*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d #شرقي_الهوا #الجزء_الاول_الثاني_الثالث_الرابع_الخامس_السادس شو يلي بصير لما بيخذلنا واقعنا لما منوقف بنص الطريق ومنتذكر انوا نسينا شي مهم ...منرجع ركض مندور عليه بس وقت منوصل مامنلاقيه ..منعيش الخذلان الحقيقي نحنا دائما هيك.... مامنشعر بالشي يلي بين أدينا لحتى نفقدو مالح نتعلم لحتى نعيش الغلط والألم كان الموت الحقيقي بالنسبة لألي هو أني عرفت انك نصي التاني بوقت متأخر كنت حبي الأول ...الحب الأول يلي بيترك بصمة بالقلب الحب والزواج ...قسمة ونصيب ... بس الفراق ....مابيكون نصيب بيكون انانية ضعف وأستسلام كان فيني ضل واكسب شرف المحاولة ... كل عمري وانا عم حاول كون قوية ....بس طلعت هشة بلاشخصية حرقت قلبي قبل قلبك .... وبالأخير. .... كنت انا الحلقة الأضعف بدي قلك سر ...أنت أحلى شي صار بحياتي ..وأسوء شي صار أنت الحلو والمر ،أنت البرد والدفا، أنت القريب والصديق ، أنت أكتر حدا وقف معي .... وأكتر حدا خذلني .. أنت لعنتي الأبدية ........ فتحت عيوني ... اطلعت حاوليي لقيت الممرضة عم تعطيني إبرة ..انتبهت إني صحيت راحت فورا تنادي للدكتور ،أما أنا كنت لسا عم حاول أستوعب شو يلي صار ..أخر شئ بتذكرو أني كنت برحلة بالمدرسة ونحنا راجعين قلب فينا الباص ومعد صحيت على شئ الدكتور:الحمد الله على السلامة ورد :الله يسلمك ..أنا وين شو يلي صار الدكتور:أهدي ولح حاول اشرحلك القصة بس خليني افحصك بالأول ورد:وين بقيت البنات الدكتور:هنن بخير اطمني. ..بدي منك تعطيني رقم أهلك مشان خبرن ورد:(صفنت شوي وخطر ببالي أمي يلي عملتي مشكلة مشان الرحلة وهلق إذا عرفت معد أخلص منها ) تمام بس خليني أنا حاكيهن بلا ماينشغل بالن أكتر لأنوا بابا مريض ومابدي يرتعب عليي الدكتور:متل مابدك نقلي الرقم للمرضة وهي بتخليكي تحكي الممرضة:تفضلي عم يرن ورد:ياسر ياسر:ورد؟؟ انتي وين ورقم مين هاد ورد:ليك أنا بالمشفى الباص تبع المدرسة قلب فينا ياسر:شوووو ؟ طمنيني عنك صرلك شئ ورد:أنا منيحة بس بدن حدا يجي يأخذني لأنوا أيدي مكسورة وما عم أقدر أمشي منيح ياسر:طيب خبرتي أهلك ورد:لا لا ... اصحك بس اوصل بيعرفو مافي داعي اكل بهدلة قبل بوقت ياسر:بدك أجي أخدك ورد: أي ياريت إذا كنت فاضي ياسر:أخ منك ...مع انوا عندي شغل بس يالله جاية قليلي اسم المشفى ورد:تمام ...اسمها .... ياسر:ساعة ويكون عندك ورد:تمام ... (غمضت عيوني ...وأنا عم فكر كان فيني دق لأي حدا تاني غير ياسر ..ليش هو ليش على طول كل مابوقع بمشكلة مابلاقي غير هو بوشي وبستنجد فيه ...بعد شوي صحيت موجوعة الظاهر راح أثار البنج من جسمي ..رفعت عيوني شفتو واقف عم يطلع فيني ياسر:انتي منيحة ورد:أي ... ياسر :لح نطلع هلق ..جاهزة ورد:أي بس موجوعة شوي ياسر:الدكتور كتبلك على مسكن ونحنا راجعين منمر على شي صيدلية ورد:ماشي .... (حاولت قوم لحالي ماقدرت أطلعت عليه كان واقف و خجلان يقرب يساعدني ) لك ياسر ليش واقف هنيك تعى ساعدني لكن ليش اتصلت فيك أنا ياسر:أي صرخي كمان. ..ماحدا سمعك بعدين مو لازم تقليلي يسلمو يا ابن عمي عطلت شغلك مشاني ورد:بتعرف مو الحق عليك الحق عليي أنا (كان عم يردد الجملة ورايي) ياسر:ايوا ايوا ....عيدي وفتقي بهالجملة ...حضرتك بس بتعرفي كل ماتوقعي بشئ مصيبة ياسر تعى ورد:(نزلت رأسي على الأرض وعملت حالي زعلانة) ايه ماشي الله يسامحك ياسر:هههههههه فرجيني لشوف الدموع ، لك ولا دمعة ياشيخة والله أنك ممثلة ورد:هلق لح تجي تساعدني ولا لا ياسر:يارب ....صبرني ..هاتي إيدك لشوف ورد:(مسك أيدي وساعدني لحتى طلعنا بسيارتو .ماقدرت أمسك حالي من الضحك ياسر:ليش عم تضحكي ورد:لا ولاشي (كنت عم أضحك لأنوا وشو صار أحمر من الخجل ) ياسر:انتي الظاهر البنج لسا مأثر عليكي ورد:هههههههه اي اي ياسر:الله يثبت علينا العقل (وصلت على البيت واهلي ارتعبو وقت شافو منظري وطبعا اكلت بهدلة من أمي لأني مارديت عليها ورحت على الرحلة ولأني خليت ياسر يرجعني. .وانتشرت القصة بالعيلة عنا وبلش الحكي ...بس ياسر سكت الكل وقت قلن كنت هنيك بالصدفة وشفتها ، بعد يومين ..إجت خالتي من السفر لعنا ..كان طاير عقلي وخصوصا اني متعلقة بخالتي كتير وبعتبرها أمي أكتر من أمي ...ههههههه مابعرف كيف بس هيك بحس كنا سهرانين أنا وياها بغرفتي وعم احكيلا أسراري صفا:ورد لسا هداك الشب عم يزعجك ورد:انوا شب صفا:شو الظاهر كتارالشباب يلي عم يحاول يتعرفو عليكي ورد:هههههه هيك شي صفا:ورد ؟ ورد:ههههه عم أمزح ماتعصبي مابكفي أمي الها يومين ما عم تحكي معي ..وبعدين مشان قصة الشباب انتي بتعرفي اني ما بعطي وش لحدا صفا:مشان قصة ياسر ورد:اي اصلا هي ومرة عمي بيكرهو بعض وكل فترة مشكلة جديدة .بس بتعرفي ياسر سكت الكل يالله هالشب شو شهم صفا:..... ورد:شوفي ليش سكتي صفا:طيب أنا لح أسألك ليش ياسر دون عن الكل ورد:قلتلك لأنوا شهم صفا:لأنوا شهم ولا لأنوا بحبك وحضرتك عاملة حالك مابتعرفي ورد:يعني لأنوا تقدملي مرة صار بحبني صفا:لا مو مشان هيك أنا بشوف كيف بيطلع فيكي وبشوف الحب بعيونو ورد:مابظن ...بعدين لا اهلي ولا اهلو قبلو وهالقصة تسكرت صفا :اي تمام ولأنها تسكرت بعدي عنو وخلي يعيش حياته ورد:أوف أوف والله حاسستك خالتو مو خالتي لألي صفا:انا بجي مع الحق هههههه (أطلعت على الساعة كانت 3 ونص خالتي كانت نايمة ..أما انا بقيت فايقة .فتحت الشباك شوي مرقت نسمة باردة كان الجو بيخوف هدوء تام وظلام دامس مافي غير ضو القمر يلي عم تغطي الغيوم ... كنت عم فكر بكلام خالتي ..أنا عنجد لازم ابعد عن ياسر مالح أقدر اجرح مشاعرو أكتر وخاصة انوا انا مابحس بإي شي اتجاهو.. بعتبرو صديق أخ رفيق سند مو أكتر انا ما عندي أخوات شباب وهالشي يلي خلاني قرب من ياسر بس هو فهم الموضوع غلط بعد يومين جوز خالتي طلبني لا أخو الصغير يلي كمان عايش بره البلد ...بصراحة انا أنبسطت وخاصة اني بحب السفر وبكره الدراسة والشب مأمن حالو بيت وسيارة وبيشتغل مدير بشركة وأني عجبتو كتير بعد آخر زيارة لألو ...ماما وبابا رحبو بالفكرة كتير واتفقنا انوا مايصير شي لحتى يخلص شغل وينزل على البلدوهاد الشئ كان بعد شهرين ...جوز خالتي أقترح انوا نتواصل على التليفون مشان نتعرف على بعض ...وطبعا ماما ماخلت الفرصة تفلت منها مباشرة دقت للكل وخبرتن أكتر شي زعجني هو وقت إجه عمي ومرة عمي وياسر والكل وهنا فرحانين وعم يباركولي ياسر:مبروك ورد:الله يبارك فيك ...عقبالك ياسر:أن شآء الله عن قريب (دخلت على المطبخ مشان اعمل قهوة لحقتني خالتي ...) صفا:ورد شبكي ورد:مافي شي صفا:اممم انا بعرفك وقت تكوني مزعوجة ...شو متوقعة منو ... طبعا لح يباركلك ورد:عن شو عم تحكي ... بعدين ها شفتي و تأكدتي انوا هو مابحبني صفا:ليكي بدي يا كي تكوني عاقلة وتعرفي أنك صرتي على ذمة شب يعني بلاها حركات الولدنة انا شايفة حالي فيكي وخاصة قدام بيت حمايي ورد:ههه ولايهمك (المسا ببيت العم .. دخل ياسر على غرفتو ..تسطح على التخت حاول ينام بس ما قدر ..رجع أعد وصار يدخن مع كل نفس كان عم ياخدو كان عم يحس قلبو يلي عم يحترق مو السيجارة ..فتحت الدرج وطلع منو صورتها يلي خافيها عن الكل تعود كل يوم قبل ماينام يحلم ويتخيل حالو متزوج هو وورد ...كان لسا عندو أمل بس ماحدا عم يقبل وكبريائو معد سمحلو يرجع يقرب منها وخاصة بعد ماتوفى الجد وصار في مشاكل على الورثة رجع أطلع بالصورة وابتسم كان عم يتأمل جمالها والبراءة يلي بوشها رغم انوا شخصيتها قوية وجريئة وهاد الشئ يلي خلا يحبها تذكر أول مرة قلبو دق الها كانوا مجموعين ببيت العيلة وهي مسيطرة على الحديث وعم تحكي وتضحك ووتتخانق مع هاد وهداك ..كانت عم تهرب من أخوات ياسر ريم ورنيم لأنها نزعتلن الكيك وهي ماسكة كاسة العصير ضربت فيه ونكبت كلها عليه ...الكل شهق وخاف من عصبيتو لأنوا هو شخص موسوس كتير وخاصة على تيابو الا هي صارت تضحك على منظرو ...ضحكتها بتجنن أما ورد يلي بلشت تتواصل هي وخطيبها. ..كان الوضع مو كتير مريحها ...كان فادي انسان جدي كتير أو خلينا نقول إنسان عملي ورد كانت بالنسبة لأ لو مكمل للبرستيج يلي عايش فيه ورد:أنت وينك مبارح دقيت كتير ومارديت فادي:كنت نايم ورد:نايم هههه كانت الساعة 10 فادي:انا ما بحب السهر ورد:اممم طيب شو عم تساوي هلق فادي:بدي اطلع من البيت عندي اجتماع ورد:هففف يااا بتضلك مشغول يا نايم فادي:ورد لو سمحتي لا تعلي صوتك هي مو طريقة للحكي ورد:ايوا وشو هي الطريقة قلك لو سمحت من بعد أذنك إذا بتأمر فادي:تمام حابة تعملي مشكلة شوفي انا مالي فاضي مشان هيك سلام (رمت التليفون وصارت تصرخ ) ورد:اي لا بقى شو مفكر حالو ام ورد:شوفي خير ست ورد بتضلي عم تصرخي ورد:أمي انا هاد الأنسان لح يجبلي الجلطة لك متل الحيط لابهش ولا بنش ام ورد:انا بس بدي اعرف لمين طالعة كلامك سوقية أكيد لأهل ابوكي ورد:يييي علينا هلق هنن شو دخلن ...سمعي إذا ضل هيك معد اتحملو ام ورد:اي لأنوا الشغلة على كيفك ...قومي هلق جهزي حالك ماصفي شي لعرس ابن عمك (كان عرس اخو لياسر وطبعا الكل عامل جهدو يطلع الأحلا كنا قاعدين ومبسوطين لوقت ما إجت مرة عمو ومعها تسنيم بنت خالتو لياسر مرة عمي :هي كنتي المستقبلية الكل صار يباركلا إلا انا يلي حسيت الخبر نزل متل السم على قلبي ريم:شو ورد مابدك تباركينا ورد:حياتي ألف مبروك بالرفاه والبنين هههههه ريم:خير في شي بضحك ورد:ههههههه لا لا ولاشي (بعد شوي دخل العريس وعمي وياسر والشباب انتبهت على تسنيم يلي عم تطلع على ياسر بنظرة المغشي عليه من الفرحة ...وخطرتلي فكرة وقفت وزبطت تيابي ومشيت لعند ياسر وعمي وطبعا بلشت شغل الكولكة وبوسة الأيادي ورد:ياسر كيفك ياسر:تمام انتي كيفك ورد:وشك ولا ضو القمر هيك معد شفناك ياسر:انا ولا انتي ...أي صح كيفو خطيبك ورد:تمام بيسلم ياسر:ليكي ماما بدها ياني راجعلك (كانت مرة عمي عم تناديلو مشان يروح لعند تسنيم ... رحت على الحمام مشان زبط مكياجي وأنا طالعة سمعت ريم ورنيم عم يحكو مع بعض ريم:شفتي هديك المغرورة يالطيف الحمد الله انوا ما صار نصيب وما انبلا ياسر فيها رنيم:على شو شايفة حالها مابعرف واكتر شي قهرني أخوكي بتعرفي قالتلي أمك انوا لقت صورتها بغرفتو ريم:بعدو بحبها؟ يالله هي لح تتجوز وهو بكرا بينساها (كنت بعدني واقفة وما عم صدق يلي سمعتو ...طبعا هالشي زاد من غروري ..مضى أسبوع وانا القصة بعدها ببالي ...كنت حابة انتقم منن ومن الحكي يلي سمعتو وبهالفترة كانت مشاكلي عم تزيد مع فادي وقررت اتركو ...بقيت عم فكر وخطط لوصلت لفكرة أضرب عصفورين بحجر واحد قبل خطبتي بيوم كانت الساعة وحدة بعد نص الليل ...سرقت التليفون ودقيت لياسر كنت خايفة كتير وعم ارجف ياسر:ألو. .. ورد:ياسر ياسر:مين ...ورد ...خير .. ورد:فيني شوفك ياسر:كيف؟ مافهمت ورد؛بدي شوفك في موضوع ضروري لازم قلك عليه ياسر:صاير شي لحدا ورد:لك لا بس شوفك بقلك ياسر:طيب كيف بدي شوفك ورد:هلق ...قصدي تعى هلق لجنب بيتنا ياسر:مجنونة ...بركي حدا شافنا ورد:لو سمحت صدقني الموضوع مهم وبخصنا ياسر:..... ورد:شو قلت ياسر:ماشي جاية ...خليكي جنب التليفون وبس اوصل بعملك رنة مشان تنزلي ورد:ماشي (بقيت قاعدة وناطرة الرنة ...لوقت سمعتها طلعت من البيت شوي شوي ..بصراحة حسيت قلبي لح يوقف ايه غلطة بروح فيها وبنكشف. ..طلعت من البيت شفتو قاعد جوا السيارة مشيت بسرعة قبل ماينتبه حدا من الجيران ...دخلت بسرعة حطيت أيدي على قلبي ياسر:مجنونة حدا بيعمل هيك ورد:استنى شوي ما عم أقدر اخد نفس ياسر:... ورد:لح موت من خوفي ياسر:اي يالله أحكي (أخدت نفس ...واطلعت بعيونو مباشرة ورد:ياسر لح أسألك سؤال واحد وبدي جواب يا اي يا لا ياسر:...سألي ورد:أنت بتحبني (طبعا هو انصدم من سؤالي .. رجع ضهرو على الكرسي وكتف أيديه وتنهد ...بقي ساكت دقايق ياسر:ليش عم تسألي ورد:بالأول جاوبني ... ياسر:ما عندي جواب الك ورد:..طيب ماشي ...الظاهر اني كنت غلطانة ياسر:بشو ورد:بتعرف من طول عمري بعتبرك بطلي لدرجة اني تخيلت أنك بتحبني ياسر:ورد ؟ خطيبك جاية بكرا من السفر فاليش عم تحكي هالحكي ورد:لك معقول ..لهلق مافهمت اني مابحبو وهنن جبروني عليه ياسر:...... ورد:الظاهر مالك مصدق طيب متل مابدك (غمرت وشي وبكيت ...مابعرف كيف نزلو دموعي لحالن ياسر:لا تبكي ..ورد .... طيب إذا قلتك اي شو لح تستفيدي ورد:لح تخليني روح لحدا غيرك .... ياسر انا بحبك (فتحت باب السيارة ونزلت بسرعة ....رجعت على البيت وبقيت خايفة مالي متأكدة من النتائج مابعرف إذا كان ياسر لح يعمل شي تاني يوم ...كان الكل مشغول وانا كنت هادية على غير العادة ...ماحدا أنتبهلي غير خالتي صفا ...كانت كل وقتها عم تطلع فيني وتسالني بعيونها المسا اجتمعو الكل كنت قاعدة بغرفتي وحسيت حالي لح اختنق ... كنت سمعانة صوت الأغاني وفجأة معد سمعت غير صوت حدا عم يصرخ ...طلعت من غرفتي ولقيت بابا بوشي ...شدني من أيدي ووقفني واشر بإيدو اني ما طلع ولا صوت ...رفعت عيوني وكان الكل عم يطلع فيني ... إجه صوت ياسر من ورا الباب ... ياسر:تفضل ياشيخ سألها ....البنت مابدها هالشب ...انا بحبها وبدي يا ها وهي بدها ياني بس هنن جبروها الشيخ :شو يابنتي أحكي أهلك جبروكي (اطلعت على بابا يلي معد تفسرت معالم وشو ...خفت عليه كتير وخاصة انوا مريض قلب ..وحسيت حالي تورطت بقصة مالي قدها بلعت ريقي غصب ...قرب بابا لعندي وقلي لاتخافي واحكي الصدق لثواني معد قدرت وقف وقتل رأسي ووقعت ومعد حسيت على شي (بعد عشر دقايق لحتى قدرت صحصح ..كان بابا قاعد جنبي على التخت هربت بنظري منو بابا:رفعي عيونك واطلعي فيني ورد:بابا ....أنا .... بابا:ليش ماحكيتي من الأول بدل ماهالبهدلة قدام الناس خالتك زعلت وراحت ورد:...... بابا:انتي متوقعة انوا معقول أظلمك ورد:انا ..... بابا:طالمة بدكم بعض لح ننسى القصص كلها مشان سعادتكم ورد:بس بابا ... بابا:شو...احكي ورد:يعني إذا أنت مالك موافق انا والله مابزعلك بابا:طالمة انتي اخترتي هاد الشئ فخلص ...أمشي معي هلق بيت عمك بره ورد:لح غسل وشي وألحقك بابا:طيب (طلع بابا وانا نطيت من على التخت وبلشت افتل يمين وشمال ..يالله شو هالورطة كيف بدي أخلص منها ...قررت اطلع وسايرهن لبين مالاقي حل دخلت على الصالون وطبعا الكل كان وشو مابيتفسر رفعت عيوني وشفت ياسر عم يبتسملي ....بصراحة ماقدرت أمسك حالي وما أضحك ...كان هو الوحيد المبسوط عمي:الظاهر انوا الحكي طلع مظبوط ...مهيك عمي ورد ورد:(بلعت ريقي واطلعت على ياسر يلي كانو عيونو ناطرين جوابي ) اي مزبوط عمي:الله يخترلكن الخير .. ياسر:نحنا بدنا العرس بعد شهر ماما:شو شهر أعوذ بالله ....لسا البنت صغيرة خلو الخطبة لسنتين مرة عمي:لا عشرة سنين بلا مرة ولا قلك خليها عندك على طول ياسر:ماما ....شو هالحكي ...طولو بالكن...هالقصة انا وورد بقررها ماما:اي هاد يلي ناقص الصغار يحكو مرة عمي:قوم أبو ياسر ....هنن مابدن يجوزو بنتن .... عمي:لا إله إلا الله ....عدي وأستهدي هالقصة لسا بكير عليها ...منحكي فيها بعدين (أما انا كنت قاعدة مكتفية بالمشاهدة كل واحد عم يقرر على كيفو ...بعد ماراحو الكل من عنا حبست حالي بغرفتي لأنوا أمي وقتها كانت معصبة لدرجة بتخوف ضلت كل الليل وهي عم تتخانق مع بابا وخاصة أنها انحطت تحت الأمر الواقع هديك الليلة نويت نام بدون ما فكر ولا أحسب حساب لأي شي عملتو تاني الصبح طلعت لقيت اهلي عم يفطرو صبحت عليهن ماحدا رد غير بابا ورد:ماما ... ام ورد:ورد ...بتعملي منيح إذا مابتسمعيني صوتك ...وأنسي اني أمك طالمة أخترتي طريقك وماعملتيلي اعتبري ورد:بس ...(ماخلتني كمل كلام تركتني وطلعت ) بابا ...أنا بابا:ورد ...انتي بتعرفي أمك مع الأيام بتنسى. ..دق ياسر وطلب أذني مشان يشوفك بره البيت ...قال في موضوع حابب يحكي فيه ...وأنا رضيت لح يمر بعد ساعة ياخدك ورد: طيب ...وماما بابا:بظن سمعتي شو حكت هاد اختيارك ولازم تدافعي عنو مشان أمك توافق وترضى كملي فطورك انا لح وصل أخواتك على المدرسة (بعد ما طلع بابا بقيت لحالي حطيت راسي على الطاولة وتنهدت كل مرة بحط حالي بمصيبة أكبر من يلي قبلها ...معد فيني أتراجع وشمت الناس فيني ولاقدرانة كمل عملت سندوشة لبنة وطلعت غير تيابي ...بعد ساعة إجه ياسر اخدني بقيت كل الطريق ساكتة على غير العادة كل شوي اعمل نظرة عليه لاقي عم يبتسملي .... ياسر:اي .. ورد:شو ... ياسر:بدك تضلي ساكتة ورد:.... ياسر:تخانقتي انتي وأمك صح ورد:اي ياسر:وانا كمان أمي ماخلتني اعرف نام ورد:الظاهر لح نتعب كتير (وقف السيارة واطلع فيني ياسر:انا مستعد واجه الكل مشانك (حاولت أهرب بعيوني لأني خجلت من طريقة كلامو ياسر:ورد ! ههههه ما عم صدق انك خجلانة ورد:وليش لحتى ما اخجل شو ناقصني ايد ولا أجر ياسر:هههههه اي هيك ها هي البنت يلي حبيتها القوية ام لسان طويل ورد:كتر خيرك ....أنت لوين اخدني ياسر:على مكان كتير حلو ورد:لتكون خاطفني وبدك تطلب فدية ياسر:هههههه شو هالخيال الواسع ...وهي وصلنا تفضلي نزلي ورد:شو هاد واو شو هالكرم كلو عازمني على مطعم خمس نجوم ياسر:اي ليش ماعجبك ورد:اممم...بصراحة لا ...بعدين كيف هيك صار وقررت تعزمني ..أي انا من زمان كان ينطف قلبي وماترضى تعزمني على كاسة عصير ياسر:ههههههه كل هالقد في بقلبك ....بعدين انا ماكنت أرضى أخدك لأي مكان لأني كنت خاف الناس تحكي عليكي بس هلق صرتي إلي و ماحدا الو عنا ورد:ياسر ....بدي قلك شي ياسر: خليني أنا قلك بالأول من زمان وانا عم أحلم فيكي كنت كل مرة قرر صارحك وقلك أرجع خاف ورد:من شو تخاف ياسر:لأني بعرف حالي مابنحب لأني عصبي ومزاجي ...رجعي قوليلي ياها ورد:شو هي ؟ ياسر:ليلة يلي كنا جنب بيتكن ورد:..... ياسر:اي ....يالله (قرب لعندي ونزل لمستوى طولي وحط عيونو بعيوني لثواني تجمع الدموع بعيونو وانا وقتها حسيت حالي اني عجزت عن كلشي ورد:انا ..بحبك ياسر:وانا هلق صرت أسعد إنسان بالعالم ورد:هههه ليك بظن حاج دراما لأنوا الناس بلشت تطلع علينا ياسر:ذكريني عطيكي كم درس بالرومنسية ورد:ماشي ...بس بالأول خدني طعميني سندويشة همبرجر لأني لح موت من الجوع ياسر:طيب والحجز يلي هون ورد:هههههه هلق عنجد متخليني بدي اكل بالشوكة والسكين (رجعت يومها على البيت مبسوطة ياسر أكتر حدا بيفهمني كنت كل ما قرر اعمل شي يخلي يفسخ الخطبة كان يتمسك فيني أكتر ...مرق كلشي بسرعة وبدون تفكير اجه يوم العرس ماكنت فرحانة كتير أمي قضتها عم تبكي ومرة عمي وبناتها خربو نص العرس لوقت ما دخل ياسر الطقم كان لابقلو كتير وخاصة انوا هو طويل وابيض بدقن خرنوبي ناعمة وشعر اسود كثيف ...أول ماشافني حملني وصار يلف فيني ...نزلني وباسني من جبيني وقلي ..مرتي الحلوة بلشت حياتنا متل أي تنين تزوجو ...صح اني ماكنت حس حالي بحبو لياسر الحب يلي بسمع او بقرأ عنو ..وحرمتو من مشاعري ورغم هالشي كان هو الشخص الحنون دائما يدافع عني ومايخلا حدا يزعجني مرة عمي كانت حماية قوية بدها ياني أشتغل كل الشغل وتسميع حكي ...وكل يومين لازم تتخانق مع ماما أوقات كنت انزعج وانقهر واتفشش بياسر وأيام كتير ارفض انوايقرب مني وخاصة بعد الأزمة يلي بالبلد زادت المشاكل كتير ...ياسر كان شاري بيت مشان نبعد عن جو التوتر والمشاكل ...بس بسبب انوا بيت عمي راح بالقصف اضطر انوا يعطيهم بيتنا ورد:أنت كيف بتعمل هيك بدك تجنني ياسر:بدك اهلي يصفو بالشارع ورد:لا ما قلت هيك بس في بيت محمد وجلال ليش بيتنا نحنا ياسر:يا حبيبتي انتي بتعرفي ظروف كل واحد ورد:لك نحنا ماصدقنا ايمت نخلص من المشاكل ياسر:فترة وبتمر ورد:بس انا معد أتحمل ياسر:شو يعني ورد:انا رايحة لعند اهلي وبس تلاقي حل خبرني ياسر:ورد ...اهدي يا روحي انتي مكبرة القصة ورد:هففف يا ....كل مرة نفس الشئ انا يلي بكبر القصص ياسر:طيب ..... هلق شو المطلوب ما عم تفهمي عليي ...ماعم تحاولي تستوعبي انوا نحنا بمشكلة ورد:هلق انا صرت عديمة احساس ياسر:يااااااربي .....بتعرفي عملي يلي بدك ياه (دخل على الغرفة غير تيابو وطلع ورد:ايوا ......هاد يلي شاطر فيه تتركني وتروح ...طبعا ماهنن علموك عليي (كان واقف جنب الباب وبدو يطلع ....وقت سمعني عم احكي خبط الباب واجه لعندي كان منظرو بخوف والشرار عم يطلع من عيونو ....وأنا من خوفي غمضت عيوني ودرت وشي ...قرب وحط ايدو على تمي ...فتحت عيوني كاان عم يطلع فيني وعيونو متل الجمر ياسر:هسسسس..معد بدي اسمع ولا حرف منك ....أنتي عم تأذي حالك قبل ماتاذيني ..بكفي عم تشوهي صورتك الحلوة يلي بعرفها (تركني وطلع بره البيت ..وأنا بقيت قاعدة عم اكل حالي من القهر ...ماكنت شايفة أخطائي بسبب غروري ماكنت عم أقدر أرضى عن حياتي ... رحت على الغرفة ضبيت غراضي كلها...وخبرت ماما تجي تاخدني ... وصلت لبيت اهلي ...وطلعت مباشرة على غرفتي رميت الشنتاية وتسطحت على التخت ..تنهدت حسيت حالي ارتحت اني بعدت عن المشاكل ...غمضت عيوني كان كلام أمي معلق برأسي يلي بقيت كل الطريق عم تحط الحق عليي وعلى أختياراتي وأنها كانت عرفانة اني مالح كون سعيدة ...وأني أحسن شي عملتو اني قررت احرد خليه يعرف كيف يزعلني. ...كانت عم تشد على أيدي على الغلط .... مابعرف كيف غفيت. ..لتاني يوم ..استغربت كيف قدرت نام كل هالشي ...غسلت وشي ونزلت كان بابا قاعد عم يشرب قهوة .... ورد:صباح الخير بابا:صباح النور بابا:كيفك يا روحي بابا:(بقي ساكت وما رد عليي ورد:بابا ....(حط فنجان القهوة على الطاولة وقرب قعد جنبي بابا:حكتلي أمك يلي صار ....بس انا بدي اسمع منك ورد:بابا ...هاد ياسر بابا:ايوا ...قلتي ياسر ...مو هو ياسر يلي انتي اخترتي وبتعرفي اهلو ورد:بس.... بابا:مافي بس ...صار عمرك 18 سنة يعني بتفهمي الصح من الغلط ..أنتي بتعرفي انوا ماحدا رضيان عن هي الجوازة بس انا ما حبيت أكسر خاطرك ورد:يعني إذا اكتشفت انوا قراري غلط ....ماحدا بوقف معي بابا:مبلا ....بس بالطريقة الصحيحة ....ياسر مبارح حكى معي ...ولح يمرق ياخدك بعد شوي ورد:......هيك بتكون وقفت معي انك ترجعني للعذاب (حط ايدو على كتفي واطلع بعيوني بابا:برأيي ترجعي تفكري مين الغلطان بهالقصة (بعد ساعتين رن جرس البيت كان ياسر ماما طلعت على غرفتها لأنها مالها حابة تشوفو ورافضة اني أرجع بابا:اهلين يا ابني تفضل ياسر:كيفك عمو بابا:الحمد الله ...ورد قاعدة بالصالون انا شوي ويرجع ياسر:طيب (كنت قاعدة عم قلب بالتلفزيون ...وتجاهلت انوا هو اجه ...قعد مقبالي وشبك أيديه ببعض ياسر:عاجبك الفلم ورد:.... ياسر:ورد انا عم حاكيكي ورد:... (وقف طفى التلفزيون واجه قعد جنبي مسك أيدي وشد عليها ياسر:وقت بحاكيكي بتردي عليي ورد:(كنت موجوعة بس رغم هيك بقيت ساكتة ياسر:لا تحاولي تستفزيني أكتر ....(مسك وشي ودارو لعندو ورد:نعم ...خير ياسر:شو عم يصير معك....ليش هيك تغيرتي. ..من وين جبتي كل هالقساوة ورد:.... ياسر:اطلعي بعيوني ....واحكي يلي بقلبك ورد:انا حاسة حالي انوا أستعجلنا ....ماعرفنا بعض منيح ياسر:هيك برأيك ....انا وقفت ضدد الكل ...وانتي عم تقولي أستعجلنا بعدين مو انتي يلي كنتي تقولي انت أكتر حدا بتفهمني ورد:بس انت تغيرت بعد ماتزوجنا ياسر:انا نفس الشخص ....ماتغيرت بس بصراحة أوقات بفكر انوا معقول هي البنت يلي حبيتها (بعد عني واخد نفس كان باين عليه التعب ورد:شو قصدك ...يعني معد تحبني (قطع حديثنا بابا بابا:ايه طمنوني تصالحتو ... ياسر:نحنا ما فينا بينا شي القصة صغير وانا عصبت شوي على ورد (فتحت عيوني على الأخير ماكنت مصدقة يلي عم اسمعو ... ياسر:أن شآء الله لح حاول استأجر بيت بس لحتى تتحسن أموري بابا:طيب عندي أقتراح الك ....في بيتي التاني قاعدين في مستأجرين لح طلعن و تعقدو انتو فيه ياسر:لا يا عمي ...انا بعرف انوا هاد البيت انت عم تستفيد منو بابا:أنت لا تأكل هم هالقصص ....اهم الشئ اني شوفكم مبسوطين ..ايه شو قلتو ياسر:خلي ورد تقرر وانا ماعندي مشكلة بابا:وورد ما عندها مشكلة معناها لأخر الجمعة بتكونو انتقلتو (رجعت مع ياسر على البيت وبقينا يومين ماعم نحكي مع بعض ...بعدين داق خلقي وقررت اتحركش فيه ..كان نايم بره على الكنباية ورد:شو نايم ...؟(كان مغمض عيونو وما رد ..قربت ووقفت فوق راسو ...ياسر ..شو نمت ياسر:هففف....لا عم حاول موت عندك مشكلة ورد:(ضربتو على كتفو ) شو هالحكي عنجد انك غليظ (فتح عيونو واطلع فيني ياسر:يعني بفهم منك انك بتخافي عليي ورد:أي ...نعم ياسر:(رجع غمض عيونو ) مابظن ورد:هيك رأيك ....كل هالقد شايفني بلا قلب ياسر:...... ورد:طيب ....بس على فكرة انت غلطان (وقفت بدي اتركو وروح ...قام مسك أيدي وشدني لعندو ...جلس ضهرو واعقدني جنبو ياسر:انتي إذا مالقيتي حدا تتخانقي معو بتتخانقي مع حالك ....يالطيف شو مشكلجية ورد:أنت خليك عم اتطلع فيني عيوب .... ياسر:هههههه هلق انتي مو على اساس زعلانة مني ليش اجيتي تحكي معي ورد:...... ياسر:انا ضهري تكسر من النومة بره ...معلش تخليني نام جنبك اليوم ورد:اممم....لا ياسر:اي لأنوا الشغلة على كيفك ....(حملني وحطني على كتفو متل شول البطاطا ورد:لك نزلني ....ياسر ياسر:انتي مابتجي إلا بالعين الحمرا ..... (انتقلنا على بيتنا الجديد ....وطبعا مرة عمي ماقدرت إلا ماتجي وتعملي مشكلة ...بعد شهرين بلشت أعراض الحمل تبين عليي ...وقت تأكدت طار عقلي وياسر فرح كتير ...بس وقت خبرت الكل ماحدا انبسط بالخبر مابعرف ليش كان الكل يتمنى انوا تنتهي علاقتنا او تفشل .... بس هاد الشئ ما أثر عليي وخاصة اني بعشق الولاد ...زاد اهتمام ياسر فيني كتير ..وماصدقت ايمت صرت بالشهر الرابع مشان اعرف جنس الولد رحت انا وياسر على الدكتورة دخلت على العيادة وبلشت الدكتورة تنصحني ...كانت ملامح وشها مابتطمن ...بقيت فترة وهي ساكتة ورد:في شي دكتورة الدكتورة:بصراحة مابدي خبي عليكن ...الولد عندو تشوهات ماقدرت حدد شو نوعها (للوهلة الأولى حسيت حالي ماستوعبت ورد:عفوا شو عم تحكي الدكتورة:بدي ياكي تهدي ...هلق بدي اعرف انتو في صلة قرابة بينكم ياسر:اي نحنا ولاد عم الدكتورة:طيب عملتو تحاليل قبل الزواج ورد:تحاليل شو ...؟؟ الدكتورة :كيف تحاليل شو ... ياسر:نحنا تزوجنا بسرعة وانا مشيت بمعاملة كتب الكتاب من دون مانعمل التحاليل الدكتورة:حدا بيعمل هيك .... ورد:(معد قدرت سيطر على دموعي ) دكتورة مشان الله فهميني طمنيني ابني لح يعيش الدكتورة:هلق مافيني قرر ..المشكلة أنكم ولاد عم يعني جيناتك قريبة كتير من جيناتو ونفس زمرة الدم ..يعني تقريبا انتي متل أختو ...مشان هيك أغلب ولادكم للأسف لح يجي معهن تشوه رحت على الغرفة ضبيت غراضي كلها...وخبرت ماما تجي تاخدني .. ياسر:(ضرب ايدو على المكتب وصار يصرخ ) انتي شو عم تخبصي الدكتورة:انا عم احكي الحقيقة ياسر: ابنا مافي شي واكيد انتي غلطانة الدكتورة:فيك تشوف دكتورة غيري ياسر:هو هيك (مسك أيدي وطلعنا من عندها ...انا يلي كنت مصدومة من هالحكي كنت عاجزة عن نطق اي حرف ...ياسر كان عم يسوق متل المجنون وكل شوي يمسح دموعو وصلنا على البيت ...وكل واحد ضل ساكت ... لوقت دخل ياسر على الغرفة ..قعد جنبي وحط راسي على صدرو ... ياسر:ماتخافي ...ابنا مافي شي ...لح يجي على الدنيا ويكون منيح ...ورد...احكي اي شي ...لا تبقي ساكتة ..، ورد:كلو بسببي (كنت عم ردد هالكلمة بصوت واطي )كلو بسببي كلو بسببي ياسر:شو عم تحكي ... ورد:(خبيت وشي بإيديي وصرت صرخ ) كلوووو بسببي انا ..انااااا...السبب ياسر:ورد ...اهدي ....،أطلعي فيني ....انتي مادخلك ...اناااا الحق عليي حاج تبكي ورد:(بعدتو عني وصرت أضرب على بطني ....) لك اناااااا انااااا يلي عملت بحالي هيك ياسر:مجنونة .....شو عم تساوي .... (مسك أديي وثبتني ) ورد:ماكنت بعرف انوا بسبب غلطة لح يصير فيني هيك ...... ياسر:مشان الله حاج .... ورد:انا مابحبك ولا عمري حبيتك .... كنت..عممم ...حاول أخلص من ..فادي..وما لقيت غيرك بوشي ....انااااااا ...ما ..بح..بك (بعدني عنو ورفعلي وشي ...كان عم يكز على سنانو ياسر:ش ش شووو ...شووو ...عم تخبصي ورد:يلي سمعتو ياسر:(رفع ايدو وصار يضربني ...) عاملتيني لعبة بين اديكي .... ماكنت عم أشعر بالضرب ....كنت حاسة حالي غايبة عن الدنيا ..... بعدها غبت عن الوعي .... (كنت عم حاول جلس حالي ...كانت الغرفة معتمة ...جريت حالي ..لقدرت شغل الضو ورحت على الحمام رفعت وشي كان أثار الضرب معلم وفي دم غسلت وشي ...حسيت اجريي عم يرجفو. ..أعدت بالأرض ...كانت حاسة سيخ نار عم يمشي بجسمي .... (بعد يومين ...كنت نايمة لوقت ماحسيت بريحة عطرو قريبة مني ..فتحت عيوني كان نايم جنبي ..لفيت وشي كان معلق فيها سيروم ..ماعم أتذكر يلي صار وكانو كابوس مر عليي حس اني صحيت قام دغري وطلع من الغرفة .... بعد شوي سمعت جرس البيت وصوت أمي وكأنها عم تبكي ... ماما:انت كيف مابتخبرني ... لتكون مفكر البنت مالها أهل بابا:طولي بالك ياحجة... ماما:كيف بدي طول بالي لك بنتي سقطت وراح ابنها وكانت بالمشفى وانا آخر حدا بيعرف ياسر:نحنا كنا رايحين يومين سياحة وقت صار معنا الحادث بابا:حصل خير ...الله يعوضكن ياسر:هي جوا بالغرفة ..، (كنت سمعانة كلامن ...وعرفت اني خسرت ابني ...كانت متوقعة هالشي ...يمكن أحسن انوا يموت ولا يولد مشوه ويتعذب ....خبيت وشي بالمخدة ودخلت بنوبة بكى ... من بعد هداك اليوم ...تغيرت كتير ..ودخلت بحالة أكتاب . أمي خلتني ابقى عندها ...أما ياسر كان عم يجي يشوفني كل يوم بدون مايحكي حرف ...يبقى ساكت وعم يطلع فيني بعد فترة خالتي صفا عرفت اني تعبانة ...ونزلت تطمن عليي ..حاولت كتير اطلعني من حالتي بس ماقدرت ... كانت الأوضاع كل مالها عم تتكركب وصار في مناطق محاصرة ..وبابا قرر نطلع من البلد وياخدوني معن بتذكر يومها ...اجه ياسر لعنا وحكى معي لأول مرة من شهور ياسر:يمكن البعد احسن حل ورد:.... ياسر:مافيني اجبرك تضلي .... (قرب لعندي ونزل على ركبو وحط راسو على كتفي ...كان في صوت جواتي عم يقلي لا تخليني روح ...بدي ابقى معك..أنت وطني ..كنت عم اسمع دقات قلبو كنت عايشة بصراع من جوا عم أصرخ ومن بره كنت متل الصنم بين اديه ... حط أيديه على وشي ...وباسني من خدي .. ياسر:انا أكتر حدا بهالدنيا حبك ...خليكي متذكرة هالشي (وقف ومشي خطوتين رجع دار ضهرو وقلي انا آسف لأني ضربتك وراح بعد يومين سافرنا ...كلشي صار من البداية لوقت ماوصلنا على الحدود ماحرك فيني ساكن ...كنا واقفين عم نختم الجوازات وقت دق ياسر وطلب يحاكيني ياسر:ورد انتي عم تسمعني ...جوابي لو سمحتي ورد:...أي ... ياسر:بدي ....تنتبهي على حالك ....وتكملي حياتك .. ورد:ياسر .. #يتبع.....