*💖 رواية للقدر رأي آخر 💖*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *💖24🌷23💖* *🌷 الجزء الثالث و العشرون 🌷* تابع قناة { روايات للأحبه🌚💌🌷} https://whatsapp.com/channel/0029VaSjh2K42DckEuRlPU3g اتسعت عين سليم من الصدمة وقال _يابن الك...... بقا عاملى فيها محترم وشهم مروان قائلا _هتعمل ايه يا سليم سليم بتفكير _مش هينفع خالص اقول لآية ف الوقت ده وكمان رهف لو عرفت مش عارف هيكون رد فعلها ايه مروان _بس لازم نخلى بالنا يا سليم كدة البنى ادم ده خطر ولازم نبعد عنه آية واختها سليم بتأكيد _معاك حق يا مروان سبلى انا الموضوع ده بس اهم حاجة انت زود الحراسة يا مروان ....جاءت آية تحمل صنية وقالت _يالا يا سليم علشان تاكل وتاخد الادوية نظر مراد لسليم وقال _طب انا هروح الشركة ولو احتجت حاجة عرفنى .. جلست آية تطعم سليم الذي كان شارد الذهن يفكر كيف يبعدهم عن سامح وفى نفس الوقت لا يخبرهم شئ حتى لا يذعروا وحتى يكتشف الراس الكبيرة لاحظ آية شروده فقالت _مالك يا سليم سرحان ف ايه اجابها بتفكير _آية هى رهف بتحب سامح استغربت سؤاله وقالت _اشمعنى يا سليم سالت قال متهربا _ابدا بطمن على اختى اجابته بحب قائلة _والله ما اعرف يا سليم من شوية وانا نازلة سمعتها بتكلمه فى الفون وكانو بيتخانقوا هو مصمم على الخطوبة وهى رافضة تعملها فى الوقت الحالى بسبب الظروف دى اجابها مستغلا هذه النقطة قائلا _طبعا معاها حق وانا بصراحة مش مرتاحلوا ولا مرتاح للخطوبة دى خالص قالت متأهبة _ليه يا سليم انت عرفت عنه حاجة قال سريعا _من غير ما اعرف يا آية انا عندى خبرة ف الناس كويس علشان كدة يا حبيبتى مش عايزك لا انتى ولا رهف ولا حتى والدتك تثقوا فيه اومأت له آية وظلت تطعمه فقال متذكرا _اه من حق انا عندى ليكى مفجأة هتعجبك جداااا فقالت بفرحة طفلة صغيرة وهى تسفق على يدها _هيييي مفجأة ايه يا سليم ابتسم لها وقال _هقولك يا مجنونة بس بليل وغمز لها ارتبكت من كلامه واخدت الصنية بعدما اطعمته ونزلت مسرعة تخت انظاره وضحكاته عليها ________ عند نفس المكان القذر الذي يجتمع فيه قساة القلوب وعديمى الضمير يجلس البوس واضعا ساق على الاخرى وامامه سامح قائلا _رجع الفيلا يا باشا ومتقلقش احنا فوق مستوى الشبهات اجابه البوس قائلا _اتمنى تكون صح انا مردتش اخاطر برجالتى الا لما اشوف هتتصرف ازاى اجابه سامح بابتسامه شر_متقلقش يا باشا قريب اوى هنسمع اخبار حلوة بس انا بس ادخل وسطهم .. _________ عند مراد فقد اتى ليطمئن على سليم وكانت رهف قد عادت من جامعتها فتقابلت معه امام مدخل الفيلا .. نظرت له وقالت _يا محاسن الصدف اللى مش بتخلص اجابها بعشق _ربنا يكتر منها وانا اكون اسعد انسان خجلت من كلامه واسرعت للداخل ضحك هو عليها وقال _يا حلاوة الدبش لما يتكسف امتى تبقى من نصيبي رفع نظره عاليا وقال _يااااارب ________ نزلت آية للاسفل واتجهت الى والدتها التى كانت تجلس مع الاطفال ..قبلت راسها وقالت _عاملة ايه يا ماما اسفة يا حبيبتى بانشغالى عنك اكيد الولاد تعبوكى ابتسمت لها والدتها بحب قائلة _لاء يا حبيبتى انا مبسوطة انك كنتى جنب سليم وبالنسبة للولاد متعبونيش فى حاجة بالعكس كانو بيسمعوا الكلام ★★★★★ نادت آية عليهم قائلة _حبايبي الحلوين الشاطرين مافيش حضن لماما جرى عليها سما وهنا واحتضنوها بينما ظل آسر والين ينظرون لها فقالت لهم _تعالوا واقفين بعيد ليه جروا عليها ايضا واحتضنوها وقالوا _يعنى انتى ماما الجديدة يا مس آية ..... دادا سعاد قالتلنا ان ماما طلعت فوق عند ربنا واحنا عايزينك تبقى ماما الجديدة .. احتضنتهم بقوة وهى تبكى من الحزن والسعادة فى أن واحد قائلة _طبعا يا حبايب قلبي انا ماما وبحبكوا اددددد كدة ______ عند رهف التى ظلت تفكر فى مراد وطريقته المرحة وكلامه فقالت _فيه ايه يا رهف مالك اتلمى انتى يعتبر مخطوبة ..سكتت قليلا ثم استكملت _ايوة بس انا مبحبش سامح ومش مرتاحة معاه وحاسة ان قلبي مقبوض .....سكتت كانها تتحدث مع احد ثم قالت _طب يا بنتى وايه اللى يغصبك على كدة متفضيها سيرة وخلاص استكملت _ازاى يعنى طب هقوله ايه وهقول لماما ايه انا كدة بصغرها اجابت على الطرف الاخر قائلة _لاء لاء اعقلى كدة يا رهف مينفعش لعب العيال ده ومراد ده شليه من دماغك ..ايوة شليه خالص وخليكى فى سامح المعفن ده ...يوووه قصدى خليكى فى سامح وخلاص __________ فى المساء صعدت آية لسليم وجدته نائما جلست بجواره وتحسست جبينه وملست على شعره وقبلته على وجنته ثم قامت لتغادر ولكنه امسك معصمها وقال بغضب _كدة تسبينى كل ده ومتطلعيش تطمنى عليا اجابته معتزرة بآسف _حقك عليا بجد يا حبيبي والله آسفة الولاد كانو وحشنى جدااا وفضلت العب معاهم ...ها قولى بقا محتاج ايه اجابه وهو يسحبها لحضنه قائلا _محتاجك تلعثمت قائلة _سليم انت لسة تعبان احابها بضجر _يوووو يا آية كل ما اقولك كدة تتهربي هو فيه ايه بالضبط اقتربت منه وهى على وشك البكاء قائلة _ابدا والله يا سليم بس بصراحة ده جناح سمر وانا مش هقدر اعد هنا امسك يدها وقبلها وقال بهدوء_بصي يا حبيبتى اولا ده جناحى ..هو فعلا كان جناحى انا وسمر ..بس انا طلبت من دادا سعاد تغير كل حاجة فيه قوليلي انتى شيفاه زى الاول هزت راسها يمينا ويسارا قائلة _بصراحة لاء واستغربت بس بردو حاسة انى بخونها تكلم مجددا بنبرة هادئة _لو ع الجناح احنا ممكن نتنقل اى اوضة تانية بس ده الوحيد الاوسع والمصمم ليا على طريقتى وبعدين يا ستى شوفى انتى عايزة تغيري فيه ايه وانا معاكى تكلمت مغيرة الموضوع _اه من حق انت قولت انك عاملى مفجأة ايه هى بقا نظر اليها وفهم هروبها ولكنه سايرها وقال _انا قدمتلك فى الجامعة علشان تكلمى تعليمك يا آية وتقدرى تروحى من اول بكرة نظرت له ولم تستوعب ما قاله وقالت _سليم انت بتتكلم بجد اومأ لها بحب فدخلت سريعا احضانه تبكى بشدة من سعادتها ومن عشقها لهذا الرجل ظل يهدأها وقال _اهدى يا حبيبتى فيه ايه طيب خلاص اهدى قالت وهى بداخل احضانه _انت كتير عليا يا سليم قاطعها قائلا _اوعى تقولى كدة تانى انا وانتى بنكمل بعض وصدقينى ده مش فضل منى ده تعاليم دينى اللى فرض عليا انى اعاملك بالحب والمودة واحققلك كل طلباتك لو فى استطاعتى قبلته بجانب فمه بحب قائلة _انا بحبك جداااا يا سليم قبلها برقة ونعومة ففصلت القبلة قائلة بخجل وكسوف _طب ممكن نقوم نصلى ركعتين لو تقدر نظر لها يبحث عن الاجابة التى انتظرها كثيرا فى عينيها .. فاومات له بخجل فاحتضنها وبالفعل قاما وتوضأا وصلا ركتين سويا وكان هو امامها وكم احس براحة ونقاء وسلام داخلى وبعدها وضع يده على راسها وردد الدعاء (اللهم جنبنا الشيطان وجنب الشيطان ما رزقتنا ..اللهم اجعلها خير زوجة لى وبارك لى فيها واجعلنى خير زوجا لها ووفقنى لاسعادها ) قبل راسها واتجها الى السرير نظر لها بعشق وهى كانت ناظرة للاسفل من شدة خجلها .. دثرها على الفراش وتمدد بجانبها واقترب منها وقبلها ب رقه بالغة وبعد ذلك اتم الله نعمته عليهم بالزواج الصالح والترابط الابدى و الحب الذي سيزداد يوما بعد يوماااا ..... 💖🌷💖🌷💖🌷💖🌷💖🌷💖🌷💖 🌷💖🌷💖🌷💖🌷💖🌷💖🌷💖🌷 *🌷الجزء الرابع والعشرون🌷* استيقظ سليم من نومه ونظر للنائمة على ذراعيه بحب وعشق ..اقترب منها واشتم عبيرها وتنهد راحة وسلاما ... تململت آية بين ذراعيه من أثر اصابعه التى تتحسس اعضاء وجهها .. نظرت له فتلاقت عيناهم ..اخفضت عيناها سريعا ووضعت وجهها فى تجويف عنقه تحتمى منه فيه ضحك عليا قائلا _صباح الخير يا اجمل واحلى حاجة فى عمرى كله قبلته فى عنقه ببراءة قائلة _صباح الخير يا حبيبي انقلب السحر ع الساحر فجأة كان يقيدها بيديه وينظر اليها بخبث قائلا _انتى قد الحركة دى اتسعت عيناها ببراءة ودلع قالت _انا عملت ايه يا سليم سليم متنهداااا _اااه وسليم كمان لاء يبقى انا عدانى العيب 🙈🙉🙊 _____________ فى الاسفل استيقظت رهف وتجهزت للذهاب للجامعة .... وجدت والدتها تجلس على طاولة الطعام تطعم الصغار ..ذهبت اليها قبلتها على راسها قائلة _صباح الخير يا ست الكل ..وسحبت كرسي وجلست قالت والداتها بحب _صباح النور يا رهف كويس انك صحيتى بدرى علشان عيزاكى فى موضوع رهف بتأهب _ خير يا ماما الام _هتعملى ايه مع سامح يا رهف انا حاسة انك ملكيش رغبة للموضوع رهف بتنهيدة _مش عارفة يا ماما بصراحة قلبي مش مرتاح بس بقول انى مشوفتش منه حاجة وحشة ومش عايزة اظلمه بحاول انى اديله فرصة الام بتفهم _بصي يا رهف لو مش مرتاحة معاه او مش حباه يبقى خلاص يا بنتى كل شي قسمة ونصيب ولو على الحرج انا هكلمه انا رهف بحب وارتياح _ربنا يخليكى ليا يا ست الكل ....تمام يا ماما يومين كدة هفكر وارد عليكى ذهبت بعد تناول وجبتها للخارج تبحث عن تاكسي ولكنها فوجئت بمراد يقف بسيارته ..تجاهلته واكملت بحثها ولكنه اقترب منها قائلا _اركبي يا رهف رهف بضجر _استغفر الله العظيم على الصبح اتكل على الله يا اخينا ضحك عليها وعلى طريقتها الذي بات يعشقها قائلا _طب اركبي اوصلك ومش هاخد منك اجرة ويالا علشان اتاخرتى نظرت فى ساعتها وجدت نفسها متأخرة بالفعل فاتجهت الى السيارة لتركب فى الخلف ولكنها وجدت الباب مغلق فقالت _اللا متفتح الباب تحدث بخبث قائلا _للاسف الباب الخلفى فيه عطل ولسة هروح اصلحه تعالى اركبي هنا نظرت له شرذا وقالت _التزم ادبك واحترم نفسك وممتكلمش معايا طول الطريق ابتسم لها قائلا _حاضر يا ستى اتفضلي بقا ركبت وانطلقا تحت انظار الحقد والوعيد ... فى السيارة قام مراد بتشغيل الاغانى فتسعت عيناها ونظرت له ارتعب منها قائلا _فيه ايه يا بنتى انتى هتتحولى اجابته قائلة _بتشغل اغانى ع الصبح انت هندوسي يالا ..اقفل الاغانى وشغل قرأن اطفأ المشغل على الفور و بالفعل قام بتشغيل قران قائلا _منك لله شيلتينى ذنب ع الصبح قالت بعضب وهى تحول عيناها _انا منى لله وانا اللى شيلتك ذنب ...يا استاذ انت كنت عايش برا واكيد اطبعت باطباعهم واحب اقولك انك محتاج قرصات اخلاقية وانا ممكن اعلمك نظر لها وتكلم بصوت عالى قائلا _ليه بقا انشاءلله شيفانى ماسك الخمرة والحشيش ومقضيها نسوان احرجها كلامه كثيرا فقالت _لاء طبعا انا مقصدش كدة انت بس بتبرر لنفسك انك تقرب منى عادى وان عادى جدااا اركب معاك ...وعلى فكرة انا مش ملتزمة دينيا بس بحاول امتنع عن الشبهات اعجب بها جدا وبحديثها قائلا _انتى تعرفى ان كلامك ده مش بيزعلنى بلعكس انا مبسوط ان لسة فيه بنات كدة ...انا نفسي فى واحدة تكون كدة اكمل معاها حياتى وصدقينى انا عمرى ما هاذيكى او هتسبب فى كلمة تتقال عليكى من اى حد وطالما انت مبتعمليش حاجة غلط يبقى خلاص ... اوقف سيارته بعيدا قليلا عن مدخل الجامعه وقال _اتفضلي يا ستى انزلى وصلنا ولو حابة انى اجى اخدك معنديش مانع ابقى السواق بتاعك ... ابتسمت له قائلة برقة _شكرا يا مراد وتركته وذهبت بينما هو اندهش من هذه الرهف فهى الان منتهى الرقة ومن دقائق فقط كانت عم عبده العجلاتى ... ضحك من نفسه على هذا التشبيه وانطلق الى وجهته ________ عند آية وسليم قامت هى وواستحممت وابدلت ثيابها وادت فرضها وانتظرت سليم ايضا بعدما استحمم وابدل ثيابه ونزلا سويا برغبة منه فى النزول لتحسن حالته المزاجية والجسمانية وجدوا دادا سعاد تقوم بعملها اليومى وعندما راتهم ابتسمت لهم قائلة _صباح الخير الفيلا نورت بوجودكو ابتسما لها وقالا _بنورك يا دادا تكلمت آية قائلة _دادا ماما والاولاد فين سعاد _فى الجنينة يا حبيبتى اومات لها قائلة _تمام يا دادا معلش هتعبك ممكن تخليهم يجيبولنا فطار انا وسليم برا ف الجنينة سعاد بطاعة _حاضر يا حبيبتى حالا _______ خرجا الى الحديقة وهم مشبكين ايديهم نظرت لهم والدتها بسعادة قائلة _صباح الخير يا حبايبي ده ايه النور ده تكلم سليم قائلا _ده نور حضرتك احتضن الاولاد وقبلهم وكذلك فعلت آية مع الاولاد ووالدتها وجلسا تكلم سليم قائلا لآية _عايزين نقدم لسما وهنا فى الحضانة مع الاولاد ابتسمت له بحب قائلة _انا فعلا كنت هروح اقدم لهم يا سليم بس قولت اطمن عليك الاول سليم معترضا _لاء انا هخلى مروان يقدملهم وانتى هتبدأى فى الجامعة بتاعتك تكلمت والدتها بسعادة قائلة _بجد يا آية هابدأى جامعة اومات لها آية بفرحة قائلة _ايوة يا ماما سليم قدملى جامعة مفتوحة نظرت والدتها لسليم وقالت _ربنا يخليك ليها يا بنى ويبارك فى عمرك انت متعرفش آية كان نفسها تكمل علامها اد ايه بس ظروفنا وموت بابا خلاها تضطر تشتغل علشانها وبعدها قاطعتها آية مغيرة الموضوع قائلة _خلاص يا ست الكل الحمد لله ان الايام دى راحت وانتهت اومأت لها والدتها وتكلم سليم قائلا _خلاص من بكرا يا آية تحضري محضراتك تكلمت آية باصرار قائلة _لاء يا سليم انا مش هروح الجامعة الا معاك بصراحة عايزة اكون جمبك وانت اللى توصلنى اول يوم بس لما تقدر تخرج اعجب بكلامها وارضي غريزته الرجولية وقال _تمام يا حبيبتى خلاص يومين كدة وهنزل الشغل واوصلك تحدثت باستنكار _لاء طبعا مافيش شغل دلوقتى خالص يا سليم انت لازم تستريح شهر ضحك عليها بشدة قائلا _شهر ليه انشاءلله هتخلل تكلمت مصرة على رايها _تتخلل متتخللش مش هتخرج غير لما تكون زى الفل ولا انت زهقت منى يا لومى نظر لها ونظر لوالدتها التى ابتسمت واستاذنت للداخل بينما هو تكلم بخبث قائلا _انتى مفكرة نفسك فى الامان علشان والدتك والولاد وكدة ..لااااء يبقى انتى متعرفنيش دانا سليم الهوارى اللى هدنى عيالى تكلمت بعدم تصديق قائلة _نعم يعنى ايه اللى هدك عيالك يعنى انت تقصد انك كنت بتلعب بديلك بقا صح يا استاذ ولا ايه ضحك عليها قائلا _الله ينور عليكى يعنى خافى منى وتانى مرة متدلعيش قدام حد تانى غيري تناولوا فطارهم تحت نظرات سليم المتفحصة ونظرات آية القلقة من كلامه _________ فى المساء كانا الجميع يجلس فى الصالون بما فيهم مراد الذي لم يزيح عينه من على رهف ومروان الذي احضر زوجته وطفله وسليم الذي يجلس وبجانبه آية ووالدتها التى تتكلم مع الاولاد وتلاغيهم ★★★★★ تكلم سليم موجها حديثه لزوجة مروان قائلا _منورة يا ام ادم قالت له _ده نورك يا سليم وحمدالله على سلامتك بينما قال مروان ممازحا _طب وانا يا سليم مش منور قال سليم بخبث _اللا انت هنا يا مروان ضحك الجميع عليهم وتكلمت آية قائلة _لاء منور طبعا يا مروان انت والمدام تناولوا العشاء سويا وانطلقا كل عائدا الى بيته صعد سليم مع آية بعدما نام الاطفال .. دخلا الجناح الخاص بهم فاقترب منها قائلا _مالك يا يويو شكلك متغير ليه يا قلبي تهجم وجهها قائلة _انت كنت بتلعب بديلك وانت متجوز سمر يا سليم ضحك بشدة عليها قائلا_انا كنت عارف انك هتصدقى قالت بعدم فهم _يعنى ايه مش فاهمة قال لها وهو يجلسها على الفراش ويمسك وجنتيها بيده _يعنى انا قلتلك كدة اشوف رد فعلك لكن انا يا آية الحمد لله عمرى ما اعمل حاجة تغضب ربنا مش معنى انى مش متدين ابقى مش ملتزم انا كنت متجوز سمر صحيح مش جواز حب بس كنت محافظ عليها ومراعى حدودى كويس اما انتى بقا ... احتضنها بقوة قائلا _فا انتى حبيبتى وحياتى ومستحيل عينى تشوف غيرك باى شكل انتى مليتى قلبي وعقلى يا يوية نظر لها وقال بحزن كاذب _بس بردو انا زعلان منك معقول تصدقى عنى كدة هزت راسها بنفى مصححة _والله يا سليم غصب عنى لان انت اللى قولتلى وانا بصراحة طول اليوم بفكر وبقول لنفسي مش معقول يا بت سليم يعمل كدة ...انا آسفة يا حبيبي حقك عليا قال بخبث وهو يبتعد _لاء يا آية مش قادر انسي نظرة الشك فى عينك قالت مدافعة _طيب اعمل ايه علشان تسامحنى سليم بتفكير مميز _تعملى ايه؟ ..تعملى ايه؟... هقولك تعملى ايه اقترب منها واضعا يده خلف راسها مقربها اليه وقبلها برقة اذابتها واذابت حصونها 🙈🙉🙊 _________ بعد اسبوع كان الكل فى عمله المعتاد ولكن تحسنت حالة سليم كثيرا وقرر الذهاب الى الشركة لمتابعة الاعمال استبدل ثيابه ونظر للنائمة بعمق قائلا وهو يمسد على شعرها _آية حبيبتى تململت فى فراشها ونظرت اليه وجدته مرتدى حلية سوداء انيقة مع تمشيطة شعر جذابة وعطر رجولى مميز قفزت من سريرها وقالت _ايه دا انت رايح فين ومالك حلو كدة ليه ضحك عليها قائلا _متشكر يا ستى وانا رايح الشركة بس الاول يالا قومى علشان اوصلك الجامعة فى طريقي تمطعت بتكاسل قائلة _لاء يا سليييم خلينى انام وبعدين انت لسة تعبان تكلم بتهديد محبب قائلا _لو مقومتيش يا آية متلوميش غير نفسك دثرت نفسها فى الفراش ولم تعطى تهديده اى اهتمام ...وفجأة وجدت نفسها مرفوعة على كتفه ويمشي بها الى الحمام تكلمت مسرعة قائلة _خلاص خلاص يا سليم بالله عليك سبنى وانا هجهز والبس والله تركها بداخل الحمام قائلا _كان من الاول ابتسم وخرج وانتظرها حتى انتهت وخرجت واضعة فوطة عليها تناظره بخجل قائلة _انا نسيت اخد هدوم تكلم بخبث قائلا _انا شايف ان معاكى حق انا لسة تعبان جرت مسرعة الى ملحق الملابس واغلقته عليها وسط ضحكاته .....ارتدت فستان رقيق باللون الكشمير ذو حزام نبيتي وخرجت نظر اليها وهى تجفف شعرها قائلا _هو انتى لازم تبقى حلوة كدة ابتسمت له وهى ترتدى حجابها قائلة بحب _عيونك الحلوة اتجها للاسفل وتناولا وجبة خفيفة وخرجا متجهين الى وجهتهم ......