*#حلاوة~روح《15》* 💛 *#بقلم~هديل~ادم(حنين)* *★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​ في بيتنا ابوي بعد جاه رسل لي عمتو قالت لي ابوك عايزك بره ونزلت معاها ولقيتم كلم قاعدين ولقيت مؤيد وسلمت عليو  وقعدت مؤيد قال لي مبدئياً كده والله لو عرستي أحمد انا حكون اسعد انسان والله  عليك الله وافقي م عايزه تشوفني فرحان ابوي قال ليو مؤيد وبقى يضحك ودنقر راسو عمتو ضربتو في راسو قالت لي طبيعي في وقت هظار قال ليها والله م كده بس والله مبسوط شديد انو اقترحتو الفكره دي لنو احمد ده اي بت بتتمناو والله ومحظوطة لو اتزوجتي والله. ابوي قال لي هديل انا جبتك هنا عشان اتكلم معاك والله انا م برميك ستي ي بتي وأحمد لو م شفتو انسان كويس ليك وراجل وود رجال م حوافق بيو والله بس والله ده اكتر إنسان بضمن مستقبلك معاو والله م تزعليني وتوافقي عليك الله وانا كنت بالي مشتت شديد م قدرت اارد اقول لي شنو عمو خالد قال لي هدوله نحنا م حنجبرك والله واقعدي وفكري كتير حتى ادينا جواب في النهايه دي حياتك وزي م قال ابوك أحمد ده والله اكتر إنسان مناسب ليك والله ولد م شاء الله عليهو خلقة وأخلاق... ابوي قال لي زي م قال عمك م حنجبرك والله اقعدي وفكري عمتو قالت لي هديل بجد عايزين مصلحتك والله لو كان غير زول احمد ده م منت خوافق بس والله م انررد نهاي لمن قالو لي الفكره دي وحقيقة كلنا كنا دايرنك لي احمد... مؤيد قال لي اقعدي فكري وادينا رايك قلت ليم تمام ابوي قال لي حتى لو رفصتي او وافقتي م حنجبرك والله والله وفي الحالتين وافقين معاك انحنا قلت لي كويس قلت ليم تصبحو على خير  قالو لي وانتي بخير ومشيت غرفتي وبقيت افكر وختيت راسي في المخده وكنت مشتتها شديد قلت في بالي م عارفه بس لو فهد كان عايش ممكن لو عرف كده كان حيوافق وهو مبسوط لنو احمد بي حلاوه روحو مسيطير على كل الناس هل بكون وافق على الزواج ده اكيد لا م حيوافق ضربت لي مها وكانت سافرت لي اهلها في الولايات وحكيت ليها كل حاجه ونفس كلام ديل قالت لي وافقي والله احمد م حتلقي زيو واتكلمت معاها كده ونمت من التفكير الكتير. وصحيت الصباح  ونزلت تحت لقيتم م صحو مشيت المطبخة وجهزت الشاي مع مارسي وجنزت الصفره ومشيت صحيت ابوي قلت لي الزمن فات قال لي بتي الحلوه صحيتي بتين قلت لي من قبيل قلت لي الشاي جاهز ونزلت لقيت عمتو وعمو خالد قاعدين صبحت عليهم وقعدنا وابوي جاه وشربنا الشاي قلت ليم وين مؤيد قالو لي طلع من الصبح بعد شربت الشاي طلعت الحديقة وضربت لي هند ووريتها فرحت شديد قالت لي والله عرسيو وحفرح ليك والله قلت ليها بفكر ان شاء الله واتونست معاها وقفلت وقاعده وافكر وكنت مستنياها تقيف معاي وتقول لي م توافقي بس زي م قلت أحمد مستحيل يترفض معقوله كل الناس صح وانا غلط معقوله اوافق ي رب مشيت الغرفه صليت ركعتين واستخرت ودعيت ي رب سهلها علي وقمت من المصلايه الباب دقة قلت اتفضل وكانت خالتو سوسن قلت ليها اتفضلي  يمة وسلمت علي وحضنتها قالت لي كيفك قلت ليها الحمدلله انتي كيف قالت لي الحمد لله والله وقعدنا في السرير قالت لي انتي عارفه ي هديل من كنتي صغيرة وقماي  على يدي دي وكنتي بنسبه لي بتي واكتر ممكن اقول ليك معزتك في قلبي اكبر من أحمد ولدي لنو كنت معاك من للحظه ولدوك فيها لحدي هسع م بتتخيلي بريدك قدر كيف ي بتي  جيت هنا واقول ليك والله من زمان كنت بتمناك لي احمد بس لولا الظروف وهسع القدر جاه ورجعنا تاني م حقول ليك وافقي على احمد ولا حقول ليك ارفضي اسمعي كلام قلبك ي بتي  م تشتغلي بينا م تشتغلي بي كلامنا كلو اتبعي قلبك وامشي عليو حتى لو رفضتي م حيتغير شي حتفضلي هديل بتي الحلوه الصغيرونة ومعزتك في قلبي عمرها م حتروح مسكتها وحضنتها وعيوني دمعت  وقلت ليها والله انا م عندي مشكله في احمد بجد احمد اي بت بتتمناهو  بس والله م قادره اتخيل اني حاحب تاني بعد فهد او اتزوج تاني قالت لي مقدره وجعك والله ي بتي ادعي وربنا بسهلها ليك عمتو دقت الباب ودخلت قشيت دموعي طوالي خالتو سوسن قالت ليها كنت بتونس مع بتي عمتو قالت ليها م اكون ازعجتكم بس قالت ليها لالا اصلا كنا نازلين وفعلا نزلنا تخت وقعدنا نتونس معام ونسينا فكرة العرس زاتو احمد كان في عالم موازي وبفكر في موضوع العرس ده وم عارف يعمل شنو كنت قاعده في الغرفه وابوي جاه وقلت لي اتفضل وقعد جمبي وقال لي مقدر فكره رفضك والله م دام م عايزه م حنجبرك وابتسم وباسني في راسي وقال لي ربنا يسعدك ي بتي ❤‍🩹 قلت لي جمعا يارب ومشى تاني يوم بعد فطرت  قلت ليم انا ماشا لي هند وطلعت ووصلت  بيتها وقهدنا اتونسنا ولقيت حماتها قاعده معاها كانت ظريفة شديد واتغدينا قالت لي الا ابيت معاها قلت ليها نره تانيه وطلعت منها قالت توصلني بي العربيه قلت ليها بمشي بي الموصلات م مشكله قالت لي لالا العربيه قاعده تمشي بي موصلات لي قلت ليها م فيها حاجة والله والبيت م بعيد بعد تحنيس قلت ليها بمشي وودعتني وركبتني العربيه ووصلت المحطة حقت العربات قبل بيتنا بي شارع بس ونزلت من العربيه كانت بعد المغرب كده الشارع فاضي ماشا كده لقيت اولاد وبقو يشاغلوني واحد قال لي العسل مالو ماشي براو م تعبرنا ياخ م اشتغلت بيم جاه وقف قدامي قال حلاتك لكن قلت لي زح من وشي قال لي م زاحي عايز الرقم بزح منو كده تاني بقيف في وشي كل م ازح بقيف في وشي وكنت خايفة شديد وزول في الشارع ينقزني منهم قلت احترم نفسك ياخ وزح من وشي قال لي م زاحي بس اشوف ليك زول جراهو وادهو كف وبقى يضرب فيو وصحبو الثاني جره عاينت كده لقيتو ده أحمد وبقيت اصرخ فيو لا  ي أحمد  م تضربو  احمد ضربو بنيه في وشو   طوالي اده احمد بنيه برضو واحمد ضربو تاني بنيه وبقي يضرب فيهو قال ليهو هديل لا اي حاجه ولا هديل جو اولاد حجزوم وفكو احمد منو قال لي كويسه انتي قلت لي اي وعيوني مليانه دموع  محمد ود جيرانا كان معام قال ليو معليش ي أحمد ده صحبي وجوني هنا  وم عارف انو دي بت حلتنا الا جو وروني هسع ده كان الولد الثاني المعاورقال ليو خليهو عشاني انا عليك الله وأحمد بقى يحمر ليو قال ليو والله العظيم لو م صاحب محمد، ومحمد زول م شاء الله عليهو كنت حقتلك الليلة محمد قال ليو تسلم ي خوه قال ليو اعتزر ليها وفعلا اعتزر لي وكنت قضبانة منو م رديت ليو محمد قال لي اسق ي هديل م حتنعاد تاني قلت لي م مشكله احمد مسك يدي وقال لي ارح اتخلعت قلت لي احمد وشك فيو دم انفك بتنزف قال لي م مشكله قلت لي استنى ياخ جاده معاك ووقفتو طلعت منديل من شنطتي وقشيت لي الدم الفي وشو شال المنديل مني  قال لي انا كويس ووصلني جم الباب قال لي ادخلي  قلت لي احمد تسلم قال لي ده الواجب وبقى يعاين في عيوني  قلت لي ممكن الحصل ده يكون بينا بس عشان م يخافو علي ناس بيتنا قال لي اصلا م كنت حتكلم لو م انتي اتكلمتي وابتسم لي قال لي تصبحي على خير قلت لي احمد قال لي اي قلت لي ولا حاجه انسى ومشى ودخلت البيت وكنت بفكر في الموقف الحصل قبل شويه ده لقيت ابوي وسلمت عليهو وسألني من هند قلت لي كويسه بتسلم عليكم بتجيكم يوم الجمعة قال لي كويس قلت لي وين عمتو قال لي طلعو يتعشو بره قلت لي طيب ماشا غرفتي اصلي واجيك تمام ومشيت غرفتي اتوضيت وصليت  مسكت المصحف وقريت قران ودعيت لي فهد  واتزكرت للحظه احمد جاه وانقزني من الاولاد ديل زي م قالو فهد وابوي انو مافي زول بقدر يقيف معاي زي أحمد ونمت شويه كده وحلمت فهد جاني في المنام وكنا قاعدين حم البحر كده قال لي هديل انتي عارفه انا اكتر إنسان حيكون سعيد لو اتزوجتي احمد كنت بعاين فيو شديد قال لي وافقي عشاني انا وقام وكنت بنادي فيو قبل علي وابتسم لي قال لي وافقي عشاني واختفى قلت لي فهددد وصحيت مخلوعة وقكت واستغفرت وشفت الساعه لقيتها 9 اتوضيت جيت صليت العشاء ونزلت تحت لقيتم بحضرو وناس عمتو جو   قلت ليم كيفكم قالو لي كويسين الحمد لله وقعدت  احضر معام عمتو قالت لي جيت لقيتك نايمة م حبيت اصحيك رقدت في رجليها قلت ليها حلمت بي حلم مخيف شويه وبقت تلعب لي بي شعري وم حسيت بي نفسي نمت صحتني بعد ساعة كده قالت لي امشي الغرفه م حترتاحي كده في نومتك دي ومشيت ونمت... ❤️ *سبحان الله* 🤍🤍🤍   *الحمدلله* 🤍🤍🤍 *لا اله إلا الله* 🤍🤍🤍   *الله أكبر* *•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *♡بــــــــــــــيــــــــــــــــــــجــــــــــــــة♡*