*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d .#الباشق #بقلم_مريم_اليوسف #الجزء_التاسع اجا ركان ع مكان التلفون هو ورجال الشرطة .. وشاف التلفون مقوس ومافي حدا ضرب بأديه التنين على التلفون من قهرو جميل : سيدي شو بتأمرنا ركان : ولا شي رجعو ع الفرع ___________________ رموها ع الارض بغرفتا يلي كانت فيها لونا : وينا ريم الباشق : ههههه صفيناها لونا : ليييش الباشق : لانها خاينة والخاين عقابو الموت لونا : بس هية مالها ذنب حرام عليك الباشق لرجالو : طلعو لبرا طلعو كلن لبرا وضل هو ولونا لحالن .... وقفت لونا قدامو وقالت ليش قتلتا الباشق: لانها كشفت سري لونا : وهي انا كشفتو ليش ماقتلتني يا باشق ولا بتحب قلك يا حضرة المقدم حازم الباشق : هههههههه اي قعدي قعدي لونا : كيف بدي اقعد وانت قتلت رفيقتي الباشق : ماقتلت حدا اقعدي والقصة ابدا مو متل انتي مفكرة لونا : ريم ما ماتت الباشق : لا لونا : انت شو قصتك الباشق : اقعدي بالاول قعدت لونا وقالت : شو عملتلك هالبلد لحتى تخونا الباشق : قلتلك فهمانة القصة غلط لونا : وين الصح بالموضوع الباشق : انا بكون الضابط حازم من المخابرات .. لونا : هي عرفتا وغيرو الباشق : انا فيكي تقولي متل العميل السري داخل بأسم مجرم ع البلد مشان امسك كل المجرمين لونا : جاي تضحك علي .. انت في برقبتك دم الباشق : اذا ماصار دم مابصير مجرم لونا : بس انت ملاحق الباشق : اجابري بدي اتلاحق ماني مجرم . لونا : مشان هيك عطتيني عنوان بيت صباح الباشق : اي .. انتي قبضتي عليهن وانا ضليت برا .. وكنت بعرف انك مارح تجيبي سيرتي لحدا وكمان انا يلي وصلتكن لصالة القمار لانو كانت بتجمع مجرمين كتار وكمان انا يلي وصلتكن لبيت الدعارة وبعتت هي البنت لركان لونا :طول هالفترة نحنا ماشين متل ما انت عم تمشينا الباشق : صح لونا :وزيدان بتعرف انو مامات الباشق :كلشي بعرفو لونا : امممم والبنات يلي طالعة فايتة لعندك الباشق: هاد شي شخصي وبعدين هنن عم يبيعو حالن انا ماعم اجبر حدا لونا : مين معك الباشق : من فوق معي كتير بس هون ولا واحد من رجالي بيعرف انو انا عميل بالمخابرات لونا : بس انا وريم عرفنا الباشق : صح .. ريم خفيتا حاليا لونا ؛ وانا الباشق : انتي عايزك لونا : بشو الباشق : بعدين بتعرفي ... بس هلأ بدي تحفظي هالسر وتوثقي فيني انا مشواري بلش يخلص وقريبا قام وقال لاتعيدها ووثقي فيني طلع وهية ضلت شاردة بكلامو محتارة تصدقو ولا لأ .. #فلاااش_بااااااك ريم : لونا طلبت مني اعمل هيك حازم :بتعملي كلشي وبتحطيلي دوا وبدي تمثلي حتى لو كنتي لحالك لانو البيت كلو كاميرات .. ويلي فيه اعداء اكتر مايكونو معي ريم:اي ماشي .. رح اتصرف وكأني مابعرفك ورح اسرق المعلومات سرقة حازم :برافو عليكي ريم :بس ليش كل هاد حازم :ههههه بدي خلي لونا تعيش شوية مغامرة وكمان صار وقت تعرف مين انا ________________ مر يومين ولونا قاعدة بغرفتا وماتشوف حدا بس يجيبولا الاكل ويروحو المسا وهية نايمة فاقت ماسكة راسا بقوة .. لونا : اااه شو هالوجع هاد ... ااااخ ... كل مالو الوجع عم يزيد... لحتى فقدت السيطرة على حالا وصارت تصرخ بأعلى صووتا وتخبط ع الباب لونا : ااااااااااخ ... لك فتحووو رح موووت .. ااااااخ وصارت تضرب راسا بالحيط .. انفتح الباب وفاتو الرجال .. شافو حالتا وهي عم تصرخ من الوجع وعم تضرب راسا بالحيط ... حاولو يهدوها ويمسكوها _شبك شو بدك .. ليش هيك عم تعملي بحالك لونا : رااسي رح ينفجر ... جبيولي اي شي اشربو .. _جيبولا باندول راح وحاد جبلا ظرف باندول لونا سحبتو منو بسرعة وفتحت اربع حبات وشربتن _لك شووعملتي ماردت عليه رجعت مسكت راسا وتهز بمكانا وتصرخ من الوجع _انا رايح خبر المعلم خليكن انتو هون لاتتركوها طلع ... ولونا بعدا عم تصرخ بعد شي ربع ساعة اجا الباشق ومعو دكتور الباشق : الكل لبرا طلعو وضل هو والدكتور عند لونا الباشق : لونا خبريني شبك لونا : رااااسي رح ينفجر وصارت تضربو بحرف التخت الباشق قعد حدا وسحبا لعندو وضما على صدرو وهية صارت تخبط راسا بصدرو الدكتور كان مجهزة ابرة عطاها اياها ... والباشق صار يلمسلا على شعرا لحتى هدت وبلشت تدبل الباشق : لونا انتي منيحة ماردت نيما محلا وطلع مع الدكتور الباشق : شو في دكتور الدكتور : لا تنسى انو جايتا ضربة ع راسا بوقت الحادث الباشق : اييي الدكتور : بدنا نعملا صورة طبق محوري مشان نعرف شو صاير معا الباشق ؛ بس انا حاليا مابقدر اخدها ع المشفى الدكتور : هلأ عهمل وانتو راقبوها اذا اجتا الحالة مرة تانية وان شاء الله تمر على خير الباشق : ان شاء الله فاقت الصبح وصارت تتطلع حوليها وتذكرت كلشي صار معا ... قامت فتحت الباب لقتوومفتوح طلعت وصارت تتمشى بالفيلا ... نزلت خطوتين ع الدرج بس شافت الباشق عم يفطر وضهرو الها ... وهية مكانا لفت مشان ترجع ع غرفتا الباشق بدون مايتلفت : لونا تعالي صارت تتطلع حوليها انو من وين شافا نزلت لعندو لونا : صباح الخير الباشق : صباح النور اقعدي فطري معي لونا : سحبت كرسي وقعدت وقالت : انت كم الك عين الباشق : هههه كتيير .. يلا فطري لونا : صحة ما الي نفس الباشق : لا مابصير يلا كلي اخدت فنجان شاي وصارت تشربو لونا : شو صار مبارح الباشق : المفروض انا اسألك لونا : راسي كان عم يوجعني بشكل مو طبيعي .. وبتذكير اخر شي لما اجيت انت والدكتور الباشق : اي قال الدكتور انو بسبب الاصابة يلي براسك لونا : وهيدا الوجع بدو يجيني بأستمرار الباشق: ماعندي علم .. لونا : انا طقت خلاقي بدي اطلع الباشق : رح تطلعي قريبا لونا : طيب انت شو ناوي الباشق التفت حوليه وقال بعد نص ساعة بشوفك بغرفتي ترك السفرة وقام ____________ بعد نص ساعة دقت عليه الباب وفاتت حكي فورا الباشق : في شخص اسمو الغول .. هاد من اخطر المجرمين .. بس لحدا الان مابعرف هويتو ... وبدي واصلو لونا : وماقدرت توصل لاي طرف خيط الباشق : مبلا وصلنا .. اخر اتصال طلع من عندو اتبعنا موقع الاتصال وطلع صارد من الفرع الامن الجنائي لونا بصدمة : من عنا الباشق : صح .. مشان هيك انا قلتلك بتلزميني لونا : يعني ؟ الباشق : انا عم حاول اتواصل معو بصفتي الباشق مشان تتوطد العلاقة بيني وبينو ... وبدي اعرف هويتو لونا : وهو اذا شافك اكيد رح يعرفك الباشق : مارح كون انا يلي رح قابلو رح ابعتلو حدا من طرفي لونا : متل ما انت خايف ع هويتك هوكمان الباشق : اكيد مارح يجي بس اكيد رح يبعت حدا مقرب منو لونا : ليش شو الصفقة يلي بيناتكن الباشق : بدي اهديه هدية محرزة واكيد رح يبعت حدا ثقة مشان يستلم هالهدية لونا : شو هية الهدية الباشق : مجوهرة ثمينة بتبلغ قيمتها حوالي مليونين دولار لونا : افف .. ومن وين هالمجوهرة الباشق :اجتني هدية ههههه لونا : هههه السارق من السارق ك الوارث عن ابيه الباشق : بس انا ماني عم اسرق لونا : دخلك شو بتفرق كل الطرق وحدة .... بس انا شو مطلووب مني الباشق : اليوم في حفلة وخلالها رح يتم تسليم المجوهرة ....وانا وانتي رح نقعد ورا الكاميرات وبدي اذا عرفتي شي حدا بخص حدا عنكن بالفرع بتقوليلي عليه لونا : شو مفكرني بعرف كل يلي عنا بالفرع او بعرف حدا بخصن الباشق : اكيد الغول مانو شرطي او مساعد .. اكيد حدا رتبتو عالية لونا : مافي حدا رتبتو علية بالفرع عنا غير ركان واللواء الباشق : وانا حصرا مخصص هالتنين لونا : ركان مستحيل يكون هو الباشق : واللواء لونا : كمان مستحيل الباشق: اليوم ببين معنا ___________________ المسا طلعو ركبو بسيارة الباشق ولونا ووراهم سيارات لونا : مين يلي رح يسلم الهدية الباشق : شخص موثوق لونا : بس يكون كبير شوي بالعمر الباشق: ليش؟ لونا : مشان يكون مقنع اكتر ... انو اذا بعتت شب اكيد رح يشكو الباشق : لا اطمني شخص مناسب جدا لونا : ع فكرة انا ليش راكبة معك بنفس السيارة الباشق: شو مانك حابة تركبي معي لونا : ليش لحتى حب بس قصدي انو ليش مانك حاطط علي حرس الباشق : ليش ناوية تهربي لونا : ممكن ... لانو انا لسه ماوثقت فيك منيح وكل الخرط يلي عم تقلي اياه مافات لعقلي شحط فرام واتطلع فيها وقال : خرط؟؟؟؟ خرط يا لونا لونا : اي شو مفكر ممكن صدقك كم كلمة قلتلي اياها وانا اصلا عم سايرك لحتى شوف لوين بدك توصل الباشق :معك حق ماتوثقي وانا غلطت لما حطيتك بمحل ثقة صار يزم بالسيارة .. نزلو رجالو من السيارات يلي وراه واجو لعندو الباشق : خدوها وانتبهو عليها منيح فتحت السيارة ونزلت الباشق : شكلك تعودتي عهيك معاملة لونا : هه ______________________ بمكان تاني واقف اللواء مع واحد اللواء : بدي تحفظلي ملامح الباشق كتير منيح ... بدي اعرف مع مين عم اشتغل _امرك .. وغيرو اللواء : بدي تنتبه منيح كتير ومابدي اي غلط ... ولا تنسى انت هو الغول _حاضر ... يلا بتوصيني شي اللواء : لا الله معك وانتبه ع حالك _____________________ قاعدة لونا بغرف فيها شاشة عم تراقب قداما ناس وحدا الباشق لونا بمسخرة : وين بدن يلتقو الغول والباشق الباشق : في غرفة بالطابق التاني رج يجتمعو فيها .. والباشق رح يسلم الهدية للغول لونا : هه الباشق : كأنو ماعجبك لونا : كلو مسخرة بمسخرة يعني ويمكن هو اكيد بيعرف انو هادك يلي هنيك مو الباشق الحقيقي الباشق : بعمل يلي علي بعد شوي صارت تفتل لونا ع الكرسي من كتر الملل الباشق : لونا لونا : خير الباشق : انتي ليش مانك مرتبطة لونا : هه مافي شب بيستاهل ارتبط فيه الباشق : قصدك مافي شب يستحملك اتطلعت فيه نظرة طويلة بعدين دارت وجها حس انو جرحا الباشق : لونا انا قاطعتو وقالت : عنجد انا هيك الباشق : طبعا لا بس كنت حكيكي متل الطريقة يلي بتحكيني فيها لونا : بس هو عنجد هيك .. صار عمري ٢٧ سنة وبعدني وحيدة شو السبب ياترى الباشق : يمكن نصيبك لسه ما اجا لونا : انت شو وضعك الباشق : متل مانك شايفة ... لونا : بس ماني شايفة شي ... وين عيلتك اكيد عندك عيلة الباشق : هيك وهيك لونا : مافهمت الباشق : مابدي احكي بالموضوع لونا : صحي انا اخر فترة لاحظت عليك انو معد جبت بنات لعندك الباشق : ههههه انا عم روح لعندن لونا بصوت واطي : هه دنب الكلب بضلو اعوج الباشق : لونا خافي على حالك لونا : ليش شو حكيت الباشق : انا بسمع نفس الدبانة لونا : هه رن تلفون الباشق :اي .. يلا سكر وصار يكبس بكيبورد الكومبيوتر يلي قدامو .. لحتى انفتحت الكاميرا على شخصين بغرفة - من زمان حابب اتعرف عليك يا الباشق _ فرصة كتير سعيدة الي كمان انو اتعرف عليك يا الغول ... بس هيك بدنا نحكي بالالقاب ماصار وقت نعرف اسماء بعضنا الغول : انا بكون ادهم الباشق المزيف : انا اسمي بشير .. وتشرفت فيك ادهم بيك ادهم : الشرف الي انو تعرفت عليك شخصيا بشير رفع ايدو واشر لواحد من الرجال انو يجي لعندو وضيفوهن مشروب لونا وحازم عم يشاهدو خلف الكاميرا ... الباشق : شوو عرفتيه لونا ماحكت وضلت شاردة فيه ... #فلاااش_باااااك## كانت لونا طالعة من الفرع هية وجميل .. اجت سيارة سودة مأسرعة ولما وصل لقدام الفرع لف بأرضو والغبار وصل للجو ... نزل من السيارة وفات ع الفرع لونا : مين هالحيوان الجميل : ستنا هاد نورس ابن اللواء عماد الدين لونا :يقطع عمرو شو حيوان واذا ابوه لواء بيمشي بالشارع بهيك جحشنة #####بااااااك### الباشق : هييييي ... ووين شاردة لونا : شوفي الباشق : عرفتيه لونا : بس اللواء اكيد مامعو خبر الباشق : اللواء ؟؟ .. يعني بيقربو للواء لونا : اااه لا لا .. الباشق : لونا احكي انتي بتعرفيه صح لونا : لاا مابعرفو الباشق: لونا صدقيني انا ضابط بالمخابرات وعم اشتغل لمصلحة هالبلد هاد واشكالو هنن يلي عم يخربوها .... شووو مين هاااد لونا : نورس عماد الدين ضرب ع الطاولة وقال : كنت متوقع ههههه .... والله وقعت ياااا لواء ههههه ________________ نايمة بغرفتا ... فتحت عيونا لقتو عم يلعبلا بشعرا ... تجلست بسرعة لونا : شبك ... وشو عم تعمل هون الباشق : لونا انا بحبك لونا : شوووو ... انت اكيد عم تخبص الباشق : لا انا ابدا ماني عم خبص ... انا حبيتك لونا : لو سمحت طلااع لبرا بدون استأذان قعد حدا وضما على صدرو هية ماقاومتو ابدا ... لقت دفا كبيير صار يلمسلا ع شعرا ويقلا انتي الوحيدة يلي اثرت فيني.. لما بكون معك في جواتي شي بكركبني ... بتمنى ضمك ضمة قوييية ... وقلك بحبك ... لونا : من ايمت الباشق : من هديك الليلة اول ليلة بتجي فيها لعندي ... اول نظرة حركتي جواتي شغلات كتيير حلوة ... تركتك تروحي بس روحي راحت معك .. فكرت شغلة عرضية بس حياتي تكركبت ... صح عم جيب كل يوم نسوان شكل بس كل هاد مشان حاول شيلك من بالي ... بس ماعم تنشالي لانك محفورة بقلبي ترن ترن ترن ..ترن......... فتحت عيونا ع صوت المنبه يلي جنب تختا تجلست وصارت تتلفت حوليها وكان كل هاد حلم لونا : شو هالحلم هاااد ... انا والباشق !!!! ... شو هالمنام هاد انا مابفكر فيه نهائيا .. ولا حتى بشيلو من ارضو .. خلص حلم عابر ... قامت لبست تياب .. وهية عم تلبس صفنت بالحالا وهية قدام المراي وقالت :بس حلوو .. خلص لووونا شو عم تخبصي ... شو نسياني شو عندك هلأ .. خلصت لبس وفتحت الباب شوي .. شوي .. لقت الحارس ع باب غرفتا نايم .. مشت من حدو شوي .. شوي ... نزلت ع الفيلا سمعت صوت الحرس ع الباب عم يحكو .. راحت ع المطبخ وطلعت من باب المطبخ يلي بطل ع الحديقة .. مشت شوي شوي لحتى وصلت للسور .. نطت عليه وصارت براتو لونا : هالمرة مستحيل توصلولي وصارت تركض ضلت تركض لحتى وصلت لعند جسر .. كانت الدنيا كتير عتمة .. قعدت تحت الجسر وهية حاطة ايدا على صدرا وعم تلهت __________________ الباشق نايم بغرفتو ... عم يندق الباب بقوة ... وفاتو رجالوو اتجلس مرعوب الباشق : شبكن متل البهايم _ يا معلم لونا هربت الباشق : شوووووو ... انت عم تحكوا جد _اي وفتشنا كل الفيلا مالقينالا اثر الباشق: الكلبة .. الحقيرة ... اشقد الساعة هلأ _ خمسة الصبح الباشق : جهزو حالكن فورا رح نطلع من الفيلا بسرعة _امرك معلم الباشق : تعلم العصي ع جنابكن .. بهايم عم ربي بهايم انا ________________ طلع الصبح ... ولونا قامت وتابعت مسيرا لحتى وصلت ع الفرع .. فاتت من باب الفرع والكل كان منصدم فيها _هي الضابط لونا .. _اي والله بشحما وبلحما فاتت متجاهلة الكل .. فاتت ع مكتبا رفعت سماعة التلفون وطلبت رقم فات جميل : ست لونا الحمد لله ع سلامتك اشرتلو انو يسكت لونا : الوو مرحبا سيدي ... اسفة لانو زعجتك بهل الوقت ... سيدي انا لونا ... لازم تجي فورا ع الفرع .. في شي ضروري لازم تعرفووو ... بترجاك لاتطول .. الشغلة حياة او مووت سكرت وقعدت ع مكتبا جميل : خير ست لونا لونا : مافي غير الخير جميل : الحمد لله ع سلامتك لونا : الله يسلمك __________________ قاعد ركان عم يفطر مع عيلتو .. رن تلفونو ركان : اي ... اي (وقف على حيلو ) شوووو... عم تحكي جد ....جاااي ... جاي دلال : شوفي ركان : لونا بالفرع دلال : كيف هيك ركان : مابعرف بس خبروني انها بالفرع رايح شوفا .. يلا بدكن شي امو : لا بس طمنا شو بصير معك ركان : ماشي ... ماشي وصل ركان ع الفرع وهو متلهف لحتى يشوف لونا .. شاف جميل ركان : وينا لونا جميل : هلأ فاتت لعند اللواء وقال رح يحكو عن انفراد ركان : عن شو جميل : مابعرف سيدي ركان : طيب لونا كيف وضعا جميل : منيحة كتير بس ضفانة شوي ركان : طيب انا رايح ع مكتبي اول مابتطلع من عند اللواء فورا بتخبرني جميل : امرك سيدي ________________ اللواء : الحمد لله عسلامتك لونا لونا : الله يسلمك سيدي اللواء : شو صار معك احكيلي لونا : سيدي ببقا بقلك كلشي بس هلأ في شي مهم لازم تعرفو قعد اللواء وشبك اديه فوق الطاولة وعطا كل اهتمامو لحديث لونا لونا : سيدي انت بتعرف انو انا كنت محبوسة عن الباشق اللواء: اي صح .. وللأسف ماقدرنا نوصلك قاطعتو وقالت : انا بعرف وضعكن .. وماني جاي عاتبكن انا جاي نبهك منو ... اللواء بينت عوجهو علامات القلق : خير ليش لونا : سيدي هاد الباشق خطفني لانو كنت بدي اوصفلكن شكلو ... ومشان ماتنكشف هويتيو .. والشخصية الحقيقة للباشق هية انو هو ضابط بالمخابرات واسمو حازم رجع ع كرسيه من الصدمة وقال : شوووو لونا : متل ماسمعت .. وهو ناوي يوقعك ... انا شفت ابنك مبارح عم يقابلو .. وبصراحة يلي قابلو ابنك مانو الباشق الحقيقي .. وانا بعرف انك عم تحاول توصلو من خلال هي الطريقة ... بس هو ناوي العكس وشومصلحتو مابعرف .. والمجوهرة يلي عطاكن اياها هدية هي مسورقة من متحف .. ورح يخبر عنك ويجو يمسكوك بالجرم المشهود مانوو عارف شو يحكي او شو يعمل .. لونا : سيدي انا طول هالسنين عم اخدم معكن وانا بعرفك منيح كتير ومستحيل شك فيك ولا واحد بالمية .. لا تنطر وتحرك فورا ... خصوصا اذا عرف انو انا هربت ... انا رح اخد دورية ورح عمكان يلي كنت فيه وانت حاول تنفد حالك اللواء : هالكلب انا جيت بهي الطريقة لحتى وقعو وهو عم يحاول يوقعني بنفس الفخ ... بس ماحزر لونا: سيدي شو ناوي تعمل اللواء : خدي دورية كبيرة وروحي شوفي... اقتحمي المكان وبدي اياه عايش .. وانا عندي شغل بخلصو ولما اجي بدي اسمع اخبار حلوة لونا : امرك سيدي ... ضربتلو تحية واجت بدا تروح بس وقفت عند الباب .. التفتت لعندو .. اللواء : في شي لونا لونا : اي .. بصراحة بدي ضمك راحت لعندو ضمتو لونا : الله يخليلنا اياك فوق راسنا وعراس الجميع اللواء : شكرا كتيير يابنتي طلعت والابتسامة على وجها .. وفاتت فورا عمكتب ركان بدون ماتدق لونا : سربرييييسس قام ركان وهية راحت ضمتو ركان : اشتقتلك .. اشتقلك ياشقية لونا : وانا كمان .. كتيير شتقتلك ... ركان : الحمد لله عسلامتك لونا : الله يسلمك يارب بعد عنها ومسكا من كتافا وقال : انتي منيحة ... فيكي شي لونا : لا لا .. انا كتيير منيحة .. شافت باكية دخان ع الطاولة بسرعة اخدتا وسحبت سيجارة ركان : شو هاد لونا : رح موت ع وحدة .. ركان : المهم هلأ حكيلي شو صارمعك بالتفصيل لونا : امشي بحكيليك ع الطريق .. ركان : ع وين لونا : نداهم المكان يلي كنت فيه .. لانو انا هربت وان شاء الله مايهربو ركان : الباشق ؟؟ لونا : هو بعينو طلعت هية وركان عم وهية عم تحط مسدس ع خصرا .. اجا جميل جميل: سنتا تفضلي هاد موبايل وبقلبو شريحة سيم ... لونا : ميرسييي .. والدورية ؟؟ جميل : الكل ناطر بالسيارات طلعو لعند السيارات .. قرب ركان ليفتح سيارتو .. لونا : ركان ممكن ابتسم وقال : اكيد رمالا مفاتيح السيارة .. راحت ركبت ورا المقود وهو ركب جنبا __________________ بسيارة اللواء ماشي بسرعة ... اللواء : الووو ياباغل ... بسرعة خود المجوهرة يلي معك واسبقني ع المستودع .. نورس : خير بابا اللواء : الباشق .. طلع ضابط بالمخابرات وبدو يوقعني .. بسرعة طلاع من البيت واسبقني ع المستودع .. نورس : حاضر .. حاضر .. __________________ وصلو عفيلا الباشق مبين عليها الهوء ومافيها لاحرس ولا اي شي لونا : الظاهر هربو ركان : بركي متخبين جوا وعامليلنا كمين لونا : لا بس خلينا ننزل شو خسرانين نزلو وفاتو ع الفيلا كانت فاضية فتشوها منيح مالقو شي .. ورجعو ع السيارات لونا : ركان بتعرف انت ضابط اسمو حازم بالمخابرات ركان : اكيد بعرفو بس بعرفو بالاسم ... وجهو مابعرفو وهو بضل متخفي مشان يمسك المجريمين ... بس متمني التقي فيه قد مابسمع عنو لونا : الباشق هو حازم ركان : شووووو لونا : هههههه اي هو ركان : يعني الباشق مجرم لونا : اي مجرم ... من كم يوم لما اتصلت فيك كنت بدي خبرك عن اسمو بس ع ثانية كانو فوق راسي ركان : ماعم صدق .. انتي اكيد مخربطة .. لك هاد الضابط صاير ملقط نص مجريمن البلد ... لونا : اي صدق ... وهلأ بدي اصدمك بشغلة تانية ركان : شو هية لونا : هلأ بتعرف كلشي وتابعو مشيون بالسيارات _____________________ بالمستودع اللواء واقف هو ونورس نورس : شووو في بابا اللواء : الضابط حازم يلي من المخابرات هو الباشق نورس : شوووو اللواء : متل ماسمعت نورس: مين خبرك اللواء : هههه الغبية لونا .. كانت مخطوفة عندو وفكرت انو هو المجرم .. اجت تنبهني منو صفن نورس وقال : يعني هو عرف انها هربت وعرف انها رح تجي وتحذرك ... يعني انت هلأ مراقب ... ليش جبتنا ع المستودع اللواء : ههههه مابتعرف انت شو عم خطط .... انا بعرف اني مراقب مشان هيك جينا ع المستودع .. هو ناوي يوقعني بس غلطان .. لما يجي انا محضرلو فخ ورح لبسو كلشي بالمستودع الو ورح اطلع انا البطل وهو المجرم ... وهيك بكون تغديت فيه قبل مايتعشى فيني نورس : هههه طوول عمرك كبييير ياابو نورس اللواء : يلااا خلينا نطلع البضاعة ع السيارات عأساس عم نهرب نورس : يلا انا رح قول للشباب .. وبلشو يطلعو البضاعة بالسيارات .. كان حازم مع رجالو من المخابرات عم يراقب من بعيد ... وكل شوي يتطلع ع الهاتف ... اجتو رسالة ابتسم وقال : يلاا تحركو راح هو ورجالوو وحاوطو المستودع نزلو وهنن مسلحين وهجمو عليهم اللواء ورجالو ماقاومو ابدا .. حازم : شو رأيك بهل المفاجئة ياحضرة اللواء الواء : ههههه كنت ناطرك حازم صار يتطلع حوليه فجأة لقى المكان وراهن رجال مسلحة .. وقربو وحطو الاسلحة براس رجال المخابرات اللواء : هههه انا لواااء ولااااك ... وبعرف منيح كيف بفكرو يلي متلك .. وعرفان انك بدك توقعني بس وحياتك مو علي ... ومتل ما انت كنت بدك تمسكني بالجرم المشهود .. ببساطة بخليك انت المجرم حازم : شو نسيان انو معي كلا رجال من المخابرات اللواء : ههههههههههه بموتو اثناء الاشتباكات حازم : ايو اشتباكات الواء : يلي مارح تصير ههههه حازم : وكيف بدك تظبطا هية ياحضرة اللواء اللواء : بكتب بالمحضر .. تم العثور على مستودع مليء بالاسلحة والمواد المخدرة والاعضاء البشرية .. منسوبة للخائن المقدم حازم ... وعند وقوعه بالفخ استدعى قوات الامن من المخابرات ليشهود بصفه ولكي ينسب الجريمة لغيره ... لكن بمهارة وذكاء اللواء عماد الدين .. انقلبت اللعبة ضددهم .. واثناء الاشتباكات وقع ضحايا كثير من جهتي الامن .. وجميعهم في رقبة الخائن حازم ......ههههههه شو رأيك بهيك نهاية صوت جاي من برا : رجال المخابرات ماتو مشان مايشهدو ع رئيسن بس رجالك مين بدو يقتلن مشان مايشهدو ضددك التفتو.. وكانت لونا وجنبا ركان ... والدورية يلي معا انتشرت وسحبت الاسلحة عرجال اللواء .. ورجال حازم رفعو اسلحتن من جديد .. اللواء : ش.. شو شو شو عم يصير هون .. لونا : والله بدك تسأل المقدم حازم .. قربت لقدامو وضربتلو تحية كمان ركان قرب لقدامو وضربلو تحية حازم : الصحافة والنص البلد صارت برا .. يعني مافي داعي لحتى تعمل اي حركة هيك او هيك .. خلال ثواني كانت الكلبشات بأديه هو وابنو ورجالو .. وسحبوهن من المستودع والصحافة برا كانت عم تصور وتحاول تاخد تصريحات من حدا بس اللواء كان حاطط راسو بالارض هو وابنو ركان : لونا فهميني شو يلي صار .. وليش كنتي عم تكذبي علي ع الطريق لونا : هههه ماحبيت خبرك فجأة حبيت فريجك بعينك حامي الحمى اللواء عماد الدين شو عم يطلع منو حازم حط ايدو ع كتف لونا وقال : شكرا كتيير الك هالمهمة ماكانت خلصت بهل السرعة لولاكي ولولا خطتك الذكية #فلااااااش_باااااك##$ شووو مين هاااد لونا : نورس عماد الدين ضرب ع الطاولة وقال : كنت متوقع ههههه .... والله وقعت ياااا لواء ههههه لونا : شو ناوي تعمل هلأ حازم : مابعرف لازم لاقي طريقة وقعو فيها لونا : شو رأيك انا بخبرو حازم : كيف لونا : عأساس انا بهرب .. وبروح بحذرو منك .. وهو اكيد رح يطلع ويروح ع وكرو .. حازم : بس اللواء نس واكيد مارح يخطي خطوة بدون مايحسبلا لونا : هلأ انا رح حط معو جهاز تعقب وانت بتراقبو وبتشوف ع وين بدو يروح ... واذا راح ع مكان شغلو .. انت بتلقي القبض عليه بالجرم المشهود وانا رح كون وراك تماما بعد ما ابعتلك رسالة ... واذا كان فخ بتدخل حازم : برافو عليكي خطة كتير حلوة ###باااااك### لونا : ههههه قال قلتلو تسمحلي ضمك ... وحطيتلو الجهاز بجاكيتو .. وحطيت واحد تاني بسيارتو احتياط حازم : ههه وانا عم قول ليش عم يعطيني اشارتين ركان : لونا ماني مستغرب منها ابدا طول عمرا ذكية .. بس ياحضرة المقدم والله شغلتلنا بالنا كتير عليها حازم : كنت متطر .. لانو ماكنت بوثق بحدا وخفت تكشف هويتي وويروح كل عذابي ع الفاضي .. بس كانت معززة مكرمة عنا لونا : حضرة المقدم شو مشان ريم حازم : صارت عند اهلا ببقا ببعتلك عنوانا تزوريها لونا :شكرا كتير طلعو من المستودع وكانت الصحافة واقفة برا بدا تصريح _ حضرة المقدم ياريت تفيدنا شو صار جوا وكيف كشفتو المجرم حازم : مافي شجرة وصلت لربا وكلشي بيشتغل شغل بضر بالناس وبمصلحة هالبلد رح يجي يوم ويوقع _وانت حضرة المقدم ليش كنت متخفي ورا شخصية المجرم الباشق المقدم : لحتى اقبض على المجرمين واوصلن لازم كون مجرم متلن ... بس انا الحمد لله كان كل شغلي وهمي وماضريت البلد ابدا _حضرة الملازم اول لونا : اخر فترة خبرنا انك انخطفتي من المشفى وانتي عم تتعالجي بأثر حادث سير اجت لتحكي بس سبقا حازم وقال : لا ماكنت مخطوفة .. لونا كانت معي وهية شريكتي وانا عملت هالتمثلية لحتى يفكرو العالم انها مخطوفة بس هية بالعكس كانت عم تساعدني لحتى نتقبض على المجرم الخطير الغول .. ويلي هو اللواء وعيب ينطلق عليه لقب لواء .. _ يعني انت حضرة المقدم وحضرة الملازم اول انتو يلي خطتتلو لتوقعو المجرم المقدم : بالظبط .. واكيد مارح ننسا الرائد ركان وكل رجال الامن يلي شاركو بالمهمة _شكرا على تصريحك .. وانتو فخر لهل البلد ونحنا والبلد بنفتخر فيكن __________ سامي بعيادتو فتح الtv وشاف الاخبار .. وقف وصار يتفرج الاء وجوزا عم يشاهدو الاخبار دلال وحماتا ونوال مرت سامي وام سامي . حتى صاحب محل التياب يلي حاول يتعرضلا عم يتفرج ويبتسم 😅😅 ..... سامي : بهمس ..لونا حمد لله ع سلامتك ........ الاء : مؤيد شايف لونا الحمد لله بخير .. وكمان كل الاخبار عم تحكي عن انجازاتن ...... دلال : مرت عمو شايفة ام ركان : اي شايفة .. الله لايوفق ابن الحرام .. صرلنا عمر عم يشتغلو معو وهو مجرم .. ليكي ياحرام شقد عم يطالعو اعضاء وجثث دلال : يالطيف .. كيف بدو يقابل ربو ......... نوال : شايفة مرت عمي الاخبار ام سامي : اي شايفة المهم عندي انو لونا بخير تقبر قلبي .. دقي دقي لألاء مشان نشوفا اذا عم تحضر الاخبار ......... بمحل التياب واقف ومكتف اديه وعم يتفرج ع الاخبار .. فات جارو لعندو وقلو عم تحضر الاخبار هز براسو وقال : اي _ احمد ربك انها ما صغرت علقا كنت لهلأ محدا بيعرف وين ارضيك مبينة شي فوق كتير _اي والله الحمد لله .......... جميلة وخالتا عم يتفرجو ع الاخبار كمان خالتا ام زيدان : الله يوفقك يالونا... لولاها كان ابني ميت جميلة : اي والله هالونا بتجنن .. صح عندا شوية شوفة حال بس عندا ضمير 😅😅 _________________ راحت الصحافة والمكان بلش يعم فيه الهدوء .. وعناصر الامن شمعت المكان .. وعم يركبو بالسيارات حازم : اسعدني كتير التعامل معك مد ايدو وصافحا لونا : وانا كمان .. وتشرفت بمعرفتك حضرة المقدم ركان كان ناطر لونا بالسيارة ضلو صافنين ببعض شوي بدون مايحكو حازم : اي انا صار لازم روح بالاذن لونا : اذنك معك لف ضهرو ومشي .. لونا حست حالا رح تختنق .. لانها معد تشوفو .. فجأة لمع راسا عليها .. مسكتو بأديها التنتين وضغطت عليه ونزلت ع الارض .. شافا ركان .. نزل وصار يركد لعند .. حازم لما شافو عم يركض التفت ع لونا وكمان هو ركض لعندا ركان : لونا شبك .. قوليلي حازم : لوونا انتي بخير .. حكيني رفعت راسا لونا وقالت راح الوجع .. خلص مافي شي ركان : شو مافي شي شو صاير معك حازم : لونا لازم تروحي ع الدكتور ... الدكتور قلي اذا تكررت الحالة لازم تشوفي دكتور وتعملي صورة لونا ؛ لا هي خفيفة مو متل هديك المرة ... خلص لاتهكلو همي .. انا ببقى بشوف سامي ركان : طيب يلا قومي خلينا نروح قامت ومشت مع ركان وحازم راح ع سيارتو وعيونو عليها ركبت جنب ركان وفتحت تابلو السيارة وطلعت الباكية ركان : شو لزوما هي هلأ لونا : ركان بليز ركان : طيب متل مابدك وصلو ع البناي .. نزلت لونا وصارت تتأملا لونا : فكرت انو معد شوفا ركان :الحمد لله شفتيها ورح ترجعي ع بيتك لونا : اي والله الحمد لله طلعت ووقفت قدام بيتا لونا : معك مفتاح ؟؟ ركان شو عم تعملي طلعي خلينا نتغدا بالاول وبعدين مابدك تشوفي ماما ودلال لونا : بدي اتحمم وغير تيابي هيك بدك اياني اطلع لعنكن .. وكمان مشتاقة كتير لبيتي طلع من جيبتو مفتاح وقال تفضلي .. ولا تتأخر ناطرك واذا طولتي رح اجي اخدك انا بنفسي لونا : لا لا ماني مطولة فاتت ع بيتا بخطوات بطيئة ... صارت تتطلع عكل زاوية منو وصارت تلمس ع الفرش لونا : ماتوقعت انو متعلقة فيك لهل الدرجة ... فاتت ع غرفتا .. قعدت ع تختا وضمت مخدتا وصارت تشمها لونا : لقوم اتحمم هلأ ركان بيجي وبصير يخبط ع الباب طلعت بجامة بكمام سودة وفاتت ع الحمام _________________ فات ركان ع بيتو اجت لعندو دلال وامو _شو وينا لونا ركان : عم تغسل وهلأ بتجي .. شو جهزتو الغدا امل : طبعا كلشي جاهز دلال : حبيبي شفناكن ع الtv شو القصة ركان : القصة انو رن تلفونو ركان : الو .. اهلا سامي سامي : كيفك ركان ... بدي اتطمن ع لونا ركان : هية بخير وهلأ هية ببيتا سامي : منيح كتير .. لكن المسا بنجي بنسلم عليها ركان : ماشي سامي :سلام ركان : الله معك دلال : اي قلي شو القصة حط ايدو عكتفا ومشي هو واياها وقلا القصة يا حبيبتي انو..... _______________________ المسا الكل كان مجتمع عند لونا .. من اهل سامي واهل ركان الاء : شو كنا خايفين عليكي هالفترة لونا : مرقت عخير الكل : الحمد لله ع سلامتك وتنذكر وماتنعاد لونا : امين .. وبالنهاي كنا عم نخدم البلد ههههه الكل :هههههه ركان : صحي لونا كيف كانت فترة حجزك عند المقدم حازم "وغمزها لونا : شو غليظ هههه ... والله لاخر نفس لحتى عرفت انو ضابط .. كان عطول عم يمثل علي دور المجرم سامي : كنت خايفة لونا :هههه انا من زمان مابخاف من شي .. يعني بالعكس اذا متت بفرح سامي : لا تحكي هيك .. نحنا كلنا بحاجتك لونا : صرلي فترة مختفية .. وانتو ماتغير عليكن شي .. وما أثرت ع حدا .. وعايشين حياة طبيعية ركان : لونا شبك رح تقلبيها نكد لونا : ماقصدي والله ... بس يعني اذا صرلي شي بتزعلو يوم يومين وبعدين بتنسو ركان : خلص شيلونا من هالسيرة لونا :اي والله ... وانا مشتاقة لهل الازعر الصغير قامت وحملت ابن الاء لونا : تقبر قلبي ما الزلك... شو الاء قومي تلحلحي شوي وجيبلنا شي نشربو الاء : ههههه بأمرك ست لونا لونا :يامية اهلا وسهلا عنجد شوفتكن بترد الروح خلصت السهرة وراحو الكل ... فاتت لونا تمددت ع تختا .. وصارت تتذكر حازم .. لونا : وليش عم فكر فيه ... تضربي يالونا _____________ واقف ع البلكون .. اجت صبية من وراه وحطت عكتافو جاكيت وكانت العتمة مغطاي وجها _الجو بارد حازم : شكرا _ قلي اخي شبك مانك ع بعضك حازم : لا ابدا مافي شي _ كأنك مانك مبسوط لانك خلصت مهمتك حازم : والله ياريم هي المجرمين مابتخلص واذا الواحد بضل طول عمرو عم يلقط فيهن بتضل البلد مليانة اجا ع وجها ضو القمر وهية نفسا ريم الممرضة ريم : طيب شو المشكلة حازم : مالل كتيير .. مالل من كل حياتي .. لحد هلأ ماعملت شي ريم :كل هالشي يلي عم تعملو وماعملت شي حازم :قصدي ع حالي .. انا شو عملت لحالي .. شيلك عن المصاري والشهرة والجاه بدي شي الي خاص فيني ريم : قصدك تكون عيلة حازم ::هيك شي ريم :طيب اخي ما تتزوج انت صرت منيح وبصراحة حاجتك .. وكمان لاتنسى نص بنات البلد بتتمناك حازم : مابقدر اتزوج قبل ما اتخلص من سلبياتي ريم :قصدك ع النسوان حازم :اي .. خايف يلي بدي اتزوجا اظلما .. او خونا ريم :صدقني اذا بتحبا وهية بتحبك رح تغنيك عن نسوان الدني كلا ... وبصرااحة انا قلبي حاسسني "اشرت عقلبو " انو هاد بلش يدق حازم ::ههههه شو هالتخبيص .. انا بدي حب ومين بدي حب ريم : انت مانك ملاحظ اخر فترة معد طلعت مع ولا بنت ولا جبتن لعندك .. حازم :اي مو عطول كمان ريم: لا مو هيك بس لانو قلبك وعقلك عم يشتغلو حازم:هاه .. وبمين بدون يشتغلو ريم : شو رأيك نقول مثلا ..مثلا ها ... لونا حازم :شووو لونا ... ومالقيتي غير هي ريم :حازم حارتنا ديقة وبنعرف بعض حازم : لا لا مستحيل فكر بلونا وبعدين ما من ستايلي ريم :شو ستايلك حبيبي حازم :انت مطولة هوون ... روحي من وجهي ريم ::طيب تصبح على خير حازم :وانت بخير راحت ريم وهو رجع يتصفن بالسما وصار يبتسم يتبع ..........