س/ إيه معنى حديث النبي ﷺ "مَن قَامَ رَمَضَانَ إيمَانًا واحْتِسَابًا، غُفِرَ له ما تَقَدَّمَ مِن ذَنْبِهِ" ؟؟ ج/ معناه إن اللي يقوم رمضان سواء بصلاة التروايح او التهجد أو غيرها ...طووول شهر رمضان *وهو مصدق وعد الله وطمعان في الأجر والثواب منه سبحانه* ...يغفر ليه كل الذنوب اللي فاتت ويطلع من رمضان بورقة بيضاء مافيهاش أي ذنوب قديمة ***** س/ طيب ازاي البنات يدخلوا في الحديث ده وهم هيقعدوا أيام الحيض من غير صلاة تراويح أو قيام ؟؟ ج/ البنات اللي اتمنعت من القيام بسبب الحيض ... _مهم تعرفي اننا متعبدين بالاستسلام لأوامر الله ..هو قالك تصومي سمعنا وأطعنا ، قالك افطري سمعنا وأطعنا _*تاني حاجه معنى القيام معنى واسع يدخل فيه طاعات كتير تقدري تعمليها في فترة الحيض* ...تقدري تقرأي قرآن من موبايل أو تمسكي المصحف بحائل وتقدري تدعي وتستغفري وتقضي الليل كله عباده _تالت حاجه بفكرك بحديث النبيﷺ : "إذَا مَرِضَ العَبْدُ، أوْ سَافَرَ، كُتِبَ له مِثْلُ ما كانَ يَعْمَلُ مُقِيمًا صَحِيحًا.". الحديث ده في اللي منعه المرض أو السفر ...فتخيلي أجر اللي منعها استسلامها لأمر ربها هيكون ازاي كل اللي عليكي ... ماتضيعيش ولا ليلة من ليالي الشهر ده في طاعة وعبادة وانتظري أجرك من الشكور سبحانه #فتاوى_رمضانية #رسايل_رمضان