*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *الحب.المفروض🤎* *❴🔢❵☟الـــبـــــــــــ❴4️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ #الجزء_الرابع ا بس ابعد وسالنا وقالولي عنا الاناث والذكور بنفس الوقت لانو جامعنا كبير وكل قسم فيه لفئة فرحت كتير وخاصة انو الدوام بنفس وقت الدورة سجلت وصرت اعرف اعمل كيك طيب وصرت انزل انا وولادي على السوق ونجيب اشكال للكيك سوا وانواع زينة وكانو فرحانين كتير خلصت الدورة وكنت مستمتعة فيها كتير وصرت اعمل اشكال كتير حلوة عملت صفحة على الفيس وصرت نزل صور الكيك وكان تجي عليهن تعليقات كتير حلوة لمرة لقيت بنت حماي حنان باعتلي على الخاص لك هبة هي صفحتك مو والله عرفتك حسيت انها الك هل الصفحة رديت عليها وقلتلها ايه قلي حنان عن جد هاد شغلك والله برافو عليكي هبة شكرا ايه شغلي حنان بكرا جاية اشرب عندك قهوة هبة اهلا وسهلا حنان الوحيدة يلي كانت تطل علي وعلى ولادي هي معلمة مدرسة ولطيفة استقبلتها تاني يوم وقعدنا عم نشرب القهوة حكتلي انو عمي ومرت عمي كتير مشتاقيلي وهنن خجلانين مني بعد يلي صار وهنن مو رضيانين ابدا عن ميار وحتى عمي تعبان بلاه بالشغل وصار في لخبطة كتير بعد ماميار ترك لانو عمي من زمان كان تارك ادارة كل شي لالو زعلت على عمي يلي صار رجال كبير وحقوا يرتاح وانا عم فكر حنان قاطعتني هبة شو قصة قوالب الكيك يلي عم تنزلي صورتها هبة :حبيتيها حنان :حلويين كتير هبة :لكن استني لدوقك واحد شوفي هي القالب مبارح ساويته حنان شكله كتير حلو هبة :والطعمة كيف حنان :هلاء الصراحة كتير لذيذ نكهتو كتير مميزة هبة :انا سجلت من فترة دورة كيك وصرت نزل على الصفحة شغلي حنان بس كأني شفتهن عم يوصوكي هبة صح بس مالي عرفانة في صعوبة بالموضوع حنان : بس انتي لازمك مصاري عم ينقصك شي هبة لا مو هيك بس انا حابة اعمل شي لالي حس فيه اني مأنجزة شي حنان طيب شوفي شو ناقصك وانا بأمنلك ومشان التوصيل انا بعرف شوفير تكسي كتير محترم اسمو ابو محسن بيصير بياخد منك الطلبيات وبنعملوا نسبة قليلة هبة عن جد عم تحكي يعني انتي حتساعديني حنان :ايه رح ساعدك وكون معك وقت وحدة بتوصيكي اعطيها رقم التليفون واتفقي معها ووقت التوصيل ابو محسن بيوصل وبياخد اجار الطريق من الزبونة ومع يلي بدنا نعطي ياهن بيصير ممتاز هبة : خلص اتفقنا وبلشنا مشروعنا يلي الله كتبله النجاح والناس كانو مبسوطين من الشكل ومن الطعم المميز وزادت الطلبات انا كنت سعيدة وفرحانه انو صار الي شغلي وولادي كانوا فرحانين ويساعدوني بهل الفترة ماكان هاممني غير عمر يلي كان مبين عليه علامات التمرد وعل طول مشاكل مع اخواته يلي عامل عليهن انا الصبي وانا رجال وانتو مالازم حدا يحاكيني كنت على طول قرب منو وحاول فهمه انو هاد التفكير غلط وانو الرجولة انك تكون مسؤول عنا مو العكس الرجال بحنيته ولهفته على اخواته يلي انت حتكبر وتكون الهن ضهر وسند وصدر حنون يلتجؤله : قرب عيد ميلاد لعمر وحبيت اعملوا حفلة مفاجئة وخبرت الكل من اهلي وبيت عمي وهي فرصة نجتمع وننسى بالاخر هنن ماذنبهن زبطت انا وحنان كل الترتيبات واتفقت مع اخي ياخد عمر معو بيوم الحفلة حتى مايحس عل شي وحتى عزمت رفقات عمر وامهاتهن وهيك جهزنا لحفلة كتير حلوة وكبيرة بالليل قبل الحفلة كنت عم زبط وجهز وبلشت طلع صور عمر القديمة كنت حابة اعمل فيها زينة من مدخل البيت للصالون حط صوره بالترتيب من هو وبيبي وانا عم قلب بالصور وقعت بايدي صورة وانا حاملتو بالمشفى كان ميار معنا بالصوره حاطط ايدوا على شعري صفنت بالصورة ودمعت عيني وقفت عل المراية وفردت شعري الطويل كان على طول يحبو مفرود ومايقبل قص منو مابعرف ليه صرت ابكي كأنوا الجرح يلي بقلبي لسه مفتوح بس هو خلص طلع من حياتي مسكت مقص كان قدامي وبلشت قص شعري ومع كل خصلة عم توقع كنت عم اتحرر كأني عم قلوا خلص انا طلعت منك خلص انت معت تهمني بشي تاني يوم رحت عندالكوافيرة ركزت قصت شعري ولبست فستان دهبي اتطلعت على حالي يالله شو تغيرت بس هيك أحلى لانو انا هيك بدي كنت حابة افرح وانسى كل شي بهل الحفلة حنان وقت شافتني واو شو عامل بحالك هبة كيف حلو حنان بيجنن والله طالعة كتيرر حلوة هبة هههه بالحفلة الكل كان فيها مبسوط وعمر كان طاير من الفرحة ومبسوط وعم ينطوط من سعادتو وفرحتوا وخاصة انو رفقاتو بالحفلة وعم يرقص هو وياهن على غنية (شاطر ...شاطر ) (وعيد ميلاد الليلة دي عيد ميلاد النونة ) وقبل ماننفخ الشمع ونقطع الكاتو اجت حنان سألتني انو ابي وعمي حابين يطلعوا ويشاركونا اضحكت وقلتلها ايه عادي هلاء بقلهن يتحجبوا وطلعيهن راحت حنان تندهلون وقت طلعوا كنا مجتمعين حولين الطاولة ومخففين الاضوية وعم نستناهن فات ابي بالاول وبعده عمي وبتفاجأ بميار وراهن ميار شو جابو ليش رجع يالله شو كان مبين مرتاح كان متغير كتير كانت السعادة مبينة على وجه بس انا معت اعرف شو اعمل انا ماكان بدي شوفه ولا بدي اسمع صوته شلون بيتجرأ يجي كان حامل هدية بايده وجايه عم يبتسم ركض عمر ونور ولمى عليه بابا ....بابا صار يبوس ا لولاد ويعايد عمر وعطاه الهدية كنت وا قفة والكل عم يتطلع علي شو ردة فعلي حسيت حالي محاصرة بدي ابكي بدي صرخ مو عرفانة شو اعمل رفقات عمر مابيعرفوا انو نحنا مطلقين ومالي حابة يعرفوا بهل الطريقة شديت على حالي وقلت ببسمة انت اجيب كنا عم نستناك لنطفي الشمع ميار :ايه يلا مشان نغنيلوا لعمورة حمل عمر ووقف فيه حولين الطاولة غنينا لعمر وطفا الشموع وقطعنا الكاتو ركضت على المطبخ بحجة غسل ايدي وقفت على المغسلة وانهرت ابكي لحقتني حنان وضمتني خلص مشان الله لا تعملي هيك بحالك خلص حبيبتي امانة لا تبكي ليكي نزعتي مكياجك اتطلعت فيها ليش ماقلتيلي جاية ليش هيك عملتي معي حنان والله مابعرف انو بدو يطلع هو اجى يتطمن على ابي وموعرفان انو في حفلة تركتهن وهو عم يقول لابي انا قررت طريق حياتي ومعت ارجع عنو والله انا متلك استغربت ليش طلع صفنت بحكيها واتذكرت نظرتوا لالي كانت فيها استهزاء لا مبالاة يمكن فكرني مغيرة بحالي مشانو يمكن فكر اني انا يلي طلبت منهن يخلوه يطلع يالله اديش حسيت حالي مقهورة ليش كل مابقول اني خلص طويت صفحة حياتي معو بترجع بتنفتح حنان :خلص هبوش تعي نطلع مشان الصغار هبة اطلعي انتي وانا بعدين بلحقك حطيت راسي عل طاولة المطبخ وصفت بس خلص انا معت ضعيفة ومابقا يهمني رأيو فيني هو خلص صار على هامش حياتي ولازم اتعود على لحظات نضطر نجتمع فيها مع ولادنا وقفت وانا عم قول مارح اسمحلوا ينزعلي فرحتي بحفلة ابني ناديت لحنان وقلتلها قولي انو طالع اخوكي مؤيد حتى البس حجابي قالتلي ليش بدك تتحجبي هبة شو نسيتي اني مطلقة منو بس رفقات عمر وامهاتهن مابيعرفوا لهيك احكي انو اخوكي طالع حجة الي لالبس طيب يلا رايحة وانا فايته على غرفتي البس لبست وكملت الحفلة مع ولادي ميار كان قاعد وانا مو عاطيتوا اي اهمية لقيته استأذن ومشي كملنا الحفلة انا وولادي وكملنا حياتنا بعدها شغلي كان عم يزيد والطلبات على شغلي عم تكتر ليوم دفت علي وحدة وطلبت مني تلت قوالب بنفس الوقت أعتذرت منها لانها صعبة علي ترجتني وقالتلي عندي حفلة وناس مهمة وعندي ثقة بشغلك وافقت وكان تحدي بالنسبة إلى اعمل هل الكمية بنهار واحد وبغراض بيت بسيطة خلصتهن ودقت لعمو ابو محسن يوصلهن وكانو بيجننو يعني عن جد انا تعبت كتير فيهن بس نجحت بتحدي حالي واقدرت بعد نص ساعة بتدقلي الزبونة وكانت عم تصرخ وتعيط وتقلي القوالب منزوعة وزينتها سايخة ومكسرة وشلون بحطها بهيك موقف قدام ضيوفها انا استغربت وانقهرت حلفتلها القوالب طلعوا من عندي زابطين وبيجننو ماصدقت وضلت تحكي وتبهدل بس سكرت معها صرت ابكي وانا زعلانة من هل الموقف يلي انحطيت فيه اكيد التكسي تبع عمو ابو محسن ماوسعت تلت قوالب كبار وبالظاهر من كتر الحركة بالطريق منزوعين مسكت تليفوني وبعتلها صور القوالب على الموبايل وقلتلها هيك طلعوا من عندي وانا بعتذر منك وحق القوالب رح يرجعلك وحقك علينا تاني يوم دقتلي وكانت هادية قالتلي عن جد هي الصورة يلي بعتيها لهدول القوالب حلفتلها وقلتلها يمكن الغلط بالطريق صار قالتلي خلص حصل خير لان الكل انبسط بالطعم وعجبو كتير انا اسمي راميا و حابة اتعرف عليكي واعتذر منك على عصبيتي معك هبة خلص عادي فيكي تتفضلي لعندي وبالفعل اتعرفنا انا راميا على بعض وكانت على الواقع كتير لطيفة بعد سنة ميار رجع استلم الشغل تبع عمي وصار يجي لعند اهله كل فترة ينزلوا الولاد لعنده ويقعدوا معو بيني وبينو ماكان في اي اتصال الا نادر راميا ضلت رفيقتي وصارت قريبة مني وبيوم اجت لعندي واقترحت علي مشروع افتحوا انا وياها هي كانت اخدة ورثتها من اهلها وقالتلي نتشارك ونفتح انا وياها محل حلو رح يكون بادارتها وشغلي وحنجيب صبيتين يساعدونا عجبتني الفكرة ومشينا فيها وبالفعل واهلي ماكان عندهن لانهن عرفانين اني ماعم اعمل شي غلط مشيت امور المحل واتطور وانعرف اسمه اتعرفت من خلاله عل ناس كتير ومن بيناتهن صبية اسمها ريهام كانت عضوة بجمعية( بسمة طفولة) هنن طلاب جامعة بيعملوا مبادرات لادخال الفرحة بقلوب الاطفال حبيت نشاطها وعطاءها وطلبت انضم معهن وبالفعل صرت عضوة معهن و كنت شارك انا وولادي هنن كانوا يوصونا على قوالب كيك وياخدوها لاطفال بالميتم عيد ميلادهن ومالهن حدا بتذكرهن باعيادهن ياخدوا العاب ويرحوا على قسم الأطفال بمشفى السرطان او الاطفال بقسم الحروق وبعض الشباب يلبسوا مهرجين ويوزعوا العاب مابتتصوروا اديش الانسان بتختلف نظرتوا للحياة وقت يشوف بسمة فرح من انسان حزين وقت يحس بالعطاء بيحس انو بحاجتهن بحاجة هل الضحكة يلي عم تتطلع من قلبهم وهيك مشيت الايام وكانت حياتي فيها عم تتطور وولادي عم يكبروا ونجاح محلي كان مستمر ليوم بتحاكيني حنان وانا بالشغل وبتقلي بدي خبرك شي هبة :خير في شي حنان :لابس ميار خطب اليوم كنت عند اهلى و اجى هو وصبية لعند اهلي عم يعرفهون عليها وابي عصب كتير ومارضي ابدا هبة :حنان انا هل الموضوع مابيهمني ميار ماضي وبترجاكي لابقا توصليلي اخباروا حنان *يــــــــــــتبــــــــــــــ؏* ➖➖➖➖➖➖➖➖➖