٦ نصائح للستات والبنات في رمضان ١- للستات والبنات اللي رايحين يصلوا التراويح في المسجد بلاش علبة الكيك وصنية الكنافة مش لازم تأكلوا بين الصلوات عارفين إنك شاطرة ٢- مفيش حاجة اسمها محجوز متحطيش الشنطة جنبك وتبرقي للبنات وتقولي محجوز وتستني جارتك علي بال ما تخلص مواعين ٣- بطلي تبحلقي في البنات وتدوري لابنك علي عروسة وتنادي عليهم بصوت عالي ٤- روج وكحل واحمر خدود وانت رايحة تصلي، ليه؟ يارب الإمام يخشع في الدعاء وتعيطي والكحل يسيح ٥-البرفان بلاش منه وعلي فكرة مفيش واحد هيشمه هيقوم يحبك فجأة ويجري وراك وانت طالعة من المسجد عشان يخطبك من بابا ٦- في السجود ادعي في سرك المسجد كله عرف أن ركبك بتوجعك وزوج اختك ضربها بالقلم وإنت بتدعي عليه..