*💖 رواية للقدر رأي آخر 💖*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *💖28🌷27💖* *💖 الجزء السابع والعشرون 💖* تابع قناة { روايات للأحبه🌚💌🌷} https://whatsapp.com/channel/0029VaSjh2K42DckEuRlPU3g انتفض فريد على اثر صوت سليم ونظر اليه وجد عينه حمراء كالدم وتطلق شرارا مرعبا قال بصوت جهورى هامس _ابعد عنها احسنلك واسلملك ادعى فريد الثبات وتكلم بثقة مزيفة قائلا _اهدى يا سليم بيه محصلش حاجة لكل ده ....احنا كنا لسة فى البداية بس ايه يا راجل الجبروت ده بتقع على الجمال ده فين هجم عليه سليم بكل غضب العالم يلكمه بقوة ويردد_يا كلب يا واطى انا هشرب من دمك انك فكرت ترفع ايدك القذرة دى عليها فى هذه الاثناء خرج سامح بعدما كمم فم رهف وتسحب بهدوء ورفع مسدسه بكل قوته وضرب به سليم على مؤخرة راسه ..ترنج سليم من اثر الضربة ...وصرخت آية التى كانت شبه فاقدة للوعى وهى ترا سليم بهذه الحاله التفت ليلكم سامح ولكن فريد باغته بضربة اخرى اوقعته ارضاا وسط صرخات آية المرعوبة ونداؤها المستمر باسمه قائلة _سليييييم ...سلييييييم رد عليا علشان خاطررررى يا سلييييم ......يا كلاااااب يا زباااالة ابعدو عنه ضحك فريد عاليا قائلا لسامح _اربطهولى كويس علشان عندى لى فيلم هيعجبه اوى وبعدها نخلص عليه براحتنا نفذ سامح بالفعل واحضر حبل وربط بيه سليم شبه فاقد للوعى بسبب الضربات التى تلقاها على راسه نظر فريد بخبث لسليم والقى فى وجه كوب ماء قائلا _فوقلى كدة علشان عايزك تشوف الفيلم ده ترقب سليم وضيق عيناه بعدما بدأ يستعيد وعيه اتجه فريد الى آية المزعورة مرة اخرى وجسدها ينتفض بشدة وقام بخلع حجابها بقوة وسط صرخاتها ... لو قلنا ان سليم فى هذه اللحظة كان كالثور المدبوح لا نبالغ فقد كان يهتز وينتفض بكل قوة وهو يتوعد له بالقتل قائلا _هقتلك ....ورحمة امى وابويا لقتلك واقطعك حتت لكلاب السكك ....ابعد عنهاااااا ضحك فريد وسامح الذي اتى برهف ايضا عاليا ومد فريد يده ليخلع عن آية ثيابها الا ان دخول مروان ومراد باسلحتهم كانت هى اللحظة المنجدة ... توتر فريد وكذلك سامح... وهم مروان بفك رباط سليم وبالفعل لم يكمل ثانية وكان سليم قد تخلص من الاربطة واتجه الى فريد يلكمه بكل قوة وغضب مميت بينما مراد يضرب سامح ايضا بغضب قائلا _انا هعرفك يا كلب ازاى تقرب لها ومروان الذي اتجه ناحية آية وفك قيدها وكذلك رهف .... وذهب لسليم الذي كاد ان يقتل فريد وحاول منعه قائلا _سيبه يا سليم والقوة جاية دلوقتى هما عايزينه حى علشان يعرفوا اللى وراه سيبه الا ان سليم قد سدت اذناه وعيناه ولم يرا غير يد هذا الحقير وهى تمتد على زوجته وظل يلكمه بكل قوته ... الا ان آية خارت قواها ونظرت الى سليم قائلة _سليييم ... وكادت ان تسقط على الارض الا ان سليم القى بهذا القذر واسرع اليها التقطها داخل احضانه بلفهة وخوف وهو ينادى عليها قائلا _فوقى يا حبيبتى متخافيش خلاص ..فوقى حملها وذهب بها الى سيارته مسرعا وادخلها واغلق والتفت الى مروان قائلا__ هات رهف ومراد وروحوا وانا هاخد آية على المستشفى ... اومأ له مروان وانطلق بعدها سليم بكل سرعته .. اما مراد الذي ظل يهدأ من رهف التى كانت ترتعش ولم تنطق قائلا _رهف خلاص يا حبيبتى انا جمبك ...اهدى ..متخافيش وآية هتكون كويسة ..اهدى بقا .. اومأت له قائلة برعشة _كان عايز يغتصبنى اعتصر قبضة يده وتالم قلبه وقال _ متخافيش انا مكنتش هسمح بانه يلمس شعره منك ...انتى معايا دلوقتى وهو كلب ولا يسوى وهيتعفن فى السجن ...اهدى علشان خاطرى .... اتت الشرطة متاخرة كالعادة ولكنهم اخدو فريد وسامح وبعض الرجال المصابين للتحقيق معهم وطلبوا الاسعاف لياخد القتلى ... _______ وصلا سليم الى المشفى بوقت قياسي وحمل آية الغائبة عن الوعى ودخل مسرعا الى الداخل واتجه مع احد الاطباء الى غرفه الفحص ...اراح جسدها على سرير الفحص وقام الطبيب بفحصها تحت نظرات سليم المرعوبة عليها .... ★★★★★ تكلم الطبيب قائلا _عندها انهيار عصبي وضغطها واطى جداااا ...متقلقش انا هديلها الادوية المناسبة وهتفضل تحت المراقبة ساعة وبعدها تقدر تاخدها وتروح بس تخلى بالك كويس منها ... اومأ له سليم وبالفعل قام الطبيب باعطاء الدواء المناسب لأية وخرج بينما سليم ظل بجابنها يبكى بصمت لمجرد تخيله ما كان سيحدث لو تأخر فى الوصول اليها ... _______ عند مروان ومراد الذين وصلا الى الفيلا ومعهم رهف انزلها مراد وهى تستند عليه وتكلم قائلا _بصي احنا بلغنا مامتك انك وآية كنتو عندنا فى الشركة طول اليوم وهى اكيد دلوقتى نايمة حاولى متحسسيهاش باى حاجة .. اومأت بصمت بينما مروان ظل واقفا فى الخارج .. ادخلها مراد الى غرفتها بعدما فتحت لهم دادا سعاد التى استغربت الوضع ولكنها لم تعلق .. دثرها فى الفراش قائلا _رهف حبيبتى انا هخرج دلوقتى برا استنى سليم مع مروان لو احتجتى حاجة انا موجود حاولى تنامى وترتاحى ومتفكريش فى اى حاجة ... اومأت له وبالفعل خرج ..بينما هى ظلت تبكى فى صمت الى ان غفت .. _________ افاقت آية بعد نصف ساعة ونظرت لسليم وعندما رات الكدمات فى وجه تذكرت كل شئ وبدا جسدها ينتفض بشدة ...جرى عليها سليم واحتضنها بكل قوته قائلا _اهدى يا حبيبتى انا جمبك اهو مافيش حاجة حصلت ...اهدى ..خلاص ....انا آسف ..انا السبب ...حقك عليا تمسكت به بشدة وظلت تبكى وتشهق بصوت مرتفع ولم تنطلق بحرف .... بعد فترة هدأ بكاؤها وسكنت داخل احضانه علم انها نامت فقام بحملها وخرج متجها الى سيارته .. ادخلها برقة واغلق الباب واتجه للمقعد الاخر وانطلق عائدا الى الفيلا ... كان طوال الطريق ينظر اليها وهى نايمة ويقول بقهر _انا آسف حقك عليا انا السبب ________ وصل الى الفيلا ودخل ..وجد مروان ومراد ينتظرانه فى الحديقة ... نزل من السيارة وتكلم موجها حديثة لمراد قائلا_بكرة الصبح هنروح القسم ونتاكد انه الكلب ده ياخد اعدام هو واللى معاه . اومأ لها مروان وقال_ماشي يا سليم ..آية عاملة ايه تكلم سليم بالم قائلا _عندها انهيار عصبي نظر الى مراد الواقف بصمت وقال _رهف عاملة ايه يا مراد تكلم مراد _نفس الحكاية بس انا دخلتها اوضتها وتقريبا هى نامت دلوقتى قال سليم _ماشي يا مراد ولو تحب تنام هنا للصبح معنديش مانع هو يعلم ان مراد يحب رهف واذا غادر الان لن يهدأ باله فلذلك طلب منه النوم فى الفيلا تكلم مراد شاكرا _ماشي يا سليم انا هطمن عليها الصبح وهروح ... ذهب سليم الى آية وحملها ودخل بها الفيلا صاعدااا الى جناحهم ... فتح الباب ودخل ووضعها على الفراش بهدوء واتجه الى الحمام وفتح الماء الفاتر وملء البانيو مع المعطرات والزيوت المنعشة ذهب الى إية وحملها وادخلها الحمام ووضعها داخل حوض الاستحمام بملابسها ..شهقهت من اثر الماء وتعلقت برقبته فقال مهدأا _ متخافيش يا حبيبتى انا جمبك .. استكانت داخل المياة وبدا هو يزيل عنها ثيابها ... بعد قليل اخرجها ولف عليها منشفة وخرج من الحمام ووضعها على الفراش وذهب لاحضار ملابس لها وبالفعل عاد ومعه ملابسها النومية والبسها اياها ودثرها فى الفراش ... دخل هو الحمام واستحمم وابدل ثيابه باخرى مريحة عبارة عن بنطال قطنى مع تي شيرت بدون اكمام نزل الى الاسفل واحضر لها كوب لبن ووجبة خفيفة و صعد اليها وحاول معها الى ان اطعمها وشربها اللبن وهى شبه مستيقظة ولا تتكلم .. انتهى من اطعامها وضع الصنية على الكومود وتمدد بجانبها وادخلها فى احضانه حاضنا اياها بقوة يريد ان يدخلها بين ضلوعه ويا ليته يفعل ... ناما الاتنين بعد يوم من العذاب والصدمة التى ستترك اثرها على كل من رهف وآية ..... 💖🌷💖🌷💖🌷💖🌷💖🌷💖🌷💖 🌷💖🌷💖🌷💖🌷💖🌷💖🌷💖🌷 *🌷الجزء الثامن والعشرون🌷* استيقظ سليم من نومه على تعرق جسد آية وانتفاضتها.. نظر اليها وجدها نائمة ولكنها ترى كابوس مزعق مسح على جبينها وقال وهو يفيقها _آية حبيبتى فوقى متخافيش ..انتى بتحلمى ...آية انتفضت برعب تنظر له وجدت نفسها فى غرفتها ..ارتمت بحضنه تبكى وتتمسك به قائلة بين شهقاتها _سل...يم .....كان.....عا....عايز.....يته...جم .. ...عليا.....وضربنى ......و....و....حجابي ......ااااه ...يا سليم ....مش قادرة تالم قلبه بشدة على حالها وقال وهو يمنع دموعه قائلا _خلاص ....كله انتهى ...ده كابوس ..مش حقيقة ....بصي انا جمبك ...وانتى فى حضنى ..والكلب ده فى السجن ...مكنتش هسمح انه يلمسك....صدقينى لو كنت هموت بس مستحيل اخليه يلمسك ....اهدى علشان خاطرى ...وانا معاكى وعمرى ما هسيبك تانى ابداا تكلمت وسط بكاؤها _انا ....انا مكنتش خايفة ......كنت عارفة انك جاى ...بس لما لقيت اللى اسمه سامح ده ...ضربك وانت مش شايفه وبعدها التانى ده ...وحسيت انك هتروح منى ...متحملتش .... ده ...ده كان عايز ....كان عايز .. احتضنها بقوة قائلا_خلاااص انسي علشان خاطرى انسي وانا وعد منى هنسيك اليوم ده همحيه كاننا معشناهوش تذكرت شقيقتها قائلة بصوت مرتفع وقلب مقبوض _رهف ...رهف ...فين رهف ..هى كويسة ...انا شفتها قبل ما اقع كانت كويسة ...هى فين قال سليم مهدئا اياها _متقلقيش يا حبيبتى هى كويسة ونايمة ارتاحت وهدأت قائلة _سليم انا مش عايزة حاجة من الدنيا غيرك انت والاولاد ..ليه الدنيا مستكترة علينا اننا نعيش فى سلام ...ليه القدر ليه راي تانى .. تكلم سليم محاولا بس الطمانينة داخلها_ متقوليش كدة يا حبيبتى ..انتى نسيتى كلامك ولا ايه ....مش انتى اللى. قولتيلي ان ربنا بيحطنا فى اختبارات علشان يشوف قوة ايمانا ...وبعدين احنا مؤمنين بربنا وعارفين ان المؤمن ما ان اصابته سراء شكر وما ان اصابته ضراء صبر ...واحنا لازم نصبر ونواجه ولانى عندى ضمير فى شغلى يا آية ومبحبش الصفقات المشبوهة ليا اعداء كتير زى مانتى شوفتى كدة ...اللى حصل ده غلطتى واوعدك مش هتتكرر تانى .... احتضنته وقبلت رقبته قائلة بتنهيدة وهى تكفكف دموعها _معاك حق يا سليم .... لازم اكون عندى ثقة فى ربنا ان شايلنا الاحسن واكيد هيعوضنا .. زاد من احتضانه لها وقبلها على شفتيها قبلة ناعمة يبث فيها الطمأنينة والحب والراحة ويشعرها بعشقه وحبه لها ... ابتعد عنها متنهدااا واضعا راسها بداخل صدره قائلا _يالا كملى نوم علشان بعد ما نخلص من كل الدوشة دى هاخدك ونسافر انا وانتى وبس وهوديكى مكان خيالى هنعد هناك اسبوع .. نظرت له وهى ما بين النوم واليقظه قائلة _طب والاولاد يا سليم رد عليها قائلا _مامتك ورهف وسعاد معاهم وهما هيرحبوا بالفكرة جداااا وزى ما قولتلك اسبوع بس مش هنتاخر اومأت له وغفت بعدها .. بينما هو ظل ينظر اليها ويفكر كيف يمحى هذا اليوم من داخلها ... ________ فى الاسفل عند رهف التى استيقظت ونظرت حولها وجدت نفسها فى غرفتها ..قامت وتوضات وادت فرضها وكم اشعرها هذا بتحسن كبيير .. ارتدت اسدالها وخرجت من غرفتها مع الشروق واتجهت للحديقة لتجلس بها .... تفاجات من مراد الذي يجلس ايضا فى الخارج وعلامات التعب والارهاق بادية على وجهه ... اتجهت اليه وعندما راها جرى مسرعا بخوف سالها _رهف مالك يا حبيبتى انتى كويسة نظرت له واومات وجلست بجواره .. بعد قليل تحدثت وهى تنظر اليه قائلة _شكرااا يا مراد على كل حاجة عملتها علشانى بجد لولا وجودك كان زمانى ... وضع اصابعه على فمها يمنعها من استكمال الحديث قائلا _مش عايزك تفكرى تانى فى امبارح ده ...فكرى بس فى اللى جاى .... وعايز اقولك على حاجة ... سكت قليلا ثم تابع _انا كنت فعلا عايش برا ومتجوز من هناك بس كان دايما نقصنى حاجة وحاسس انى محتاج حاجة ومش عارف ايه هى .. انا فى الاول والاخر شرقى واكيد هحن لبلدى وهبقى نفسي اختار بنت تحبي لشخصي وقلبي يتفحلها ..بنت تكون طيبة وحبوبة واخلاقها عالية .. تنهد ونظر اليها قائلا _والبنت دى هى انتى يا رهف من اول يوم شفتك فيه وانا وقعت فى حبك ...بس لما عرفت انك تقريبا مخطوبة حاولت ابعد ....حاولت بس مقدرتش كل مرة كنت بشوفك فيها كنت بتشدلك ....حتى وقت كلامك الدبش ...كنت بتعلق فيكى اكتر نظر اليها وجدها تستمع بتمعن فقال _انا بحب يا رهف واتمنى اعيش معاكى اللى باقى من عمرى كله .. سكتت ولم تجيب عليه ....حتى انه احس بسكين حاد يغرز فى قلبه من سكوتها الذي فسره على عد رضا .. تحرك من مقعده ووقف قائلا _انا آسف مش هزعجك تانى الا انها وقبل ان يغادر نطقت قائلة _وانا بحبك يا مراد .. عاد قلبه من جديد للحياة وبدا يدق بعنف ونظر اليها وفى لحظة كانت داخل احضانه ودموعه .... خجلت كثيرا وحاولت الابتعاد قائلة _مراد لو سمحت مينفعش كدة ...مراد نظر له والسعادة تقفز من وجه قائلا _اسف ...بجد أسف بس مش مصدق نفسي انا حاسس انى بحلم ابتسمت له وعادت للداخل بوجه احمر بينما هو ظل يتطلع فى اثرها قائلا _هو فيه رقة كدة يا اخواتى ...يارب تفضلي على حالتك دى يا روفة ومترجعيش عم عبده تانى .... ضحك على نفسه ومن سعادته ايضا واتجه لداخل الفيلا لكى ينام براحة فهو لم ينم بعد .. _________ بعد ساعات استيقظ سليم من نومه وانزل راس آية من على ذراعه بهدوء ودثرها فى الفراش بينما اتجه هو للمرحاض .. اغتسل وابدل ثيابه وادى ركعتين الصبح وانطلق للاسفل لينادى مراد ... دخل غرفة مراد وجده نائما فحاول ايقاظه قائلا _مراد ....مراد ...قوم يالا علشان نروح القسم للكلاب دول قام مراد سريعا قائلا _تمام يا سليم يالا خرجا بعدما شربوا قهوتهم وانطلقوا ليصطحبوا مروان ومنه الى القسم ... _______ استيقظت والدة آية من نومها وخرجت ذاهبة الى رهف وجدتها نائمة فقالت _رهف ...بت يا رهف ....قومى يا بت قوليلي جيتى امتى امبارح انتى واختك ....وايه اللى وداكى الشركة يابت استيقظت له ونظرت لوالدتها واحتضنتها كثيرا قائلة _ماما وحشتينى اوى استغربت والدتها وتجسست جبينها قائلة _مالك يا رهف ..انتى سخنة ولا حاجة ابتسمت رهف قائلة _فيه ايه ماما بقولك وحشتينى تقوليلي سخنه قالت الام _ايوة لانك عمرك ما عملتيها ..وعلى العموم انتى كمان وحشتيني ..يالا قومى علشان تفطروا وتروحوا الجامعة واختك بردو لسة نايمة وسليم خرج من زمان يالا اجهزى وانا هطلع اصحيها استوقفتها قايلة _مهو ...مهو يا ماما احنا مش هنروح الجامعة النهاردة لان مافيش علينا محاضرات مهمة وانا وآية قررنا نعد مع الاولاد النهاردة اومأت والدتها قائلة _طيب يا حبيبتى قومى يالا علشان نفطر وانا هطلع اصحى اختك _______ فى القسم كان يجلس كل من سليم ومروان ومراد وهم يدلون باقوالهم واحدا تلو الاخر مع مراعاة شرح كيف حاول المدعو فريد والمدعو سامح التعدى على الاختين لكى يضمنوا اقصى العقوبة لهم ... خرجا من القسم وذهب كل منهم الى الشركة لعقد اجتماع جديد مع الشركة الالمانية _________ عند آية استيقظت ولم تجد سليم بجانبها نظرت للساعة وجدتها ال11 صباحا ...قامت وتوضات وادت فرضها .... ★★★★★ اثناء ذلك طرقت والدتها الباب ودخلت وجدتها تصلي فنتظرتها الى ان انتهت وقالت _تقبل الله يا حبيبتى قبلت يد والدتها قائلة _منا ومنكم يا امى عاملةايه الام بحب _بخير يا عمرى يالا علشان نفطر سعاد حضرت الفطار سالتها آية قائلة _هو سليم خرج اومات الام _ايوة سعاد قالت انه خرج من بدرى يالا يا حبيبتى تعالى نزلا سويا وتناولوا فطارهم مع الاولاد وظلوا طول النهار يلعبون معهم فى الحديقة ويحاولون تجنب ذكر ما حدث تماما _________ فى الشركة بعدما انتهى الاجتماع بالتعاقد بين الشركتين وودعوا الوفد الالمانى .. اتجه ثلاثتهم الى عملهم الا ان مراد استوقف سليم قائلا _سليم كنت عايزك فى موضوع ابتسم سليم فهو يعلم ماذا يريد مراد قائلا _تمام تعالى ذهبا مكتب سليم وجلسا سويا فتحمحم مراد قائلا _بصراحة يا سليم انا عايز اخطب رهف سليم بخبث _وانا مش موافق وقع قلب مراد وتساءل قائلا _ايه ...مش موافق ليه يا سليم اكمل سليم تمثيله قائلا _ايوة مش موافق انت من عالم وهى من عالم تانى يا مراد وبعدين هى مش بتحبك قاطعه مراد قائلا بلهفة _لاء بتحبنى .. تحمحم قائلا _قصدى انا حاسس ان جواها مشاعر ليا ..يعنى ابتسم سليم ووقف واتجه الى صديقه واحتضنه تحت دهشة مراد قائلا _الف مبروك يا مراد انا طبعا موافق ضحك مراد عاليا وقال _الله يبارك فيك يا سليم وقعت قلبي يا اخى نظر له قائلا _كنت بهزر معاك ....انا هفتح الموضوع مع رهف ووالدتها ولو فى قبول هنحدد خطوبتكوا بعد اسبوع علشان بعدها هسافر انا وآية ___________ بعد اسبوع وبالتحديد (يوم خطبة مراد ورهف ) نزلت رهف بصحبة سليم وهى يقدمها لمراد الذي انبهر بجمالها فقد كانت ترتدى ثوب رقيق من اللون السماوى مع حجاب اوف وايت وميكب خفيف زادها جمالا ونقاءااا قبل يدها واخذها واتجه للمكان المخصص لهم وقاما الحفل وسط الاهل والاحباب ....واتمت الخطبة وسط جو من الفرحة والسرور ورقص كل ثنائي رقصة slow. مراد ورهف وسليم وآية ومروان وزوجته تحت انظار العشق والفرحة ______ فى اليوم التالى تجهز كل من سليم وآية واستعدا لقضاء شهر عسل قصير .. ودعا الاهل بدموع وكذلك الاولاد وانطلقا الى المطار لبدء رحلتهم الى ...جزر المالديف 😉