*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d .قصة 🤎: #ضد_مجهول القسم الأول بحارة متوسطه المعيشه السكان متواضعين العيشه سهلة ولسى الدنيا بخير عمارتنا مليانه جيران فيها متزوجين وفيها عزابيين وفيها ولاد صغار ونحن من يوم اشترينا البيت بالعمارة كأننا اخوة نحن والجيران منسهر عند بعض منتشارك لهموم الافراح الاحزان انا هيا واخي عماد وحيدين ل ماما وبابا مغترب بعد ما رسبت. بالبكلوريا احبطت كلياً وما قبلت عيد السنه مع الي اصغر مني سنتين وانا بالبيت بس سياحه وهمالة من بيت عمي لبيت خالي لبيت جيراني مواصفاتي طويلة طول الزرافه وممنوع البس كعب عالي عماد بيكسرو على نافوخي وجسمي وسط متناسق مع طولي بشرتي ناعمه وبيضا عيوني عسليه وشعري طويل وكيرلي بس عماد بيحكيلي اجعد😂😂خدودي منفوخين ومعجعجين طبعا من الاكل وقلة لهموم والي غمزة محفورة حفر على خدي الايسر كسلانه لابعد حدود بصحى بعد الظهر بفطر لحالي وبرجع لورا الكومبيوتر ومن هون سندويشه ومن هنيك قطعه حلو ربيت كرش😂😂بس حلو يعني وقت البس العباي السودة بيختفي انا محجه حسب الاصول ماشيه غاطه بسابع نومه وسمعت صوت الباب عم ينفتح بسرعه ماما:يخرب بيتك من حالك ما شبعتي نوم ااااه ولا طبعا السهرة ع النت للصبح ما اخدت ولا اعطيت حطيت لمخدة على راسي وكأني ما سمعت شي ماما:لك البيت لساتو بلا تنظيف والجلي مصبر ولك ريحتنا طلعت قومي ساعديني عم اغسل واشطف لحالي دخل عماد وسمعتو متل النسوان عم يشاركها عماد:اي نامي بلكي بتصيري قد الفيل هلا قد البقرة 😂😂 ماما:هيااااااا😠😠 يمكن طلعت عن طورها رفعت عن وجهي لمخدة واستناولتني بكاس مي هاد من تدبير ابو كشه هيا:لاااا اله الا الله ماما:الله ياخدك جعل الله بلاكي هيا:😠😠ياربي دخيلك شوفي ماما:البيت قايمه قيامتو ما عم لحق انا دوبني كفي غسيل واخوكي شطف البلكون قومي المطبخ ناطرك هيا:اي اي فهمت فهمت عماد:لك لساتك بمكانك بكرى العيد خلصي بكرة خوالي راح بكونو بضيافتنا هيا:ليش ما سحرتوني مبارح عماد:مشان يخف كرشك على العيد-😂😂😂يخرب بيتك ناقصك انتي تجلست من التخت ونزلت منو والقيت نظرة على كرشي والله صغير يا دوبو يطلع طرقه ونص😂😉 هيا:شو عندك شغل ماما:المطبخ بدو تلميع بتنزليلي كلشي فيو طناجر وصحون بدي اياه يلمع لمع هيا:انا صايمه عماد:ونحن كمان ها شوفي والله ريقي نشفان هيا:الله ينشف دمك ماما:بلا كترة حكي وليه احسن ما اضربك بالصرماية جهزت حالي لحملة تنظيف البيت ورفعت عن زنودي وبلشت بالمطبخ طبعا عماد ماسكلي السلم وعم امسح السقف عماد:ديري بالك لا توقعي والله غير موت تحتك هيا:😂😂😂ينعن عماد:هيووووش هيا:نعم عماد:وين ناويه تروحي بكرة العيد هيا:النوم ثم النوم ثم النوم عماد:اي لنشوف بس انا رايح روح على بيت جدي هيا:لا حل عني ناقصني شوف خلقتو ويبهدلني😂😂 عماد:وراح يحكيلك بنت مين انتي😈😉وبعدها بيحكيلك لو اخدتي ابن عمك جندل مو كان احسنلك من قعدتك بالبيت روحي شوفي بنت الغربة جابتلو توم صبيان هيا:😂😂تخيل يحكيلي والله لاضربو بفنجان القهوه على انفو اكسرلو اياه عماد:شو مطولة ع السلم شكلك مستمتعه😉😂 هيا:لك لا تهز فيني هلأ بوقع وبموت عماد:لاااا دخيلك والله بروح دعوسة خليني احضر بس هالعيد مبارح حلقت دقني😂😂 هيا:مااااامااااااا عماد:خلص خلص سكتت هيا:روح بدل المي لشوف بدي كمل مسح عماد:بامرك ابو كرش هيا:والله يا عماد ازا ما بتخرس بدلي مية السطل وكفيت مسح نزلت وبلشت بالطناجر وكأنو الحرب العالمية الثالثه بلشت وانا شغلت على التلفزيون وقفه عرفه الله على اجواء العيد وبالاخص عيد الاضحى ومتحمسه لألبس عبايتي لجديدة ولشالتي لجديدة ولا الحفايه بتجنن في احلى من العيد اكيد لا وبكرة هيك كل الناس بتكون متشيكه وانا راح اوقف ع البلكون اتفرج على الشباب الحلوين ولييي على قلبي "يخرب بيتي على هالتفكير ومشالله صايمه وتفكيري عم يشرق ويغرب لروح صلي الظهر وبرجع للمطبخ هيا:ماما ادن الظهر ماما:اي حبيبتي وعلى شوي راح يأدن العصر هيا:شو بدنا نعمل افطار ماما:اخوكي وصى على صفيحه وشوية مقبلات من المطعم هيا:اي ها هي الاخبار الطيبه عماد:قصدك الأكلات الطيبة هيا:اي لكن هلا صار عندي حماس لاسمع المغرب عم يأدن 😁😁بدي روح صلي عماد:بركاتك شيخه هيا:😂😂😂 توضيت ولبست توب الصلاه وصليت الظهر وهيك دعيت كم دعوة بقلبي بيني وبين ربي ورجعت لكفي مطبخي قبل الادان بساعه عماد راح ليجيب الاكل يا دوبو يلحق كنت هلكانه ودايب قلبي على كاسة مي عملت دوش والبست فستان بيتي ولفيت الشاله وتمكيجت حاسبه حساب حدا يزورنا شرف الافندي عماد ابو كشه وانا حضرت العصير واللبن والمقبلات على طاولة الاكل وقد مافيني اختصرت صحون مو ناقصني ضل اجلي لبعد نص الليل كانت امي طالعه من غرفتها كمان مجهزة حالها ومتعطرة بيلبقلها ست الصبايا وعماد شيخ كان عم يتفرج على التلفزيون ومتمني يحج متل الحجاج 😂😂مو بأيدو الدين مسيطر عليه ماما:هيا هيا:نعم ماما ماما:خديلك هالصحن صفيحه على بيت خلود حرام ساكنه لحالها عماد:مو تقضيها طق حنك معها هيا:ماشي القيت نظرة على حالي من لمرايا الي بجنب باب البيت ونزلت على الطابق الارضي دقيت الباب وفتحتلي هيا:كيفك خلود:الحمد الله تمام هيا:تفضلي خلود:ليش معزبه حالك هيا:لا ولوو خلود:شكرا ودعتها وما طلعت ع البيت وقفت على باب العمارة شم هوا وانا عم شوف الناس رايحه جايه وفي كم شب واقفين وعم يحكو مع بعض هيا:يا ريتني شب كنت ما دخلت البيت الا لضرورة "حبس بحبس حياتي"...... طلعت على البيت وانا مزعوجه وكانوا عم ينطروني ع السفرة عماد:شو منطمزة يا بعدي هيا:😡😡😡 عماد:😁😁😁 ماما:شوفي وليه هيا:ولاشي عماد:شافت خلود معصمصه وهي قد الجحشه😂😂 هيا:لا مو هيك ماما:شوفي لكن هيا:ماله صرلي اسبوع ما طلعت من البيت عماد:اسبوع انتي متاكدة بربك ماما اول مبارح وين سهرت ماما:عند سلمى عماد:فتلتها بكل حارات البلد ماما:ما حلك تتعود متل القطط اختك بتاكل وبتنكر هيا:بدي اطلع من كل البلد عماد:😉😂😂طالعي فيزا ع جهنم هيا:😡😡 عماد:😁😁😂😂 ماما:ليكي هيا ما بدك تتفطري بناقص انقلعي من هون هيا:بالله شو ميته من جوعي بس افتكرتك راح تحكي بكرة روحي قضي نهارك برا البيت عماد:خلص يا ستي بكرة منروح نعايد جدي وستي وبعدها عمامي وبعدها عماتي وبعدين خوالي وخالاتي شو ؟؟ هيا:وبدي روح ع الحديقه واشرب عصير بارد واتمرجح عماد:😁😂😂😂راح موت من الضحك اخ بطني هيا:اي فهمانه قصدك مع انو جسمي عادي ليش هيك عم تحكو اني دبة والله جسمي غير شكل عماد:في انحف منك هيا:وفي اسمن مني عماد:خلص عجعوجه 😂😉 هيا:يبلاك بداء النئرزان أدن المغرب وضليت عم ادعي ربي هيك خسلي عشرة كيلو من غامض علمو والله جسمي حلو يا ربي بلشت حش بالاكل وكل شوي غص واكرعلي كاسة عصير لحتى انتفخت وعماد ما اكل شي بس فرطان ضحك عليي وماما تشوفو عم يضحك وتضحك معو بعد ما اشبعت تساعدنا نحن لتلات وعزلنا مكان الاكل وانا بوشي ع المطبخ الجلي ناطرني البست كفوف الجلي لانو بخاف على نعومه ايديي يروحو من الجلي وبعد ما خلصت اسمعنا صوت دقه الباب ودغري ركضت لافتح بس سبقني عماد وفتح وكانو بيت جيرانه هديل رفيقتي وامها واخواتها الشباب اتنين رفقات عماد عماد:اهلين وسهلين تفضلو دخلو وانا وهديل تباوسنا وبوشنا على غرفتي ماما وام اسامه بالصاله وعماد اخد الشباب على غرفتو كمان هديل:شو طبوشه حليانه هيا:اي واضح هديل:ليش زعلانه هيا:بدي انحف هديل:لك هيك وبتاخدي العقل هيا:😣😣كزابة هديل:هلا ما شفتي خلود كيف معصمصه وشوفي انا تقريبا متل جسمك هيا:والله اكلولي راسي بالبيت هديل:😂😂عماد يعني هيا:اي بربي هلكني تعليقات هديل:لك بكرة بتخلصي منو بس تتجوزي هيا:لك ما بدي اتضرب على قلبي هديل:حضرتي الكتب هيا:اي وهي اخر سنه بقدمها للبكلوريا عم حس حالي ختيارة والله هديل:بتتسلي اسمعت صوت ماما عم تندهلي وطلبت قهوة واجت هديل لتساعدني وكان بتمها في حكي هيا:شو في حاس بتمك في حكي هديل:اي الصراحه هيا:شوفي هديل:عماد 😍😍حليان هيا:ويييع هديل:لا تحكي هيك والله صاير غير شكل هيا:لو شفتي من يومين بس هو مبارح قضى نهارو بصالون لحلاقه مشان العيد هديل:بس والله كيوت هيا:بيشبهك😐😐 هديل:مشالله كيف كبران وطولان وحليان ولا شعراتو اخر موديل هيا:تتهني فيه هديل:عشقان هو هيا:ما عندي اي فكرة هديل:ما بيطلع فيني هيا:من كل عقلك واخواتك كل واحد قد اللوح هديل:بس ما بينتبهو هيا:يمكن ما بحب يغدر فيهن هديل:يسلملي ريتو هيا:خدي هي الصينيه للصاله وانا راح اعطيه القهوة كل وحدة راحت بجهة وانا دقيت الباب واخدها مني بسرعه ولو ولاد جيراني بس ما بحب اختلط بواحد فيهم مع انو قضينا طفولتنا نلعب سوا بس خلص كبرنة وصارو يخجلو فينا قعدنا بالصاله وكان الحديث كلو عن هي اطلقت وهي اتجوزت وبعد العيد عرس ابن فلان وبنت فلانه انخطبت وانا وهديل كل ما سألنا مين يسكتونا هيك لطلعو الشباب وقعدو معنا واجت الفرصه على رجليها هديل بلشت تسبل عيونها وانا عم اضحك عليها ماما:شو خلص الاجتماع المغلق عماد:اي هيك شي اسامه:وين راح تقضو نهاركن بكرة ماما:انا اخواتي جايين ليعايدوني بس هيا وعماد هنن راح يفلو جهاد:ونحن بكرة راح نقضيها عند جدي من مبارح حجزني لصبصبة القهوة عماد:😉😂😂من قيمتك طبعا انا وهديل ولا حرف يمكن ازا بحكيلي شي كلمه يزورني عماد نحن منتابع الحديث بس صمت وكان الحديث عن جيران جدد راح يسكنو الشقه الي فوقنا بعد هالسهرة الحلوة وقفنا سوا لنودع بيت جيرانه وهديل همستلي التفتي ل اسامه زبط حالو كرمالك هيا:😂😂يعدمني اياكي اي بعد ما طلعو ما شلت الموضوع من ارضو انا حلمي سندباد المتنقل بدي كل ليلة نام ببلد شكل مو انلحش بنفس الحارة كان ناقصني امي هلكانه على اساس اشتغلت ودغري راحت لتنام وانا وعماد سهرنه ع البلكون جاي عبالو يشييش ع البلكون عماد:روحي اعمليلي نفس اركيلة هيا:ما حزرت ظهري متكسر من شغل اليوم عماد:اي راح اعملها انا بس ما الك ولا سحبه معي هيا:لا عم تمزح والله هلكانه انا عماد:لا ما حزرتي هيا:بدي روح نام انا عماد:ازا بشوفك فاتحه فيس يا ويلك هيا:لا طمنلي طنجرة الضغط الي بين اكتافك....تصبح على خير عماد:وانتي من اهلو طبوش دخلت لغرفتي وبدلت اواعيي ودغري نمت °°°°°°°°°°°°°°°°°°°°°°° على تكبيرات الجامع صحيت فتحت الشباك ووقفت لاستمع على هالأصوات الحلوة بهجه العيد حلوة بس ناقصها وجود بابا يلا انشالله العيد الجاي بيحضر معنا حاسة بكميه تفاؤل وانو شي اليوم ناطرني يمكن بدي اتفسح مع عماد 😂😂 والله لجننو بعد ما خلصو كنت عم اتفرج على لرجال طالعين من الجامع وعم يعايدو على بعض شي خمس دقايق وطل عماد واشرتلو وهو هز براسو "على هالصباح اكيد هيك حكا" فتحت خزانتي طالعت العباي لجديدة بتاخد العقل على قد مو حلوة والشاله الخمريه وجهزت بنطلون جينز لتحت العباية وبلشت البس اواعيي بكل ترتيب وانا طويلة بال اندق باب غرفتي ودخلت ماما ولساتني ما لفيت الشاله ماما:كل عام وانتي بخير هيا:كنت انا اجيت براسي لعندك ماما:مو مشكلة حبيبتي بوستني واعطتني عيديه متل لولاد لصغار هيا:لا يامو كبرت ما بدي ماما:اتصل ابوكي وهي منو مو مني هيا:الله يخليلي اياكن اجى عماد ولابس جينز مع قميصو الابيض وجاكيت اسود مع بوط ابيض عماد:يييي كل عام وانتي دبة هيا:وانت كمان انشالله قرب ليسلم عليي ويبوسني هيا:بدي كمل لف الشاله خربتو عليي هالصباح عماد:لك شو انا غشيم عن شعراتك بدي روح عايد على اسامه وجهاد خلصيني كل عام وانتي بخير هيا:وانت بالف خير بعد السلام هيا:استناني بربك بدي اطلع عايد على هديل عماد:خفيها مو ساعه هيا:بدك تفطري يامو ماما:لا حبيبتي وهلا بس ييجو خوالك منشرب القهوة وبعدها منعمل لفطور عماد:انا وهيا طالعين نعايد على ستي وجدي بالبلد ماما:وانا بلحقكن بعدين بعد ما خلصت لف الشاله اضحكت لحالي بالمرايا كرمال تبين الغمزة البست حفايتي وتعطرت وطلعت من البيت انا وعماد لنعايد على بيت ابو اسامه اشربنا القهوة عندن وهديل طاير عقلا ب عماد ومبلشه بخطه التطبيق بعدها رجعنا انا وعماد على البيت كان هلا واصلين خوالي والله اليوم عيديتي كبيرة 😂😂😉خليني صمدهن للضرورة وكل واحد فيهن اعطاني الي فيه النصيب وعماد كمان عايديني يخليلي اياه بعدها عملت القهوة لخوالي ونزلت انا وعماد على الدرج كان في شب باخر العشرينات طالع لفوق ونحن نازلين التقينا وهيك حسيت متل الافلام الهندية انو توقفت اللحظه وعيوني عليه وعيونو عليي لحتى نطق باسل:لو سمحت فيني اسالك سؤال طبعا عماد زورني وانا مشيت كم خطوة قدامو عماد:تفضل باسل:بيت انتصار المحاميه وين عماد:بالطابق الرابع باسل:يعطيك العافيه عماد:المستأجر لجديد انت اكيد باسل:اي والله عماد:تشرفنا ....وكل عام وانت بخير باسل:وانت بألف خير ...اسمي باسل عماد:وانا عماد باسل:تشرفنا هو كمل ليطلع وعماد مشى قدامي ونزلنا سوا وانا لازم القي نظرة اخيرة على الشب الحلو حاطط علكه بتمو والسماعات بأدنيه ومعو شنته مو كبيرة صغيرة اكيد فيها اواعي لمحتو واقف وطلع فيني كمان وبنفس النظرة ابتسملي ورفع حواجبو بمعنى السلام وانا دغري كملت طريقي عماد:لعمى شو هالأشكال هي هيا:عن هاد بتقصد عماد:لابسلي نص بنطلون يخرب بيتو ولا البنطلون لسى خصر ساحل هيا:😂😂 عماد:لعمى بقلبو ما بيخجل وهيك اليوم عيد باينتو مصيف هيا:شو بدك فيه يسطفل كملنا مشي لصرنا لجنب العمارة وهيك التفتت لشوف الطابق الي راح يسكنو وشفتو عم يفتح الشباك هيا:والله شقفه جمال مو طبيعيه فيه كملنا يومنا ببيت جدي والمسا انا وعماد تمشينا بالحديقه واشترالي اكلات طيبه ورجعنا ع البيت هلكانين رجليي مو حاسه فيهن بدلت اواعيي وطلبنا عشى انا وعماد وماما تعشيت ورجعت لغرفتي اتزكر بس شو راح اتزكر اكيد كل تفصيله ب باسل واسمو باسل حلو كتير والأحلى من هيك انو بنفس الاتجاه 😂😂يعني ازا بطالع راسي من الشباك في احتمال شوفو 😂على كلا انشالله بيطلع خفيف دم مو سئيل لك هياااا صحيح ليش ابتسملي ورفع حواجبو اكيد شافني عجعوجه 😂😂والله لخليك توقع بشباكي يا ابو عضلات تمددت ب تختي وعلى افكار تاخدني وافكار بتجيبني ولسى عماد انقهر منو لانو لابس نص بنطلون 😂😂ع الموضه الرجال وخصر ساحل 😂😂😂ينعن شكلو بس لشو الكزب والله عضلاتو بيسحرو ولا شعراتو كمان ع الموضه حالق مو مشكلة الاهم انو جاري ييييييد دخيلو انا ♡♡♡♡♡♡♡♡♡ فقت بكير على غير العادة يعني هلا لجهجه الضو وطلعت الشمس والاطلاله من شباكي غير شكل فتحتو ودخلت عليي النسمات اللطيفه عملت فنجان قهوة وشربتو على رواق وبعدها فتحت الكومبيوتر صرلي يومين ما فتحتو تصفحت الفيس ودردشت مع اصدقاء الغربة وبعد ملل طويل دخلت ع المطبخ معاد فيني راح موت من جوعي فتحت البراد وفيو ما لذ وطاب وبلشت عملية الحش ع الواقف لحتى اشبعت شربت كاسه مي وقعدت بالصاله لاتفرج ع التلفزيون بكون طالع برامج صباحية وابراج وهيك شغلات مسكت تلفوني واتصلت ب هديل حابة دردش معها بخصوص الجار لجديد هيا :كيفك وليه هديل:قولي صباح الخير هيا:صباح الخير هديل:صباح النور هيا:شو عاملة هديل:من شوي اصحيت هيا:من ساعه انا صحيانه هديل:اوف شوفي عندك لك شو صاير بالعالم هيا:وانا مستغربة بس نمت بكير هديل:احملي حالك وتعالي لعندي هيا:لحتى افطر ميته من جوعي هديل:ماشي جهزي حالك بعد لفطور هيا:اوك سكرت معها وعلى صوت دقه الباب اكيد مو هي حطيت على راسي شاله وفتحت الباب باسل:صباح الخير...اسف ع الازعاج هيا:صباح النور لا ولا يهمك باسل:سكنت جديد هون وما بعرف الحارة منيح فيها مكتب تأجير سيارات هيا:والله ما بعرف راح اندهلك ل عماد هو بيعرف سكرت الباب مع اني بعرف المكتب بس خفت عماد يفيق ويبهدلني دخلت عليه وصحيتو هيا:اصحى خلصنا واحد بدو اياك برا عماد:مين هيا:ما بعرفو عماد:طيب جاي عملت حالي قطه مغمضه وعلى اساس ما عرفتو طلع دغري عماد فتحلو واسمعتو عم يحكي معو واعطاه عنوان المكتب خيي لو كل يوم اتصبح فيك يا مقوص😂😂😂يلا الايام جاية يا حليوة كملت برنامجي الصباحي بمزاج غير شكل وقلبي عم يضحك كل ما تزكرت ابتسامه مبارح الي ولا الحواجب كيف رفعهن باينتو نسونجي وبحب يطبق بنات والا مبارح ما عمل معي هيك من هون ورايح راح جهز حالي من الصبح بجوز كل يوم يعتاز شي 😂😂♡♡♡♡♡♡♡♡♡♡ كل ساعه اطلع واطقس الجو من البلكون مشان شوفو بس ما بين وفترة عيد اكيد زاير اهلو والقرايب على فترة اسبوع ما شفتو وبالي انشغل عليه بس شو بدي اعمل بدي اصبر مافي بينتنا شي يذكر😂😉كنت واقفه على شباك غرفتي وشفتو يمكن هو واقف مع شبين وكأنو ما بيعرفهن ويمكن عم يهددوه او هوو عم يهدد رافع اييدو بوجه الي قبالو وباينتو معصب وبالأخير دفشو وراح دخل ع البناية واختفى وانا شغلت افكاري وحواسي بس ما طلع معي شي وكيف بدي اطلع من البيت بدون سبب لازم اعمل اجتماع خاص وضروري مع هديل اقنعت ماما كتير ورفضت وحكتلي خليها هي الي تزورك لهيك لغيت المشروع وضليت عم اتفرج ع التلفزيون لحتى مليت ورجعت لغرفتي ل نام فقت متاخرة وكان فطورنا فلافل شي مدلل ع الاخر عبيت بطني واشتغلت البيت واجاني اتصال من هديل بدنا نطلع نتمشى ع الحديقه وبلشت تبويس الايادي لحتى ماما وافقت وبشروطها المهم اطلع طقت روحي رديت خبر لهديل نص ساعه وبجهز ودغري البست لباسي التقليدي وتمكيجت ع الاخر وطلعت انطرها لتطلع من بيتها لاننا ساكنين قبال بعض وشرفت وبلشنا تبويس ببعض هديل:منيح انو انفرجت علينا هيا:اي بربي راح موت من الحبس هديل:يوه شو هالعباية الحلوة بتجنن عليكي هيا:لك صبتيني عين مزط البنطلون هديل:😁😂العين تطرقك ارفعيه هيا:حاسة حالي نحفانه هديل:😂😂لك امشي بلا هبلك احسن ما افرط من الضحك هيا:لعمى بقلبك قبل ننزل نزل باسل 😒😱😱😱ليكون سمع حديثنا حطيت عيوني بللارض وكان شبه عم يركض مستعجل لحتى قطعنا بس بنهاية الدرج اكدلي انو سمعناابتسملي نفس الأبتسامه ونفس رفعه الحواجب وغمزني هالمرة وقع قلبي وكمل طريقو هديل:😢😢شو هاد مين هاد هيا:جارنا لجديد هديل:ليش غمزك هيا:ما بعرف هديل:😡😡😡بيسطه يا خاينه نزلنا وانا لسى مصدومة منو كان واقف يمكن ناطرنا هيك حسيت بس وقت شافنا طلع بسيارة مشى فيها ع البطيء نحن ضلينا عم نمشي على الرصيف ولسى ما بعد عنا هديل:شو الاخ معجب هيا:معقول هديل:والله هيك الظاهر هيا:خلينا نخفها بلا ما يرجعو عماد واسامه ويشوفوه هاد عماد ما بيهضمو هديل:دخلك لحالو ساكن هيا:اي هيك مبين وصلنا للحديقه وقعدنا على مقعد خشبي عريض ونحن عم نتبادل الاحاديث طبعا اغلبها عن باسل😂😂شي فاخر ع الاخر وهديل عم تأكدلي انو هي غمزة تطبيق او اعجاب هيا:لك مستحيل صار عمري 20 سنه وما حدا شافني هديل:لك معقول ثقتك بنفسك هيك والله انتي من احلى بنات الحارة هيا:مو معقول مافيني شي مميز غير كرشي😂😂😂😂 هديل:لك بلا هبلك اصلن نحفانه بهي العباي ومو بينلك كرش ابدا بس والله كلشي فيكي حلو والا ما كان اسامه عم يحلق كل يومين لتشوفيه هيا:بربك الا اسامه لا يطلع فيني اقنعيه يشيلني من راسو وخليني انبسط ب باسل هديل:ماشي بس بدك تبادليه المشاعر ل باسل افندي هيا:اي لكاااااان بس لحتى اثقل كمان شوي ما يفكرني مجلوقه عليه وبدك الصراحه صرلي ساكنه بالبناية دهر اول مرة بعيش لحظه حلوة يوم العيد😂😂 هديل:😂😂دي بشرة خير هيا:اي بربي يعني نص ساعه مجادلات وضحك وفرفشه ملينا كتير واشترينا كل وحدة كاسة عصير نبرد على قلوبنا لحتى انتهت مهلة الفسحه ويعني هيك جهزت حالي لشوفة باسل اكيد راح التقي فيه اكيد طلعنا من الحديقه على اصوات اغاني رومنسيه من سيارة حلوة ما التفتت ابدا وكل الطريق ونحن عم نضحك وهديل عم تنمسخر عليي وعلى باسل وعم تقلدلي كيف غمزني وانا وقت اتزكرت الغمزة قلبي دق😂😂مجنونه والله وصلنا على العمارة وفز قلبي وقت انسفطت السيارة ونزل منها باسل😱😱يعني هو لمشغل الاغاني وانا جدبة ما التفتت يلا لصالحي مشان يعرف انو انا ماني مهتمه وحاولت قدر الامكان سيطر على مشاعري وما يبين عليي التوتر هديل:لك هاد طول الطريق لاحقنا معقول هيا:وكيف ما انتبهنا هديل:خفيها لكن خلينا نطلع باينتو طايش 😂😂مدري عشقان هيا:من اول نظرة هديل:😂😂اي اكيد طلعنا سوا ع العمارة وهو ورانا ع الدعسه طبعا دخلنا قبلو وسكرت الباب ووقفت استوعب شو الي صار وليش انا هيك داخلة بحالة ما بتتفسر 😍😍😍يمكن الحب هوا دا بس اما شو باسل بيجننن بياخد العقل لو كل الشباب بيشبهوه ومشالله عنو جريء 😂😂 سلمت على العيلة ودخلت غرفتي وانا اغني الدنيا حلوة واحلى سنين منعيشها واحنا يا ناس عاشقين ننسى الي فاتنا ونعيش حياتنا ع الحب متواعدين بس لسى ما كفيت دخل عماد ومعصب عماد:تأخرتي هيا:كنت بالحديقه عماد:اي وشو عملتي ومع مين هيا:انا وهديل عماد:وليش باسل كان وراكن هيا:😱😱يووووه بالصدفه اكيد عماد:اكيد بالصدفه ....هيا 😠😠مو عليي هالحركات هيا:عماد حل عني مو ناقصني غيرك عماد:ايه يا هيا بسيطه حسابك بعدين هيا:ليك ولاه بدون تهديدك مافي بيني وبينو شي لعمى ما صرلو شهر بالعمارة ساكن شو بدو يكون بيناتنا عماد:بس باينتو عينو زايغه هيا:اه على اساس انت عيونك مو زايغه عماد:بس الي بدو يطلع عليكي لسى امو ما جابتو وهون دخلت ماما ماما:شوفي انت وياها عماد:بنتك كانت تتمشى مع هديل وكان باسل وراهن ع الدعسه ماما:وين الغلط عماد:يا امه الله شو وين الغلط ماما:ليك ولاه اختك مو صغيرة وبعدين طبقت العشرين والي من جيلها تجوزو لهيك ازا هالشب حاببها مافي مشكلة عندي انا ولا حتى عند ابوك هيا:بالله شو وشو شايفيتني بايرة يا بعدي ماما:اخرسي انتي عماد:بس الناس بتفوت من لبواب ماما:سد بوزك انا بعرف مصلحه بنتي منيح لا تدخل فيها انا امها وادرى بمصلحتها عماد:منيح والله هاد الي كان ناقص تحب وتعشق ومين هاد السنكوح ابو شعرات وشورت هيا:😂😂😂 عماد:لا تضحكي احسن ما اقتلك ماما:عماد روح من وجهي احسن ما ابتلي فيك وخلي الصرماية تعلم على جنابك هيا:😂😂😂😂😂😂😂لا يامو صار عمرو 21 سنه عماد:اي منيح الي بتعرفي ماما:انتي انضبي بغرفتك وهو حسابو بعدين طلعو لتنين من غرفتي قفلتها بدلت اواعيي وشغلت اغنيه ل اليسا حالة حب وعلى الاخر خليه يموت جلطه وانا وصلني تصريح من ماما انو عادي 😂😂 بعد موجه هالرومنسيه فتحت الكتب ودغري سكرتهن 😂😂العلم نور طلعت من غرفتي وقت الغدا ساعدت ماما بشوية شغلات وحطينا الاكل على الطاولة وبلشنا بلاكل عماد:تاني مرة بتنوصي لصوت الاغاني عيب هيا:حاضر ماما:اكل وانت ساكت عماد:بس ليتصل بابا اه ولا لشو ما انت حاكميتو هيا:😂😂😂 ماما:مبارح لحتى حكمتو وغير هيك كان ما بيسمع الا كلمة امو هيا:😂😂والله نهفه عيلتنا ماما:انتي حسابك شي تاني وازا ما بتنجحي هالسنه راح قطع الشحاطه عليكي هيا:😂😉تخيلي ماما تضربيني وانا قد الشنتيرة عماد:😂😂منيح عارفه حالك هيا:اي بعرف بعد الغدا مستحيل فكر ب حدا غير باسل ولو مانو حاطط عينو عليي ما كان لحقني وانا شغلتلو اغاني حلوة اكيد راح يعرف من وين ولمين المسا كنت عم اتامل الغروب من شباكي وسمعت صوت بسبسه من فوق ودغري التفتت دخلت لجوا بعد ما شفتو😂😂ينعن عمري هاد واشش وقفت بعيدة من الشباك وشفت ملقط بخيط معلقه فيه وردة مع رساله وما عاد قدرت اتماسك يعني طريقه مرسال جديدة 😂😂😂😂 بس ما اخدت شي على اساس ما شفتها سكرت الشباك وتسطحت على تختي قبل انام اتفقدت الشباك لعمى لسى الملقط معلق فرطت ضحك كأنو رابطو بشي شغله اخدت الوردة شميتها واخدت الرساله وموجة الخجل اكتسحتني حلوة الوردة وريحتها بتجنن والرساله مرتبه كتير فتحتها لشوف المضمون واول مرة بتوصلني رساله غراميه "اكتب اليكي هذا الرساله وانا بأفضل حالاتي وبتمنى الرد منك اكيد بس مو برساله متلها كتبتلك رقم تلفوني ناطر اتصالك جارك العزيز باسل 😂😂😂فرطت ضحك عليه يخرب بيتو مسدء حالو وكاتب الرقم طيب ليش ما احكي معو وبتسلى اكيد متل ما هو راح يتسلى فيني طريقتو كتير بلدية وحاسه انو انا لقمه سهلة الو بس وين بدو بروح مني راح فرجيه كل انواع التطنيش وانا وياك والزمن طويل 😂😂راح رجعها للرساله والوردة فتحت الشباك وكان الخيط والملقط مختفي😒😒يا فضيحتك يا هيا يا ويلي هاد مداوم ع الشباك بلشت فكر وفكر بس ما طلع معي غير اني خوض هالتجربة واذا صار وفشلت بعتبر حالي ما اعرفتو وما كنت بعرف انو العشق صعب 😔😔😔😔 #يتبع ******...