibility a lak uh ngai maimah leh kilawm. UTV phutkhe tu te bang leng Meitei te X account (formerly called twitter) ah tuang maimah. Chihleh bangziak a PV ging nawn? Kuki te transborder terrorism ki expose khe ta, Kachin a va training uh ahi chih leng proof tamtak om, drugs hi in galvan hitaleh proof tamtak omta. Myanmar toh kizom a Manipur a buaina bawl uh (transnational terrorism) chih proof tamtak om, a tung thu uh NIA te'n a theihlouh kal ua suisui uh chih theih ahi. Huaiziak tak in attention divert na ding leh amau kia awk lou a midang le awk sak tum in PV (a sisa, suk bei sa) bang hon ging sak non maimah uhi. Amau kia awk lou a mi teng suk buai sawm ahi uh chih leng kilang mahmah hi. May 3, 2023 a kua te'n Anglo-Kuki War gate va hal? Kua te'n whatsapp leh socialmedia tuamtuam zang a propoganda bawl a Paite te hon kailut? Mahni buaina bawl mah a lungsim chalak a midang te kaihlut, thang a awk sak sawm kua te? Hai hun hi nonlou. PV te min a suk ging nawn uh, Kachin a training uh ahi chi a thu zuau a thehtha'ng uh mihai hihdi theilou gamtat hilou ahi. Pil hunta! *BTT* 🔴🟡🟢 https://whatsapp.com/channel/0029VaYCqe71yT229xZ6f42y