*_`〖فــــــــــاࢪس احــــــــݪامــــــــي〗`​​​​​​​​♥️🫂⋎ِ_* *_{ الجزء الأول}_* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ *_تم مشارڪة الࢪواية مــטּ قـنــاة ` قصص`📖🕰️🖇️𖥨. ⊹_* https://whatsapp.com/channel/0029VamfKJHK0IBbdBbxOc3d ﹋﹋﹋﹋﹋﹋﹋﹋﹋﹋﹋﹋﹋﹋﹋﹋﹋ في فيلا فخمة بغرفة كبيرة بالطابق التاني نايمة بنت عمرا١٧سنة بشرتا بيضة صافية وشعرا اسود حواجبا عراض وسود كأنو معملون تاتو بس هنن طبيعات ورموشا كثاف وكمان سود عيونا بنيات فيهن لمعة فاقت على رنة تلفونا شافتو وابتسمت قمر: الو نذار: صباحو ياحلوة قمر: صباحو ياعمري نذار : شو لساتك نايمة قمر : اي والله فقت ع رنة موبايلك نذار : يلا قومي وجهزي حالك عازمك ع الفطور قمر : ودادي نذار : قمر شو كل شوي بابا انا خطيبك شبك قمر : بتعرف انت اشقد هو متشدد نذار : طيب انا رح اتصل فيه واطلب منو نطلع نفطر سوى قمر : طيب ماشي ... حكيه ورد علي خبر سكر نذار وقامت وقفت على المراي .. اتطلعت على حالا بالمراي وابتسمت .. قمر : دخيل جمالك ياقمورة امووووه رجع رن موبايلا .. قمر : اي قلي شو صار معك نذار : يلا جهزي حالك حكيت معو قمر : يس .. يلا خمس دقايق نذار : رح ابعتلك شوفير يجيبك قمر : لا هلق بخلي الشوفور تبعي يوصلني نذار :اوك حياتي .. اااه نسيت قال هي البنت يلي بتشتغل عنكم رح تجي معك هيك طلب ابوكي قمر : اوووف منك يا دادي .. اوك بس لاتشغل بالك رح خليها تقعد بعيد عنا نذار : وما احلاها تقعد معنا قمر : هههه طيب يلا باي نذار: باي ............... سكر نذار وابتسم ووقف على شباك غرفتو يلي بطل على حديقة كبيرة والمطر عم ينزل فيها بغزارة .. .............. قمر عم تلبس لبست بنطلون جينز وكنزة صوف الها قبة ولبست حجابا ولبست جاكيتها الفرو الغالي دقت عليها الباب بنت الخادمة هية تقريبا من عمرا اسما شهد شهد : كيفك قمورة قمر : هلا شهود .. شو جاهزة شهد : اي جاهزة ابوكي خبرني مشان روح معك قمر عم تلبس جزمتها : انا جاهزة يلا ننزل نزلت على الصالون الكبير كتير بيطلع قد ضيعة قاعد ابوها ماسك جريدة وعم يقرأء فيها وقدامو فنجان قهوة وامها قاعدة مقابيلو قمر : صباحو دادي صباحو مام ابو المجد : شو هالالفاظ هي قمر : سوري ..قصدي اسفة صباح الخير بابا ابو المجد : صباح النور امها ابتسمتلا : صباح الورد لاحلى وردة ابو المجد : الشوفير رح يصلك لعند خطيبك وانتي شهد اذا بتتكرهيم لحالون ماتلومي الا حالك شهد : انت بتأمر مارح اتركم لحالون ابو المجد : انا كل هالفوتات والطلعات بكرها .. بس دقلي وماحبيت خجلو بتنبهي عليه انو هي اخر مرة قمر : حاضر بابا غيرو ابو المجد : لا الله معك .. ولا تتأخري قمر : حاضر. تركتون ومشت ام المجد : خف عن البنت شوي ... اول الشي حرمتا تروح ع المدرسة وحبستا بعدين خطبتا وهية لساتا صغيرة وبعد ما انخطبت عم تحاسبا ابو المجد : انا هيك عقليتي متحجرة حتى تصير عند زوجا تعمل يلي بدها اياه ام المجد : خايف تعمل متل اختك ماهيك ابو المجد : سيرة هديك الزفتة مابدي تنجاب بالبيت عم تفهمي .. ام المجد : انت ليش حقود القصة صرلا ٣٠ سنة وكمان ماعملت شي غلط تزوجت يلي بتحبو ابو المجد: قصدك انخطفت ام المجد : يلي هو .. بس سامحا بركي ماتت لاسمح الله بتكون مرتاحة بقبرا ابو المجد : تموت الله لايردا ................ قمر ركبت بالسيارة وركبت جنبا شهد قربت قمر من شهد وهمست بأدنا قمر : حبابة هلق خلينا نقعد لحالنا شهد : هههه تكرمي اكيد مارح اقعد معكن قمر : دخيل قلبك  فجأة بلشت تمر من جنبون سيارات سودة وحاوطو سياتون قمر : عمو شو عم يصير الشوفير : مابعرف وقفو بالعرض قدام السيارة وخلوها توقف ونزلو منها رجال ملتمين ومعون اسلحة قمر : يامااامي شو عم يصير هون قربو وفتحو الباب شب : مين فيكن قمر قمر : شوبدكم منا .. بترجاكون تركونا الشب : مين قمرر *💚قصص بإدارة تيم💚* قمر وهية عم تبكي : انااا .. اناا سحبوها من السيارة وحطو السلاح براسا نزل الشوفير مشان يدافع عنها ضربوه ورموه ع الارض وقال : خبر ابو المجد وقلو خطفنالك بنتك خليه ينطر منا اتصال شهد : قمرررر  قمر وهية عم تبكي : شهد قولي للبابا يخلصني الشب : امشي بلا مياعة سحبها تحت المطر وهية عم تكبي وتحاول تفلت منون ركبوها بسيارة ومشو بسرعة قام الشوفير من ع الارض ونزلت شهد تساعدو وهية عم تبكي الشوفير : اخدوها شهد : اي .. اي .. راحت قمر ياعمو الشوفير : الله يسترنا من ابو المجد .............. قمر : تركونيي ... شوبدكن مني .. شب : اخرسي احسن ماخرسك بطرقتي قمر عم تبكي : الله يخليكن تركوني .. انا والله ماعملت شي .. خطيبي ناطرني شب : ماعد تعرفي تخسر .. ضياء تصرف معا قمر : لا لا شوبدكم تعملو معي .. لا لا ضياء بخ شوي دوا على منديل وقرب منها قمر : لا لا .. لاااا حطو على وجها وفورا راحت نايمة ضياء : اوووف صرعتنا .. ذكريا : انا اختنقت من هاد القناع ..اوووف ضياء : وشو طلب المعلم غير نخطفا ذكريا :هو بيتصرف .. هلق بنروح بنرميها بالمستودع ضياء : بدك تحطا مع فارس ذكريا : اي ليش في مكان تاني ضياء : بس المعلم قال ننتبه عليها وما ندايقا ذكريا : ليش هو عرفان وين رح نحطا ..المهم ماعرفت مين يلي طلب من المعلم انو نخطفا ضياء : لا مجهول .. بس المعلم قال انو يلي خاطفا بدو فدية من ابوها ذكريا : هاه وصلنا انزل وقول للشباب يفوتها لعند هداك التور يلي جوا بس انتبهو منو ضياء : ولا يهمك .......................... كان فارس قاعد على الارض وساند اديه على ركابو وانفتح الباب عليه .. وقام فورا (فارس عمرو ٢٨ شب حلو كتير شعرو بني ودقنو مربيها وطويل جسمو حلو ورياضي ) مالحق يوصل للباب الاورمو قمر وسكر الباب فورا .. هو ما انتبهلا وقرب لعند الباب وصار يصرخ ويعيط فارس : ياحيوانات .. لك مين انتو .. بسيطة بس حتى اطلع من هون والله لجيب اجلكم مين ماكنتو ومين ماكان وراكم شكلكم نسيتو مين بكون فارس باش .. التفت وشاف قمر مرمية ع الارض فارس : ومين هي كمان ... وليش هيك رموها قرب منها كانت عم تتنفس بس حس انها بردانا .. قرب حمالا وحطا على الفرشة يلي عأساس الو وغطاها .. فارس  : كأني شايفا قبل هالمرة .. شوبدي فيها الله اعلم شو قصتا هي وليش خاطفينا قام وقف ع الباب وصار يدق فارس : لك ياحيوانات كنك زلمة انت واياه واجهوني والله لاحسب الله ماخلقكم عم تتخبو تحت الاقتنة ... بس لو اعرف مين ابن هالكلب يلي وراكم ........................... بفيلا ابو المجد فات نذار شب حلو اشقر عيونو خضر طويل والو عضلات مو كتير يعني عادي بس حلو كتير وجذاب نذار : عمي قلي شوفي وينا قمر ابو المجد قاعد بكل هدوء بس باين عليه الغصب والانزعاج : مابعرف انحطفت مابعرف مين ابن هالكلب يلي خطفا ام المجد  وهية عم تبكي: مشان الله يا ابو المجد لاقيها .. مشان الله خايفي عليها بس مايعملولا شي .. ابو المجد : ماسمعتي شو قال الشوفير قال رح يتصلو نذار : شو يعني عمي ... لك مين هدول وشو بدن من خطيبتي ابو المجد : من قمر اكيد مابدون شي بس اكيد بدون فدية نذار : ان شاء الله يكون هيك ابو المجد : ان شاء الله بس انا خايف يكون غير هيك *~💚قصص بإدارة تيم💚~* ام المجد : لا يا ابو المجد بنتك مرباي احسن تربية ومابتعمل هيك لاتظلمها ببوس ايدك ابو المجد : انا عم قول يمكن .. وعم فكر مزال بدون فدية ليش ماخطفو مجد نذار : لا عمي انا وقمر بنحب بعض كتير ومتسحيل تعملا وتهرب مع حدا ... بس يمكن خطفوها مشان يمسكوك من ايدك يلي بتوجعك لانها بنت ابو المجد : بس لو اعرف مين هدول لموتون بأيدي هدول ام المجد : بترجاك اتصرف ابو المجد : خلص اهدي انا بعتت خبر لكل معافرنا ورح خليهم يقلبو البلد فوقاني تحتاني لحتى لاقيها ................... بفيلا تانية بنفس المدينة .. فيلا عائلة الباش ام فارس عم تحكي مع رفيق فارس انور ام فارس : انور انا بعتت وراك مشان اسألك فارس عم يحكي معك انور ؛ لا والله ياخالة .. عأساس مسافر على السعودية مشان مناقصة ومعد خبرت عنو اي خبر .. ماحكي معك ام فارس : لا ابدا والله قلبي مانو متطمن ... طيب الله يخليك حاول تتصل على السعودية وتسأل عنو انور : حاضر خالة هلق حتى روح ع الكتب بتصل فيهم وبسألون ام فارس : انت قلت راح مشان مناقصة ماخبرت شي عنها لهي المناقصة او اذا حضرها او لأ انور : بصراحة اجاني خبر انو ماحضر وكمان المناقصة راحت علينا ... مع انو كان فارس متأكد مية بالمية انو رح يربحا بس وين راح مابعرف ام فارس : معقول ابني صايرلو شي .. معقول حدا اذيه مشان الشغل .. او مشان هي المناقصة انور : لا خالة مو مستاهلة حدا يأذيه مشانها .. وبكون فارس على اخر لحظة غير رأيو وبطل بدو اياها وكمان هو على طول بغط هيك غطات ماحلك تتعودي عليه بحب الوحدة كتير ..مابتتذكري هديك المرة غاب اسبوع وهو طافي موبايلو ومحدا بيعرف عنو شي ونحنا ماخلينا مكان الا ودورنا عليه فيه بعدين ظهر ام فارس : مابعرف هالمرة انا قلبي مو مطمن انور : لاتخافي انا هلق رايح ابعت خبر للسعودية ورح حاول اتصل فيه على موبايلو ....بس انتي لاتشغلي بالك الا مانلاقيه واكيد مافيه شي ام فارس : يارب يارب طلع انور وهو عم يقول : تضرب يافارس انت وهالعادة تبعك مابطلا بحب العالم تضل مشغولة فيه وعم تدور عليه وهو هلق بكون بشي جزيرة لحالو عم يلعب اثقال او ملاكمة .. اوووووف ...................... قاعد فارس وساند راسو للحيط وعم يفكر والافكار رح تجننو هو فارس يلي كل العالم بتحسبلو الف حساب مخطوف ومابيعرف مين الخاطفو واتطلع على قمر فارس : مين هية وليش خطفوها ..وليش حطوها معي  لسا ناقصني جنس حوا بلشت تفيق وهو عم يراقبا بهدوء .. قامت وصارت تتطلع حواليها بأستغراب .. وشافت فارس قاعدة وساند ضهرو للحيط وعم يتطلع عليها قمر : وين انا ومين انت دار وجهو عنا ومارد رجعت تتطلع حواليها مستودع كبير فاضي في فرشة بس يلي نايمة عليها وبالزاوية في شوية كراتين واتذكرت انها مخطوفة .. قامت بسرعة وصارت تدق ع الباب قمر : افتحولييي ... افتحولييي ..مين انتو وشوبكن مني وصارت تبكي ... مشان الله تركوني شووو بدكن مني ... مييين في هوووون ...ياالله .. ياربيييي ... لك حكو البابا خليه يطلعني فارس : لا حول ولا قوة الا بالله العلي العظيم من وين جابولي هي ناقصتي انا التفتت عليه قمر واجت لعندو مسكتو من تيابو وصارت تصرخ : مين انتو .. مين .. شوبدكم مني .. قلي شوبدكم منيي ... مشان الله طالعني من هون والله انا بحياتي ما اذيت حدا رفع اديه وحطون على ايديها وبعدون عنو .. فارس : انا مادخلني متلي متلك مخطوف .. قمر : شووو ... طيب مين .. مين خاطفنا .. وليش نحنا هون انت بتعرف شي فارس : لا مابعرف مين خاطفنا ولا بعرف ليش نحنا هون وهلق لو سمحتي رجعي ع مكانك من دون صوت قمر  حست انو واحد مغرور وصعب الطباع بعدت عنو وراحت قعدت بالزاوية ضمت رجليها وصارت تبكي .. وصارت افكار تاخدا وافكار تجيبا : ليش خطفوني...معقول بدون يغتصبوني .. لا لا اكيد مشان البابا .. او بدون فدية ... طيب انا شو دخلني ... ياترى شوبكون عم يعملو اهلي هلق .. نذار بكون خايف علي ... ياربي تساعدني .. وينك يابابا وينك يانذار تجي وتأنقذني .. فارس بقلبو : ليش حاسس حالي بعرفا من زمان .. مين هي ياترى ... كمان مبينة صغيرة اكيد تحت العشرين .... بس حلوة بنت اللذينا ... خلصنا فارس شو عم يصير معك خلص حالك بالاول ومرق الوقت هيك للمسا وقمر قاعدة بالزاوية وفارس قاعد مكانو ومحدا حكي شي مع التاني .. فجأة انفتح الباب بسرعة رمولون فرشة وحرام واكل وسكرو فورا قام فارس بس مالحق وصار يخبط ع الباب : ياكلاااب .. ياحيونات بس فرجوني حالكم ..لك والله والي اسمو الله لخليكم تندمو انتو ويلي عم يدعمكم انتو قدي ياحيونات انتو بس واجهوني ... لك الله يلعنكم قمر بعدا قاعدة بالزاوية ومتفاجئة فيه كان مبين عليه هادي كتير فجأة بصير متل الاسد  وحتى خافت منو .. وضلت قاعدة مكانا وعم تبكي ع الصامت *~💚قصص بإدارة تيم💚~* قعد مكانو فارس ... بعد شوي حس بالجوع قام سحب الكيس وكان فيه لحم بعجين و٢ بيبسي وقنينة مي اتطلع على قمر وقال : تعالي كلي هزت براسا انو مابدا فارس : تعالي شغلتنا مطولة واذا ما اكلتي بتتعبي .. قمر : .... فارس : ع راحتك بلش ياكل وهية كانت كتير جوعانة من الصبح ما اكلت شي وحست عصافير بطنا عم يزقزقو .. بس مع فيها تقولو انها جوعانة قمر بقلبا : ياربي بس ماياكلون كلون .. رح موت من الجوع .. فارس لاحظ عليها انا جوعانة كتير  شفق عليها  قام حمل الاكل وقعد جنبا فارس : كلي احسن ماتموتي من الجوع انا اول ماجابوني مافعلت اكل بس اول انهار كتير جعت ومعد استحملت ومع انو انا رجال وبستحمل وانتي بنت وجسمك صغير مابيتحمل قمر : شقد صرلك هون فارس : ٣ تيام ... يلا قربي لاتخجلي قربت وهية مترددة اخدت وحدة واخدت الببسي قمر : ليش انت مخطوف فارس : مابعرف بس اكيد مشان المصاري او حدا الو تار عندي قمر : ليش انتي شي مهم فارس : ليش شكلي واحد بلطجي قمر  : لا انا بس عم اسأل فارس : مانك سمعانة بفارس باش قمر : لا انا اصلا مابعرف حدا فارس ؛ وانتي بتعرفي شي ليش انتي هون قمر : كمان متلك يابدون مصاري ياينتقمو طبعا ما مني من دادي فارس : ليش انت بنت مين قمر : ابو المجد بتعرفو فارس : ابو المجد ماغيرو ؟؟ قمر : اي فارس : ليش ابو المجد عندو بنات قمر : بس انا واسمي قمر فارس : انا بعرف اخوكي مجد بس انتي لأ قمر : اصلا محدا بيعرف بوجودي دادي من التاسع فصلني من المدرسة   لانو كتير حريص متشدد فارس : غريب .. يعني لو واحد متلو كان هلق عم يدرسك بأحسن المدارس قمر : قلتلك حريص .. بس خلاني اعمل دورات لغة بحكي انيكليش وفرنسي ومعي شاهدة كمبيوتر فارس : كتير منيح .. واشقد عمرك قمر : ١٧ فارس : العمر كلو قمر : ميرسي مدت ايدا تاخد وحدة تاني وهو شاف المحبس بأيدا فارس : مخطوبة ؟؟ قمر : اي .. بما انك بتعرفو لدادي اكيد رح تعرفو لخطيبي  بكون نذار الحبقي فارس : عنجد ؟؟ طلعنا قريبين نذار صديقي قمر : عنجد بتعرفو لنذار فارس : اي والله بس صداقة سطحية مو عميقة بس اصدقاء قمر : وانتي احكيلي عنك فارس : انا فارس وحيد لامي ابي متوفي من زمان عندي شركة كبيرة هية كانت للبابا الله يرحمو وانا استلمتا بعدو وكنت مسافر عالسعودية وانا ع الطريق طلع بوجهنا زعران صرت قاومن بس حسيت شي قاسي ضرب براسي وفقت لقيت حالي هون وماعرفت مين هدول او مين الو يد يخطفني قمر : مانك خاطب او مجوز فارس : لا انا ماعندي اختلاطات ابدا من النساء بس ليش قاعد معك وعم احكي معك انا مستغرب من حالي بس يمكن الظروف جبرتني قمر : اي ظروف فارس : انو نحنا لحالنا ومن الملل قمر : ليش مابتحب النساء فارس صفن شوي وما حكا قمر : اسفة على تتطفلي فارس : عادي بس اذا طولنا ونحنا قاعدين هون بحكيليك قمر : اي *~💚قصص بإدارة تيم💚~* .......................... بفيلا ابو المجد فات مجد وهو مستعجل مجد : ماما بابا شوفي مين خطفا لقمر ابو المجد : مابعرف مابعرف .. مجد : خبرتو الشرطة ابو المجد خبرنا كل الدنيا بس مافي اي خبر .. وهلق ناطرين اتصال اكيد الخاطف طالب فدية مجد : ماما انتي منيحة ام المجد : لا ياماما  كتير تعبانة اختك يامجد اختك مجد : لاتخافي رح نلاقيها ..... بابا وينو نذار ابو المجد : نذار رح يجن عم يدور عليها .. وخايف عليها كتير مجد : طيب انا رايح شوفو ام المجد : ياماما بترجاك اذا خبرت اي شي خبرني فورا لاتخليني قاعدة على نار مجد : حاضر ماما حاضر ...................... قمر : بدي فوت ع التواليت فارس: ليكي هنيك بالزاوية قامت قمر وراحت عالحمام ورجعت بعد شوي وقعدت مكانا وضلو شوي ساكتين قمر : كأنو برد فارس : قومي تغطي ونامي قمر : عندك علم هلق اشقد بتكون الساعة فارس : لا بس يمكن شي عشرة قامت تمددت ع فرشتو يلي كانت نايمة عليها وتغطت وصارت تطلع من المخدة ريحت عطرو .. حبتا كتير لهل الريحة وحستا فاتت على قلبا وهو قام مد الفرشة يلي رموها مع الاكل على الجنب التاني وصارو مواجهين بعضون فتحت عيونا لقتو عم يتطلع عليها غمضتون ودارت وجها لتاني جهة .. وهو كذالك الامر ...................... مجد : نذار ماعرفت شي نذار : لا يامجد رح جن والله اذا بصير على قمر شي بجن قمر عمري وروحي مجد : خلص طول بالك الا مانلاقيها واكيد يلي خاطفا بدو مصاري نذار : ان شاء الله بكون هيك والله بدفعلا عمري لقمر .. ماخليت حدا الا وحكينا معو والبحث عنها شغال مجد : طول بالك الا ماتنحل بس وكل امرك لا الله نذار : يارب .. يارب ................ بفيلا عائلة الباش قاعدة ام فارس عم تصلي وتدعي : يارب يارب مالنا غيرك تهديلي ابني وتحميه وين ماكان يارب يارب مالنا غيرك ..................... الصبح فاق فارس وكانت قمر نايمة مقبالو فارس : والله ماغلط يلي سماكي قمر عنجد اسم عمسمى فتحت عيونا قمر وكان قادما اتطلعت فيه وصفت بعيونو بسرعة زاحت نظرا وقامت .. قمر : صباح الخير فارس : صباح النور ... كيف كانت نومتك قمر : مانمت طول الليل كنت عم ابكي فارس : ليش قمر : شو ليش ع هالوضع يلي انا فيه وكمان اول مرة بنام بعيدة عن تختي ضحك فارس وقال : لكن كيف بدك تتزوجي وتتركي تختك قمر :بتعود وع القليلة هداك تخت مافرشة وع الارض والله اعلم شقد فيها جرثيم وميكروبات قامت شلحت جاكيتها الفرو وضلت بالكنزة وفاتت ع الحمام .. ورجعت قعدت على فرشتا وقام هو فات ع الحمام ورجع قد على فرشتو وكل واحد سند راسو ع الحيط وصارو يتطلعو على السقف كان الملل رح يقتلون قمر : كأنو اليوم في شمس الجو دافي فارس : هيك الظاهر صار تحك راسا من فوق الحجاب فارس : في شي قمر : لا بس ماني متعودة ضل لابسة على راسي طول الوقت فارس : امممم ... اذا بدك بفوت ع الحمام مشان تاخدي راحتك وتفرديه شوي قمر : لا لا .. خليك ولا يهمك فارس : اوك قمر : حكيلي شوي عن نذار فارس : ليش مابتعرفيه قمر : بلى بعرفو بس بدي اعرف طباعو شو بحب شو بيكره انت صديقو وبتعرف عنو كتير شغلات مامتلي انا فارس : نذار شب كتير منيح ومتحترم ومحبوب المعاملمة معو كتير حلوة وهو بحياتو ما زعج حدا بس فيه طبع ماحلو قمر : شو هو فارس : حقود شوي يعني مع الايام اذا زعلتيه بدك تتعزبي وانتي عم تراضيه هدول يلي بعرفون يمكن عندو صفات غيرا بس انا مابعرفا قلتلك علاقة عامة قمر :  انا حسيتو حنون وقلبو طيب وبحبني فارس : منيح كتير وهاد اهم الشي بالعلاقة يكون في حب .. وانتي بتحبيه قمر : بصراحة مابعرف فارس متفاجئ : كيف يعني مابتعرفي قمر : انا مابكرهو وبحبو بس مابحس تجاهو هي المشاعر يلي بيحكو عنا بالقصص والروايات  انو عادي بصراحة انا مابعرف شو هو الحب *~💚قصص بإدارة تيم💚~* فارس : انتي ادرى بقلبك بس نذار شخص كتير منيح يمكن هلق مابتحبيه بس مع الايام رح تحبيه اكيد قمر : وهو هيك وانا كمان ابدا مابحسسو انو بشك بحبي لالو فارس : منيح كتير قمر ؛ بترجاك تنسى كلشي بس مابعرف ليش فتحتلك قلبي فارس : عادي انتي هلق بمثابة اختي  قمر : ان شاء الله فارس : انا شايف انو قعدتنا مطولة احكيلي كيفي تعرفتي على نذار وبوعدك اول ما نطلع من هون انسى كلشي قمر : ماشي بس بشرط تحكيلي شو مشكلت مع النسوان فارس: اوك .. يلا احكي قمر : مرة انا طالعة من الفيلا ورايحة اركب بالسيارة خبطت فيه عند الباب الرئيسي كان هو جاي لعند اخي مجد وانا وقتا انبهرت فيه وبجمالو انو حلو واشقر وهو كمان ضل عم يتطلع علي لحتى فات .. ركبت ورحت مشوراي  وتاني يوم اجا بابا وماما لعندي ع الغرفة وقالولي انو نذار بدو اياكي واصلا ابي ماعطاني مجال بس قلو بدي فكر فورا قلي انا موافق معك يومين لتعطيني الموافقة وبصراحة ماكان في قدامي غير وافق فارس : بس كان لازم تاخدي قرارك انتي بنفسك ماكل ماشفنا شخص حلو معناتو حبيناه قمر : بعرف بس صرلنا تقريبا ٣ اشهر مخطوبين ماشفت منو غير الكلمة الحلوة والمعاملة الطيبة فارس : اي الله يهنيكي قمر : ميرسي يلااحكيلي عن حالك فارس : مات ابي وانا مخلص بكالوريا وبدي سجل بالجامعة وتعبت كتير عليه والحزن سيطر علي بس رحت ع الجامعة وانا كان شكلي مبهدل وماكنت روح بسيارتي كان الشوفير يوصلني واوقات روح بالتاكسي .. المهم تعرفت على شلة من الجامعة وانا ماكنت عرفان شو عم يفكرو فيني طلعو مفكريني واحد فقير ورافقوني شفقة وبصارحة انا كنت نسيان نهائيا موضوع شكلي كان في بنت معنا اسمى جوري بنت كتير حلوة وبصراحة انا حبيبتا وحبيتا كتير المهم صرت اتقرب منا وهية تعاملني طبيعي .. لحتى يوم جيت واعترفتلا بحبي * فلااااااش بااااااااك * بكافيه الجامعة فارس : جوري انا بحبك جوري انصدمت :شوووو .. انت بتحبني فارس : اي بحبك وبموت فيكي جوري : سورري فارس بس انا مابحبك فكر بوحدة تانية غيري فارس : ليش شوفي جوري : بصراحة انا بعيدي كتير عنك فارس : مافهمت جوري : خلص بكفي لهون بس مابنظبط **** فارس : انا ماكان ابدا على بالي انها مفكرتني فقير ومنيح انو فكرتني فقير قمر : بتعرف احسنلك .. المهم شو صار بعدين فارس : انا كتير انجرحت ماعرفت شو اعمل كمان سكرت كل الطرق بوجهي .. حتى ماعطتني سبب ليش  مابدا اياني ** اجا رفيقي عمر عمر : شبك فارس فارس : ولا شي عمر : احكيلي ولوو شبك فارس : انا بحب جوري عمر : ههههههه انت بتحب جوري فارس : ليش واذا فيها شي عمر : لك اتطلع على حالك بالمراي واتطلع على وضعك بدا تحب واحد متلك فارس : مافهمت شو قصدك عمر : قصدي روح طعمي حالك بعدين حب وقفت وانا معصب ومسكتو من تيابو فارس : احترم حالك واعرف مع مين عم تحكي عمر : شبك فارس فارس: ااااه انا هلق فهمت كلشي انتو مفكريني فقير .. اسماع انا بشتري هي الجامعة ويلي فيها ومن طرف الجيبة عمر : طيب متل مابدك بس تركني تركتو وحكيت : انتو عنجد مابتعرف مين انا عمر : فارس شو عم يصير لعقلك طلعت الهوية وحطيتا على الطاولة فارس : اقرى شو مكتوب اخد عمر الهوية وانصدم عمر : انت بتكون فارس باش ابن رجل الاعمال المشهور ابو فارس فارس : اي ماغيرو ... من اليوم بتتصرفو معي بحدود ورح فرجيكن شو هية قيمتكن .. عمر : فارس سمعني فارس : استاذ فارس ... **** قمر : اييي وشو صار بعدين فارس : شو عجبتك القصة قمر : اي والله......  عنجد هيك عالم بتحب يلي بيجيها من فوق مابيلبقون الواحد يتواضع وينزل لمستواهم فارس : ههههه شو انك عفوية قمر : يلا كمل فارس : تاني يوم انزلت ورحت عالجامعة وانا مغير اللوك تبعي وراكب سيارتي الفخمة مدويل سنتها ومحدا راكب منها .. وقت جيت فيها الكل وقف وصار يتطلع ع السيارة وبدون يعرفو مين راكبا .. نزلت بكل غرور والكل تفاجئ فيني *~💚قصص بإدارة تيم💚~* مشيت وكانت كل العيون علي واكترون بنات واكتر وحدي جوري .. وصلت لنص الحديقة ووقفت وندهت للكل يجي  وقلت : اسمعو لقلكم كلمتين انا قلبي كان طيب كتير ومتواضع بس انتو مابيلبقلكم الواحد ينزل لمستواكم ... انا رح عرفكم عن حالي انا بكون فارس باش ابن محمد الباش رجل الاعمال المشهور انا تعبت شوي على موت بابا وماهتميت بحالي او نسيت حالي وانتو فكرتنوني فقير وكنتو تنظرولي نظرة شفقة هههه  بس انا فهمت كلشي وانتو عندكم الناس حسب مستواياتا وانا رح اتعامل معكن على نفس هاد الاسلوب من اليوم ورايح  مابدي حدا يقرب مني عم تفهمو لانكم كتير واطين  قمر : مابتقصر فيهم فارس : ومن هداك اليوم فيكي تقولي انا انعزلت عن العالم وعرفت انو كل واحد بدو يقرب مني رح يكون لمصلحة مشان هيك ماسمحت لحدا يقرب مني قمر : وجوري ؟ فارس : بعد ماعرفت مين انا صارت تحاول تقرب مني بس انا نا اعطيها مجال ابدا قمر : بعدك بتحبا فارس : اكيد لأ لانو هيك وحدة مابتستاهل الحب قمر : وماعم تفكر ترتبط فارس : يمكن لو شفتك قبل نذار كنت ارتبطتت فيكي قمر : شووو .. عم تحكي جد فارس : هههههه عم امزح قمر  هزت براسا وصفت فيه وهو قام ووقف على الشباك وصارت تتأملو قمر بقلبا ؛ معقول كان قاصدا .. لا اكيد عم يمزح لسه مبارح تعرف علي ... بس الحكي معو كتير مريح .. بحسو قريب مني كتير وكأنو بعرفو من زمان ... ماشاء الله عليه على هالجازبية والرجولة يلي فارضة حالا عليه ... الله يهني يلي بدا تاخدو ... وانا هلق شووو ياربي لايمت بدي ضل هون وينك يانذار تجي تأنقذني اووووف فجأة انفتح الشباك يلي بالباب رمو منو اكل وسكروه فورا .. قمر : ماجعت فارس : لا كلي انتي ... انا راسي رح يطق من التفكير هاد اليوم الرابع الي هون ومابعرف شوبدون مني او مين هدول قمر : طول بالك ... وانا شو بقول عن حالي ع القلية انت شب اما انا بنت والله اعلم شوبكونو عم يفكرو اهلي هلق او الله اعلم يلي خاطفيني شوبدون مني فارس : والله مابخلي حدا يلسم شعرا منك وانا عم اتنفس عجبا كتير فارس وردو بس ماردت فارس : شكلنا رح نجوع تعالي ناكل ..................... بفيلا ابو المجد الكل مجتمع وقاعدين على اعصابون نذار : عمي والعمل لهلق محدا اتصل ابو المجد : والله يا ابني علمي علمك ماخلينا حدا وسألناه ومحدا عم يعرف شي والخاطف لهلق ماقال شوبدو مجد : لك انا رح جن اختي نامت برات البيت ... ياويلنا من الفضيحة ام المجد : اختك ماعملت شي ويلي بيحكي عنها هيك مايلوم الا حالو ابو المجد : طولي بالك .. بس عم يحكي مجد صح .. والعار رح يجينا هلق او بعدين والعار رح يكون علينا مو على قمر انو بنتنا مخطوفة ونحنا ماعملنا شي نذار : لا تقلق عمي ونحنا عم نعمل كلشي بيطلع بأيدنا وانا قمر مارح اتخلى عنا شو ماكنت ظروفا ويلي بدو يجيب معدلكم بالعاطل بدي احسب الله ماخلوقو ابو المجد : والله كبرت بعيني يا ابني .. وان شاء الله اذا رجعت قمر بخير وسلامة رح اعملكم عرس ماصار على حسابي نذار : عمي انا بحبا لقمر ومابدي من هالدنيا شي تاني غيرا ................... بفيلا الباش ام فارس : طمني يا انور مافي اخبار عن فارس انور : بصراحة لا والله حتى راح علينا ٣ صفقات مهمين للشركة وهاد الشي بأسر سلبا على سمعت الشركة وسمعت فارس كمان ام فارس : ياربي وين راح هالولد .. ابني برضاي عليك خبر الشرطة انور : خلص ولا يهمك .. رح خبرا .. وان شاء الله بنلاقيه ..................... انفتحت الطاقة شوي شوي وصورو قمر بدون ما تنتبه ضياء : شو بدنا نعمل بالصور ذكريا : المعلم طلبا ........ قمر : انا حاسة حالي رح اخنتق من هالقعدة هون فارس : قومي وقفي شوي على الشباك قامت وقفت على الشباك وهو عبارة  عن طاقة صغير ومسكرة بحديد وزجاج  فتحتو وبلشت تستنشق هوا نضيف .. تركتو مفتوح ورجعت قعدت مكانا تنيناتون صافنين وكل واحد رايح لعالم تاني من التفكير والاسألة يلي ما الها اجوبة اتطلعت قمر ناحية الشباك واذا بيطلع افعى سودة *~💚قصص بإدارة تيم💚~* قمر ارتبط لسانا : فا .. فا .. فا... حي.. حية فارس : قمر شبك اشرتلو على الشباك وهية عم تتأتأ شاف الافعى وقام بسرعة مسكا من راسا وحمالا فارس : حية صغير خوفتك قمر انفكت عقدت لسانا : كبا طالعا لبرا .. هلق بتقرصنا فارس : هههههه لا تخافي ليكي شو لطيفة قمر : مشان الله يافارس طالعة لبرا فارس : اكيد هي بيتا هون لانو الافاعي مابتطلع بالشتى قمر : لك شووو ماكان كبى مشان الله كبى انا بخاف كتير فارس : خلص خلص اهدي رح كبا .. رفعا بأيدو ورماها لبرات الغرفة وسكر الشباك قمر وهية عم ترجف : را.. راحت فارس : اي راحت خلص لا تخافي قمر : انا بموت منا ... ياربي بركي رجعت مرة تانية فارس : خلص راحت لاتخافي قمر : انا بدي اطلع من هون ... ياااااربي طالعونييي .... مشان الله طالعونييي فارس : قمر اهدي .. خلص راحت قمر : معد اقدر اقعد هون معد امن ... مشان الله يافارس طالعني من هون ... بدي روح لعند ماما ... قمر انفعلت كتير وصارت تبكي وتعيط بأعلى صوتا : طالعونييي .... طالعونيييي ... بس محدا رد قرب فارس مسكا من كتافا مشان يهديها فارس : خلص اهدي انا هون رح احميكي قمر : فارس انا كتير خايفة ... بترجاك اعمل اي شي .. انا معد اقدر اقعد ولا ثانية فارس : والله ماطالع بأيدنا شي اهدي انتي بس قمر : اااااااخ ياربي ااااااخ فارس : خلص قعدي ... او نامي قمر : لا لا .. انا مابدي اقعد ولا حتى نام ... هلق بيطلعلي شي من تحت هي الفرشة فارس : خلص اهدي عم قلك مافي شي .. قرب ونفض الفرشة والحرام .. وماكن فيهم شي فارس : اتأكدتي .. تعالي اقعدي هون قعدت وهية عم ترجف وتتلفت حوليها خايفة قعدة وضمت رجليها وصارت تتلفت حوليها وهية خايفة كتير وصار تتخيل الحية قداما قمر : بترجاك خليك حدي فارس: طيب جاب فرشتو وحطا لفوق فرشتا وقعد على سواتا فارس : انا هون فوق راسك نامي وانا رح راقبلك الوضع قمر : وعدني انك مارح تنام فارس : هههه والله مارح نام ورح ضل فايق لحتى تفيقي منيح هيك قمر : اي منيح يكتر خيرك  فارس : ههه نامي نامي ... شر البلية ما يضحك *يـــــتـــــبــــــع…⤹⇣*