*رواية: اكاســـــــــــــــــيا(7)* > بقلم: توته عبدو ♡♡_☆☆☆☆☆☆☆_♡♡ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ *«مبروك الليلة عديلة وزين خلاص يا السمحة بقينا اتنين𐚁̸»* `بلسان منذر` "في يوم ميلادي جاتني رانيا في المكتب كنت حاسي ريم حتعمل لي حاجة زي كل سنة بالرغم من اني كنت منشغل في الفترة الفاتت وميلادي الليلة بس كنت عايز اطلعها واعوضها..لكن رانيا جاتني بتبكي وانشغلت معاها....وراحت من بالي فكرة انو ريم ممكن تجيني تماماً....جات وشايلة هديتها في ايدها وشافتني بواسي فيها وقفت بدون حتى تتكلم اتمنيت لو اني قلت ليها في لحظتها دي خالتي اصبري انتي فاهمة غلط...لكن ماقدرت انطق باي شي لحظتها شفت حزن الدنيا كله في عيونها....اتمنيت احضنها واقول ليها انو دا كضب دي خالتي بس هي فهمتني غلط ومشت.....وقتها عرفت اني ح اخسرها لو حاولت اتكلم معاها. رجعت لي رانيا سالتني دي منو قلت ليها دي الجاري عمري كلو عشان اوصل ليها واسي شكلي خسرتها.....    بقيت ماعارف اعمل شنو اتصلت ليها كتييير لقيت تلفونها مقفول عرفت انو الليلة حترجع البيت خصوصا بعد محمد قال لي انها مارجعت الشغل...  عدت الفترة على اسوء من مايكون *اربعة ايام كانها اربعة قرون* ..... اليوم التاني سقت خالتي وعمي "سلفا لانو امي وابوي ميتين" مشيت لي عمي معاذ في البداية وافق بس قال يسألها ويسألوا عني..... رجعت البيت وماعارف اتصرف كيف... تاني يوم رانيا مشت لي ام ريم حكت ليها كل الحصل قالت بتتصرف عدت الايام علي وكل يوم خوفي اني خسرتها بكبر....... كلمت مازن وعمر يحاولوا يشرحوا ليها بس رفضت....... يوم الاربع اتصلت لي عمي عمر واداني البشارة والليلة اخيرا الليلة عقدنا♡¡» وقفت قدامي والف سؤال في راسها حضنتها علي بكل مافيني من قوة حضنتها انتقام لكل ساعة وثانية ودقيقة مرت بدونها...𐚁 زحتني وبقت تضرب في صدري قالت لي انت واحد *خاين* *كذاب* اسبوع كامل جرا وانت مافكرت تبرر لي.... اسبوع كامل خليتني في حالتي دي بدون تبرير... تعبتني نفسياً يا منذر انا تعبت من الشخصية الطالعة بيها للناس دي....وكل يوم مشغول وسافهني وانا بالعافية بلقى من رسالة وحدة في البداية قلت ياريم لا هو تعبان عشانكم ماتزعجيه......تاني اجي اشوف بي عيني المنظر الندمت اني حبيت في يومه بي سببه..... حراااام  عليك يا منذر والله حرام.... مسحت دموعها وهم لسه بنزلوا وقالت لي...وكمان اسي جاي تقول لي عقدت عليك ماعاوزاك طلقني اسي دي....يامنذر طلقني...حتى قعدت في الكرسي جيت جمب رجولها قلت ليها ماكنت عارف اعمل شنو غلبتني حيلة وانا عارف طبعك....قالت لي اصلو دا حالك اسي انا هديت ونار حبك جواي انطفت اطلع بس من وشي قلت ليها ممكن تسمعيني؟ بس قالت لي اصلا ماحتفرق وسكتت...حكيت ليها كل الحصل بكل تفصيلة فيه بقت تبكي تاني قالت لي لو كنت جيت وريتني كنت ح اصدقك لو كنت وريتني يا منذر لو كان كلامك كضب كنت ح اكذب عيوني واصدقك لي سكت يامنذر ليي بس..... لقيت دموعي بتنزل معاها....مسحتهم لي وجات تقومني جريتها علي مسحت ليها دموعها قلت ليها اعفي يا غلاي.....بس لو ما حصل دا كلو ما كان حنكون مع بعض اسي وبالحلال....اسي ما فات شي ودموعك دي تاني ماتنزل الا بي فرح بستها في راسها وطلعنا برا وكنت ماسك ايدها كانت معاي هي وبرضاها وبس دا البهمني» .... طلعوا من الغرفة وعلت الزغاريت اتفقوا انو العرس بعد شهر خلص اليوم بعد تعب حتى دخلنا غرفتها بعد الضيوف خفوا.... _يا كريهة لي ما وريتيني =لامعليش حلفوني القسم انا _كلكم عارفين وانا لا اصلا كلكم مابتحبوني بحبني منذر بس =مشششششم ماقلنا ماعايزين الذي ولو بقى اخر زول مابنفع بس عشان عقد عليك تفصلي يا بطلة؟! _راجلي يا بيب ومن حقهُ اتباطل ليه... =بري يختي بعد دا بقيت تخوفيني انا ماشة يوسف برا بجيك بكرة تاني طيب... _سلمي عليه ياخ =يوصل ودعتهم وطلعت.. > في العربية يوسف:اسي يا عمتي لو كان عقدت على تالا كدا وخلاص كان فيها شنو.. ماريا:والله دا عين العقل شي بسيط وفيه بركة في نفس الوقت بلا خمج وعين ياولدي... "لاحظوا انو دا كلو وانا قاعدة معاهم واعصابي تلفت خلاص" _اتطمنوا لسه في العرس بعد شهر يوسف:لما الكبار يتكلموا الصغار ينطموا... غاظني لدرجة طوالي حاكيته "لما الكبار يتكلموا الصغار ينطموا نينيييي" ماريا:حتكبري متين انتي يوسف:معليش امي خليها شافعة ساي مشينا سوقنا اخواني من بيت ناس حبوبة ورجعنا البيت كل زول مشى غرفته وانا فضلت في الصالة قدام التلفزيون امي قالت لي قفلي البيت كويس ونومي ماتساهري كتير "حاضر" قعدت شوية كدا زهجت قفلت التلفزيون واتأكدت من الابواب مشيت عملت سندويتش جبنة...مليت البوتل ودخلت غرفتي...فتحت الواتس اب لقيت محمد مرسل لي "صاحية؟" قلت لي "يب" طوالي اتصل لي اتونست معاو مسافة قال انهم خلصوا وخلاص حيرجع. _وبكرة حتوصل متين =الصبح وبجي المكتب طوالي عندنا اجتماع الساعة 11 _ليي لكن ساكين شنو؟! =بتعرفي بكرة اسي نومي عشان بكرة تكوني مركزة... ... الصباح لبست فستان كحلي مشجر مع طرحة كبيرة لونها لحمي واسبورت طلعت بدري على عكس العادة دخلت المكتب لاحظت لي كيس كبير في مكتبي استغربت دا جابو منو؟ فتحته لقيت فيه تشيرت نفس الاشتريته لي محمد بس دا اكمامه طويلة....وسلسل فضة بحرف T معاو كرت مكتوب فيه *حيطلعوا حلوين فيك♡* بقيت واقفة مصدومة قريت الكرت كم مرة وبدون احس قلت "بس انا كنت وين لما ختاهو لي" جاني صوته من وراي "لانك روشة ما اكتر" نطيت من الخلعة لما وقعت الكيس الفي ايدي "د دد دقيقه انت جيت متين ومن وين" _من وقت كنت بتكلم معاك امس مفاجاءة حلوة صح؟ =وبتكضب عليك لييي يعني _لاني عايز كدا.. _اتلهي مني قلبي اباك زاتو رفعت الكرت ودخلت الحاجات في الكيس وبقيت بس عايزة امرق لاني لو قعدت شوية ح انفضح قدامه.....ماشة على الباب عشان اطلع وقف قصادي في الباب قلت ليه "محمد زح من الباب" _ولو ابيت؟ =محمد زح عليك الله دقيقه بس وبجي قفل الباب برجله وربع ايدينه وعاين لي بدون رد.. طوالي رجعت مكتبي بأدب.... _اصلا دا المطلوب خليك جاهزة بعد شوية حتمشي معاي نشتري حاجات للسفر.. =واشمعنا انا يعني شوف ليك اي زول تاني.. اتجاوزني قال لي "لعلمك السفر بعد بكرة" عاينت ليه بس بدون رد حتى رد لي "ماحتمشي معاي براك العروس زاتها معانا" _العروس ما جاية الليلة.. =اذا حتمشي معاي براك "ومعاها غمزة مبعرف موقعها شنو بس ما ارتحت ليها" _يلا يلا ارح انا طالع ختى اللابتوب في المكتب شال مفتاحه وطلع قال لي منتظرك تحت.. مسكت السلسل في ايدي كنت ح البسه بس تلفوني ضرب دخلت السلسل في شنطتي..خليت الكيس محله وطلعت عشان ارد... _بقيتي كتيرة تصدقي؟ =اسي النبي فيك اقولها انا ولا انت يوسف ماتصاحبني... _وفرت عليك انك تقوليها بس اسي دا ما موضوعنا......انا ماشي امدرمان عايز اجيب حاجات تجي معاي؟ _طيب بس متين لكن =انتي بعد تخلصي كلميني...وماتخافي عمي عارف _طيب تمام وقفلنا على كدا....... وانا طالعة لقيت محمد واقف لي قدام العربية ماسك الفريم تبعه وبعاين لبوابة الشركة منتظرني...... "دا كلو عشان تطلعي" _وانت زعلان لي؟ فتح لي الباب قال لي اركبي اركبي... مشينا اشترينا الزوادة وكل حاجة حنحتاجها هناك محمد قال لي "ح اكلكم عدس بكمية عمركم ما اكلتوا زيها" كان سايق الترولي مسكته منو ومشيت على جهة قسم كدا قلت ليه "التقول بتعرف تطبخ" قال لي "الله يسامحك بعدين انتي جايبانا القسم دا لي؟" _كدي اسكت وجيب لي العلبة الفوق دي؟ وقف قدامي واداني نظرة كدا حتى قال لي "لعلك قاصدة السريلاك دا" سكت وهزيت ليه راسي بمعنى "نعم" _ااا لي ناس بيتكم يعني؟ =اديني ليه وبفهمك نزل العلبة وقال لي "لو ما فهمتيني اسي مابديك ليها" ببساطة اقرب عامل لقيته قدامي قلت ليه نزل لي العلبة دي.. خليته بضحك فيني قلت ليه "بالله ماتتظارف معاي تاني" ضحك وقال لي"يا شافعة اسي دا لي ناس بيتكم صح؟" قلت ليه "لا" _طيب لي جارتكم ولا زول من اهلك =لا وامشي حاسب حاجاتك دي مسك القروش ولسه بتكلم معاي ومامركز زاتو طوالي شلت القروش منو حاسبت الكاونتر ورجعت ليه الباقي ..طلعت جزلاني حاسبت لنفسي وشلت جزء من الاكياس ومشيت......شال باقي الاكياس في الترولي ولحقني _بس قولي لي انها ليك =يب حلووو حلاوة ضحك قدرته لدرجة ماقدر يفتح العربية _حتضحك كتيير يعني =دا بفسر صوتك وطولك والخولاق البتعملي فيه🤣 _طيب لو خلصت افتح الباب دا.... ركبنا العربية والطريق كلو يضحك فيي وانا بس بعاين ليه لحدي وصلنا.... نرفزني الفف وقفلت ليه الباب رووو ومشيت ... بداء الاجتماع شرحوا ليهم حيعملوا شنو وانهم يتجهزوا للسفر على كدا طلعنا... _انا ما قادرة اصبر ليوم السفر =ولا انا ياخ متحمسة شديد كان معانا ولد اسمه ياسرقال:كان ما هي البلد غايتو البنات ديل يوم بجيبوا لي شلل.. يسرا قالت انا عن نفسي ماحصل سافرت اصلا خلي امشي رحلة عملية.. _انا سافرت مع الجامعة كذا مرة بس دي حاساها حتكون غير.. ياسر قال لينا الله يصبرني بس ومشى قلت لي يسرا "دا مالو دا؟" =ظرييف والله بس الايام دي اخلاقه ضيقة شديد مابعرف مالو اسي يلا باي عشان اتأخرت.. _انا كمان راجعة اشيل حاجاتي وطالعة ودعتها ورجعت المكتب.. لقيته بتكلم في التلفون ...شلت حاجاتي عايزة اطلع اشر لي بمعنى "اصبر" خلص مكالمته وانا واقفة جمب الباب قال لي "طالعة.؟" *لا اسي يعني يعي موقفني عشان كدا؟* _ايوا لي في حاجة =طيب انا زاتي طالع نمشي سوا...؟ _مستعجلة اسي مرة تاني طيب =ان شاء الله خير _لا ماف شي بس عندي مشوار بسيط كدا يلا باي طيب.. استغرب بس ماركز كتيير افتكر انو ريم حصلت ليها حاجة وواصل شغله..... "نزلت تحت لقيت يوسف واقف لي سجم يا تالا الليلة من عربية لعربية" ركبت بأدب وسكت _يعني اسي انتي شغالة هنا =يب "وبقيت بعاين بالشباك على جهة مكتب محمد معارفة لي بس حاسة اني عاملة شي غلط بالرغم من انو ماف شي غلط اصلا" _قادر الله واسي بتعايني كدا لي زي حرامي البيوت.. قبلت قدامي بعد اتأكدت انو الشباك مقفول وقلت ليه "لا ولا شي" قال لي بضحكة كدا خايفة يشوفك معاي ولا شنو سيد الريد... صعقني ما اكضب بس عرفته بهظر قلت ليه "تصدق!!" _على اساس في زول مهبب ليك للحظة كنت عايزة افتح الباب وانزل قال ليها خلاص خلاص سكت شنو البايخة دي... دور العربية وطول الشارع ساكتين الا هو مشغل اغاني وبغني معاها وانا بس ساكته بعاين بيه وصلنا السايق ودخلنا...اختار 6 اساور ( *غويشات يا قول حبوبتي* )لي امه.. ومشى اختار محبس ناعم وبسيط قال لي جيبي ايدك بكامل الغباء قلت ليه "لي يعني" اتافف وقال لي "ايدها نفس مقاسك بالضبط كدا"... =وانت عرفت كيف ومديت ليه يدي.. _احساس بس =طيب يا عمر احساس بس غير التشكيلة دي واخترت ليه وحدة تانية..قال لي تصدقي دي احلى بكتير مرات منك فوائد والله... =اصلا بس انتو مستهونين بي بس الله في... _راسك يا بت امي اسي ارجعي العربية وانا بجي لاحقك قلت ليه "امور ابوي دي خليها شلت حاجاتي ومشيت".... رجعت العربية بقيت ماسكة تلفوني لقيت رسائل من محمد مافتحتها قلت لما اصل البيت اشوفها....لحدي جا راجع مد لي كيس قلت ليه دا شنو دا قال لي "حاجة ليك انتي ومرت عمي نظام تضوقوا ماهيتي وكدا" قلت ليه "جادة معاك!" دور العربية وقال لي "ان شاء الله تعجبك بس" فتحت العلبة لقيت سلسل ورود ناعم حبيته شديد وكفتين وحدة لي وحدة لي ريتا واربعة غويشات لي امي... قلت ليه "يوسف سرقت شنو انت" قال لي "دي الهندسة يا بت امي عرفتي وبعدين انا ما اغتربت عشان اجي فاضي" قلت ليه "ياخطييير انت بس حبيييته والله في قلبي شديد بالرغم من اني مابحب الذهب" قال لي بضحكة واضحة "انا بديت اراجع التفكير في موضوع الخطوبة الفيك دا تصدقي يابتي ح اعقد عليك وادبل فيك لينة رايك شنو" قلت ليه "يوسف اتلهي بالله طيب وسوق سواقتك دي وانت ساكت اصلا قربنا نحن" قال لي "فكري فيها مابتخسري شي" قلت ليه "يوسف بطعنك والله بعد دا" بقى يضحك فيني قال لي "ها العويرة دي انتي لاقياني وين" وسكتنا على كدا.. وصلت البيت دخلت ناديت امي واخواني من برا كانت الكهرباء قاطعة بقيت بنادي فيهم لحدي وصلت ...يوسف اتصل لي قلت ليه وصلت خلاص حتى مشى.. اديتهم الحاجات الجابها ليهم امي شكرتهُ قدرتها يايمة ود السرور والكلام حق الامهات داك انتو عارفنو كويس اتجاوزت القصة دي كلها وسالتها عن اللستر لي ما اشتغل قالت لي الجاز خلص رسلوا يجيبوا قلت بالمرة اقعد معاهم شوية اصلا بكرة في مظاهرات وما حنطلع من البيت اتصلت لي ريم في البداية لقيتها مشغولة رسلت ليها في sms وقفلت التلفون على كدا.... مشيت لي اخواني في غرفتهم ايان قال لي حتلعبي معاي صح مشى جاب لي لعباته كلهم وجات ريتا بتنقنق من القراية وزهجانة قالت "لي مالك الليلة قال"... قلت ليها الزول اشتاق ليكم والله ماما كانت بتتكلم في التلفون مشيت جبت الليدو والشطرنج سقتهم المنامة كان في نور برا قعدنا في الارض وبقينا نلعب جات امي برضو قعدت معانا لحدي الكهرباء جات كل زول مشى غرفته صليت وقلت افتح تلفوني في مصلايتي دي شلت التلفون ورقدت فيها لقيت مكالمات كتييرة فايتة من محمد ورسائل كتييير ابيت خالص ارد عليه دخلت التلي اتونست مع مازن وعمر ودا كلو وريم لسه بيزي رسلت ليها رساائل كتييييير بس قلة ادب مني... شوية وتجيني رسالة من محمد فيها صورة فتحتها القى ليك *بلكونتي المابتغباني* قال لي اطلعي لي سرعة قلت ليه انت مجنون؟!! اتصل لي بعديها طوالي "يزفت وينك انتي انا متصل ليك الفين مرة جادعة تلفونك دا وين؟" ماهو حيرني انا زاتي في ردة فعله دي محسسني انو قبل الظهر ما كنت معاو" قلت ليه دقيقة اهدى اهدى و طلعت البلكونة لقيته فعلا واقف برا وووووووب علي دي مصيبة شنو دي اسي.. قلت ليه يا مجنون دا شنو دا مابسالك والله قال لي وينك من قبيل انتي ياخ وجايط جادي قلت ليه وانت هايج كدا لي اسي؟ قال لي انزلي سرعة قلت ليه طبعا ما جادي مستحيل يلا.. نتلاقة بكرة قال لي ياذكية بكرة ماف شغل وانتي من بيتكم مابتطلعي قلت ليه يا محمد خلاص معليش والله بس جيت تعبانة ونمت... بعدين لي دا كلو؟ سكت وبقى بعاين لي قال لي تصدقي حسيت اني مرتبط بيك لي سنين وحدة وهمية وقصيرة يلا انا الليلة نايم هنا زاتو يا ام كعكتين وعيت لنفسي ودخلت قلت ليه امشي ياخ قال لي لو دخلتي يعني انا ح امشي؟ قلت ليه اي موش جيت عشان تشوفني يلا انا دخلت قال لي زعلت خلاص ماشي زاتو ودور العربية بقى يتونس معاي قرابة الساعتين كان بحكي لي عن السواقة وشارع بيتهم ورسل لي صور للشقة الجديدة حقته شوية نام لي في المكالمة افتكرته رجع ابيت اقفل الكول ماعارفة لي مشيت البلكونة تاني لقيته لسه قاعد في العربية ومرجع الكرسي لي ورا وخاتي التلفون في صدره ونايم ومنظره يحنن الساعة كانت 2 صباحا مشيت برا براحة عاينت لي امي في غرفتها لقيتها نايمة غرقانة عدييل.... فتحت باب الشقة برااااحة وشلت شبشبي في ايدي ونزلت فتحت الباب التحت شوية كدا ومشيت عليه بقيت اصحي فيه محمد قوم شغال لي امممممم امممم فتحت الباب بي ورا جمب راسه بالجهة التانية مسكت شعراية من راسه وجريتها علي الساعة الاتنفض فيني....قلت ليه طير من شارع بيتنا يا سغيل دا شنو البتعمل فيه دا انت زول كبير ....حك راسه مسافة قال لي انا وين قلت ليه خلاص انا راجعة زاتو سغالة الدم دي مابتنفع معاي ....قال لي اقيفي طلعتي كيف؟ قلت ليه انت قاعد هنا لي يا محمد ياخ قوم ارجع الصباح الشوارع بتكتم فيك قال لي طيب يلا ادخلي عشان امشي قلت ليه حاضر بس قول والله تمشي عاين لي مسافة وقال لي اول مرة في حياتك العامرة تقولي حاضر... قلت ليه قول والله سريع ماتسل روحي حلف لي حتى دخلت سريع سريع بالطريق الجابني تاني جيت راجعة قلت ليه محمد انت عرفت بيتنا كيف صحي قال لي يا روشة ادخلي بحكي ليك بكرة صريت ليه وشي ز دخلت سرعة مسافة حتى طلعت بالبلكونة قلت ليه يلا امشي لوح لي بي ايدينه....واتحرك بقيت واقفة في مكاني مسافة بحاول استوعب البحصل دا شنو والعلاقة البينا شنو اصلا عشان يعمل كدا مرت ربع ساعة رسل لي "انا وصلت" "وبالمناسبة التوب حلو فيك♡!" "يلا تصبحي على خير" صراحة غلبني ارد عليه لسه الصدمة ما فكت مني..هو انا لي بعمل كدا البحصل دا شنو ولي هو جاني كان ممكن يتطمن علي بالتلفون عادي مابحتاج يجي ...ووووب علي دا شنو البحصل فيني دا.....قطع حبل افكاري اتصال ريم كنت ح ادخل ليها بالتلفون شوية من الغيظ ...قلت ليها لو ما كان عاقد عليك وحتبتلوا بي بعض الدهر كلو مششششم المخلوعين ديل زاتو قدي مني قبل شوية محمد طلع مننا.. واسي نعسانة قدر ما حنستني احكي ليها رفضت تستاهل زاتو...وقفلت فيها الخط ونمت على كدا..... > من جانب تاني _يامان كلمه انت =لا ياخ كلمه انت دا براك انا مابقدر ياخ دا موش بحب البت دي الولد دا مجنون بيها يا صحبي... _عاين خلاص نرسل ليه الصور بس براها بتحكي =خلاص طيب رسلها اسي في القروب بتاعنا وهو بشوفها بعدين نتصل ليه ... الصباح ابوي اتصل علينا قال حيجي خلال الشهر دا الخبر كان مخيف بس قلت يمكن اتغير يابت عدى اليوم عادي جهزت شنطتي وامي مسكتني ليك نصايح ورا نصيحة وخليك بت واعية وانتي مراية بتعكس تربيتنا ونحن واثقين فيك♡ بوست ليها راسها قلت ليها وانا قدر الثقة دي ياماما... قالت لي واثقة فيك انا بس بخاف عليك والله خصوصا انو ريم ما حتمشي معاك... قلت ليها كلها اسبوعين وح اجي احتمال اجي قبل بابا زاتو قالت لي طيب تمام...يلا نومي عشان وراك صحية بدري دخلت غرفتي صليت ركعتين وقريت يس للايام الجاية قلبي صراحة ما متطمن ليها كان خصوصا جية بابا بس الحمد لله بفضل ابوي في النهاية.. لقيت ريم مرسلة لي كتييير وصتني ودعت لي كتييير حتى مازن برضو قلت ليهم يا جماعة محسسني ماشة جهاد انا ريم قالت لي بحبك بس كلو لمصلحتك عرفتي؟ قلت ليها طيب يا ماما يلا قدي... المحيرني اليوم كلو يوسف مختفي ونفس الشي يسرا ومحمد قلت ما مشكلة صباحة الله بخيرها... قمت الصباح شلت شنطتي لبست بنطلون واسع وتشيرت رمادي طلعت سامعة اصوات برا طلعت لقيت محمد مع امي بقيت واقفة ما مستوعبة شي قال لي توت يلا مرقنا..؟ عاينت ليه نظام دا شنو دا سفهني الغياظ.. امي ودعتنا وطلعنا "للحظة حسيت اني طايرة كوكب تاني ما ولاية تانية" في العربية قلت ليه محمد دا شنو دا فهمني شي فتح تلفونه ومداهو لي قال لي اقري دا منو لقيته مسجل بي مستر احمد قلت ليه مستر احمد مالو اسي قال لي شوفي دا احمد ياتو لقيت رقم ابوي قلت ليه بابا قال لي يلا ابوك بقى شغال معانا وانا كلمته اني ح اجي اسوقك وكدا فهمتي دا غير انو رسلني لما جيت من الصين لي امك كنت جايب دواء بس جيت في وقت انتي ما كنت في ...قلت ليه دا كلو وانا ما عارفة حسبي الله بس قال لي معليش معليش مشينا لحدي الموقف الفيه البص المودينا كان نفس التيم حقنا كنت مبسوطة لحدي شفت رينا واول ماشافتنا جات طايرة قالت لينا هااي و ادتني نظرة قرف كدا... مسكت ايده وقالت ليه مودي الرحلة دي حتكون مرة حماس ياخ... قال ليها اخليكم سوا اسي "عجبتني حركته ليها يلا" طبعا شميتها للحظة وفقعت مرارتي بس قلت ماحنك... البص اتحرك اتكلمت مع ريم وناس ماما رسلت لي يوسف كتير بس ما داخل وتلفونه مقفول قلقني عليه شديد دعيت يكون خير لاني سألت امي قالت لي كويسين قلت يمكن مضغوط ولا حاجة شغلت صورة مريم بصوت عبد الرحمن مسعد..وبقيت بعاين في الشارع كنت قاعدة براي قدام وباقي الناس ورا بتونسوا محمد كان مع رينا وهي تشيل وتتمايع اتجاوزتهم بالقوة وانا بقول في نفسي "انتي مالك وماله يتكلم معاها ولا مع عشيرتها انتي صفتك شنوو اصلا يابت" وسرحت في الشارع لحدي نمت _يامودي دي موش توته الفي التلي ديك =يب _وانتو اصحاب يعني =واكتر من كدا يلاا انا ماشي ليها اسي ساكته من قبيل مامن عوائدها.. "قالت في سرها دي شنو دي كمان غاظتني" جا لقاني نايمة وماسكة تلفوني علي جا يقرب عشان يصلح الستارة من الشمس صحيت صلحها و انسحب قلت ليه في شنو وصلنا؟ قال لي "لسه" قلت ليه طيب وقبلت على الشارع قال لي بتسمعي في شنو مديت ليه السماعة بدون اعاين ليه حتى ركبها ورجع بظهره في الكرسي "كنت مغيوظة منو شديد صدقوني حتى انا ماعارفة لي" _على فكرة نحن ما اصحاب" = عفوا..؟ _ انا ورينا ماف بينا شي عرفتي ماتركزي معاها =اسي الجاب سيرتها منو _ فاهمك يا توته انا خوفني للحظة بس قلت ليه "غلطان" قال لي ما مشكلة قدامنا كتيير اسي عشان نوصل خلي الشاحن بتحتاجي ليه طلع سماعة سلك اداني وحدة هو وحدة شغل فليم في التلفون قال لي كدا مابتحسي بالزمن️....... مر الزمن سريع وكل شوية رينا تجي تلقى محمد قاعد ترجع وترتني خلاص يلا بس قلت يابت اهدي اهدي قربت اقول ليه قوم امشي ليها بس هو كان ماشغال بيها اصلا.......... لحدي المغرب كدا وصلنا قرية...........ادونا بيت كبييير شديد كان في ديوان للرجال مع حمام وغرفتين بفصلهم حوش كبييير تاني ديوان كبيير للبنات مع غرفتين ومطبخ وبلمنا حوش قلنا نرتاح شوية للصباح.....محمد جاب لي موية قال لي عشان برا الناس كتار لو احتجتي حاجة كلميني انا قلت ليه طيب ودخلت نمت على كدا الصباح قمنا مشينا مدرسة هناك شفنا احتياجاتهم مشينا الخلوة برضو تاني اتقسمنا جزء مشينا البيت الكبير كان معانا نسوان كتار شديد حكوا لي عن المنطقة وتاريخها كانت حبوبة حلوة شديد شديد حبيتها و عدى اليوم بسرعة شديدة.......بس محمد كان مختفي عدى الاسبوع الاول عرفنا احتياجاتهم وعرفنا المنطقة كلها وكل يوم كان رينا بتغيظني وتفقع مرارتي وانا بمسك نفسي بالقوة عشان ما انتحر بيها.... بس محمد كان مختفي في يوم قلت اشوف تلفوني وناس بيتنا لبست طرحتي ومشيت على جهة البحر عشان الشبكة شوية كدا ربطت معاي اتصلت لي امي اتطمنت عليهم واتصلت لي ريم برضو بس تلفونها مادخل معاي قعدت شوية الحته كانت يداب عايزة تليل قعدت في الارض كان المنظر حلووو شديد سرحت كعادتي......... لحدي جا قعد جمبي قلت ليه وينك انت ياخ قال لي كنت بعمل في حاجة بكرة تمشي معاي مكان...؟ قلت لي مكان وين؟ قال لي بفتش في ابوي يا توته ولقيته اخيرا قلت ليه ما فاهمة حكى لي القصة كلها "حنني والله وماعرفت اواسيه بشنو اصلا ماف حرف بقدر يخفف عليه بعد الفات دا كلو" قال لي انا اتربيت كدا براي وقمت براي اسي ما تختي في بالك كتير.. احكي لي كيف كان يومك قلت ليه كويس الحمد لله اكلت انت؟.. قالا لي لا والله ومانفسي قلت ليه انا كمان ما اكلت بس في اكل قلت ناكل سوا قال لي خلاص ما مشكلة قلت ليه دقايق بس اجيبه وارجع مشيت سخنت الاكل وجيت بقينا ناكل قلت ليه الناس هنا طيبين....شديد شديد ياخ وحبوبة فاطمة دي حلوة ياخ انا كل يوم بجي بسلم عليها الصباح بتدعي لي كتييير حتى الليلة سرحتني تسريحة اول مرة اتسرحها بس حلوه برضو.....قال لي وريني زحيت الطرحة شوية ورجعتها سريع بقى يضحك فيني لما اتشرق.... قال لي النبي اشوف الباقي وريته باقي الضفيرة ضحك لما رقد قال لي حبوبة تالا ناقص بس يشلخوكي وتبقي بيرفكت قلت لي اسكت مني يابعيد (كانت مسرحاني مساير اتنين والباقي مشطته لي بي ورا )قل ليه هي يمة حلوة وقالت لي اسرحك ارفض يعني....قال لي حلوة والله بهظر معاك قلت ليه لا زعلت والله وقمت عشان اغسل ايدي من البحر جيت واقعة على وشي......بالله محمد ضحك فيني ساعة قربت ابكي شميته شديد ... قال لي طول عمرك شافعة وطول عمري ح اريدك......فصلني طبعا وطوالي وعيت وقلبت القصة هظار قلت ليه اسكت مني انا ماشة زاتو ماتمت ثانية ظهرت رينا من حيث لا ادري شبكته ليك مودب وبتاع انا اتضايقت بس شديد وقمت شلت الصينية عايزة امشي قال ليها رينا شيلي الصينية دي معاك عليك الله انا سايق توته معاي قريب هنا طيب سكتت مسافة حتى قالت ليه انا اشيل الصينية دي انت جادي؟! قال ليها عشاني حتعمليها صح؟ قلت ليه بوديها براي اصلا ماشة انا شالها اداها ليها وجراني من ايدي ومشى.... قال لي خليها تشيلها انتي مالك الصراحة وجعتني ليها بس تستاهل قعدت معاو شوية ومشيت نمت الصباح مشينا البيت الوصفوا لي محمد كان بيت متواضع او ما دخلنا لقيناهو فاضي كان في راجل قال لينا اتفضلوا كان قاعد في كرسي متحرك سلم علينا سلام عرفة كدا اتفضلوا يا اولادي بقى ينادي يا سمية يا خديجة يابت يا سارة تعالي بعد دخلنا محمد ماقدر ينتظر قال ليه " بتعرف زول اسمه عفيفي ساكن هنا" _ايوا دا انا اتفضلوا اتفضلوا يا ابني قعدنا في الديوان حقهم مشى جاب لينا موية بالعجلة حقته جا خاتيها في رجوله محمد مشى شالها منو... _ انتو ناس المنظمة صح محمد كان بعاين ليه شديد قال ليه "ايوا" _لو تعرف يا ولدي لو ما رجولي كان ساعدتكم والله سبحان الله لو تصدق كان عندي ولد يجي في عمرك دا بس تصدق مشى مني حتى اسمه ماعارف....الحمد لله بس لكن لو كان في كان ح اخليه يشتغل زيكم كدا والله... كان خاتي ايده جمبي بقى ماسك السرير بكل قوته وقف سلم عليه في راسه قال ليه ما مشكلة يا ابوي ارتاح اسي انت ونحن بنجي تاني مسك ايدي شديد وطلعنا طول الطريق كنت ساكته وصلني السكن ومشى البحر قلت اخليه شوية....... جا الليل ومحمد لسه في مكانه مشيت عليه كان منزل راسه في الارض وماسك رجوله عليه ربت على ظهره قلت ليه محمد قوم يا ابوي كفاية من قبيل مارد علي قعدت جمبه قلت ليه كله بهون وترجعوا احلى من زمان يارب هو اسي ما عرفك بس... رفع راسه قال لي انا قمت كدا يا تالا واسي لاول مرة في حياتي اشوف ابوي ويطلع اسمي ما عارفه وامي من جهة تانية حاكية لي قصة غلط وهي زاتها ما جايبة لي خبر توته ديل امي وابوي افهميني... "وجع قلبي والله لاول مرة اشوف محمد بالطريقة دي لاول مرة اشوف راجل ببكي بدون ما احس لقيت دموعي جارية معاهو" قلت ليه انت اقوة من الفترة دي وحنعديها سوا انا معاك يا محمد والله وحتعديها انا واثقة.... انت بس قوم اسي وقفت عايزة اجرو عشان يقيف من الوضع الهو فيه جراني من خصري وحضني عليه مسافة انا دخلت فيني رعشة بقيت ما عارفة اتصرف ولا اعمل اي حركة قال لي ما مجبورة يا توته تعملي كدا انتي زاتك حتمشي بعد تتمي عرسك الدسيتيه مني دا...انا عرفت بالقصة ماف داعي تخافي...قال لي كدا في نفس الوضعية الهو فيها وزاد الصدمة علي صدمتين حتى قام مسح وشو وخلاني في مكاني....... > من جهة تانية *بس خلاص صورتهم "يلا ح اوريك كيف تحرجني انا يا محمد بوريكم"...........* *‏الإهتمام الذي نجده في لحظة الضعف أجمل من ألف عبارة حب* 𐚁̸." "يتبـــــــــــــــــــــــــــــــــــــع" *كل الـــــــود* *توتــــــــــــه عبدو*