Ref.No.: 003/2025/PDDC-I&P Date: 19/02/2025 Ngampabung Village, Vangai Range, Pherzawl District *Press Statement* Pherzawl district sûnga pawl hrang hrang hai hmalâkna le mipui thlawpna zarin Pherzawl district chuh inruithei chîngna le siemna in hmun a chang ngai naw a. Sawrkar record hrang hranga hai khawm ‘Poppy cultivation’ um nawna district a hriet ani hlak. District hmasâwn le changkang ni naw sien khawm district thienghlima ngai ani leiin a sûnga chêng mipui hai khawm ei lawm hle hlak. Manipur-ah Meitei hai le Kuki-Zomi-Hmar hai kârah buoina a suok hnung, tulai hnai el khan Pherzawl District sûnga khuo pakhatah mi ṭhenkhatin ‘ganja’ tlâwmte an lo chîng a, sawrkarin hung suksie nghal sien khawm Pherzawl district hming a suksiet leiin pawi ei ti takzet a nih. Thil chite leia district pumpui hmingsiet hi thil pawi tak a nih. Tuta inthawk chuh hieng ang inrui thei thil hrim hrim hi Pherzawl district sûngah mi tu el khawma chîng ta ngai lo dingin PDDC-in a ngen a. District sûnga pawl hrang hrang haiin hieng ang hi tu khawma thaw nawk ta ngai lo dinga hma la seng dingin PDDC chun a ngen nghal bawk a nih. Hieng ang lo thaw nawk an um a, PDDC le pawl hrang hrang haiin hma an lakna kawngah kut thlâk (action) lâk a lo um pal ani khawma a thawtu mimal in hnam thila lâk thei ni naw nih. Issued by- Mr. John Lalrawnum Secretary I&P-PDDC Hello#:9015041095 PHERZAWL DISTRICT DEVELOPMENT COMMITTEE (PDDC) DISTRICT HEADQUARTERS: PHERZAWL, MANIPUR, INDIA.