*`🙏🌹പ്രഭാത ചിന്തകൾ🌹🙏`* *22/02/ 2025* *ശനിയാഴ്ച* *♥️ ചെയ്യുന്ന തെറ്റിനേക്കാൾ വലിയ പാപമാണ്, അതേക്കുറിച്ചു വീണ്ടു വിചാരമില്ലാതിരിക്കുക എന്നത്. ആദ്യ തെറ്റു സ്വാഭാവികം; ആവർത്തിക്കപ്പെടുന്ന തെറ്റ്, മന:പൂർവ്വം. അപരാധമാണെന്നറിഞ്ഞിട്ടും, അതു തുടർന്നു കൊണ്ടു പോകുന്നതാണ്, തിരുത്താനാകാത്ത തെറ്റ്, ക്ഷമിക്കപ്പെടാനാകാത്ത അപരാധം.* *🪔 തെറ്റിലും ശരിയിലും ആപേക്ഷികത ഉണ്ടാകാം. അതു കണ്ടെത്തണമെങ്കിൽ, പ്രവൃത്തികളെക്കുറിച്ചുള്ള വിചിന്തനം നടത്തണം. സ്വന്തം ശരികളും, അപരരുടെ തെറ്റുകളും കണ്ടെത്താനുള്ള സ്വാഭാവിക പ്രവണതയ്ക്കിടയിൽ, സ്വന്തം തെറ്റുകളെക്കുറിച്ചു ചിന്തിക്കണമെങ്കിൽ, അസാധാരണ ധൈര്യം വേണം. അപ്പോഴേ തെറ്റുതിരുത്താനും, തിരിച്ചുവരാനും കഴിയൂ. അതിന് , ഏറെ ഇച്ഛാശക്തി നേടിയെടുക്കേണ്ടി വരും.* *🪷 പാശ്ചാത്താപം മാത്രമേ, പ്രായശ്ചിത്തത്തിലേക്കു നയിക്കു. ഉള്ളുരുകുമ്പോൾ മാത്രമേ, ഉള്ളം വിശുദ്ധമാകയുളളൂ. സ്വയം വിചിന്തനത്തിനും, വിലയിരുത്തലിനും എല്ലാവരും തയ്യാറായിരുന്നുവെങ്കിൽ, ലോകം എന്നേ ദൈവരാജ്യമാകുമായിരുന്നു! സ്വന്തം വാക്കുകളുടെയും പ്രവൃത്തികളുടെയും അവലോകനം സ്വകാര്യമായെങ്കിലും നടത്താനുള്ള സന്നദ്ധതയാണു വിശുദ്ധരെ സൃഷ്ടിക്കുന്നത്.* *🌸 അന്ത്യനിമിഷം എപ്പോഴാണെന്നറിഞ്ഞിരുന്നെങ്കിൽ, അവസാന കർമ്മങ്ങളെങ്കിലും ശ്രേഷ്ഠമാക്കാൻ എല്ലാവരും ശ്രമിക്കുമായിരുന്നു. എന്നാൽ, അതിലും നല്ലതല്ലേ, അവസാനം എപ്പോൾ വേണമെങ്കിലും ആകാമെന്നു തിരിച്ചറിഞ്ഞ്, ഓരോ കർമ്മവും ശ്രേഷ്ഠമാക്കുന്നത്.* *💧🪷ശുഭദിനം നേരുന്നു🪷💧* *🪔🔥🕉️ 🪷 🪷 🕉️🔥🪔*