*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d .قصة 🤎: #ضد_مجهول القسم الثاني تقريبا شهر كامل وانا عم شوفو كل يوديدة لبس حلو الصبح بيطلع الساعه تمانية بيرجع من شغلو اربعه بعد الظهر وبليل بيطلع وما بيرجع الا بعد نص ليل وانا حماسي عم يزيد كل يوم انو احكي معو لو كلمه بس شو بدي اعمل عم اثقل يمكن عشقتو هاد الي صار داهم حياتي فجاة من اول نظرة سحرني وبعد كل ليلة عم تمضى عم اتاكد من احساسي تجاهو ما عم اقدر اتجاهلو وبس المحو قلبي يبلش يدق بكافه انواع الموسيقى هيك لحتى من بلكون صالتنا مسى عليي #باسل:مسالخير بدوري ما راح ردو وعماد مو بالبيت وماما عند جارتنا هيا:مسالنور باسل:وبعدين معك هيا:نعم ما فهمت باسل:الرساله واخدتيها ليش ما اتصلتي فيني هيا:لانو ببساطه ما بدي احكي معك وهي مو طريقه بتحكي فيها معي باسل:طيب وين فيني شوفك ونحكي ع رواق هيا:مافي مجال معي باسل:بالحديقه الي ورا البناية شو هيا:ما بعرف والله باسل:طيب انا مو بكل اوقاتي ما عندي شغل بس قبل لغروب عندي مجال لشوفك راح بنطرك اليوم المسا بالحديقه ازا اجيتي راح نتفاهم وازا ما اجيتي راح اترك البنايه هيا:من الباب للطاقه باسل:منتعرف على بعض ومنحكي ما راح تخسري شي على كلا انا ناطرك الساعه سبعه قبل المغرب هيا:انشالله خير طبعا كنت مبسوطة وشغلت افكاري الجهنمية وبلشت دور على خطه لاطلع من البيت وقبل لغروب عصرت مخي وما طلع معي الا حل واحد وهاد الي راح يصير اتصلت ب هديل ويمكنها كانت مشغولة بس فضيت كرمالي هديل:لك شوفي احكيلي هيا:باسل هديل:شبو هيا:بدو يشوفني اليوم المسا هديل:لا عنجد 😍😍 هيا:اي وبدي تساعديني هديل:كيف هيا:اسمعيني وافهميني ماشي وركزي منيح هديل:هاتي لشوف هيا:انت مو معجبة ب عماد هديل:اي هيا:الساعه سبعه بتواعديه ب كفتيريا السلام الي بالشارع التاني هديل:ولي شو عم تحكي انتي هيا:هي فرصتك وفرصتي عم تفهمي هديل:واسامه هيا:اسامه انا راح اتصل ب جندل ابن عمي وهو راح ياخدو ع المسبح لحتى نخلص اجتماعات هديل:وعماد انا بخحل منو هيا:لك بلا تخجلي وهيك بتعرفي ازا معحب ولا لأ هديل:ويمكن انا اخسر هيا:يعني انا بعرف شو بدو مني باسل طلب يشوفني هديل:طيب ماشي بعد ساعه بردلك خبر هيا:ناطرة سكرت الخط وبلشت فتش على شي حلو ومرتب لحتى ردتلي الخبر هديل:اتصلت ب عماد ووافق هيا:😂بربك هديل:اي واسامه شوفي شغلك معو هيا:ماشي هديل:لك دخيل صوتو ع التلفون ما احلاه هيا:😂😂يبلاكي بقتلك هديل:رايحه لجهز حالي هيا:ماشي البست عباية سودة وعليها تطريزة خفيفه ازرق مع شوية اكسسوارات لا يخلو الامر وشاله زرقا وتمكيجت جهزت حالي منيح وضليت بغرفتي لحتى عماد اجى وبدل اواعيه وريحه بارفانو واصله لاخر الحارة وطلع واجت ماما وطلعت بوس الايادي لتخليني اطلع هالمشوار وعندت ماما:لوين ومع مين هيا:مع هديل ماما:هديل!!!! كزابه هديل من شوي طلعت من البيت "الوقت تاخر ولازم روح وتوترت " هيا:ابوس ايدك برحمه جدي برحمه اخي محمد تخليني روح ماما:شو هالحلفان هاد هيا:بربك مشان الله ماما:طيب روحي بس بدي اعرف ل وين هيا:بس ارجع وحياتك ماما:ايه روحي طلعت من البيت دغري وخفيت بالمشي يعني كنت سريعه محمسه كتير لشوفو 😍😍😍ولي على قلبي هلا بكون مجهز حالو حاولت هدي حالي منيح ودخلت الحديقه بمشي بطيء وانا عم دور عليه بعيوني وسمعت صوت تصفير ما لحقت دور بعيوني وكان رافعلي ايدو وذبت باواعيي منو انا ؟؟؟؟شو طلة شو شخصيه بتاخد العقل مشغل سيكارة رجل على رجل بوط ابيض جينز كحلي وبلوزة سودة 😍😍😍وشعرات مرفوعين ودقن مرتبة ونظارات شمسيه معلقه بالبلوزة تقدمت شوي شوي بابتسامه صفرا مع انو بقلبي فرطانه ضحك بس ما حبيت انجلق وقف ومد ايدو ليسلم بس انا ما رضيت من باب العادات والتقاليد والدين يعني احرجتو وهو اشرلي بايدو باسل:تفضلي هيا:شكرا قعدت على طرف المقعد متل الاكابر ويعني عيوني ع الارض وخجلانه كتير هيا:شو الموضوع باسل:بدي اشكرك لانك قبلتي الدعوة وما رديتيني هيا:اي باسل:ما بعرف من وين بدي بلش هيا:من وين ما بدك بس ما بدي اتأخر باسل:طيب ماشي ....الصراحه انا معجب فيكي كتير كتير هيا:😍😍😍 باسل:يا دوبني شفتك مرة او مرتين وهيك سهام عيونك صابتني هيا:😂😂 باسل:اي وضحكتك كمان والتزامك حكاية تانيه عيلتكن عريقه مشالله هيا:والمطلوب مني باسل:عم صارحك وبدي تصارحيني هيا:ب شو باسل:طيب ليكي رقمي عندك احكيني اليوم هيا:مابوعدك باسل:خلينا نتمشى هيا:اي وبدي ارجع ع البيت باسل:ماشي لكن بوصلك حسبتها بعقلي عماد ما راح يرجع بسرعه وازا صار راح خبر ماما وهيك بكون اكسبت شوفتو 😍😍ما احلاه ما يبلا هالطول مشينا سوا وانا ملبكه شوي وخايفه من عيون الجيران بس كمان مبسوطه معو هيا:شو بتشتغل انت باسل:فاتح نادي مدرب انا هيا:مدرب شو باسل:كمال اجسام وحديد هيا:جيم يعني باسل:اي هيا:😍😍وين النادي باسل:حابة تزوريني هيا:😂😂يمكن باسل:بس تتصلي فيني بخبرك هيا:😂😂ماشي ودخلك يعني ضروريه الرياضه للجسم باسل:اي لكل شي هيا:😌😌منيح كتير باسل:وانتي شو دارسه "يا خجلتك يا هيا احكيلو انك عايديتها وحر كمان لانك رسبتي هيا:خلصت البكلوريا وقعدت باسل:ونجحتي هيا:لا باسل:يلا بلا هالدراسه هيا:اي امبلا باسل:صحيح اسمك هيا هيا:😂😂ينعن عمري من مين دريت ياسل:مركب مكبرات صوت عندكن هيا:😂😂اي بيصيرر باسل:عماد اخوكي سئيل هيا:لاااا حبباب كتير باسل:😂😂اه كتير هيا:شو شايف عليه باسل:مافي شي بس هيك بحسو عصبي هيا:لكن لسى ما بتعرفو باسل:بكفي اعرفك الك هيا😍😍😍😍 يعني المشي معو غير شكل وياريت ما اوصل للبيت بس شو بدي اعمل وصلنا وخلصنا على اللفه ع الرصيف اجمدت وقت شفت عماد وهديل قبالنا وما بيفصلنا عن بعض الا كم خطوة 😱😒يا شحارك يا هيا هيا:ولي ولي هاد عماد اخي باسل:ليش خايفه خلص شافنا هيا:ولي على قامتي ولي باسل:انا معك ليش خايفه هيا:لانك معي انا خايفه شفت هديل عم تهديه يمكن ومسكتو من ساعدو بس هو رفض واجى متل الاسد وفوق كل هاد هديل صارت تضرب على وشها من الصوب التاني اجى اسامه ومعو جندل 😱😱رجليي معاد حملوني من هالمنظر وبالاخص عماد باسل:لا تخافي خلص يا بنت الحلال ليش شو عملنا وصل عماد وهديل اجت لعندي ركض خايفه من اسامه وقفنا حد بعض عماد:😠حيوانه وين كنتي ومع مين باسل:لو سمحت حسن ملافظك معها عماد:انت ما بدي اسمع صوتك باسل:لا تسمعو وانا ما بدي اسمعك عم تكبر حكي عليها فهمان اسامه:شو انسه هديل واستاز عماد هالخطه تطالعوني من البيت وتاخدو راحتكن بالحارة عماد:فهمان الموضوع غلط اسامه:لا غلط ولا صح وانتي حسابك بالبيت هديل:والله ما في شي عماد:خلص اسامه بعدين بفهمك اسامه:شو اختك مع جارنا والله توقعتها من كل بنات الحارة الا منها باسل:احترم حالك لو سمحت عماد:هيا تعالي لعندي بسرعه هيا"بس بدون ضرب عماد:قدامي ع البيت هيا:حاضر حاضر اسامه شحط هديل وانا ماشيه ورا عماد عم حضر حالي للبهدلة واكيد الضربة وما قدرت اخد نظرة على باسل يلا تبهدلنا ومشي الحال وجندل عم يهديه ل عماد طلعنا على بيتنا واسامه وهديل ورانا لحتى كل واحد فات وسكر قبل يمسكني عماد جندل مسكو جندل:بالتفاهم عماد مو بالضرب عماد:لو اختك مكانها شو عملت جندل:حتى انا مدايق منها بس مو بالضرب افهم شو كان بدو منها عماد:واحد صايع وفلتان شو كان بدو منها يعني يضحك عليها ويوقعها ويجرجرها بالحب والكزب جندل:وليش كانت هديل معك عماد:انا شي وهي شي جندل:طيب ماشي متل ما بدك بس لازم تعرف انو كمان هديل غلطانه عماد:انا ابن جيرانها وربينا سوا جندل:وهو ابن جيرانك عماد:خلص ماشي بس بدها تحكيلي كل كلمه دارت بيناتهن هيا:خلص بحكيلك دخلنا على الصاله وماما سامعه كل شي بس ما ادخلت ماما:يا اهلين ب جندل جندل:اهلين فيكي مرت عمي ماما:على شو هالخناقه عماد:احكي انا ولا تحكي انتي هيا:انت اسالني وانا بجاوبك قعدنا وكأني بغرفه تحقيق بس لازم احكي الصراحه عماد:شو كان بدو منك هيا:تعارف مو اكتر عماد:وانتي ليش وافقتي وايمتى عزمك هيا:اليوم الظهر وافقت لشوف شو بدو فكرت شي مهم بس طلع شي فاضي وبهدلتو ورجعت ع البيت بس هو اصر انو يوصلني عماد:مشان لفضيحه تعم ماما:شو في عماد:بنتك كانت عم تتمشى مع باسل ماما:شوفي بينك وبينو هيا:ولا شي والله ماما:لكن ليش عم ترجفي ومرعوبة هيا:.......وعماد كان مع هديل عماد:انا رجال وما بيطلعلك تقارني حالك فيني هيا:وهديل كمان في مين يخاف عليها مو بس انت عماد:بسيطه يا هيا ماما:خلص هيا روحي لغرفتك وانا بتفاهم معو هيا:حاضر ماما دخلت على غرفتي وقفلت الباب وبلشت فكر 😢😢كيف هيك صار وانمسكنا وليش التقينا على باب البنايه وكأننا متفقين وشو راح يصير بعد اليوم وهيك هيك محبوسة بس لا هلا حصار مو حبس خوفي هديل يضربها اسامه 😱😱يييي يلا الا ما تشفعلها امها تمددت بتختي لاتامل جمال الحديث معو وجمال وجهو وحكياتو وضحكتو وكل شي فيه والله لضل حبك لاخر يوم بعمري بس ما اعترفتلو 😂😂خليه تايه بس يلا طلع هو معجب بكفي استنيت للمسا واتصلت فيه وما كملت دغري فصلت توترت كتير زاد خوفي واستنيت ليتصل مع اني خايفه احكي معو بعد نص ليل اتصل طبعا انا ما بنام وانا عم فكر فيه عديت للعشرة ورديت عليه هيا:الو باسل:هلا وغلا هيا:كيفك باسل:تمام وانتي هيا؛الحمد الله باسل:عملك شي عماد هيا:لا ماما تواسطتلي باسل:اي طمنتيني هيا:بس ما راح يبيتها باسل:ليش شو عملنا هيا:خلص بنظرو انا غلطت باسل:معقد يعني هيا:اي بربي باسل:شو عم تعملي هيا:بهيك وقت شو بدي اعمل باسل:يعني ع الانترنت هيا:اي هيك شي باسل:اكيد عندك مسنجر هيا:اي اكيد باسل:طيب ابعتيلي طلب صداقه هيا:وشو اسمك باسل:باسل مختار هيا:طيب لحظه لافتح الفيس فتحت الفيس ودورت على اسمو وطلعلي اول واحد وحاطط صورتو 😍😍يقبر قلبي هيا:طيب بعتلك طلب باسل:وهي وافقت عليه هيا:😂😂سريع باسل:حلو اسمك مدللة امي😂😂 هيا:مع انو عماد مسميني عجعوجه امي باسل:😂😉كتير حلوة هالنكته هيا:عجبتك يعني باسل:اي كتير هيا:ما سالتك ....كيف حبيتني باسل:ما بعرف فجاة دخلتي لقلبي من اول نظرة هيا:😂😂دخيل الله عم تكولك عليي باسل:يا ستي كولكي عليي امانه هيا:اه اي انشالله.....كم وحدة عرفت قبلي باسل:يييي كتير يا ستين يا سبعين هيا:بس باسل😂😂بعد يعني بدك هيا:نسونجي يعني باسل:درجه اولى هيا:بس انا ما بناسبني هاد الحكي باسل:لا راح يناسبك وكتير كمان هيا:كيف باسل:هيك انا قررت وراح ضل وراكي لتحبيني 😊😊 😍😍"مو انا عشقانه ومخلصه وعم غار عليك كمان من هالستين والسبعين " هيا:اي لنشوف باسل:اي ما حكيتيلي هيا:عن شو باسل:بدي احكي معك صوت وصورة هيا:😉😂😂بخاف انا باسل:من شو هيا:انا اتصال وفصلت من خوفي باسل:انا بدي وطد علاقتي فيكي هيا:الايام جاية....ايمتى بتروح ع النادي باسل:حسب بس بعد التمانيه اي عنجد عم احكي لازم نحكي صوت وصورة هيا:مو اليوم باسل:بنطرك اكيد بس لازم نحكي هيا:هيك مع كل الي بتتعرف عليهن باسل:اي هيك ونص هيا:مو عيب باسل:ازا هنن بيرضو انا شو دخلني هيا:هيك لكن باسل:خلص لا تفكري كتير هيا:سهران لحالك باسل:اي اكيد هيا:وشو عم تعمل باسل:قبل احكي معك تعشيت وجليت وشفت اتصالك هيا:هههه بتجلي يعني باسل:شب عزابي ولحالي استنى الجيران يشتغلو عني هيا:وين اهلك باسل:مسافرين هيا:على وين باسل:على لبنان هنيك مستقرين وانا كنت هنيك بس اجيت بشغل ضروري وراح ارجع اكيد هيا:😭😭😭عنجد ايمتى باسل:حسب الشغله الي جاي مشانها خلصتها بكير دغري راجع هيا:احكيلي شو هالشغله باسل:لا مافيني هيا:كم اخ عندك باسل:انا ترتيبي الثالث هيا:يعني كم واحد باسل:خمس شباب هيا:وما عندكن بنات باسل: ....لا هيا:بس البيت الي ما فيو بنت ما فيو حنيه باسل:يمكن هيا:شو لهجتك تغيرت باسل:ما بدي نتزاعل من اول مكالمه هيا:لا عادي احكي باسل:ما بدي اجرحك بعرفك حساسه هيا:عادي بتحمل باسل:لا لا شيليني من هالموضوع هيا:ماشي .....شو تعشيت باسل:حواضر مو اكتر هيا:انا تعشيت محاشي باسل:😂😂بالهنا ما غصيتي هيا:لا ابدا باسل:حابب شوفك ما اشبعت منك اليوم هيا:باسل بصراحه على شو ناويلي باسل:كل خير هيا:لهجتك عم تخوفني باسل:لا حبي لا تخافي مني انا متلي متلك وما عندي اي نيه عاطلة واكيد راح تكتشفي هالشي هيا:باسل بربك لا تلمحلي بشي غامض باسل:طيب متل ما بدك بكرة بدي شوفك لو من البلكون هيا:اي ساعه باسل:قبل لتمانيه هيا:بكون بسابع نومه باسل:كمان طيب بعد الاربعه المسا هيا:بكون عم اتغدا باسل:😂😂طيب راح نحكي صوت وصورة ناطرك بكرى هيا:ماشي باسل:يلا بدك شي هيا:وين باسل:بدي نام بكرى عند تدريب هيا:😢كمان شوي يا باسل باسل:من عيوني تكرمي راح سهرك للصبح هيا:والتدريب باسل:مو هيك بدك هيا:طيب نام هلا وبكرى منحكي باسل:حاضر هيا:يعني بدك تنام باسل:اي الصراحه عم استحضر للنوم هيا:كيف يعني باسل:يعني متمدد وناطر تنتهي المكالمه لاغفى هيا: 😍😍ما بيصير تنام وانت فاتح خط باسل:😂😂لا مستحيل بدك طيريلي وحداتي هيا:ايه كشفتك يا بخيل باسل:هيا خلصنا بربك بدي نام هيا:ماشي راح بتركك تنام بس ازا ما قدرت نام بتصل فيك باسل:😂😂ينعن عمري وبعدين معك هيا:طيب افصل ل شوف باسل:تصبحي على خير هيا:وانت من اهلو سكرت الخط وانا بكامل فرحتي مبسوطة كتير منو ومن عفويتو كتير صريح بس مخبي وراه حكاية وكانها بتخص حدا من اهلو هيك حسيت يلا منيح اني حكيت معو وبكرى يمكن اتصل فيه صوت وصورة 😍😍لازم زبط حالي ع الاخر قبل الاتصال هيك المفروض 💜💜💜💜💜💜💜💜💜💜 من بكير صحيت على غير العادة قبل لتمانيه بدي شوفو ضليت بالبيجامه بس حطيت شاله على راسي ومن البلكون ما ببين ع الشارع استنيت خمس دقايق وما طل رجعت للمطبخ اشربت كاسه مي وعملت نسكافيه ورجعت للبلكون قعدت على الكرسي انطرو واتفقد الساعه وع الساعه تمانيه شفتو نازل يقبر قلبي😍😍لابس بيجامه مع بوط رياضي ومعو شنته صغيرة عند سيارتو وقف شافني وسلم عليي وانا ما رديتو رفعتلو ايدي لحتى طلع من الحارة كملت كاستي🍵🍵 على رواق وانا عم غني اغاني صباحيه لفيروز نطرك انا ندهك انا رسمتك على المشاوير يا هم العمر يا دمع الزهر يا مواسم العصافير 💜❤طاقه ايجابيه شوفتو ع الصبح وين كان مخبى عني 😢😢😢لازم من زمان سكنت بالبناية عنا الله يجمعني فيك عن قريب يا ابو عضلات 😂😂 بعد لفطور عملت حملة تفتيش على صفحتو ع الفيس كل صورة مع كامل التعليقات والايكات وكم بنت ضايف عندو وشو عم يعلقولو اما شو نص بروفايلو نسوان هي بالبداية ولا فوق كل هاد من السنه الماضيه متصور مع بنت سلفي وكاتب عليها كم قلب حب فرندز والتلعيقات كلها الله يحميكن وين انتو كيفك رزان ايمتى نازل لسوريا 😡😡طبعا نار جواتي شعلت هالنسونجي راح كون فريستو هيك الظاهر لعمى بالصورة الي متصورها كتير قريب من البنت 😲😲 والبوستات التانيه مع رفقاتو البنات والشباب بالمطعم يا سلام شي ناهي بسيطه يا باسل اليوم راح خليك تحكيلي كل شي او بترك انا وياك بعدها ندهتلي ماما لاشتغل وانا نار الغيرة شعلانه بقلبي وعم غني من قهري وزعلانه بعد الشغل والعمل عملت قهوة الي ولماما ولعماد وشربناها ع رواق قبل الساعه اربعه طلعت ع البلكون انطرو بحجه انو بدي شم هوا وعماد ملتهي ب مسلسل لحتى نزل من سيارتو صحيح فرحت بشوفتو بس ما عجبتني صفحه الفيس عندو ابدا مبتسم وشافني ناطرتو اشرلي على ساعه ورفعلي اصبعو السبابه يعني الساعه وحدة وانا هزيتلو براسي بمعنى بسيطه حسابك عندي حضرنا الغدا ورغم انو زارونا بيت عمي مع الكنه لجديدة بس انا افكاري بمكان تاني وعم اشتغل بدون نفس وعلى نار ناطرة الساعه وحدة بعد ما انفضت السهرة علقت بالمطبخ شي نص ساعه ترتيب وبعدها دخلت غرفتي لارتاح وجهز حالي لاتصال الافندي بعد نص ليل جهزت حالي طبعا بس لفيت الشاله كنت لابسه بلوزة سودة كم مع جينز للبيت وقاعدة ورا الكومبيوتر استنى يتصل وتسليت بشوية مناشير ونكت لحتى بعتلي لايك ع المسنجر قبل الوحدة اكيد بمعني جاهزة بعتلو لايك كمان واتصل القيت اخر نظرة على حالي وما بين هو بس الحيط باين 😂😂 هيا:الوووو باسل:جاييكي هيا:مجنون هالنسونجي متعود على طق لحنك مع الصبايا نطرتو وزبطت حالي على الكاميرا اكيد مو شايفني لحتى اجى كنت عم زبط السماعات وهو عم يزبط الكاميرا باسل:اسف تاخرت عليكي هيا:ولا يهمك باسل:دخيل هالطلة هيا:شكرا باسل:حاسك مو على بعضك هيا:اي هيك شي باسل:الي علاقه انا هيا:اي اكيد باسل:له له من شو زعلانه هيا:ما بعرف حاسك نسونجي عنجد باسل:😂😂وشو يعني هيا:لا ولاشي باسل:يعني ما بدك اطلع بنسوان هيا:لا تسطفل اطلع بمين ما بدك وانا شو دخلني فيك ما بتخصني اصلن وهون فرط من الضحك هيا:ليش عم تضحك باسل:هلا اجتمعو كل رجال الارض على انهم يفهمو مراة وحدة عجزو كيف بدي افهم عليكي انا هيا:😠😠 باسل:كيفك هيوووش هيا:اسمي هيا باسل:طيب كيفك هيا:غير شكل باسل:شو عاملة هيا:عم احكي معك باسل:😂😉وانا عم احكي معك هيا:شو عم تعمل باسل:بدي شغلك اغنيه جاهزة تسمعيها هيا:شو هي باسل:انطريني شوي راح مرة تانيه حط كومبيوترو المحمول على الطاولة وراح رجع معو بافله صغيرة وشغل من تلفونو اغنيه موسيقى هادية معو كاسه عصير حط الكومبيوتر بحضنو والظاهر حط رجليه ع الطاولة مشغل سيكارة هيا:شو هالأغنيه باسل:هلا بتسمعيها هيا:لا تزعج الجيران باسل:😂😂نايمين هيا:ايمتى راح تبلش تاخرت باسل:طولي بالك هيا:😂😂شو تعشيت باسل:ما تعشيت شي هيا:له ليش باسل:ما بعرف مال من اكل البيت هيا:اطلب جاهز باسل:كمان مليت هيا:تعلم الطبخ باسل:هاد الي كان ناقص يعني الاغنيه من الزمن الجميل هيك الموسيقى مبينه معي بس ما عندي خبرة لمين وما بعمري اسمعت هيك اغاني بس هو مسلطن وعم يشرب دخان وبلشت الاغنيه "نسيت النوم واحلامو نسيت لياليه وايامو بعيد عنك حياتي عذاب ما تبعدنيش بعيد عنك ما ليش غير الدموع احباب معاها بعيش بعيد عنك 😍😍😍احساس مو طبيعي كان عم يسيطر عليي هيا:حلوة الاغنيه باسل:هي الك هيا:😄😄عنجد باسل:اي والله كل يوم عم اسمعها وانا بعيدعنك هيا:بتحب هي الاغاني باسل:كتير مو شوي هيا:كتير زوءك حلو باسل:😂😂اي مو احلى منك هيا:حاجتك عم تكولك عليي باسل:شو رايك ارمي حالي من الشباك لتسدءيني هيا:😂😂لا لا مسدءتك بس حاسك متسرع باسل:خلص مع الايام يمكن تسدءيني هيا:زعلانه منك كتير باسل:لا ما عاش الي بدو يزعلك هيا:لا عنجد زعلانه باسل:من شو شو عملت فيكي هيا:اليوم شفت بروفايلك باسل:اي وشو يعني هيا:بتتصور مع بنات 😡😡 باسل:😂😂رفقاتي هيا:اوف وهيك بتلزق فيهن باسل:😂😂غيرانه هيا:لا ليش ل غار شو بتقربني باسل:لا راح جن ع الاخر انا هيا:طيب احكيلي عنها باسل:لمين هيا:يمكن اسمها رزان باسل:اي رزان رفيقتي مو اكتر هيا:من زمان باسل:اي هيك شي هيا:ليش اجيت ع سوريا باسل:بشغل هيا:.... باسل:اي وبعدين معك انتي هيا:انا باسل:خلينا نغير المود هيا:طيب ليش عم تشرب كل هالدخان باسل:هيك بدون سبب هيا:بس حاسك تعبان مدري زعلان مدري صاير معك شي باسل:عنجد هيك حاسة هيا:اي هيك باسل:😂😂تعالي لعندي وحداني انا هيا:بالله شو هبلة مفكرني باسل:😂😂لك ليش هيا:وشو بدنا نعمل باسل:منحكي سوا بفضفضلك هيا:ما بدي باسل:انتي الخسرانه هيا:احكيلي هون باسل:لا ما بينفع هيا:راح سايرك تخيل اجيت لعندك وحدا شافني شو بدو يحكي عليي باسل:الي بدو يحكي عليكي لسى امو ما جابتو هيا:بس الاصول عيب صح باسل:الاصول 😥😥اخ منها بس هيا:شو صاير معك معاد شفتك على قد مو الجو عندك معكر من الدخان باسل:تعبان مخنوق راح جن يا هيا هيا:من شو باسل:هون جواتي نار وشاعله مستحيل تنطفى .... هيا:كمل باسل:خلص ولاشي هيا:من شو او من مين باسل:اووووف على كلن يمكن اختفي فجاة من حياتك هيا:😡😡ليش باسل:ظروف هيا:شغلتلي بالي احكي باسل:مافيني هيا بس تاكدي اني حبيتك عنجد هيا:حاجتك الغاز باسل:لا الغاز ولا شي هاد الي راح يصير هيا:كيف شغلك بالنادي باسل:ماشي حالو هيا:الك النادي باسل:اي الي هيا:وفيو نسوان 😂😂 باسل:اي اكيد هيا :ووانت اخر رواق عم تتفرج على هي وهديك 😂😂بربك مو بتعرف شو ماركه البيجامات باسل:شو عرفك😂😂 هيا:قليل ادب باسل:لسانك بنقط عسل هيا:😂😂خجلتني باسل:ما عرفتك هيا:باسل باسل:عيونوو هيا:يسلمن لصحابهن قديش عمرك باسل:29 سنه هيا:ختيار 😂😂 باسل:وانتي هيا:بدي فوت ب 21 سنه باسل:صغيرة 😉 هيا:😂😂😂بيني وبينك سنين باسل:وقت كنت انا بالصف التالت كنتي هلا خلقانه 😂😂😂 هيا:بربك باسل:اي صح هيا:😂😂بس مو باين عليك باسل:اي بس مشيب هيا:لا عنجد باسل:ها شوفي هي شعرة بيضا هيا:شعرة وحدة باسل:اي وازا بدي دور راح اعجز هيا:مو مشكلة الشيبه هيبه باسل:اوف وانتي شو دخلك فيني حاس حالي من ممتلكاتك الخاصه 😍😍"اي ياريت تكون هيك والله لاعمل عليك قفص واحبسك وما خلي وحدة تطلع فيك لو بتكون امك" هيا:لا خاصه ولا عامه بس عم ونسك لانك مشيب باسل:😂😂ازا بمسكك بس لخليكي تندمي على كل كلمه طناش منك هيا:خوفتني باسل:شو دخيل هالاسود ما يبلا هيا:شكرا باسل:اي بدي شوفك فيس تو فيس هيا:اي احلم باسل:تعالي لعندي هيا:لا انت مفكرني هبلة عنجد باسل:من الشباك ما حدا بشوفك هيا:وازا وقعت ومتت باسل:بعيد الشر هيا:ما بدك تنام تأخرت باسل:لا:بكرة الجمعه ما عندي شي هيا:بس انا بكرة عندي ضغط شغل باسل:شو عندك هيا:غسيل شطف البلكون ويمكن الدرج 😂😂ونفض لكل الغرف والصاله مع مسح الغبرة باسل:دخيل النظافه انا هيا:تعال ساعدني كونك بتعرف تجلي باسل:لا دخيلك مو ناقصني وانا بكرة بدي ابعت اواعيي ع الكوة وعندي شوية تعزيل هيا:في عنا رقم شغاله اعطيك اياه باسل:حلوة وصغيرة هيا:😂😂بتاخد العقل ياسل:خلص ابعتيلي رقمها هيا:مو على عيني طبعا الخدامه كبيرة ومجوزة ولادها 😂😂خليه بيستاهل باسل:بشو صفنتي هيا:😂لا ولاشي باسل:ما بدك تنامي هيا:اي اكيد باسل:اطلب منك طلب هيا:شو😢 باسل:ابتسمي هيا:ليش باسل:بدون اسأله ابتسمتلو باسل :دخيل هالغمزة هيا:😂😂مجنون باسل:ليكي راح تجيب اجلي هالغمزة هيا:بعيد الشر باسل:كتيريلي من حكي الغزل هيا:باسل الله يرضا عليك حاجتك حكي ونام باسل:بامرك انا امانه احكيلي كلمه تريحني هيا:نام باسل:لا كلمه حلوة هيا:😂😂بخجل باسل:وحدة هيا:متل شو يعني بحبك باسل:وانا بموت عليكي هيا:بس انا عم اعطيك مثال باسل:يا روحي انتي هيا:باسل😠😠 باسل:طالع اسمي بيجنن من تمك هيا:يلا حاجتك حكي باي باسل:الله معك😘😘 سكرت وانا مبسوطه يخرب بيتو شو انو بياخد العقل 😍😍ولي كيف بدي نام وانا عم فكر فيه وبضحكتو ♡♡♡♡♡♡♡♡♡♡♡ يوم الجمعه يوم الشغل والنكد هيك بحسو وهي اول جمعه بتمر وانا وباسل عم نتبادل الحب 😍😍بس انا لسى تقلانه ماما عم تساعدني اجى عماد من صلاه الجمعه خليتو يشلح من رجلو برا ويشيل البوط بأيدو وانا لسى رافعه عن زنودي وعم امسح غبرة وعندي كوميات قمصان بدهن كوي ل عماد ومن شغله لشغله لهلكت عملت دوش وتجهزت يعني ازا حدا اجى علينا طلعت على البلكون شم هوا وتوقعت يكون نايم باسل ازا نايم نوم الهنا وازا صاحي شو عم يعمل؟؟؟؟؟؟؟ لولاد بالحارة عم يلعبو كرة قدم وفي شوية بنات صغار قاعدين على طرف مدخل البناية وخلود لمحتها حاملة كيس وداخلة ع البناية هيا:كيفك خلود:ماشي الحال حولي اشربي قهوة هيا:اي ماشي بس بدي شاور ماما خلود:ناطرتك دخلت البناية وسمعت صوت ضرب من شقه باسل استمعت منيح وكأنو عم يدرب ع البوكس يعني ملاكمه مع حالو😍😍😍يا سلام والله رياضي مو طبيعي لو فيني شوفو وهو عم يدرب او يلعب اكتر من ربع ساعه ولسى الضرب شغال عندو دخلت ع غرفتي اتصلت فيه وما رد كانت ماما عم تعمل غدا هيا:خليني روح لعند خلود ماما:شوفي عندها هيا:عزمتني على قهوة ماما:الغدا جاهز هيا:يا ماما ربع ساعه ماما:طيب لا تتأخري ماشي ولا تكتري حكي هيا:اصلن هي حيادية من يوم سكنت ماما:ولو كان ضليت باواعي البيت ولفيت شاله ع السريع ونزلت لعندها ودغري فتحتلي هيا:شو وين كنتي خلود:جبت شوية غراض تفضلي هيا:بالمطبخ انتي خلود:عم جهز للغدا هيا:بساعدك خلود:طيب ماشي هيا:دخلك هديل ما زارتك مبارح خلود:اي هي والخالة ام اسامه هيا:خلود وين جوزك خلود:مسافر هيا:كانو تاخر خلود:اي هيك شي....كانو في جيران جدد فوقكن هيا:اي شب عزابي ومن زمان سكن يعني لمحتيه خلود:لا ابدا بس هيك فهمت من اهل الحارة هيا:اي خلود:لحالو ساكن هيا:اي لحالو...متلك خلود:اي عهه هيا:ليش ما عندك ولاد خلود:الله ما كتبلي جيب ولاد هيا:اه والنعم بالله يعني منك ولا منو خلود:هيا صايرة كتير حشريه هيا:اي معك حق...طيب وين اهلك خلود:مسافرين هيا:اوف عنجد متل جارنا خلود:اهلو مسافرين هيا:اي وهو جاي زيارة خلود:وانتي شو عرفك بتحكي معو هيا:😱😱لا يوه شو احكي معو عماد بيدبحني خلود:مين خبرك لكن هيا:من الجيران خلود:اي ....شو عاملين غدا هيا:حراء بأصبعو عملت القهوة ودار حديث بيناتنا وانا والله حابة اعرف قصتها بس هي ما بتحب تجيب سيرة اهلها وجوزها لهيك نسيت الموضوع بعد ما خلصت ودعتها ورجعت ع البيت تغديت وعملت قيلولة قصيرة والمسا اتصلت ب الافندي وما رد طيب معطل شو عندو الافندي بعد نص ليل اجاني منو كم اشعار وطنشتو شي ربع ساعه مع انو قلبي جاهز ليحكي معو ويدق باسمو وبعد ما رديت عملت حالي ما الي نفس بالحكي معو باسل:كيفك هيوش هيا:منيحه باسل:شو كانك اليوم كنت ع البلكون هيا:اي شو عرفك باسل:لمحتك عم تسلمي ع جارتنا وشربتي عندها قهوة هيا:منيح مراقبني والله باسل:مو مراقبه كنت عم ادرب هيا:كمان وانت معطل باسل:اي مشان ما عضل 😂😂مشكلة ازا عضلت هيا:بتعرف انا ازا بطلع وبنزل على الدرج بسرعه مرتين بتكرسح منيح ولا لا باسل:لانك كسلانه لازمك تدريب هيا:وبينفع للمحجبات باسل:اي بينفع انا بدربك هيا:😂😂بخجل باسل:لا ولووو عندي قسم خاص بالمحجبات وفي مدربة خاصه فيهن هيا:ومو مراقب بالكاميرات باسل:😂😂افكارك بوليسيه لو في هدول منعملن كشف بحالات السرقه والحريق لا سمح الله هيا:والبصبصه 😂😂 باسل:ثقتك فيني مهدومه هيا:اي كتير كمان باسل:هيا فيني اسالك سؤال هيا:"بقلبي بتامرني أمر "اي تفضل باسل:بتحبيني 😷😷اجتني الجلطه الدماغيه وارفعت درجه الحرارة عندي وقلبي يمكن بالثانيه دق 100 دقه وما عرفت شو بدي جاوبو باسل:هيا وين رحتي هيا:معك باسل:اسمعتيني هيا:لا قطع الخط باسل:ماشي بعيدلك السؤال بتحبيني هيا:الصراحه فاجأتني باسل:يعني حاسه بشي تجاهي هي مو معادلة كيميا هيا:ما بعرف باسل:هيا مشان الله صارحيني هيا:...... باسل:لو احساس صغير عادي صارحيني هيا:يمكن معجبه فيك باسل:بس انا بحبك وشغله الاعجاب تعدت من زمان شعورك تجاهي متل شعوري هيا:شو شعورك انت باسل:انا بحبك يمكن ما راح تسدءيني بس عنجد قلبي عم يدق وقت شوفك وقت اسمع صوتك ما ترددت لصارحك لانو بدي تبادليني هيا:ويمكن كون لقمه سهلة الك باسل:لا اكيد وبعرفك بنت عالم وناس وازا عرفت شو جوابك راح جيب ماما وبابا من لبنان ليخطبوكي بشكل رسمي هيا:😍😍😍بفكر باسل:فكري بس يمكن جوابك يكون ع الفاضي راح سافر انا الاسبوع الجاي هيا:ليش باسل:هيك انا حر هيا:😢😢😢 باسل:هيا انا نعست بدك شي هيا:لا لا تروح باسل:بتحبيني هيا:.... باسل:راح سكر الخط هيا:اي😷😷 باسل:شو اي ما فهمت هيا:بحبك باسل:وانا بحبك دخيل قلبك انا هيا:خلص سكر باسل:لا شو سكر هلا حليت السهرة هيا:شو ما بدك نحكي صوت وصورة باسل:متل ما بدك هيا:يلا بلاها بلاها باسل:بتحبيني لكن 😂😂 هيا:باسل😡😡 باسل:يا روح باسل هيا:😣😣انت مع الكل هيك حكيك باسل:بس معك انتي هيا:اي واضح باسل:عندي تجارب سابقه انتهت بالفشل هيا:وشو السبب باسل:افكارنا ويمكن وضعنا الاجتماعي هيا:وانا شو وضعي باسل:اي انتي فيكي كل المواصفات متل ما بقولو ما باس تمها غير امها هيا:😂😂يعني مجرب هالشغلات باسل:كتيييير هيا:بيطلعلك لكن تحكي بدك تسافر عنجد باسل:ادعيلي هيا:الله يسرلك وينور دربك باسل:يخليلي اياكي هيا:من تالت اتصال هيك صرت تحكي معي باسل:اي رابع اتصال راح شيل كل الحواجز هيا:اي جرب باسل:ايمتى بدي شوفك هيا:الله اعلم باسل:وين عماد هيا:نايم اكيد باسل:ما نعستي هيا:يعني هيك وهيك باسل:وانا متلك بس تعبان شوي هيا:سلامتك باسل:الله يسلمك يا قلبي هيا:حاجتك باسل باسل:يا عيون باسل انتي هيا:والله بتشوف يمكن امسح رقمكك باسل:ما بتعمليها هيا:روح نام ....ودخلك دغري بتغفى باسل:اي بثواني وين ما رميت حالي بغفى هيا:نيالك انا بالف يا ويلاه لحتى نام باسل:بشو بتفكري هيا:بكل شي باسل:ازا انا بسهر مصيبه هيا:ليش باسل:😂😉هيك بتفئس النومه معي ومستحيل نام بعدها هيا:طيب نام هلا باسل:ماشي هيا:تصبح على خير باسل:وانتي من اهلو سكرت الخط وانا عم فكر كيف راح يسافر وليش وايمتى راح يرجع لازم اسألو فكرت كتير وبعدها نمت #يتبع ...