*رواية: اكاســـــــــــــــــيا(9)* > بقلم: توته عبدو ♡♡_☆☆☆☆☆☆☆_♡♡ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ *ما اصلي ديمة ح اكون معاك سندك ركازتك توب غطاك ما اصلو ليك خلقوا المسار يا السمحة يا ست الحسان𐚁̸.* صحيت بعد كم انا ماعارفة وحاسة راسي من الصداع عايز ينفجر....كان مركبين لي درب والمكان صاني شديد رفعت راسي بالعافية وقعدت في السرير بحاول استوعب انا وين والصداع ماعايز يديني فرقة جا داخل وهو شايل اكياس لقاني مصنقرة في السرير جا علي بلهفة ختى الاكياس جمبي  لمس راسي قال لي حاسة بي حاجة انادي الدكتور قلت ليه يوسف انا كويسة بس جيت هنا كيف ومن متين نايمة قال لي جبت ليك شاورما ع فكرة حااارة قلت ليه يوسف رد لي....فتح الكيس طلع لي الفطيرة وقعد جمبي قطع منها حتة قال لي افتحي خشمك اسي بطلي كلام كتير عشان ماتقعي تاني زي قبيل قلت بس.. قال لي ما بس ولا اي حاجة افتحي...عايزة اتكلم تاني دخل لي اللقمة في خشمي بالقوة وبقى يأكل فيني قلت ليه اديني باكل براي انا ما شافعة.... قال لي الفراشة حتتعبك قلت ليه ما مشكلة بقدر انت برضو اكل معاي قال لي حاضر قسمت ليه من فطيرتي"لا انا قاعدة اعمل في شنو" قال لي هاا العويرة دي في تاني قلت ليه اكل معاي دي اصلا ما ح اقدر اخلصها  قال لي لا عاوز التاني انا عاينت ليه مسافة الوسخ وانا لسه مادة ليه ايدي...حتى خت الكاملة وشال الفي ايدي قلت ليه امسك التانية دي برضو قال لي ليي قلت ليه عشان تأكلني الغبي صدق فتحت الكيس وشلت التاني وقعدت اكل بقى بعاين لي قلت ليه عشان تاني تتظارف معاي....قال لي اسي ماكنتي عايزة تموتي واصلت اكلي وانا ساكته حتى ما عاينت ليه زاتو...خلصنا كدا اداني عصير وجاب لي حبوب قلت ليه دا شنو دا قال لي عشان الصداع جات الدكتورة قالت ليه المدام صحت قال ليها وعايزة تاكلنا كمان ...سفهته قالت لي راجلك قبيل قلب المستشفى فوق تحت عشانك "ولي قلبها يعني دا صدق نفسه شديد الظاهر" عاينت ليه ساي ولسه ساكته قالت لي ارتاحي اسي عشان الدرب يخلص طيب صلحته لي وخلتني ارقد قالت لي يوسف يجي معاها برا عاينت ليهم لحدي الباب قفل قالت ليه دي نوبة انهيار عصبي بسيطة قدرت تلحقها غير كدا لو طولت كان ممكن تروح فيها....ابعدوها من الاستريس العالي الفترة دي بالزات عشان ماتنتكس تاني..قال ليها ان شاء الله..اسي بقدر اطلعها كدا يعني؟ قالت ليه بعد الدرب دا يخلص بتقدروا تطلعوا عادي....            رجعنا البيت الساعة كانت  ١ يوسف قفل الباب  وجا علي قال لي اتدوشي مسافة اعمل ليك حاجة تاكليها قلت ليه انا شبعانة لكن قال لي طيب عصير قلت ليه يوسف انت من الصباح ما قعدت قوم اتدوش عشان ترتاح انت برضو انا عايزة انوم بس...... عاين لي مسافة بمعنى متأكدة؟ قلت ليه انا كويسة والله قال لي طيب (الشقة كانت عبارة عن ٣ غرف ٣ حمامات وصالة كبيييرة  فيها حوش وحديقة صغيرونة متوسطاها شجرة ظلية كبيييرة ومطبخ بفتح على الصالة )فتحت الشنطة قعدت في الارض وانا بعاين ليها يوسف شال غياره ومشى استحمى وجا لقاني لسه في الارض قعد جمبي قال لي لسه ما قمتي لي؟ قلت لي يوسف انا اهلي كرهوني انت لي وافقت بي يا يوسف انا بقيت نكرة انا وحدة وسخة على فكرة حتى لو انا انظلمت بس بابا عاين لي بي قرف اذا انا قرف 💔 ضماني عليه قال لي هشششش ماف شي من دا صح بعدين انتي عرضي وانا اعتبريني اخوك صحبك صحبتك اي شي لو ماعايزة تختيني زوجك واتطمني ح ابقى ليك زي ما عاوزة♡..وانا بصفتي كل الناس ديل مابرضيني اسمع كدل ولو كان منك انتي ذاتك طيب؟ فضلت في حضنه وانا ساكته بس قال لي تعرفي نحن قمنا في عائلة دمها حار شديد مابقول ليك كلامي دا معناها انا ضددك لا انا بغلط عمي كان مفترض يسمعك لانو واثق فيك وفي تربايته بس لحظة عصبية والشيطان غلبه فيها وهم ما نكروك يا تالا هم عملوا كدا عشان يحموك والأهل بتهمهم مصلحة ابنائهم يا امي حتى لو اذوهم بالقرار شوية حيحموهم بالنتيجة اكتر بس انا جمبك اسي وماعايز اشوف دموع تاني طيب وباس راسي... فجاءة قمت منو قلت ليه بس لكن يايوسف انت بتحب لينة وعايزها هي انا نسيييتها ياخ.... طيب ممشكلة اسي انت امشي اتقدم ليها وانا موافقة والله مابقدر اظلمك واجازيك بالطريقة دي طبعا كنت عايزة ابكي تاني جادة قال لي توته لينة اتزوجت لينا نصيبها واحد غيري قسمتها واحد غيري قلت ليه كيف يعني قال لي انا غلطت وهي فقدت بعد فيني الامل مشت وافقت بي ولد خالتها بس كلو لي خير قلت ليه كيف..؟ قال لي انا ماكنت جاهز وقتها ولما جهزت هي مشت لكن تعرفي انا مازعلان خالص لانو عوض الله حلوو وكلو في انك بقيتي معاي انتي يا تالا انتي ماغيرك... قلت ليه مافاهمة قال لي ح افهمك بس ما اسي قومي اتدوشي اسي عشان ترتاحي قلت ليه حاضر شلت هدومي ودخلت الحمام بعد طلعت لقيته بلم في الشنط قلت ليه لي دخلتها كنت بلمها انا قال لي سبقتك خلاص...اسي ارتاحي انا ح انوم في الغرفة التانية طيب... طلع قفلت نور الغرفة ورقدت يوسف بكل كلمة وكل حاجة عملها الليلة لي شفى فيني كسر هو ماكان سبب فيه.....     معارفة لي اتذكرت محمد وحركاته كان دايما بعرف يراضيني بس في النهاية البحصل فيني دا كلو بسببو طردت الافكار دي من راسي وحاولت اتقبل اني متزوجة خلاص يوسف بقى اهلي وهو ما بستاهل كدا خالص واهلي جدعوني خلاص....مسحت دموعي وقمت صليت ركعتين قريت يس وقمت حاولت انوم اتقلبت مسافة ماقدرت في النهاية طلعت برا لقيت يوسف نايم في الكنبة وايده في الارض منظره بيحنن مشيت جبت غطاء غطيته صلحت ليه ايده صحى قام مخلوع وهو بحك في عينه عايزة حاجة محتاجة لي شي قلت ليه لا بس انت لي نايم هنا قال لي بدون ما احس والله انتي لي صاحية قلت ليه ماقدرت انوم ...ممكن تقراء لي قال لي ماطلبتي حاجة اسبقيني اتوضئ واجيك قلت ليه حاضر دخلت الغرفة وجا لاحقني قلت ليه اسفة ....قال لي ليي قلت ليه عشان خليتك تقوم من النوم قال لي من حقك ولو في يوم احتجتي لي وماصحيتيني ح ازعل منك عفكرة وما ح اسامح نفسي..... "سكت بس ماعارفت ارد اصلا" قعد جمبي..... ختيت راسي في رجوله وبقى يقراء لي في سورة مريم ماحسيت متين نمت صحيت الصباح لقيته نايم جمبي وظاهر التعب في وشو كان اول مرة اشوف ملامحه عاينت ليه مسافة وقمت بدون يحس مشيت اتدوشت وصليت عملت الشاي ختيته لقيت في بسكويت في المطبخ طلعته مع الشاي ومشيت اشوف البيت حرفيا كل ركن احلى من التاني طلعت اخر شي الحديقة الوراء كان فيها مرجيحة وورد صباح الخير وفلة مالي المكان فيها شجرة ياسمين صغيرة بجهة وشجرة كبيرة معرفت اسمها بجهة تانية بس تقريبا الشجرة دي في بيت جدو يوسف في منها كتيير قلت بعد يصحى بسأله منها.... قعدت في المرجيحة وبقيت سرحانة يوسف كان صحى وبقى يفتش فيني بقى ينادي علي قلت ليهو ايواا جا لقاني قاعدة برا قال عجبتك..؟ قلت ليه شديييد شديد قال لي تعرفي البيت دا شغال فيه من بدري شديد حتى من قبل اسافر ومن قبل اعرف لينة برضو بنيته لي ست الحسان يا السمحة دا الي بنيته ليك♡¡》.... "هييكا الشغلة جابت ليها اشعار كمان" قلت ليه كيف يعني قال لي بنيته لي قسمتي الي هي انتي ياستهم "طبعا سكت سااااااي اصلا عندي اعاقة مع الكلام السمح ومن بدري كمان" قلت ليه صحي صباح الخير ♡¡ قال لي ماف خير بجي بعديك اصلا "اها اسي اهرب من دي كيف"سكت كداا تاني قلت ليه اخت ليك الشاي قال لي نشربو هنا...؟قلت ليه ممكن قال لي طيب خليك انا بجيبو هنا..... > عند محمد ماسك تلفونه اتصل ليها قرابة الالفين مكالمة وتلفونها مقفول وقلبوا عايز يقيف في النهاية قرر يتصل لي حاج احمد رد بعد سلم عليه قال ليه وين تالا يا مستر من رجعنا تلفونها مقفول والليلة ما جات الشغل تستلم التقرير تبعها.... قال ليه والله يا ابني تالا امس كان عقد عليها ولد اخوي ومشت بيتها بكون مافتحت التلفون للآن الخبر دخل عليه زي السهم..... قال ليه ايواا مبرووك ليها ياخ ولي ما كلمتونا كان عملنا الواجب قال ليه عارفكم ناس حارة بس كلو جا سريع والله رد ليه ربنا يبارك ليهم وبيت مال وعيال قال كلماته دي زي خراج الروح وقفل على كدا.... قعد مسافة تاني اتصل لي ريم يفهم منها اول مرة ما ردت تاني مرة ردت _اهلا =ريم كيفك _الحمد لله =بقدر اشوفك _لا في شنو =فهميني الحاصل شنو بتتكلمي كدا لييي _وعندك عين تسأل..؟ =انا ما فاهم شي توته عقدو عليها كيف ومتين وليي اصلا مش كل القصة كضب والخطوبة حتتفسخ _ياسيدي دا الكان مفترض يحصل بس بسببكم انت وبت اهلك توته كانت حتموت في ايد ابوها بسببك انت العقد دا حصل بس تعرف يا استاذ ماغلطك خالص وشكرا ليك شديد لانو بسببك عرفت يوسف ويوسف شاريها وحيقدر يسعدها لانو راجل وتففف على دي ملة =بسببي انا..؟بس لييي انا عملت شنو ريم فهميني شي انا وصلتها البيت بس _هههه انتظر شوف بعيونك "رسلت ليه الصورة في الواتس اب" قال ليها مخلوع دا شنو دا والصور الكلام دا منو اصلا؟!! _دا السبب يا سيدي ووصل عمي ويلا انبسط انت وبت اهلك المابتتسمى ديك وبالله احمد الله وشك ماظهر عشان الاتعمل في تالا حينعمل فيك كان بالتضعيف واسي كان متت وحسبي الله فيكم وفي كل دمعة نزلت منها وكل ضربة جاتها بي سببكم ياوسخين وقطعت في وشو الخط... ...... > في بيت احمد يوسف بعد مرور شهر كانت قاعدة مع اولادها في غرفتهم بتقري فيهم وبالها بعيييد شديد قاطع شرودها ولدها.... ايان:ماما بابا لي دقى تالا كدا يا ماما وطلعها مع يوسف ريتان:يوسف دا بقى راجلها يا ايان ايان:لكن نحن ماعملنا عرس يابت كيف يبقى راجلها حضنت ولدها عليها وقالت ليه ماعملنا حفلة بس عملنا عقد وكدا تالا بقت متزوجة يا ايان بس تالا زعلت بابا وغلطت غلط كبير عشان كدا دقاها ريتا:انا كمان اتدقيت فتحت ليها ايدها جات قعدت في حضنها هي برضو ايان:طيب نحن لي ماممكن نمشي ليها في البيت لي هي ما بتجينا يا ماما بقت مابتحبنا يعني قالت ليها لا حنمشي ليها بس بابا يفضى.... شوية الباب ضرب قامت فتحت ليه الباب دخل بدون يسلم على زول بس قال ليها ختي لي العشاء سريع ودخل الغرفة ضربت ايد في ايد اتحسرت على البقت فيه مشت ختت ليه الاكل وجاته في الغرفة بداء ياكل _عارف خبر عن بتك...؟ =بتي منو انا بنتي وحدة برا واسي كويسة تاني في شنو؟ _احمد الله بسألك ياخ دي بتك برضو حرام عليك البتعمل فيه دا والله ماكفاية كنت حتقتلها المرة الفاتت =موضوع وانتهى واسي هي في بيت راجلها ولو كانت معاي انا كان حتكون في المقابر _حرااام عليك انت ابو عليك الله بتك الكبيرة وانجازك في الحياة تتبرى كدا منها حتى ما خليتها تبرر ليك ياخ انت ابو عليك الله = قفلي السيرة دي خلينا نعرف ناكل _ انا ح امشي ليها وح اسوق اولادي معاي وانت خليك كدا قام على حيله واداها كفف لما وقعت في السرير قال ليها طول حياتي العامرة ماف زول قال لي تلت التلاته كم جاية انتي تعارضيني..؟ ومسكها من ايدها اصلا لو ما تربايتك دي ماكان حصل دا كلو شفتي نهايتك يا دكتورة؟ _دي بتي مابخليها والعايز تعمله تعمله مسكها بي ايدينه الاتنين قال ليها بي صوت عالي يا بت الحرام انتي انا بت مفتحة وقليلة ادب عندي تموت والقى بس نفر من البيت دا مشى عليها ولا جاب سيرتها بقتلكم كلكم واداها تاني كف خلاها في الارض قبل على الباب لقى اولاده الاتنين واقفين جمب الباب نهرهم نهرة وحدة ريتا شالت ايان وجرت اما هو قلب ليها الصينية في الارض خلى كل الصحون تتكسر في الواطة قال ليها "اكلك زاتو ما عايزو" وشال مفاتيحه وطلع خلاها في الارض بتبكي ... خلصت غسيل العدة شالت البخور وطلعت تبخر البيت مسافة هو يجي بقت منتظرة لحدي سمعت عربية طلعت فتحت ليه الباب { `بي لسان يوسف` } مرا على زواجنا شهر♡! ومن اتزوجتها هي في غرفتها وانا في غرفتي صح كنا عايشينها زي الاصحاب والاخوان بس الثانية معاها زي العمر كله بالنسبة لي ورتني انو اي لحظة مرت بدونها ماكانت حياة....... صح انها صغيرة بس بقلب انسان واعي بحكمة شايخ عدى ال80 بحنية الكون كله....♡...رجعت البيت استقبلتني كالعادة من الباب كنت بحاول اخلص شغل سريع عشان امشي الحقها ....قالت لي اتاخرت ليي قلت ليها حقك علي بس الشارع زحمة كان قالت لي اقيف انا اسي جاية ما تنزل طيب وجرت جواا استغربت بس انتظرتها جاتني راجعة جارية بتلبس في التوب وهي ماشة قفلت الباب ودخلت العربية قالت لي يلا اررح قلت ليها وين قالت لي وديني بيتنا استغربت وعاينت ليها قالت لي ما داخلة بس عايزة اشوف من برا بس اشتقت ليهم قلت ليها طيب ....وقفنا جمب البيت مسااافة وهي بتعاين ليه من الشباك حتى قالت لي يلا ارح ما بعدت شوية من البيت ووقفت العربية قلت ليها تالا مانفسك تدخلي البيت..؟ طيب امشي سلمي عليهم بس مافي زول بسألك حتى عمي مافي..... قالت لي هم اتصال ولا رسالة ما اتصلوا لي حتى انت ما اتصلوا ليك انا ما بقدر ارجع ماعندي عين اقيف بيها قدامهم ماتخاف علي ح ارجع بس الوقت المناسب لما ربنا يهون..... اسي ارح نمشي لي ريم.... "كنت حاسي بيها حاسي بي كل شي وعارف انها قوية وقادرة تظهر كدا بس انا هنا وطول ما فيني دم بجري ماف زول بقدر يجرحك تاني"..... قلت ليها بي توبك دا لكن قالت لي انت ناسي انها محبوسة يايوسف دا بيت البنات ماف زول هناك عليك الله وديني بس اشوفها وارجع الله يرضى عليك قلت ليها ابكي عليك الله....صرت لي وشها وقبلت قالت لي زاتو ما عايزة امشي ويوم القيامة بشكيك لي الله اطبقول ليه يوسف راجلي دا حقار.. "ااااااااخ لو تعرفي قدر شنو بقيت مدمن لي حركاتك دي قدر شنو بحب اغيظك عشان اشوف قلة ادب الشفع الفيييك اااااخ بس لو تشوفي ملامحك بي عيوني وقدر شنو انا برتاح في وجودك جمبي بحبك يا تالا بحبك انا"... وديتها بيت ريم وانتظرتها بر..... ...... دخلت سلمت على الناس الفي البيت قالوا لي ريم فوق فتحت الغرفة لقيتها قاعدة في الارض واظنها بتتحول مبعرف قالت لي بت حلال اسي كنت في سيرتك قعدت بعيد منها قلت ليها مع منو ان شاء الله قالت لي بقلبي قلت ليها واسي انتي مفترض تكوني بتعملي في شنو؟ _دي اسمها عروكة يا عديمة الحس الانوثي (وواصلت البتعمل فيه)بعدين انتي لابسة كدا لي قال.. =كان حس مابعرف بعدين الاشياء دي ماتبعي..+انا اتوليت يوسف من خشم الباب وقلت ليه الا تطلعني.... _يوسف دا انسان عسوولي والله بس هو ليي ما راضي يخليك تبيتي معاي..نفخ قلبي شديد بس برضو هو انسان لطييف _من وقت ساقني من بيتنا قال لي مابقدر اخليك بعيدة مني وما ادراك... انسينا من القصة دي عندك خبر من ناس بيتنا؟...... _لا طولت منهم بس المرة الفاتت وخالتي كانت بتسأل عنك قلت ليها طولت منها مع الحبس قلبي واجعني على السويته بس الحمد لله....توته عليك الله حاولي اتصلي ليهم ابقي انتي الاحسن... =مجنونة انتي صح؟ مابتصل ليهم ولا اي شي هم اتخلوا عني يا ريم ماف زول سندني انا اللقيته مع يوسف ولد عمي البكرهو كنت مالقيته من امي وابوي ولا اي زول من اهلي"عارفة الكلام دا غلط بس دي الحقيقه"..... _طيب وانتو اسي ماشين كيف.... =عادي هو بنوم في غرفته وانا في غرفتي....حتى حاسة انو حباني يمكن مابعرف.... _تالا انتي مجنونة صح لا بس انتي مجنونة رسمي والله بعد البعمل فيه عشانك دا كلو بتتعاملي معاو كدا ومعاها حاسة كمان لا انتي جنيتي على الاخر..... "انا ماعارفة هي هاجت قدر كدا لي صح انا زودتها شوية بس اعمل شنو يعني" قلت ليها ريم افهميني انا ما قادرة احب نفسي ياريم انا ماقادرة اقيف زاتو يا ريم حسو بي ياخ...يوسف والله انسان كويس وبهتم بي وطول الشهر دا ما حصل زعلني حتى عارفة انو فتح معاي الموضوع دا كلو وريته اني ما مستعدة قال لي طيب خلاص نرتبط بس لحدي تتعودي علي اتخيلي بس واسي عايشين زي الاصحاب...ريم صح انا بديت احبه ولا ممكن تقولي حبيته مامتأكدة حتى.... _يا اختي ادي زواجك فرصة يوسف بستاهل والله وماتخافي هو في النهاية زوجك وحلالك حرام البحصل دا والله حرام في حقك وحق يوسف برضو قلت ليها بس ياريم قالت لي مابس والله ولا اي شي فكري في كلامي دا كويس ومابتندمي طيب... وبالله افتحي معاو موضوع انك تقعدي معاي دا تاني عليك الله.....يا استاذة انتي صحبتي الوحيدة واختي عدييل انا ماعندي غيرك انا محتاجاك معاي كمان دا غير انو العرس فضل ليه اسبوع بس...."فجاءة سمعنا صوت البور تحت" قلت ليها تتجازي انتي جايبة سيرته لي بالله خلاص تمام بكلمه اسي يلا عشان هو من جا البيت طالع معاي..... ..... _اتصلت للدكتور قال حاليا هو في تركيا.. كان ماسك تلفونه بشوف في صورها رد ليه:طيب تمام احجز التذاكر عشان نمشي ليه هناك....... _ابشر يا اخوي يلا انا طالع عندي اجتماع مع الناس الاتفقنا معاهم قبيل الليلة .. =خلاص تمام (ولسه مركز في التلفون) _البتعمل فيه دا حرام يا محمد البت اتزوجت واتضررت بسببك انت خلاص خليها في حالها يا مان... مارد عليه قام طلع خلاهو في حالته دي وطلع..... { `بلسان محمد` } كان بعاين لي صورة ليها كانت بتضحك مع ريم ويسرا "كلام عبدو صح بس كيييف وريني كيف بس اقدر اطلعك من بالي...فهميني كيف بس انا زاتي ما عارف الشهر دا مرا كيف وبداء متين وانتهى متين ماعارف بقيت كل ما اصحى اصبح على صورتك وامسي عليها عارف حرام وانتي بقيتي لي زول غيري وبي سببي انا كمان...بس ليي يا تالا انا بدعي من عرفتك انك تبقي في يوم حلالي تقومي تمشي مني كدا ماعارف دا جن ولا مرض بس انتي السبب ياخ حتى رينا لو ما خالتي وامي كان ماتت في ايدي..." حتى وعى لي نفسه قفل التلفون وقرر انو ما يعاين لي صورتها تاني عشان مايجب ليها زنوب في الفاضي قفل التلفون الفيه صورها ودخله الدرج .... "يتبـــــــــــــــــــــــــــــــــــــع" *كل الـــــــود* *توتــــــــــــه عبدو*