*ഇന്നത്തെ പ്രധാന വാർത്തകൾ (18 ഫെബ്രുവരി 2025)* * കേരള സംസ്ഥാന സർക്കാർ തദ്ദേശ സ്വയംഭരണ സ്ഥാപനങ്ങൾക്ക് നൽകുന്ന സ്വരാജ് ട്രോഫി പുരസ്കാരങ്ങൾ പ്രഖ്യാപിച്ചു. മികച്ച ജില്ലാ പഞ്ചായത്തായി കൊല്ലം ജില്ല തിരഞ്ഞെടുക്കപ്പെട്ടു, രണ്ടാം സ്ഥാനം തിരുവനന്തപുരം ജില്ലപ്പഞ്ചായത്തിനാണ്. * മലപ്പുറം ജില്ലയിലെ പെരുമ്പടപ്പ് ബ്ലോക്ക് പഞ്ചായത്താണ് മികച്ച ബ്ലോക്ക് പഞ്ചായത്ത്. രണ്ടാം സ്ഥാനം തൃശൂർ ജില്ലയിലെ കൊടകരക്കും മൂന്നാം സ്ഥാനം കാസർകോട് ജില്ലയിലെ നീലേശ്വരത്തിനുമാണ്. * ഗ്രാമ പഞ്ചായത്തുകളിൽ, കോട്ടയം ജില്ലയിലെ വെളിയന്നൂർ ഒന്നാം സ്ഥാനം നേടി. തിരുവനന്തപൂരത്തിലെ ഉഴമലയ്ക്കൽ രണ്ടാം സ്ഥാനവും തൃശൂരിലെ മറ്റത്തൂർ മൂന്നാം സ്ഥാനവും നേടി. * നഗരസഭകളിൽ, ഗുരുവായൂർ, വടക്കാഞ്ചേരി, ആന്തൂർ എന്നിവ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി. തിരുവനന്തപുറം കോർപ്പറേഷൻ മികച്ച കോർപ്പറേഷനായി തിരഞ്ഞെടുക്കപ്പെട്ടു. * പുരസ്കാരങ്ങൾ തദ്ദേശദിനാഘോഷത്തിന്റെ ഭാഗമായി ഗുരുവായൂരിൽ ഫെബ്രുവരി 18, 19 തീയതികളിൽ നടക്കുന്ന ചടങ്ങിൽ സമ്മാനിക്കും. * കേരള കേഡർ ഐ.എ.എസ്. ഉദ്യോഗസ്ഥനായ ഗ്യാനേഷ് കുമാർ 26-ാമത് മുഖ്യ തിരഞ്ഞെടുപ്പ് കമ്മിഷണറായി നിയമിതനായി. വിവേക് ജോഷി പുതിയ തിരഞ്ഞെടുപ്പ് കമ്മിഷണറായും നിയമിതനായി. * പരമ്പിക്കുളം കടുവ സംരക്ഷിത പ്രദേശം (Parambikulam Tiger Reserve) പുതിയ 15 പക്ഷി ഇനങ്ങളെ കണ്ടെത്തി, ഇതോടെ സംരക്ഷിത പ്രദേശത്തിലെ പക്ഷികളുടെ എണ്ണം 206 ആയി. പുതുതായി കണ്ടെത്തിയവയിൽ പെയിന്റഡ് സ്പർഫൗൾ, റഫസ്-ബെല്ലിഡ് ഹോക്ക്-ഈഗിൾ, ഇന്ത്യൻ ഗ്രേ ഹോർൻബിൽ, അനമലൈ ഷോളക്കിളി, ടൈഗ ഫ്ലൈകാച്ചർ, പ്ലെയിൻ പ്രിനിയ, ഗ്രീൻ ലീഫ് വാർബ്ലർ എന്നിവ ഉൾപ്പെടുന്നു. * നാഷണൽ ജിയോസ്പേഷ്യൽ നോളജ് അധിഷ്ഠിത ലാൻഡ് സർവേ ഓഫ് അർബൻ ഹാബിറ്റേഷൻസ് (NAKSHA) പൈലറ്റ് പ്രോജക്ട് ഫെബ്രുവരി 18-ന് കേന്ദ്രമന്ത്രി ശിവരാജ് സിംഗ് ചൗഹാൻ ഉദ്ഘാടനം ചെയ്യും. ഈ പദ്ധതിയുടെ ലക്ഷ്യം ജിയോസ്പേഷ്യൽ സാങ്കേതിക വിദ്യ ഉപയോഗിച്ച് നഗര ഭൂരേഖകൾ നവീകരിക്കുന്നതാണ്. * പശ്ചിമ ബംഗാൾ ഗവർണർ ഡോ. സി.വി. ആനന്ദബോസ് എഴുതിയ നാല് മലയാളം പുസ്തകങ്ങൾ പ്രകാശനം ചെയ്തു. 'മിത്തും സയൻസും ഒരു പുനർവായന' എന്ന ലേഖന സമാഹാരം കവി ശ്രീകുമാരൻ തമ്പി പ്രകാശനം ചെയ്തു, കഥാകൃത്ത് ടി. പത്മനാഭൻ 'കാഴ്ചകൾ ഉൾക്കാഴ്ചകൾ' എഴുത്തുകാരി എം.പി. അനിതയ്ക്ക് നൽകി പ്രകാശനം ചെയ്തു. കവിതാസമാഹാരങ്ങളായ 'പുത്തനാട്ടം', 'ഞാറ്റുവേല' എന്നിവയും പ്രകാശനം ചെയ്തു. 🪀 _*സൗജന്യ പി എസ് സി പഠനത്തിന് ജോയിൻ ചെയ്യൂ*_ 👇🏻 https://whatsapp.com/channel/0029VaA9lNP65yDEV3i00947