*رواية: اكاســـــــــــــــــيا(8)* > بقلم: توته عبدو ♡♡_☆☆☆☆☆☆☆_♡♡ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ *لم تكن ظاهرًا لأُخفيك، ولم تكن طيفًا لأجتاز غيابك* *كنت اللاشيء الذي يمكث بكل شي𐚁̸*. *فكيف يُمحى اللاشيء....؟* بقيت في حالتي ديك مساافة رجعت البيت لقيت سرير رينا فاضي ماركزت كتير رقدت في سريري وبعد مسافة نمت او بالاصح غمضت عيوني ساي انوم كيف انا بعد الهببته دا...لحدي سمعت اذان الصبح قمت صليت خلصت وبقيت قاعدة بعاين......والبنات وحدة فيهم صاحية ماف ورينا ماسكة تلفونها عليها ونايمة قلت انوم لحدي الشمس تشرق اتقلبت يمين شمال ماف اي نوم دا كلو محاولات عشان ما افكر في الحصل امس وكلهم فشلو.....ياربي هو لي قال لي كدا لي حضني اصلا....تاني قلبي قبضني بقيت اقول يا الله ما تعلق قلبي فيه واغفر لينا يا الله....بعدين دا كلو كان زعل ومالقى ضالته يعني حاجة جات عفوا يا تالا اهدي.....طيب هو عرف بالخطوبة كيف لكن احيييييا ياربي دي ريم ولا يسرا وااااااي......قمت بقيت ماشة وجاية قلت يابت هي قومي صلي ليك ركعتين تاني الكلام دا ما بنفع............ > عند محمد الليل كلو ما نام في نفسه "انا صح حبيتها بس ما كان اتصرف كدا حتى يسرا قالت لي خطوبتهم دي خطة ساي طيب هي لي ما كلمتني.... طيب لكن اسي هي احتمال تبعد مني بعد العملته دا... تاني بقى يطرد في الافكار دي وبقى يفكر حيعمل شنو مع موضوع ابوه في النهاية اتشابكت الافكار وقام يصلي ركعتين بعد ما صلى الصبح...... .... _يايوسف حرام عليك البتعمله في نفسك دا والله الله بسألك... =خلاص يا بكري انا ماشغال بالفكرة كتير بس عايز اقعد براي انت لو مامرتاح امشي خليني برجع والله يا اخوي ماتشيل هم في النهاية كلها قسمة ونصيب لكن في النهاية دا غلطي انا لو كنت اعترفت ليها وقت اعترفت لي هي كان ما حصل دا كلو يمكن لو كنت ارتبطت معاها كان ح اكون ماسك ايدها اليوم داك واشوفها بالابيض بس لكن تصدق  *انا كنت بدعي ليها بالخير وشكله الخير ما فيني انا* ...... ولع سجارته وقام على البلكونة لحقو بكري هناك قال ليه طيب وبت عمك الخطبتها موش انت من كنت صغير كنت بتقول عايزها؟ يمكن الله كاتب ليكم قسمتكم سوا.... =يا بكري تالا لا يمكن ولا بتخيل حتى في يوم انها تعتبرني صديق ساي خلي زوج ليها بكري انت بتتكلم كيف صح علاقتنا اتصلحت مؤخرا بس ماتنسى انا وعدتها اني ح افسخ الخطوبة قريب... _بنعديها يا صحبي سوا ماتشيل هم ربك كريم =والله شكلي غلطت في موضوع الاستقرار في السودان ح ارجع بالطريقة دي... _اهدا يا مان وتعال نصلي صدقني بتهون. .... بعد الظهر التفكير هد حيلي فقلت للبنات اني تعبانة مشوا التجمع وخلوني لبست عبايتي ومشيت على جهة البيت الامس ماكان بعيد شديد بس وصلت في النهاية ولحسن حظي لقيت عمو عفيفي برش في الشارع سلمت عليه قال لي اهلا يا بتي اتفضلي اتفضلي قلت ليه اساعدك عمو مسكت منو الخرطوش قال لي بارك الله فيك يابتي♡ قلت ليه يا عمو انت عايش براك هنا قال لي لا والله عندي اخواتي بس سافروا قريب واخوي في الخرطوم لي يا امي في شنو قلت ليه ولا حاجة بس شفتك براك قال لي اتعودت على الحال دي انا بس وين اخوك الامس ضحكت قلت ليه انا جيت عشان الموضوع دا زاتو الصراحة قال لي ان شاء الله خير يا امي ادخلي جوا طيب دخلت الخرطوش وخليت الباب فاتح حتى مشيت معاو ..... عاين للناس المجتمعين سألهم بغضب بعد عرف تالا مافي _وين تالا لي اتاخرت وهي عارفة انو دا اخر يوم مفترض تمسك الشغل هي. =ياميدو قالت تعبانة هي عشان كدا ما جات يمكن جاتها ملاريا ولا حاجة قلت ليها اقعدي انا بمسك بدلك اتجاوز كلامها وادا كل زول مهمته اتتغاظت منو شديد بس لو خشمها وقالت "بأدبك انا" اما هو مشى بيت البنات دخل فتشها مالقاها بقى بنادي فيها ماف اثر... قال يمكن تكون في البحر جرا على جهة البحر عاين يمين شمال مافي قلق عليها بقى يفكر في الحصل امس قال يمكن مع حجة فاطمة مشى ليها لقاها بتعوس سألها قالت ليه ما جاتها...طلع البحر تاني بقى ماشي وجاي بتصل في تلفونها بديه *عفوا هذا الرقم لايمكن الوصول اليه حاليا* حاول كم مرة ولسه نفس الشي لحدي اخر مرة ربط معاو جرس بس ماردت حاول تاني واثناء ماهو ماشي شافها جاية معاها ابوهو حمد ربنا شديد بس استغرب لي ماشة مع ابوهز اول لحدي وصلوا قدامه عفيفي عاين ليه مسافة والدموع مالية عيونه وبعد تعب قدر يقول ليه "محمد يا ولدي دا انت؟" محمد سكت وماقدر يرد _اعفي لي يا ابوي اعفي لي يا ولدي وبقى يبكي انا لو كنت بقدر دا كلو ما كان حصل يا محمد.....قعد جمب رجوله وقال لكن يا ابوي انت لي مشيت لي ما جيت سوقتني بالقوة لي خليتني هناك وقت محتاج ليك لييي دا كلو حصل لي حتى ما حاولت تتصل لي..... _انا كنت في البداية موقف من المحكمة حاولت كتييير وجيت كم مرة اشوفك صدوني عرفت انو امك كانت بتحكي ليك حاجات غلط عني....حاولت كم مرة اوصل ليك بقيف قدامي جدك الله يرحمه لحدي ما امك اتزوجت وانا مرضت بقيت مابقدر اتحرك وانت شايف يا ابوي بس صدقني حاولت وكنت بدعي الله يلمني بيك اعفي لي يا ولدي اعفي لي بس....مسح ليه دموعه وحضنه عليه شديد اعفي لي انت يا ابوي انا المافتشتك من بدري انا الصدقت حكاوي الناس.... كنت عايزة اخليهم براهم بس محمد مسك ايدي وثبتني فكيتها براحة اشرت ليه بمعني ح اقعد قريب ومشيت قعدت في جهة بعيدة منهم مسحت دموعي اتذكرت معاملة ابوي وتعامله دعيت ربنا يلطف قلبه ويبقى لي زي الباقين.... مرت دقايق جوني محمد وعمو عفيفي قال لي *المبروكة* قلت ليه عمو♡ قال لي يا زينة البنات الله يحفظك يا بتي ويكبرك بي عقلك يارب محمد قال ليه الشافعة دي متعبانا قال ليه دي ست البنات جاتني بي نفسها  وجابتني قال ليه *ويلوموني في حبها*....حدرت ليه وقلت لي عمي يديك العافية يا عمو ماعملت حاجة انا والله و اسي تمشي معانا طوالي وقت اتصالحتوا خلاص قال لي ان شاء الله بس انا بقيت مكركب والكبر دخل ياامي قلت ليه يا عمو تمشي معانا وتتعالج هناك كبر شنو كمان ولد متين انت اسي بكرة تقيف وتعرس كمان.....بقى يضحك قلت ليه والله العظيم ياخ ....قعدت معاهم شوية محمد قال حيرجعه البيت يرتب ليه اموره ويتصل لي عماته يكلمهم انو حيسوقه عشان بكرة السفر وانا رجعت البيت > من جهة تانية مشت هي وبناتها المطار مع يوسف استقبلوهو ايان وريتان جروا عليه واحد اتعلق في رقبته والتانية بقت حاضناهو جا باس ماريا في راسها وسلم على يوسف حتى مشوا البيت الكبير.. ... الصباح قمت راجعت حاجاتي وقفلت الشنطة....قلت امشي لي حبوبة فاطمة اودعها دعت لي كتييير يحليلها امتر انسانة ح افتقدها في القرية دي♡¡ ... اتونست معاها لحدي جا البص مشينا ركبنا اتلموا الناس كلهم الا محمد بقينا منتظرين يجي جا سايق عربية تانية نزل منها وجا علينا قال لي جيبي حاجاتك وتعالي نزلت اشيل شنطتي جات رينا تقابض يا ميدو مالكم قال ليها جيبي شنطتك وارح معانا حتمشوا معاي بالعربية حقتي اتغظت شديد منها طبعا بس باقي لي اخنقها....لكن استغفرت ربي وقلت ماحنك بت اهله انتي الغريبة.... حتى ركبنا العربية كان عمو عفيفي قدام وراهو طوالي رينا وانا راكبة في الكنبة الاخيرة في الطريق قالت لي محمد عايزة اشغل قران مدى ليها الوصلة قالت ليه واي تلفوني مقفول اديني تلفونك اشغل منو اداها التلفون بحسن نية ..المحيرني انها كانت قاعدة قصادي..بعد شالت التلفون غيرت مكانها طوالي من قدامي مشت الجهة التانية شغلت القران وقعدت مسافة حتى رجعت ليه تلفونه...شوية كدا اشوفها فاتحة تلفونها قلبي اكلني بس ما سالتها اتجاوزتها ومسكت تلفوني رسلت لي ماما اني طلعت ورتني انو ابوي وصل وانهم قاعدين في البيت الكبير قلت ليها خلاص تمام اتونست مع ريم شوية وكل دقيقة اعاين القى محمد بعاين لي بالمراية وترني الف....وبالعافية الساعات مرت ووصلنا الخرطوم اخيرا.. قلت ليهم ينزلوني اركب ترحال محمد ما اشتغل بي الشغلة ووصلني لحدي البيت قال لي عمي وصاني عليك قلت ليه طيب انزل سلم قال لي مرة تاني ودعت عمي عفيفي ومحمد اما فلانة كانت نايمة او بالاحرى عاملة فيها نايمة... المهم دخلت لقيت امة لا اله الا الله في البيت خلصت موال السلام الطويل بي يا الله وجلالته حتى وصلت لي ناس امي لما جيت اسلم على ابوي وقف على حيله وحضني لاول مرة بعد عشرة سنين احس بالشعور دا....قال لي حمد لله على السلام يا توته وباس راسي فضلت حاضناهو مسافة شعور غريب وحلو،امان،خوف..مشاعر مبعثرة كدا والخوفني اكتر قعد وقعدني جمبه ..كنت مبسوطة رغم انو التغير مخيف شديييد بس فجاءة قلبي قبضني..اتذكرت حاجات مامفترض اتذكرها اسي وقمت براحة من جمبه بأدب...مشيت قعدت جمب امي قالت لي امشي المطبخ في اكل هناك والصراحة كنت جيعانة قمت كدا جاني يوسف جاري في المطبخ قلت ليه مالك قال طاير كدا قال لي كنت منتظرك ناكل سوا قلت ليه ما عايزة كلام معاك انت كمان... قال لي عشان كدا قلت اكل معاك ختينا الاكل ومشينا الحوش الورا قلت ليه فهمني كنت وين؟"دقيقه انا زعلانة كدا لي قال" قال لي اكلي وبحكي ليك قلت ليه يوسف لا اله الا الله... شوية يجيني ايان جاري قال لينا "بنادوكم انتو الاتنين شكلوا بابا حيدقكم" ضحكت في حركته ومشيت غسلت ايدي "احساس ابوي قبل شوية سلم علي كويس مستحيل يعني يحصل شي يخرب المود فجاءة" يوسف شاله في راسه ومشينا على جهة ناس بابا في ديوان الرجال لقيت بابا *وشو قالب الفين درجة* قلت ليه بابا بتناديني ما رد لي قال لي يوسف خليك جاهز بكرة العقد حقكم وماعايز لا مهر ولا حفلة بكرة العقد رجال بس وتسوق مرتك شقتك اصلا جاهزة صح....؟ يوسف قال ليه "لكن يا عمي".. قاطعه عمي علي ابشررر احلى كلام بس بتنا تستاهل نفرح ونعمل ليها حفلة يا احمد ابوي قال ليهم البت بتي وانا ما عايز اي حفلة ويلا انتي امشي قولي لي امك اطلعوا على البيت ولا عندك رائي تاني...؟ "انا كنت مصدومة بكل مافي الانصدام من معنى وخايفة في نفس الوقت وماعارفة اقول شنو اصلا ووش بابا ما كان بوحي بي خير زاتو كنت خايف ارد ماعرفت ابكي ولا ارد وللحظة كان حيغمى علي" مشيت كلمت امي بدون اقول ليها اي شي بي وشي داك زاتو جاهم عمي علي قال ليهم الخبر والزغاريت ملت البيت كلو وانا مافاهمة اي شي كنت بس بعاين ليوسف وبعاين لي وماف زول فينا قادر يقول حاجة حتى بابا كان كلمته في البيت بعد جدي يوسف اتوفى الوحيدة البتمشي لدرجة حتى حبوبة بتخاف على كلمته وبتعظمها......... مشينا البيت بابا قال نطلع وننتظره فوق كان بعاين لي عين تهديد وقرف بقيت اراجع نفسي ياربي انا عملت شنو وشكلي الوحيدة اللاحظت لنظراته دي اما ماما كانت فرحانة لي شديد وبقت تخطط... .... دقايق بس وبابا جا لزا باب الشارع حسيته حينقلع من مكانه امي سالته كنت وين قال ليها مشيت اتأكدت انو ماف زول في العمارة ولا الحلة ...بقى ينادي فيني تالا يابت الكلب يابت الحرام وجاني في غرفتي قال لي اديني التلفون دا اسي دي اديته ليه وانا خايفة جدعوا برا الغرفة في الارض جاتو امي مالك يا احمد في شنو قال ليها بتك يا ماريا ارسلها لي شغل تمسح ...بي وشي الارض انا يا ماريا قالت ليه اجي ياراجل قول بسم الله انا بتي مربية دا شنو البتقول فيه دا....فتح تلفونه و وراها صورة وفيديو قال ليها اتمنيت اني ابقى اعمى وما اشوف المنظر دا امي مسكت قلبها وقعدت في الارض قلت ليهم في شنو يا جماعة انا مافاهمة حاجة....قلع من امي التلفون ووراني الصورة كان محمد حاضني بس ما ظاهر وشو ظاهرة انا بس والفيديو كان لما كنت عايزة اقومه من الارض وهو ماسك ايدي اليمن..قال لي دي ما انتي صح؟ دي اخر تربايتي ليك صح؟! يا بت الحرام يابت ستين الف كلب ملعون ابو اليوم الولدتك فيه..غلبني اقول شنو بقيت خايفة وماعندي شي ابرر بيه اصلا بس هو سوء تفاهم لكن الحيفهمني منو اسي...مشى جاب عكاز ضربني بيه وانا بقيت بقول ليه بابا افهمني انت دقيقة يا بابا...قال لي عندك عين تتكلمي كمان مشى جاب السكين امي قامت بقت تصرخ قال ليها مابقتلها *بس ح اشهيها الموت* ومشى قطع خرطوش الغاز واقرب حبل ربطوا في العكاز بالجمبتين شال المكوة ونادى ريتا ورووو قفل الباب امي بقت تضرب في الباب بي برا وانا كنت ببكي في زاوية في الغرفة وقف ركب المكوة في الكهرباء وانا قلبي في ايدي شعوري كان زي الحيتنفذ حكم اعدامه اسي........ قال لي انا بربيك يا بت الكلب وقف يشد في الحبل مسافة المكوة تسخن وجا شايلها مسك ايدي اليمن وختى فيها المكوة بالجهة المعاكسة لكوع ايدي بقيت اصرخ بأعلى حسي حسيت الدم وصل راسي...قال لي عشان لما تمشي بيت راجلك يعرف انك ماخدة وسم الاحترام يا بت الاحفاد...مسك ريتا جزء من العكاز وبقى ماسك الجزء التاني قال ليها تفكي العكاز دا بضربك انتي زاتك دخل لي رجولي في الفتحة العملها بالحبل وشدى لي رجولي بقيت ابكي قلت ليه يا بابا اسمعني يا بابا خليني افهمك قال لي ما عايز اسمع اي شي عايزة تفهميني شنو؟ عايزة تكضبي وتألفي لي رواية صح؟ *ولا عايزاني اكضب الناس وعيوني واصدقك انتي؟!* وبقى يضرب فيني 500 صوت بالكمال والتمام لحدي الحبل جرح لي رجولي بي ورا والدم ملا الدنيا كنت بفرفر زيي وزي اي بهيمة ماما كانت بتكورك بي برا لحدي سكتت وريتان كانت برضو بتنضرب لما بتفك العكاز وهو بضرب فيني كانو ماسامع شي من صراخي لحدي العكاز انكسر وقبل علي في ظهري وقتها انا الفيني كملت وما حسيت تاني بي شي طلع وفتح الباب جات امي لقتني مرمية في الارض وريتا قاعدة قدامي ومصدومة والدم مالي الدنيا وانا كل جزء فيني مجروح...قالت ليه قتلها!!....يا احمد بتك *ماتــــــــــــت!!*.......... غسل ايده جا لزاني بي رجوله قال ليها جيبوها لي تحت بهذا الاسلوب........ مافتحت الا بعد ٣ ساعات كنت في المستشفى كانت الدكتورة واقفة قدامي قالت لي حاسة بي حاجة قلت ليها موجوعة في كل مكان قالت لي ماتخافي دا وجع الضرب الاتعرضتي ليه ماكان طبيعي خالص.....بس اتطمني ماف اثر تعنف جنسي حسبي الله فيهم بس اتحسبني فيهم يابتي اتحسبني فيهم بس وطعلت خلتني ما مستوعبة شي.....جات امي داخلة قالت لي ما تكوني قلتي ليها حاجة ابوك قال ليهم انك اتعرضتي للخطف ولقيناك مرمية.....بقيت مصدومة في كلام امي وردة فعلها سكت لحدي رجعنا البيت دخلت غرفتي جا ابوي قال لي بكرة بتتربي احسن احمدي الله ما بقت فضيحة وانسي انو انا ولدتك من لحمي ودمي وتفف على دي تربية ومشى....... ..... عدى اليوم وامي ما جاتني خالص ولا واحد من اخواني بكييييت.....على الحصل فيني كرهت محمد وكرهت نفسي ..قمت بالعافية عشان اصلي الدم ملى الشاش قعدت في الارض غيرته وقمت تاني اتوضيت يالعافية ماعارفة وقتها قريت شنو انا....صليت كيف مابعرف كلو كان بكى بكيييت بي كل قواي وكل شهقة بحس نفسي حتطلع وراها....وفي مصلايتي ديك نمت.... ..... صحيت بي ريم وهي قاعدة جمبي بتبكي...قمت وحضنتها وبقيت ابكي قلت ليها ياريم ماشفتي بابا عمل فيني شنو ياريم حكيت ليها كل الحصل....حضنتني عليها قالت لي حسبي الله ونعم الوكيل بس...بقت تمسح لي دموعي...قالت لي قومي اسي عشان تتصلحي العقد بعد شوية ماتخليهم يشوفوك كدا.....قلت ليها ياريم انا ما عايزة والله ما عايزة....خليني اهرب ....قالت لي ربنا معاك وانا جمبك يا قلبي قومي ما توجعي قلبي...قلت ليها وماما ما اتكلمت معاهو...ريم انا كرهانة نفسي شديد...الله يقتلني يا ريم الله يقتلني في اللحظة دي وارتاح.... قالت لي يا امي يوسف كويس والله اسي انتي قومي عمو ما يجي تاني يضربك قومي يا اختي....قمت معاها جابت لي اكل اكلتني بالقوة شوية سمعنا صوت الرصاص والزغاريت...قلت ليها واااااي ياريم احيييييييا....حضنتني عليها وبقت تبكي معاي جا بابا فتح الباب عاين لي بي قرف قال لي امسحي وشك دا واقيفي زي الناس جاين يباركوا ليك قال لي ريم اعملي ليها اي زفت في وشها...ولو جيت لقيتها كدا ح اتصرف معاها تصرف تاني..... سكت بس بقيت اعاين لي ريم وقفت براحة وبقيت اضحك مسحت دموعي ووقفت في المراية قلت ليها الراجل البكرهني دا مفتكر انو كدا عاقبني صح اصبري بس اسي بوريه كيف الضرب بصنع من البت انسان تاني ولعلمك انا عمري ما ح ابقى ضعيفة ريم بقت تبكي قالت لي عمو بحبك يا توت هو بس مصدوم وردة فعله طبيعية مع عصبيته و......طوالي عاينت ليها نظرة لو ما كان سكتت كان نطيت فيها قلت ليها اي ظاهرة كمية الحب وضحكت ضحكة عالية.... وقفت وهي جاية علي ولسه بتتكلم وعايزة تبرر لي الموقف قلت ليها قفلي مني جاية تبرري لي حركاته وانا بعرفه كويس ياريم؟......مسكت الدرج طلعت حاجات الميكب لقيت علبة حقت حبوب مسكتها وكبيتها كلها في ايدي وانا بضحك دخلتها كلها في خشمي ريم جات ادتني كف خلتهم طاروا مني......قلت ليها خليني اموت كلهم بكرهوني انتي زاتك بعد دا اكرهيني انا ما نافعة يابت ....قالت لي ماحصل وانا بحبك ويوسف برضو على فكرة قلت ليها ريم انا اهلي اتعاملوا معاي كدا ح القى خير في راجل؟ قالت لي تالا انتي قوية يا اختي ما تبقي كدا انا طول عمري بتقوة بيك يا تالا حضنتها علي وبقيت ساكتة مسحت ليها دموعها وقمت منها عاينت لي قلت ليها ما مشكلة...قالت لي ربنا بحبك ودا امتحان وانتي قدرو وصدقيني امر المؤمن كلو خير والعمل كدا صدقيني حيندم طول عمره.....عاينت ليها بس وقعدت في السرير هي فتحت الدولاب ادتني فستان كامل بيبي بلو وطرحة وردية قالت لي ادخلي الحمام مسافة اجهز ليك الشنطة اخدت دوش كيف ما بعرف ...وطلعت لقيتها جهزت لي شنطي عملت لي ميكب خفيف قالت لي معليش يا اختي بس اتذكري امر المؤمن كله خير مسحت ليها دمعتها الجات نازلة وابتسمت ليها بقت تضحك قالت لي اعفي لي بس انا وريتك انتي قوتي لاحظي دا اكتر وقت مفترض اكون فيه قوية واقويك....وانتي بتمسحي دمعتي في الوقت المفترض امسح فيه دمعتك قلت ليها اسكتي وفتحت ليها ايديني حضنتها مسااافة......... فكتني ابتسمت ليها قالت لي يمة حلاوة ماحصلت اقيفي اتصور معاك ضحكت قلت ليها يا وهمية دا شنو دا اسي فعلا اتصورت معاي بالرغم من اني ما عايزة اتصور بس عرفت انها عايزة تطلعني من الانا فيه شوية الباب خبط قالت لي دا يوسف ح اطلع طيب...... دخل ووقف قصادي كان نفسي ابكي بس دعيت ربنا يثبتني عاين لي مسافة وجا قعد جمبي كنت منزلة راسي في الارض بس وبهز في رجلي قال لي ياستهم صح عمي صعب وصح مابقدر اقول حاجة بالنسبة للحصل بس تعرفي لي؟ لانو انا ماكان عندي حق بس اسي طول ما انا عايش ماف زول بقدر يلمسك ولا يفكر انو يأذيك ولو كان عمي برضو...♡¡ رفعت راسي عاينت ليه ودموعي لا اراديا جرت....قلت ليه انت عرفت؟ قال لي ما وقته اسي ومسح لي دموعي ضماني شديد عليه كنت لسه ببكي باسني في راسي قال لي اوعدك يا تالا الحصل دا مايتكرر طول ما في عروقي دم جاري....صح نحن انجبرنا على الحصل دا وحصل في ابشع صورة بس انا جمبك وحنتجاوز المرحلة دي واول ما تقوي لو عايزة تتطلقي مني صدقيني ح اكون كلي اذن صاغية....رفع لي راسي ومسح لي دموعي ابتسم لي قال لي نطلع؟ هزيت ليه راسي بمعني ايوا شال الشنط ووقف قدامي وهو مادي لي ايده مسكتها وعاينت لغرفتي كويس ودعتها وطلعت برا وانا ماسكة ايده.... وقفت عاينت لي امي مسافة اتمنيت امشي ابكي واحضنها بس هي نزلت راسها سريع عاينت لي ابوي كان ماسك اخواني كل واحد بجهة عاينت لي بيتنا حسيت اني ما ح اجي هنا تاني في حياتي صح البيت كان ملان زغاريت بس انا ما كنت سامعة اي صوت يوسف دخل الشنط في العربية وجا قال لي نمشي عاينت لي ريم كنت عايزة ابكي بس خالص ماف دمعة نزلت مني تاني اما هي حضنتني عليها شدييد وفكتني....يوسف كان واقف جمب الباب مسكت ايده ضغط عليها شديد بدون ما يعاين لي ركبنا العربية ومشينا طول الطريق انا ساكته بعاين بالشباك والمطرة صابة كنت حاسة اني اتنفيت اني عاملة جريمة كبيرة... غمضت عيوني وانا بتذكر في نظرات ناس بيتنا ونظرة ابوي وقت ضربني نظرة امي وانا ماشة حتى بدون تودعني اخواني الشافوني في الشكل دا وانا كبيرتهم..... يوسف مسك ايدي وبقى سايق بيها عاينت ليه مسافة وسكت مرت نص ساعة حتى وصلنا بيت يوسف او *البيت حقنا*.... نزل جا فتح لي الباب ومشى على الظهرية طلع الشنط...... نزلت من العربية وقفلت الباب كان قدام المدخل في بركة صغيرونة فيها طين قال لي اعملي حسابك وبقى ماشي وهو بحكي لي عن البيت واني ح احبه شوية كان المدخل طويل من الشارع للباب خلص الممر قال لي ياتالا تعرفي لقا ماف رد عاين ورا لقاني مرمية قدام الباب في الطين رمى الشنط وجا جاري علي بقى يصحي فيني بفتح عيوني شوية وبغمضها شالني البيت جوا لقى جسمي مسخن شديد دخلني الحمام فتح الدش فينا وبقى بصحي فيني شعري كان ملان طين طلع الطين ولفاهو لي.... "تالا اصحي تالا فتحي عيونك" مسكت ايده ولسه عيوني مفتوح نص...طلعني برا نشف لي شعري ماكنت قادرة اقعد رقدت طوالي وهنا غمضت عيوني يوسف دخل في حالة تانية لبسني عباية بلبسي اللين داك ورجعني العربية وبقى جاري بالعربية على اقرب مستشفى شالني ودخل وهو بكورك الحقوني مرتي بتموت................ *سامحني يا الله حين ابكي على قضائك وانا في غاية الايمان به*💔 "يتبـــــــــــــــــــــــــــــــــــــع" *كل الـــــــود* *توتــــــــــــه عبدو*