*أنتيڪآ* 📜 *روايات* *قليلٌ من الوقت مع القصص يساوي حياةٌ بأكملها🤎🕰️* *نشر جميع القصص والروايات 🤎🕰️* *قناة خاصة لمحبي القراءة والقصص* _ *ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *رعب🤎🕰️* *تـحـت إشـࢪاف: تـيـم*​​​​​​​​​​​​​​​​​​​​​​​​​​​​📜🤎 *ࢪابـط الـقـنـاة:* https://whatsapp.com/channel/0029VamfKJHK0IBbdBbxOc3d *قصة :#خيانتين.وعشق🤎 *❴🔢❵الـــبـــ{الثالث}ــــارت* ➖➖➖➖➖➖➖➖➖ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ رجعت عالبيت وامي فورا دخلت عغرفتي... : بنتي شو صار؟؟ حدا زعجك شي شو عملتي هنيك _ امي كتير تعبانة حبابة بدي نام والله مالي قدرة للحكي ماحدا زعجني بشي بس تركوني اي حبابة : طيب عاملة ورق عنب مابدك اسخنهن لانو محمد وعمك بدن ياكلو _لا امي مو جاي عبالي آكُل كلوا انتو صحة.. : طيب تصطفلي لكن.. طلعت امي من الغرفة وانا بلشت أبدل غراضي وامسح المكياج وفك شعري وبعدين طفيت الضو وانسدحت بالتخت تحت الحرام والمخدة على وجهي لحتى ميطلع صوت مني وانا عم ابكي... _ عمر قول والله مابتركك لو شو مايصير.. عمر: هههههههههه شو خطرلك هلأ _ لك هلأ قول عمر: والله العظيم مابتركك لو شو مايصير _ ياسلااام لا تنسى انك حلفت هااا عمر: ههههههههه ولي عالهبل حطيت ايدي عادنيّ لحتى مااسمع صوت عمر غمضت عيوني لحتى مايجيني خيال عمر بس مافي فايدة.. هو هلأ مع وحدة غيري.. هه ومو اي وحدة.. 😔😔 هالوحدة اعز رفيقة عندي بس آآآه.. فاقت رشا وهي عم تمسح. وجها بايدا وعيونا نص مفتحين.. _نعم نعم امي الساعة لسا سبعة ونص الصبح ومابدي روح عالجامعة اليوم لي عبتفيقيني : لك بنتي مابدك تروحي معنا عالمشفى نناخد عمك هلأ.. _ امي والله مالي قدرة وبدي انقهر عليه ومايطلع بايدي شي خدو انتو والمسا بجي انا.. طيب متل مابدك قفلي الباب ورانا تمام _ تمام امي راحو محمد وامي وعمي عالمشفى وبقيت لحالي بالبيت.. وفتحت تلفوني _ طلب مراسلة؟ مين هالحساب مين " ...... " شو هالاسم الصعب هاد ومزخرف كمان.. كانت ليلى اي كانت باعتلي من حساب مو حسابا الاصلي صورة عمر وهو نايم وحاطة ايدها عوجهو.. وكاتبتلي " صباح الخير ياقطة حبي نايم جنبي بتحبي قلو شي بس يفيق ؟؟وبالمناسبة كنتي حلوة كتير مبارح هههههههههههه" ايدي صارو يرجفو من القهر .. مارديت عليها وبتعرفو بطلبات المراسلة مابيبين اذا الشخص شاف الرسالة لهيك حذفت الطلب وانتبهت انو لمى باعتلي عالمسنجر " كيفك حبيبتي ان شاء الله صرتي بخير بس حبيت اتطمن عليكِ" _ هلا حبيبتي الحمد لله انا بخير و انتِ كيفك_ " تمام الحمد لله بس انا هلا بساحة الجامعه و ما شفتك بالكلية مرضانه يعني حتى ما بدك تجي" _ اي و الله اخدت شوية برد بالليل_ " ايواا عليكي الف عافيه" _الله يعافيكي تسلمي _ ( لمى هي بنت معي بنفس الكليه علاقتي معا رسمية لان و رفيقة روحي الوحيدة كانت ليلى أما علاقتي مع الباقي كانت كتير عادية و رسميه لمى حاسة انها عم تتطمن علي و تحكي معي لانو شفقانة علي ما بعرف اذا احساسي بمحلو ) قضيت يومي بهواجس الذكريات الحاضر.. الماضي... المستقبل راسي صار يوجعني من التفكير حاسة حالي وحيدة بهالعالم بدون أي هدف... تاني يوم فقت مع كل خمولي ونفسيتي التعبانة الا انو لازم روح عالجامعة لانو عندي محاضرات مهمة... دخلت عالجامعة.. لمحت الحجرة اللي بساحة الجامعة.. هالحجرة كنا نلتقي عندا دايما انا وعمر هه! وعهالكرسي كنا دايما نقعد عليه انا وليلى واذا كان حدا قاعد عليه نقومو بالغصب ونضل عمنضحك.. ليش ياربي؟ ليش خيانتين مو وحدة رضيانة بوحدة بس تنتين مو كتير علي؟ بس انّ الله اذا احب عبدا ابتلاه.. 😔 لمى : لك اهلييين رشا كيفك انشالله صرتي احسن لانو قلتيلي انو اخدتي برد مبارح.. _ اهلين لمى تمام لا صرت احسن.. لمى: اها منيح .. (وانا عم أتأمل الشجر وساندة اجر عالحيط ) _شوفي لمى عنجد مالك مضطرة ضلي معي وتشفقي علي عنجد انا كتير منيحة لمى: الله يسامحك يا رشا معقول انا عبحكي معك لانو شفقانة عليكي والله من محبتي الك ومن قبل بحبك وبتمنى تكوني رفيقتي _ تسلمي 😊 حضرت المحاضرات ورجعت مع لمى عالبيت طيوبة كتير هالبنت وبتنحب وفعلا حسيت انو مو شفقانة علي ومن قلبا بتحبني _ يالله لمى بدك شي لمى : لا سلامتك حاكيني عالواتس كتبتلك رقمي بدفترك الاصفر.. تمام كيفك محمد بتقدر توصلني عالمشفى؟ : لا مابتقدري لانو الزيارة بأيام التلاتا والاربعا بس واليوم تنين مامنقدر نروح امك عندو لاتخافي جبتلن كل شي بدن ياه _ ايواا طيب بدك اسخنلك اكل بدي اكول لانو انا.. محمد : لا مو مشتهي يسلمو وهيك مرت الأيام وصارت اسبوعين وسمعت انو ليلى رح ترجع داوم عالجامعة.. غصني قلبي كتير لانو مو طايقة شوفتها ورح ضل تسمعني حكي.. وبنفس الوقت علاقتي كتير صايرة حلوة مع لمى وكتير حبيتا وحبيت شخصيتا صح انو صرنا قراب من بعض نوعا ما بس مالي حابة احبا اكتر او اتقرب اكتر لانو صرت اخاف من كل اللي حوليي وماقرب عحدا.. عمي صارلو اسبوع بالمشفى وم نزورو يومين بالاسبوع وامي عندو واخي بيشتغل بالنجارة وبيدرس بدورات لغة اجنبية لانو رح يطلع عاميركا يكمل دراستو.. عمي وابي الله يرحمه كان عندهن اراضي وبيوت وهلأ مأجرة لناس ومن هالآجارات منطالع مصاري منيح م ع شغل اخوي لنصرف عدراستنا وعلاج عمي والمصاريف وحالتنا كتير ميسورة الحمد لله .. #يتبع........