> أخوك يالسمحة لزّام التقيلة إن جات..♡ > كلمة ود رجال يا إخوان إستحوذ عليها زمان...♡ وأنا بالذات أقدر أقول إني عندي إخوان تقدر تسميهم سند إن مالت بيك الدنيا، حرفيًا هم الحاجة البتخليني أحمد ربي ألف مرة إنو إتخلقت في عيلة زي عيلتي وبقوا هم أهلي، فخورة بكل واحد فيهم، لا شفت ولا هشوف زيهم مهما لفت الدنيا ودارت، كل حاجة مُرة مرت بحياتي كانت بسبب وقفاتهم معاي، من أصغرهم لأكبرهم ما حصل حسسوني إنهم أولاد خالات وخلاص، ولا حتى يوم إعتبرتهم أولاد خالات كنت ولا زلت وهفضل أقول عنهم إخواني، في كل مرة بيقنعوني إنو الماعندو زيهم فعلًا حظو مايل، فيابختي بيهم ويا بخت حظي الإتعدل بسندتهم لي، هو دة ما مجرد نص زي باقي نصوصي البكتبهم، ويمكن عشان كدة خاذلني التعبير وما قادرة أكتب زي ما مفترض أكتب، بس يا بختي بيهم مرة تانية وتالتة ودايمًا وعسى ربي يسندكم ويعلي شأنكم وما تحتاجوا لزول زي ما عمركم ما حوجتوني لزول..♡ > ثابت كالجبل ما زاح..أخوك يالسمحة > سند الواقعة قلبو ملان..♡ #سعيدة_عكاشة