*رواية: اكاســـــــــــــــــيا(10)* > بقلم: توته عبدو ♡♡_☆☆☆☆☆☆☆_♡♡ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‎ *البخوف من البدايه انو يوم ح نشوف نهايه...* *لا قدرت أعيش بلاك ولا قدرت تكون معايا ❤️‍🩹....!* . طول الطريق كنا ساكتين لحدي وصلنا البيت كل زول مشى غرفته يوسف قال لي تعباااان وماعايز يتعشى افتكرته زعلان فقلت ليه طيب ومشيت غرفتي فتحت التلفون لقيت نفسي تلقائيا بتصل لي امي...ردت لي من اول جرس "الووو تالا..؟" ماعرفت ارد عليها بشنو قطعت الخط وقفلت التلفون بقيت بعاين للسقف سرحت مسافة في كل شي اتغير كنت كيف وبقيت كيف....... اتذكرت كلام ريم قبيل بالجد يوسف ما بستاهل كدا انا اصلا شكلي بديت احبه....يمكن دا اعجاب بس لكن برضو ما بيعني انو ابعد منو للدرجة دي وابني حواجز من الفراغ كدا....وااااي ياربي دا شنو دا يااا الله قبلت على الحيطة وحاولت انوم....والنوم حلف كان يجيني بقيت اتقلب يمين شمال مافي خالص...... كان في رعد وبرق شديد قمت برا لقيت يوسف كالعادة نايم في الصالة وماسك الريموت...اجيخواني اسي دا ماقال تعبان...غطيته وقفلت التلفزيون طلعت برا بقيت قاعدة في المرجيحة حقت الحديقة وبعاين للسماء المطرة بدت تنقط حبة بس مادخلت.....شوية كدا المطرة شدت دخلت جوا واثناء مابقفل في الباب انتي ياالكهرباء اقطعي...ووووووووب علي بالله شنات ضلام ويوسف نايم ولا على باله دخلت غرفتي بقيت مصنقرة في السرير فتحت التلفون لقيت الساعة 2 كررر علي دا شنو وبس اسمع ليك كرووووو كشرووو......في البيت الفاتح فينا حسيت الحيطة دي خلاص انشقت.... شلت رجولي وتوبي وجري برا........بقيت اصحي فيه يوسف قوووم انا خايفة يوسف ياخ قوووم الله يرضى عليك...... قال لي.. اممممم امممم اي ماشي ماشي....هاااا الغبي دا طاير وين انا خايفة يايوسف الكهرباء قطعت قال لي خلاص ختيه في التلاجة....قلت ليه يوسف ياخ اخت شنو.....قووووم عليك الله وقعدت جمبه في السرير اتخيلوا بس اتخيلوا قبل على الجهة التانية وخلاني في حالي سكت خليته...اصلا اعمل ليه شنو المومياء دا....حضنت توبي علي ورقدت وراه وانا بعاين للباب والمطرة ماشة شديد القزاز حق الباب لما بقى مندي لحدي نمت بدون احس....𐚁̸ صحيت الصباح لقيت نفسي راقدة في حضنه وكان محاوطني بي ايدينه الاتنين ونايم♡ قلبي بقى يدق شديييييد بس جبرت نفسي اكون عادية...... فبقيت احاول اقوم لكن هو كان ماسكني شديد قال لي وهو مغمض نووومي ياه امس ساهرتي..♡ قلت ليه كفاي عاوزة اقوم حضني عليه شديد.....هشششش موش جيتيني براك يلا ماف قومة تاني.....واصلا الوقت بدري لسه.. "اسمعوني هييي مركزين كدا لييي ؟ ااااا؟" .... _يامان انت للان صاحي ياخ خلي السجائر دا شوية وحاول نوم ياخ من امس انت كدا شارب ليك طبلية كاملة سجائر.. = اه... عادي مافارقة _طيب اقلاها حاول نوم بعدين راجينا جري واتذكر السفر بكرة الصبح... طفى السجارة وشال مفتاحه ومشى على جهة الباب قال ليه "اسمعني انا طالع البحر لما ابوي يصحى قول ليه اني بجي اسي مابتأخر" وطلع بدون يسمع الرد... .. { `بلسان يوسف` } بعد صلينا الصبح لمت المصالي ومشت على المطبخ للشاي بقت تعمل فيه جيت وقفت واتكيت على الحيطة...بقيت اشاغل فيها...قالت لي يوسف انت لي رافض فكرة امشي لي ريم......قلت ليها انا مارافض بس ماقادر اتقبل فكرة كونك تكوني برا البيت وبعدين داك بيت عرس يعني ناس كتيرة.....قالت لي بس هو مافيه رجال حتى ريم ما عندها اخوات وبس بنات أهلها وانا صحبتها الوحيدة من قمنا قلت ليها طيب العرس فضل ليه كم قالت لي اسبوع بس العرس يوم الجمعة الجاية دور الليلة.. قلت ليها خلاص بكرة بعد اجي من الشغل جهزي نفسك اوديك ليها♡ اصلا الاسبوع الجاي حيكون عندي شغل كتير في الموقع.....وقفت قالت لي يييي بحبك وانت رايق كدا♡.......قلت ليها دقيقه قلتي شنو!!!!.. سكتت جيت عليها وحاوطتها بي ايديني بقت ترجع لي ورا قالت لي بس انت موش راجلي ....كانت منزلة راسها تحت رفعته بي ايدي قلت ليها ماغالطتك بس عيديها...قالت لي يوسف زح ياخ الشاي قلت ليها انسي قصة الشاي عيدي قلت شنو......بقت ترجع لحدي اتلصقت على التلاجة...وخلاص عايزة تبكي 🤣قالت لي يوسف ياه قلت ليها ما يوسف والليلة ما ح ازح الا تقوليها قربت منها شديد لدرجة انها اقصر مني بقيت منزل راسي عليها وانفاسنا اتوحدت♡... قلت ليها تقوليها ولا اتهور؟!......قالت لي بحبك بصوت واااطي قلت ليها قلتي شنو قالت لي يوسف بضربك ياخ حتى زحتني منها وجرت.... ضحكت وقلت ليها ياهبلة الشاي...قالت ليه تموا براك واحد قليل اادب وطلعت خلتني...... "مشششششم غايتو جنس محن" ..... _انا برا بتقدري تطلعي لي ؟ =ياولدي تعال جوا اصلا اسامة نايم _امي الله يرضى عليك يا امي ثواني بس =خلاص طيب جاياك انتظرها مسافة حتى جات ركبت سلم عليها واتحرك ..... كان واقف قدام الدولاب مسافة محتار وعندو اجتماع مهم وقف مسافة حتى ناداها.. تالاااا يابت تعالي جاتو جارية :ايواا عاينت ليه مسافة مالك عامل كدا في شنو ؟ قال ليها عندي اجتماع بعد ساعتين وماعارف امشي بشنو _ اجتماع شنو؟ = بفهمك بعد ارجع اسي طلعي لي شي البسه طلعت ليه كم خيار في الاخير طقمت ليه بدلة سوداء مع قميصها وطلعت ليه الساعة والجزمة حتى قالت ليه كدا خلاص وجات طالعة =طيب بعد امشي واجي خليك جاهزة عشان نمشي _طيب وطلعت ..... _بس يا محمد الكلام دا بجي يا ابوي كيف تستقر هناك وانا هنا اقعد لمنو =بس ابوي يتعالج لو فترة العلاج خلصت سريع برجع ولو بتطول بقعد معاو وبجيك مرة مرة او برسل ليك عديل يا امي انتي بس اديني خاطرك _طيب ورينا؟ استعدل العربية عشان يمشي: مالا؟ _البت اهلها عرسوا ليها خلاص يا محمد واسي هي عايشة حياتها حتخلي بت خالتك يعني؟ =بت اختك مابتلزمني وماعندي كلام غير كدا والعايز اقوله قلته قدام ابوها هناك..... .... مسكت تلفوني وفاتحة الفيس صادفني بوست لواحد خاتي صورته مع محمد وعامل ليه منشن كاتب حتفرق معانا.. فنفس اللحظة دخلت علي ريم بفيديو كول كان عاملة كركم في وشها قلت ليها عروس رغاية زيك خالص مالاقتني قالت لي شوفي الماسك دا عجيييب يابت اول ماتجيني ذكريني اعمل ليك منو... قلت ليها امور الهناي دي ماحقتي بس بنتفاهم اسي عايني محمد عندك منو خبر؟ قالت لي يابت ماشي تركيا حييينا ياخ من تركيا وهواء تركيا لقتني بعاين ليها ساي طقطقت لي في الشاشة يا قطر انتي قلت ليها طلعتي عوض الجواك خلاص!! ديدا بت خالتها قلعت منها التلفون قالت لي شفتي ياتوته البت دي حتفضحنا بعدين صدقيني ضحكت فيها اتونسنا حبة وقفلت منهم.... قمت رتبت البيت اصلا نظفته الصباح عاينت للساعة كانت تلاته ونص قمت عشان البس اتصل علي يوسف قال لي طالع عليك خليك جاهزة قفلت منو ومشيت معارفة البس شنو وفكرة التوب ما راكبة راسي في الاخير شلت لي فستان سادة طقمته مع شبط زحاف برباط بتلف لحدي نهاية ساقي وفكيت شعري بدون سبب ماعارفة مالي بس كنت مبسوطة اتصلت عليه اشوفه وين قال لي برا انا فتحت ليه الباب عاين لي مسافة وبقى يعاين في انحاء البيت قلت ليه اها كان كيف مارد علي وكان بفتش في شي بعيونه قلت ليه يوسف مالك قال لي بفتش في مرتي لاقتك؟ قلت ليه في زول قبل كدا قال ليك انك ظريف ؟ قال في زول قبل كدا قال ليك يبختي بيك؟ قلت ليه غيرك؟ اتجاوزني.....ومشى طلع الجكت والكراف وجاني قال لي مشينا؟ لبست طرحتي وطلعت معاو ... كانوا متجمعين هي اخواتها وبناتهم وعاملين قعدة على الني _ اسي يا ميسو مالقيتي غير الشافعة دي انتي عشان تعرسيها ليه وهم لي مكلفتنها كدا قال مششششم يابت امي اسي عيبي لي مناهل بس سيدة دي عليك الله. =انتي شفتيها الشافعة دي لكن؟ شوفيها واحكمي براك مناهل شنو عليك الله يا عفراء ردت عليها بت اختها التانية انتي يا خالتو انا ليوم الليلة ماشفتها تالا دي ويوسف زاتو بقى تقيان ومابطلع اصلا.. قالت ليها "حال العرسان يابتي" لوت خشمها وقبلت في اللحظة دي كان يوسف وتالا داخلين لقاهم متجمعين وامه ما كلمته عرف انو دي حركة منها عشان تخليه يجي مسك ايد تالا وجا عليهم..... .. نزلها بسكات ومشى منها وقفت مسافة قدام الباب وهي بتدعي ليه ودخلت على البيت بعد فتحت الباب _مسافر خلاص يعني؟ =بسم الله يا اسامة صحيت متين انت _ولا مستخصر فيني السلام يعني ولدك دا؟ =متوقع انو يدخل يعني اسامة ناسي انك طردته قدامي؟؟ وبعدين عندك نفس اصلا تتكلم وتسأل ومشت منو... ..... > من جهة تانية في المطار وقف قصاد كرسي حاج عفيفي معاو عبد الواحد خلصوا اجرائاتهم قعدوا مسافة بسيطة لحدي اعلنوا طائرتهم الماشة الامارات عبد الواحد مسك كرسي عفيفي واتقدم اما هو وقف مسافة بعاين جهة البوابة كانو بودع فيه في الاخير اتنهد ومشى لحقهم...... .... كان المكان خانق ونظراتهم شغالة رصاص فيني علي بالطلاق في وحدة لو ما احترامي للمكان كان نفسي امشي اقول ليها مالك يابت بس خالص ما اتكلمت وبرد على قدر السؤال لحدي جاني سؤال خالته الصدمني صدمة السنين"اها ماقربتوا تبقوا تلاته" اجي يخواني هو متين هو يلا يوسف كان بشرب في القهوة لحظة قالت كدا لما انشرق..خالته اتلفتت عليه قالت ليه بسم الله عدل قعدته وقالي ليها القهوة زابطة بس عشرقت بي تالا عليك الله ناوليني الموية الجمبك دي كنا كلنا قاعدين في طاولة وحدة خالته اسمها عفراء مهاها بتها اسمها روان وخالته التانية اسمها ميسون فيها قبول كدا من الله وتاني في الطاولة التانية في فطوم بت عمي ومعاها بنات قدرها نسيت اساميهم حتى يلا الاسمها روان مسكت الباقة العندها ومدتها ليه قالت ليه لي ماشي بعيد هاك دي جديدة "غاظتني بعد مديت ليه الباقة حقتي رجعتها علي وعاين ليها وقبلت على الجهة التانية" قال ليها عايز حقت تالا لما كيفني والله ووقف جا شالها وقعد جمبي قربت اقيف ابشر ليه واديتها نظرة انتصار كدا هي بس فضل ليها تكفتني..فخالتو ميسون عشان تلطف الجو قالت لينا من قبيل منتظرنكم جينا عشان نتغداء بقى عشاء اها طلباتكم شنو عفراء قالت بيتزا مايسة مرت عمي قالت عايزة سمك وروان قالت عايزة بيتزا زي امها اما يوسف عاين لي وقال لي براحة ناكل فاهيتا رايك شنو؟ هنا حلوة شديد قلت ليه طيب يلا عاين لي روان وخالته عفراء لقاهم مركزين معانا لما ماف طريقة فببساطة الكون بوس خدي بحركة سريعة واقيف قول لينا خلاص ماشي اوريهم الطلبات واجي...وانا المسكينة خلاني مصدومة متنشنة متورترة خجلانة وغالبني الاسويه..خالتو ميسون غمزت لي وقالت يوسف دا صحبي قبل يكون ولد اختي فيبختك بيه مايسة مرت عمي اخيرا اتكلمت قالت ليها هيي ولدي كمان هين ولا لين وعفراء وبتها شوية ويخنقوني وانا بس اضحك ليهم زي الدلاهة قلت ليها حكى لي عنك كتير حتى انتي بتتشافي صغيرة شديييد يا خالتو ماشاء الله قالت لي يابت هي كلمة خالتو دي زاتها كتيرة انا فرقي من يوسف ٣ سنين قولي لي ميسو طيب حبيتها شديد والله فمايسة مرت عمي شكله ماعجبها الموضوع قالت ليها برضو كلمة خالتو لازمة من الاحترام يعني قالت ليها اجي يالاحترام انا مبسوطة كدا الاحترام دا خليه ليك انتي يانسيبتها قاطع الحوار المعارفة لزومه شنو يوسف وقعد جمبي وبغمز لي لكزته في رجله قال لي بهمس رايك شنو عليك الله صريت ليه وشي قال لي اتهور تاني؟ ابتسمت ليه طوالي ومسكت تلفونه كان فاتح الواتس اب قدامه فتحت شاتي كتبت ليه اقعد ساي نحن مافي البيت..بكامل الغباء حقه مسك التلفون وقال لي ياااه انا نسيت القصة كلو كلو رايك خلاص حقك علي..طبعا بقيت بعاين ليه مصدومة قبل ما زول يتكلم جات الطلبات....... بعد ونسة وكلام كتيييير ومطاعنات عفراء وبتها حتى مرت عمي ماقادرة اتعرف عليها عصاية نايمة وعصاية قايمة حتى اخييييرا طلعنا منهم ومرت عمي قالت المرة الجاية في البيت الكبير ان شاء الله يوسف قال ليها الجمعه الجاية ماف طريقة بس بنجيكم وركبنا العربية بدون اي تفاصيل اما هم ركبوا عربية ميسون واتحركوا..... ... قعد ولدها في رجولها بعد خلصت صلاة مسح ليها دموعها قال ليها ماما انا مابحب بابا دا حضنته عليها وقالت ليه ليي كدا قال ليها بابا د ود كلب قفلت ليه خشمه سريع قالت ليه ايان د شنو البتقول فيه د زح ايدها وقام منها حتى قال ليها هو موش قال ليك كدا يلا هو زاتو كدا وانا مابحب عشان بدقك انتي لقت نفسها بدون ماتحس بتديه كف قالت ليه اوعك تاني تقول كدا دا ابوك يا ايان مسك خده ودموعه في عيونه بكى وقال ليها ما ابوي ابوي طلع توته من البيت وضربك انتي مابابا ولا اي شي ومشى منها وهو ببكي ورزع باب غرفته هو وريتا رووووو.... اما هي قعدت في مصلايتها تاني ختت ايدها في قلبها دعت ليهم مسافة ورجعت تصلي تاني..... *الطرقات مضاءة بشكل جيد ولكن الجميع تائه𐚁̸.* "يتبـــــــــــــــــــــــــــــــــــــع" *كل الـــــــود* *توتــــــــــــه عبدو*