*_ࢪ໑ايـة روايه رغبة_قاتل`💀📓⦔_* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏_*⚘اࢦــمــص۪ــدࢪ : ⋕ ⦉ 𝒂 𝒛 𝒓 𝒂 𝒆 𝒍 𝒕 𝒊 𝒎 𝒆 𓋜💀 ⤹.•*_ *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *_⤸اࢦـڪـاتـبُـ/ عمار ألمزعج 📓🖤_* *╌ᰲ┄ׅ╍╌ᰲ┄ׅ╍╌ᰲ┄ׅ╍╌ᰲ┄ׅׅ╍╌ᰲ╌ׅ╌ᰲ┄ׅ* *~_اࢦـࢪابُـطِ اࢦـخـاص۪🖤📓_~* `https://whatsapp.com/channel/0029VabYSrY9RZAU9rLPQY2h الجزء الاول المرض النفسي اشد صعوبه من المرض العضوي، حاجه البعض مش مقتنع بيها، في ناس مش مصدقه ان المرض النفسي ممكن يوصل للقتل وبأساليب بشعه.. ويمكن في الفتره الاخيره انتشرت جرائم القتل تحت مسمى المرض النفسي ورغم كده الا ان هناك البعض ما زال يشكك في خطوره الوضع .... وصلت موقع الحادث متاخر المره دي، الدنيا كانت زحمه رغم ان الراجل ده مقتول في منطقه صحراويه.. نزلت من العربيه واتقدمت ناحيه الجثه جثه لراجل في الاربعين من عمره مقتول بطعنة نافذه في منطقه القلب وعلى وشه اثار لضرب.. واضح انه تعرض لاعتداء قبل القتل ومن الحاجات اللي كانت جنبه كانت محفظه مفيهاش غير بطاقه ورخصه قياده ورخصه عربيه واضح ان القاتل قتله وبعد كده سرق كل حاجه الفلوس والعربيه والتليفون... وبعد ساعات لقينا العربيه على بعد 100 كيلو من الحادث طلعت منديل من جيبي وفتحت باب العربيه ولقيت ... #رغبة_قاتل #الجزءالأول دي اول مره امسك قضيه وتحفظ ضد مجهول، القضيه دي كانت هتكون السبب في ترقيتي، كنت هبقى المقدم عادل عبد الرحمن ولكن للقدر راي اخر سندت راسي على الحيطه اللي ورايا وانا بفتكر تفاصيل الجريمه، لما جالنا بلاغ عن شخص مقتول على طريق صحراوي، وطبعا القوه اتحركت على هناك وانا اتحركت وراهم وصلت موقع الحادث متاخر المره دي، الدنيا كانت زحمه رغم ان الراجل ده مقتول في منطقه صحراويه.. نزلت من العربيه واتقدمت ناحيه الجثه جثه لراجل في الاربعين من عمره مقتول بطعنة نافذه في منطقه القلب وعلى وشه اثار لضرب.. واضح انه تعرض لاعتداء قبل القتل ومن الحاجات اللي كانت جنبه كانت محفظه مفيهاش غير بطاقه ورخصه قياده ورخصه عربيه واضح ان القاتل قتله وبعد كده سرق كل حاجه الفلوس والعربيه والتليفون... وبعد ساعات لقينا العربيه على بعد 100 كيلو من الحادث طلعت منديل من جيبي وفتحت باب العربيه ولقيت العربيه فاضيه تماماً، اتنقلت الجثه على المشرحه وبدات رجاله المعمل الجنائي تشوف شغلها اترفعت البصمات من على العربيه ومن على الجثه ولكن النتيجه كانت صفر، البصمات اللي على العربيه كانت بصمات المجني عليه ومفيش اي بصمات تخص الجاني، واضح ان اللي عمل كده كان لابس جوانتي وكان حريص في كل تفصيله، بس السؤال هنا لما هو غرضه السرقه ليه ساب العربيه بعد ما سرقها؟.. هل خاف انه يتجاب بسهوله فكتفى بسرقه الفلوس والتليفون ولا في سبب تانى؟ بعد تحقيقات استمرت شهر ونص، اتقفلت القضيه واتحفظت ضد مجهول.. وبسبب ده دخلت في حاله اكتئاب شديده لاني خلاص كنت على وشك الترقيه عقلي كان بيلاعبني وبيحسسني اني فاشل، لكن دايما كنت بحاول اخرج نفسي من الحاله دي بالشغل ودوشه البيت لحد ما حصلت حاجه قلبت كل الموازين.. جالنا بلاغ جديد من شقه في عماره في منطقه المعادي واللي بلغ بيقول ان في صوت صراخ عالي جداً طالع من عياده دكتور معتصم محمود الدكتور النفسي انا اعرف الدكتور ده كويس ده صديق شخصي ليا، اتحركنا على مكان البلاغ ولقينا الجيران متجمعين قدام عياده الدكتور معتصم.. طلبت من الناس تبعد وكسرنا الباب لما دخلت صوت الصراخات اختفى.. ومبقتش سامع اي حاجه العياده كانت عباره عن مكتب استقبال، ومكتب الدكتور معتصم محمود واوضة تالتة مقفولة مكتب الاستقبال مكنش عليه حد، وده طبيعي جداً لان الساعه دلوقتي 2 صباحا.. طلعت منديل من جيبي وفتحت بيه مكتب الدكتور معتصم ولقيت الدكتور معتصم مقتول بطعنة في منطقة القلب وجسمه موجود على كرسي المكتب.. على طول بلغت المعمل الجنائي والنيابه عن جريمه القتل.. كنت حزين جداً على الدكتور معتصم، هو كان من اعز اصدقائي اتجمعت كل الادله اللي في المكان.. وطبعا اي دكتور نفسي بيكون محتفظ بتسجيلات للمرضى سواء ورقي او صوتي وكل التسجيلات دي تم التحفظ عليها.. اتنقلت الجثه للمشرحه واترفعت البصمات من المكان.. ولكن لسه لحد دلوقتي مش قادر احدد سبب الصرخات اللي كنت سامعها وانا على الباب واللي اختفت بمجرد دخولي العياده لكن اكيد مش هقف عند النقطه دي.. خرجت من العياده ورجعت على المكتب.. كنت منتظر تقرير الطب الشرعي وعاوز اعرف البصمات اللي موجوده في العياده وكمان طلبت فحص الادله اللي كانت موجوده في العياده واللي كان موجود تليفون المجني عليه.. الا لما فتحته لقيت مفأجاة في رساله على الواتس مبعوتالى من الدكتور معتصم ونص الرساله كان بيقول« عادل انا لازم اقابلك بسرعه في حاجه مهمه لازم تعرفها» الرساله كانت مبعوته من اربع ساعات ومن سوء الحظ انا مفتحتش نت النهارده خالص وعشان كده مشفتش الرساله، ربنا يرحمك يا معتصم وبعد ما سبت التليفون من ايدي.. بدأت افحص باقي المحتويات كانت عباره عن اجندات واسطوانات مدمجه .. لحد ما وصلت لاجنده مكتوب عليها الدكتور معتصم محمود، لما فتحت الاجنده دي لقيت مكتوب حاجه اشبه بالمذكرات.. ولكن كانت باللغه الانجليزيه وده شيء عادي عشان معتصم اصلا كان بيدرس الطب النفسي في امريكا قلبت شويه في الصفحات لحد ما وصلت لصفحه مكتوب عليها مصر2019 واول ما قلبت الصفحه لقيت مكتوب التالى « انا مش عارف ابدأ منين.. كنت متعود اكتب مذكراتي وانا في امريكا، ولما جيت مصر بطلت بسبب انشغالي بالحياه العمليه.. فتحت العياده الخاصه بيا عشان ابدأ اتابع الحالات.. لكن قابلت في البدايه بعض المواقف المضحكه واللي كانت بتتلخص ان في ناس كانت بتيجي عندي وكانت فاكراني دكتور باطنه.. يعني كذا مريض كان يجي ويقولى بطني وجعاني وعاوز علاج.. ولما كنت اشرحله اني دكتور نفسي كان يقول عليا مش بفهم وبيسيبني ويمشي قابلت ده كتير.. بس كنت بقابل ده بضحك يحمل الحزن على الجهل اللي احنا فيه وان لسه في ناس مش مقتنعه اصلا بالطب النفسي، بس بعد ما سمعت حاله واتنين وتلاتة قررت اني هستخدم طريقه في العلاج حديثه شويه بيستخدموها في امريكا.. الطريقه دي بتخلي المريض يحكي كل حاجه مخبيها حتى لو كانت مصيبه توديه في 60 داهيه بيحكيها ودي بتكون عن طريق موسيقى فيها ذبذبات بتضغط على العقل وبتخليه يطلع كل المخزون اللي عنده وكل المستخبي.. وقررت اني اطبقها بسبب ان المرضى اللي بتيجي عندي 90% منهم بيخبوا بعض الحاجات في حكايتهم والله اعلم بالاسباب.. بس عشان اعمل كده قررت اني هروح احضر محاضرات خاصه لاساتذه الطب النفسي في مصر واعرض الفكره يمكن اقدر اساعد في حل المشاكل النفسيه.. ولكن للاسف لما عرضت الفكره الكل قابلها بضحك وسخريه واستخفاف.. وقتها رد عليا دكتور اسمه هشام وقال : الطريقه دي انت بتقول انها نجحت في امريكا، نجحت هناك بسبب الثقافات المختلفه تماماً عن هنا.. وكمان اختلاف الامراض النفسيه يعني هنا هتلاقي المرضى النفسيين موجودين بكثره وبامراض نفسيه متنوعه مش موجوده في امريكا .... ماخدتش بكلامه.. وخرجت وقتها من المحاضره دي وانا واخد قراري اني هنفذ الطريقه انا بنفسي.. ويا ريتني سمعت الكلام العياده كانت اوضتين وصاله.. قررت اخلي اوضه معينه لجلسات الموسيقى وتكون منعزله تماماً عن العالم الخارجي، وعشان كده جبت نقاش وطلبت منه يدهنها بلاستيك عازل للصوت وجهزت الاوضه لاستقبال الحالات.. لكن للاسف النتيجه كانت كارثيه والبدايه كانت مع مروه.. مروه اللي عندها عقده من الرجاله وبترفض اي عريس يتقدملها ومش كده وبس ده لو حد حاول يتكلم معاها بتشتموا بافظع الالفاظ وممكن كمان تمد ايدها عليه طلبت منها تدخل الاوضه دي.. وشغلت موسيقى هاديه وبدات اسالها شويه اسئله كانت دايما بتهرب منهم لكن الموضوع اتقلب عليا بطريقه مش متوقعه» .... وقبل ما اكمل المكتوب لقيت مكتوب بين قوسين الحكايه في التسجيل الخاص بالحاله بدأت اقلب في الاسطوانات اللي كان مكتوب عليها اسامي المرضى لحد ما وصلت لاسطوانه مكتوب عليها مروه طلبت من الملازم سعيد اللي شغال معايا، لاب توب بسرعه خرج وبعد 10 دقايق رجع ومعاه اللاب توب حطيت في الاسطوانه وبدأت اسمع ***** معتصم: ها يا مروه لسه مش عايزه تقولي مخبيه ايه عليا؟.. انا لسه مصمم ان في سبب مخليكي كارهه الرجاله اوي كده ومش عاوزه تتجوزي ولا عايزه حد يكلمك.. ويا ريت تحكيلي السبب ده عشان اعرف اساعدك مروه: ايوه.. انا فعلا مخبيه حاجه.. بس مش عارفه احكي ازاي؟.. مش عارفه الرفض اللي جوايا ده كسوف من اللي هحكيه ولا ايه بالظبط كنت زي اي طفله في الدنيا.. عاوزه تلعب مع البنات في الشارع وترجع تلاقي امها محضره الغدا ويقعدوا على السفره في حضور ابوها لكن للاسف.. ابويا دايما في شغله اللي مش بيرجع منه غير متاخر، وكنت بشوفه بالصدفه.. اما امي فكانت كانت... لا لا مش قادره اكمل معتصم: كملي يا مروه، كملي عشان اعرف اساعدك مروه: كانت بتخون ابويا.. انا فاكره يومها لما رجعت البيت بدري من اللعب مع العيال في الشارع، وشوفتها في الاوضه مع واحد غريب كنت صغيره ومش فاهمه بس لما كبرت فهمت ويا ريت على كده وبس، ده لما وصل سني 15 سنه شوفت اكتر حاجه بشعه شوفتها في حياتي شوفت شوفت امي وعشيقها وهما بيقتلوا ابويا.. مكنتش مصدقه انا كنت عايشه مع مجرمه خاينه.. مشهد قتل ابويا قدامي ما راحش عن بالي وفي يوم قررت اخد حقه.. استغلت ان هي وعشيقها في الاوضه وولعت في البيت وقفلت عليهم من بره وهربت، هربت وجيت هنا على القاهره غيرت اسمي وعشت باسم تاني.. وعشان كده انا عاوزه افضل لوحدي لحد ما اموت ... ولحد هنا الاسطوانه كانت خلصت، رجعت تاني بصيت للمذكرات عشان اكمل « بعد ما سمعت حكايه مروه تحت تاثير الذبذبات، اتعاطفت جداً معاها ورغم انها قتلت الا اني شوفتها ضحيه للخيانه.. بس بعد ما خرجت من الاوضه، مكنتش فاكره اي حاجه.. وانا سكت لكن بعد ما مروه مشيت.. رجعت دخلت الاوضه عشان اخد التسجيل، وقبل ما اولع نور الاوضه.. شوفت اللي خلاني اتجمدت مكاني.. كان في ناس بتتحرك جوه الاوضه، حاجه اشبه بظلال ولعت نور الاوضه ملقيتش حاجه رجعت قفلته وقفلت الباب.. ولسه هرجع على مكتبي سمعت صوت الاوكره بتتحرك من جوه ولما بصيت عليها اتاكدت.. استعذت بالله من الشيطان الرجيم وقربت من باب الاوضه وفتحته وقتها سمعت صرخه طالعه من الاوضه.. فرجعت قفلت الباب بسرعه وانا باخد نفسي بالعافيه لكن اللي زود الطينه بله.. ان النور قطع وقتها سمعت باب الاوضه وهو بيتفتح لوحده.. واضطريت ابص ورايا وياريتني ما بصيت... يتبع الجزء الثاني .... تفاعل وتشجيع ...