*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *قصة :#خيانتين.وعشق🤎 *❴🔢❵الـــبـــ{الثاني}ــــارت* ➖➖➖➖➖➖➖➖➖ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ عمر وكنتي عم تتسلي متل ماعم يحكو البنات يعني معقول نسيتي بشهر ونص _ اه اي اي عنج د نسيتو شو مستغربة يعني لمى : كذابة مستحيل.. لك اي كنت شوفك لما يمرق من قدامك عيونك يصيرو بيض من كتر مايلمعو اي لما تشوفي تتلبكي وماتعرفي وين تروحي بحالك.. لك كنتو نفس لبعض معقول نسيتي.. رشا: ..... لمى : اها سكتي يعني مانسيتي طيب ليه جيتي عالعرس _ لمى شو بدك مني مشان الله مو متحملة حالي لمى: بس كنتي عم تضحكي من شوي _ طيب انا مانسيتو تمام لا مانسيتو وجيت عالعرس لاثبت للخلق انو مو هاممني بس انا مالي نسيانتو فهمتي بقا روحي هلأ قولي لكل البنات وسجليلي صوتي بطريقك مشان الكل يقول ياحرام يالله يالله قومي قومي شو عم تستني وصلتي للي بدكن ياه لمى: لك شبك والله والله مارح قول للبنات يعني مالي حقيرة لهالدرجة والله ماكان قصدي لما سألتك اسفة _ مافي مشكلة تعودت لمى: مشان الله ماتزعلي يبلا بقصو للساني والله ماقصدي _ خلص والله عادي صوات الناس عبقولو انو العريس عالطريق .. قلبي كان عم ينبض بسرعة كبيرة اكيد هو مو نبض الحب بس خايفة هي اول مرة رح شوفو بعد شهر ونص من تركو لالي.. تلبكت كتير وبلش التوتر يبين علي.. عليا: شبك رشا مانك على بعضك في شي _ اه؟ لا لا ولا شي بس هيك خرب مكياجي رح روح زبطو.. دخلت عالحمامات وكان في اكتر من بنت لهيك حبست دموعي وعملت حالي ريلاكس وعاساس عم زبط مكياجي طلعو البنات من الحمامات وضليت لحالي قدام المراية دموعي كانو عم ينزلو لحالن غصب عني.. سكرت باب الحمامات لحتى ماحدا يشوفني بهالحالة وقفلتو.. مسحت دموعي زبطت وضعي وشعري.. ابتسمت للمراية وطلعت بكل قوة.. طلعت وقعدت ع اقرب طاولة للباب الرئيسي للصالة مابعرف ليش.. مابعرف ليش كنت مهتمة انو بدي عمر يشوفني لما يجي.. مشاعري كانت ملخبطة وقلبي عم يعتصر من جوا.. طلعت امو لعمر اللي اصلا تصرفاتها طول العرس عم تجاكرني مع انو انا ابدا ماعملتلا شي طول علاقتي مع عمر.. طلعت هي لبرات الصالة وبلشو الزلاغيط من برة ومن هون عرفت انو وصل عمر .. وقفو حواليه اهلو والبنات من جوا عم يصفقو ويرقصو.. من اول ما بلش العرس كنت عم ورجي الناس انو عادي واقتنعو اغلبهن .. بس لما دخل عمر عالصالة جمدت... جمدت عنجد الخلق حواليي عم تغني وترقص بس انا حاسة حالي لوحدي.. لما دخل حسيت الكرة الارضية كلها سكتت.. رجعت لورا ووقفت ورا كم بنت وماخليتو يحس بوجودي.. شغلو الاغاني وقعدو ليلى وعمر جنب بعض .. عمر: حبيبتي شو رح نعمل بيوم عرسنا _ ههههههههه ممم لازم نعمل شي يقهر الكل عمر: متل شو حبي _ مثلا كتير عالإسكي نتهامس ونضحك مشان يصير عندن فضول شو عم نحكي عمر: هههههههههه الله بلاني ببنت شقية شو اعمل _هاا ليقوم ماعجبك عمر: عجبني ونص _ بحببببكككك عمر: انا بتنفسك لمى: ولك رشا شبك صار تاني مرة بتشردي هيك شبك ..؟!! _ ولاا شي مافي شي كنت عم اتذكر انو.. لمى:عم تتذكري عمر.. ؟ _ اي ياريت تتركيني لحالي شوي.. كانو ليلى وعمر عم يتهامسو ويضحكو تماماا متل ماحلمت اعمل مع عمر.. هه! .. كنت جايبتلا لليلى العقد الفضة اللي هداني ياه عمر لما قرأنا الفاتحة.. رح لبسا ياه قدام الكل وقدام عمر اللي لسا ماانتبه لوجودي واكيد ليلى ماقالتلو.. طلعت عالمسرح شوي شوي وعمر بلشت البسمة تروح من وجهو وانظار غريبة حوليي.. شافوني وانا عم لبس ليلى العقد... ( صرت احكي مع العرسان بصوت عالي بسبب صوت الموسيقى العالية كتير ) _(وانا عم لبسا ياه )مبروك ياعرسان الف مبروك الله يطعمكن عقد نيتكن ياارب.. ☺ وقف عمر بدو يعيط بس تذكر انو في خلق ورجع رخى عضلات وجهو وحكى بصوت واطي.. : انتي شو جابك لهون؟ _ له ياعمر ولووو ماحبيتا منك ابدا انت زميلنا بالجامعة وشو نسيت انو ليلى رفيقة العمر؟ لابد اكون بعرسكن يعني نزلت من عالمسرح والانظار علي حملت جزداني والساعة كانت وحدة بالليل ومابدي قلبي يتوجع اكتر اتصلت باخي اللي من امي وقلتلو يجي ياخدني.. لمى: شو بلاقيكي بدك تروحي.. _ اي حاج تعبت بدي نام لمى: طيب حاكيني عالمسنجر.. لاطمن عليكي _ يسلمو حبيبتي انشالله محمد : يعني ماصار الا عملتي اللي براسك ورحتي على عرسن _ اخي كرمال الله خليك بسواقتك وتركني مالي ناقصتك.. محمد: طيب ماانتي عبتجيبي وجع الراس لحالك ليش لتروحي وترجعي تشوفين.. _ لانو بدي كون قوية قدام الكل.. مابدي حدا ينظرلي بنظرة شفقة تمام .. محمد: اهااا الله يريح بالك بس لك صعيييي عمي قلي اجيب التحاليل معي محمد: تحاليل بابا؟ اي جبتلو ياهن انا _ كويس وشو النتائج؟؟؟ محمد: نتائج مابتبشر لانو صار لازم يلازم المستشفى طول الاسبوع ومامنحسن نطالعو الا ايام العطلة (سبت واحد) _ ياااللللله محمد:ننصبر شو بطلع بايدنا نعمل "محمد هو اخي من امي.. لما كنت صغيرة وكان عمري سنتين توفى ابي بمرض القلب مع انو كان صغير بالعمر وانا كنت صغيرة بس بتذكر كيف توفى وبتذكر لما كانو عبشيلو بس محدا بصدقني... بعد سنة تزوجت امي من عمي اخو لبابا وج ابت محمد 19 سنة عمرو وانا عمري 22 انا ومحمد كتير متفاهمين لانو لحالنا وماالنا غير بعض .. عمي هو اكتر حدا متعلقة فيو وبحبو كتييير هو اصلا وعيت عليه انو بابا بس بقلو عمي وبحبو كتيييير وهو مابيرفضلي طلب من لما كنت صغيرة " #يتبع........