*Zomite’n Nahtang🍌 Tolawk Maw? Manta🍆 Khalgah Nekha I Hi Hiam?* Zomite hizah in i tualniam lawm² aw… *“Manta🍆 khalgah i nek man hiam? Nahtang🍌 tolawk i nek man hiam?”* cih pen ngaihsut huai mah² hi. Zomite’ sung ah Pasian nnasem kici pawlkhat in hak gega in Zomite hong khem² uh hi. Pasian paulap in sum zong/ paai zong kitam lua hi. Pasian nnasemte’n sumtamna or letsong kipiakna Biakinn ah thu gen, thumanpha puak in thupi mah² uh hi. Ahizong in, pawlkhat in biakna sung ah sumzonna in zang in deihsakna sang in sumzonna ding in nnasem ki-omkha thei hi. Hihte’ hang in Zomite’ tung ah i biak Pasian alungkim sak lo i hi hiam? cih zong ngaihsut huai khat om hi. Tua mahbang in, Zomi makaite in mipi leh gam’ a ding in deihsakna tak² om lo hiam? Ahihkei leh min deihna hang bek in na kisemkha hiam? cih ngaihsutna Zomite’n neikha i hi hiam? *“Manta🍆 khalgah ka nek man hiam? Nahtang🍌 tolawk ka nek man hiam?”* cih ding tampi hong om hi. Khat leu² ah, hihbang in Zomi sung ah kitoknawi in buaina pen namdangte i mawhsak nop hang in namdangte hikhin lo a, Zomite mah i kisapnate’ hang ahi hi. Kipumkhatna ding leh kipawlkhopna ding lungsim neih ding pen Zomi makaite’ tung ah hong om’ ding thupi mah² leh i kisap mah² thu ahi hi. Mipi lampan in zong Makai leh Sia-te’ tung ah apuak zawh loh ding van i suat loh ding zong kisam hi. Nungzuih siamna zong mipite’n i neih ding kisam a, ki ko² leh kigensiatnate i zat loh ding thupi hi. Hihbang in kipumkhat le’ng, *“Nupa kilungtuak khuakhat in zo lo”* akicih mahbang in kuamah in hong khenkham zo lo ding hi. Tua ahihman in, Zomite’n ngaihsun tek ni... *“Manta🍆 khalgah i nek man hiam? Nahtang🍌 tolawk i nek man hiam?”* 01-03-2025 | Saturday ©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭 > For more updates, follow our Channel https://whatsapp.com/channel/0029VagGXwJBA1f6S5IuCN1W