*_Kuki Research Forum (KuRF) ho hoilam ba gei utam?_* Kineppi umtah ahi a la galsung a lekha sun a galsat nom lou, nampi in kisonpi tah a anei ahi a la aum na kihe lou ho, i) Nadam jing u aki he nan, hijeh in kahin kipapi uve. Sap ten in ‘The pen is mightier than the sword’ atiuvin, ipi seina ham jong hi nang ho lekha them ho in nei hil nauva kon a bou kahin het doh u khat chu ahi. ii) Gal inei kal u kum 2 alhing dehchet tai. Lekha ha hetlou le avaicha ho in frontline a gal kasat uvin, ahe tobang ahelou tobang ho in online a gal kasat uvin, nu le pa te in taona in gal kasat uvin ahin nampi in research ahin bol pat ni a pat a kineppi a aki pa pi Research Scholar ho in tunichan in gelbang in na het nau na mang cha pouve kiti jong le kijou lou ding ahi. Hetna sang tah-tah nanei hou hi tu gal lai tah a nampi hindoh na dia na man lou ule vannoi Galpi 3 na joule na man got u ham? (kalung han nau kiha het val tam? Haha) iii) Niseh tobang in chenkhom pi Tangkhul te le Meilhei te kitho in adih lou-lou in eingoh jing uve – ajih thei lou ho in asei tho uvin, a lekha them houvin asei toh ajih akop jing uve. Adih lou nang ho lekha them ho in nahet vang uva vannoi in adih lou ahi chu ahet lou u ahi. Khatvei beh nang ho in jong na Pen u chu nahin manchah uva pha hita lou ham? Ijem tia government natong nahi a/ government natoh hol nahi jong leh minchom mang a najih jeng thei hilou ham? Khangkit a ho in tu Meilhei gal a Kuki te lekha jih ana holmo phat ule ‘Kuki te phatmo jeh a gal ana um ahi’ ati diu nadei u ham? Thuphat lai a na na jih hou chu gal kipat a pat koima in asim tapoi ti kahin seipeh nom u nahi. Ijemtia frontline a galsat ho bang a nampi in nang ho dia nei tokhom ahin bol u na nga u ahijong le lungset tah in hin sei jeng uvin; tha chimit a kaum sang uvin bat in hin kihol uving kating hin dongkhom nau vinge. Tu deh-deh hin President’s Rule neopa aum e, thu a galsat phat ahe nati uvin ahinla na meipum kap u agin aki ja kha hih beh jenge. Ole semthu meipum na choi ngap u hija ahilou le theng-theng te kichep na a chapang ho in ana kichoi ji hou tobang chu hingap a ham? iv) A ipi chu hile, nang ho lah a khat le ni natoh kisel na a nanei u hi adih poi, lung kitoh in nang ho in jong galsat na in pan hinla uvin, nathip sot val tauve kati nau ahi bou e. Changvel a hatah a pang khat le ni a um in amaho chung a nampi in kipana sangtah kahin phong uve. v) Sum le pai le adang-dang a napang pouve kati nau ahipoi, Messi le Ronaldo chu Cricket kichep sah poute kati nau ahi. vi) Hiche kal in jong kalung hang thei tapouve. Ahin, na hetnau le na thep nau nampi a dia nahin manchah pat diu ka ngah jing uve. ACHAINA IN – ka jihsa ho le ka seisa ho avel-vel in sei ponge ti hih uvo, please. Tangkhul te le Meilhei te in bon jou thu avel-vel a asei ngam ule eiho in idih nau le iphat nau iti avel-vel a isei nom lou u ham? A-ha sei-sei jo thu kilah na le che na khang ahitai ti chu kahin remind nom uve. *KUKI TE PEN IN NA HIN TONG PAN TAHEN!*