#شجرة_الماندرين11 أزارا كانت بتقرا بصوت مسموع ليها هي وعزام بس كل جزء من المسودة كان بفكر تفصيلة معينة في حياتها لحد م حصلت اخر ورقة مكتوب فيها وباقي الصفحات كان ابيض .... عزام : كنت فاهم غلط !! دي طلعت مذكرات م رواية ،أزارا الكلام دا لازم نعرف صحتو من عدمه مع اني متأكد بعد الأسماء الاتذكرت دي م ظنيت يكون م حقيقة أزارا : لازم ونعرف الباقي وحصل شنو اه ي عزام راسي جاط وم قادرة افكر هل انا بت أنس وجوان ديل؟ وحصل ليهم شنو تاني ومشو وين تاني عزام : اكيد ح نعرف أزارا: كيف لكن م ظنيت لو مشينا سألنا واحد فيهم ح يورونا عزام: لالا اكيد م ح نسألهم امم كدي اسي خلينا شوية لمن تبقي كويسة بعداك بوريك في راسي شنو أزارا: لي اسي انا كويسة قول ساي عزام قام من جنبها : طيب على الأقل اخدي راحتك هسي وارقدي عايني نحنا مصنقرين من متين أزارا: يعني مثلا فاكرني لو رقدت ح ارتاح؟ ولا ح أوقف تفكير عزام رقدها غصب وقعد في طرف السرير وخت يدو في عيونا : نومي نومي أزارا حاولت تزح يدو من وشها : عزام يااخ زح يدك دي خليني في حالي عزام كان مبتسم : ابيت ،م بزح الا تنومي أزارا : حاضر طيب قبل م يزح يدو منها حس بدموع في عيونها عزام : زارا قلت ليك اخدي راحتك م قلت ليك ابكي ،عايني اي تفكير هسي وزعل وبكى م ح يريحك صدقيني جد عشان كدا بقول ليك نومي احتمال تريحي حبة والصباح رباح نفكر اكتر .. أزارا رجعت مسكت ليهو يدو وختتها في عيونا تاني : خليك كدا ثواني بس ،عارف اول مرة زول يلمسني بحنية كدا ،طول حياتي م حصل جربت احساس لمسة خفيفة ..لمسة بتديك احساس الطمأنينة لمسة بتقول ليك انو انا هنا م تخافي انتي م براك ....اتنهدت ....شكرا على وجودك معاي وعلى الاحساس الاديتني ليهو عزام إبتسم: معاك العمر كلو إن شاءلله صباح اليوم التاني أزارا صحيت وحاسة نفسي خفيفة ،لا تقريبا حاسة اني واخيرا لقيت سبب عشان اعيش بيهو .....معقولة انا كنت محصلة المرحلة دي من اليأس ؟ ولا دقيقة ياتو سبب دا الح اعيش عشانو؟ اني نوعا ما عرفت عن اهلي منو اكيد لا طبعا لاني لسة م عارفة حتى إذا هم عايشين الاتنين ولا بس امي عايشة ولا ماف واحد فيهم عايش .... ولو امي عايشة لي خلتني هنا وم جات راجعة شافتني اذا كويسة او لا هل عندها سبب خلاها تجيبني هنا وم ترجع ؟ بس متأكدة من شي واحد خالة صفية عارفة انا منو وبعدا كانت بتتعامل معاي كدا ...معقولة قلبها م حن على بت اخوها ؟ لا دقيقة شنو البخليني متأكدة اني انا بت أنس وجوان معقولة حصلت حاجات تانية غيرت مجرى الأحداث؟ هل انا م بتهم يعني ولا هم شخصيات م حقيقية ودا كلو م حصل ..اااه ي أزارا رجعتي تاني للتفكير عزام: هوي هووي زارا وين انتي بتكلم معاك انا أزارا فكت من سرحتها : امم قلت شنو عزام : يعني من قبيل بتكلم ساي ...م علينا كنت بقول ليك عايزاني انزلك تحت قبل م اطلع؟ ماشي انا عشان م اتأخر أزارا: لا م عايزة انزل تحت عزام: والسبب؟ انزلي غيري جو بدل م انتي قاعدة هنا الوقت كلو م بتزهجي؟ أزارا: لا بس جيب لي كتاب من الكتب اللقيتهم واكيد م ح ازهج ،انا زاتي متعودة على كدا يعني انزل تحت اعمل شنو واتكلم مع منو وانت عارف براك عزام : لازم تتغيري أزارا: اتغير كيف وانا من فتحت ماشة بنفس النظام ونفس الردود انا ياها انا و ما ح اقدر اتغير عزام اتنهد : لالاا انتي لازمك قعدة طوييلة عشان تستوعبي انك اسي حاليا ما ياها ازارا الزمان ...بعيدا عن أي شي انتي اسي حاليا مدام عزام يعني أزارا حست بخجل وشوية كدا قلبت حزن : عزام انت انجبرت واتختيت في موقف زي دا بسببي ،بتستاهل احسن من كدا عزام إبتسم: احسن منك ح القى شنو ...سكت شوية زارا انا كلمتك مش وقلت ليك ماف زول جبرني وانا زاتي عايز كدا واصلا في نهاية الأمر كنت ح امشي الخطوة دي وح احاول عشانها كتير شديد ،انا بصراحة كنت ولسة وح اواصل احبك ،عارفة كنت بتجاهل في مشاعري وبقنع نفسي انو انا اخوك لكن م زبطت نهائي في راسي .... اه خلينا م الكلام الفارغ دة المهم حاليا انا بديك الأذن الدايرة تردي عليهو ردي واعملي مشاكل زي م انتي عايزة وفي النهاية قولي ليهم انا مرت عزام واي زول بسألني ح اكلمو ليكم وانا بجي بتصرف والم الموضوع كلامو وفصلتو خلاها تضحك من اعماقها ....كان بعاين ليها بحب ومبسوط شديد بعد شاف ضحكتها اول مرة تضحك بصوت كدا من سنين ...كانت لسة كل م تسكت شوية ترجع تاني تضحك عزام وهو مبتسم : ي بتنا كفاية ضحك خلاص انا طالع خلينا نتفق عشان اجي جاهز من برة أزارا : لالا خلينا هنا احسن ...ضحكت تأتي...واي اتخيلت نفسي طبعا استحالة اعمل كدا ....شكرا ليك عزام حك حاجبو : انا اتأخرت يلا يلا مع السلامة لمن امشي واجي بتفاهم معاك بعد طلع ...ازارا اتنفست بصعوبة وختت يدها في قلبها أزارا معقولة لالا م ظنيت هو بجامل فيني ساي وم عايز يحسسني بي الذنب .....بس ليه كلامو دا خلى قلبي يدق كدا معقولة انا بحبو برضو بس عمري م حصل فكرت فيهو غير انو اخ او شي تاني بس المهم اني م بقدر احبو ....ااااه زارا اسي التفكير دا فايدتو شنو م هو لو بتحبيهو او لا خلاص انتي بقيتي مرتو، ماف زول ح يسألك تاني أو يقول ليك ابعدي منو انا لسة م قادرة اتعامل معاهو عادي بسبب الحواجز الزمان وم ظنيت اني اقدر بالساهل اغير الحاجة دي ،رجعت افكر تاني في المسودة ف شلتها اصلا هي كانت جبني ورجعت اقراها تاني عزام قال إنها مذكرات بس م ظنيت لأنها مكتوبة بنفس الطريقة البتكتب بيها رواياتها لكن حتى لو قلت هي رواية العنوان الهي خاتاهو م جاي معاها او هي م ركزت مع قصة الحب أو كأنها اختصرتها في شي غريب اسي لو كان مكتوب تاريخ كنت عرفتها كتبتها متين واقدر اخمن باقي الأحداث كانت غرقانة في أفكارها لمن دق الباب وفتح كانت منى بس أزارا م انتبهت ليها منى : الحلوة سرحانة وين معقولة اشتقتي من اسي م تخافي ح يرجع الظهر كلها كم ساعة بس أزارا انتبهت ليها وابتسمت : انتي مجنونة والله منى : م مجنونة انا نصييحة لكن حبيت اشوف ابتسامتك دي من الصباح أزارا: منى انتي لي فرق ؟ مع انو من قمتي لقيتي الحولك كلهم بعاملوني بطريقة سيئة لكن م خليتيهم يأثرو عليك وريني عملتيها كيف منى: ابدا م كلهم كنت بشوف وليد اخوي بعاملك بطريقة غير وفكرت فيها انو اهلي م عندهم سبب لي تعاملهم دا ..بعدين يختي انا عندي عقل وبفكر قايلاني ماشة ساي؟ المهم م علينا نسيتيني زاتو دايرة اقول شنو أزارا : قولي طيب منى : حبوبة قالت ليك تعالي نازلة تحت عشان في نسوان ح يجو بي الجبنة أزارا: وانا مالي ومال النسوان ياخ منى ضحكت: عاد م العروس لازم تظهري ، لو م عايزة م إلا اعملي رايحة اصلا كدا كدا ح تنزلي وتكوني ساكتة الوقت كلو بسبب كذبتهم الغبية دي أزارا : لا ح انزل عزام قال لي اتغيري ، انا م فارق معاي لكن طالما هو شايف انو انا اتغير ح اجرب منى : ايوة دا الحب ولا بلاش خطيرة ي زرزوة حبيبتي انا خلاص اتأكدت انتو كنتو بتحبو بعض والظروف جات في صالحكم يا محظوظين أزارا ضحكت : م علينا ساعديني عايني حالتي مبهدلة كيف منى : بي العكس الكم يوم اهتمام وراحة دول غيروكي وبقيتي سمحة اكتر ماشاءالله تبارك الله أزارا: خلي الكلام ي منى ساعدتها لحدي اخر شي وكالعادة أزارا تتألق حتى لو بي ملابس عادية ...بقو على النزول منى شالت الكرسي ونزلتو تحت ورجعت طلعت فوق عشان تسندها ازارا اتحسنت شوية وبتقدر تتحرك لو زول وقف جنبها او كان عندها عصا .....أثناء م كانو نازلين منى فقدت توازنها وقربت تقع أزارا حاولت تثبتها عشان م تقع بس هي فقدت توازنها برضو و وقعت او قربت تقع .... وليد كان ماري وشافهم نازلين وفي اللحظة ال كانت ازارا ح تقع فيها ثبتها .. وليد : منى ؟!! يا تمسكيها زي الناس يا م تنزليها وتجيبي ليها مصيبة تانية منى: انا لكن وليد : م تبرري انا وريتك بس أزارا: احمم كدي نزلوني اول شي تاني نتفاهم وليد انتبه لي نفسو انو لسة ماسك أزارا او شبه حاضنها عديل ...اعتذر ليها ونزلها باقي السلم لحدي لمن قعدت أزارا : منى م غلطت ف عليك الله م تشاكلها وليد: خلاص خلاص تمام ، انتي تاني لمن تبقي عايزة تنزلي كلمي عزام قبل م يمش لي مصلحتك يعني اسي كان لاسمح الله وقعتي وتجيبي على كسرك دا كسر تاني ..الإهمال وعدم الانتباه م كويس يا أزارا أزارا اول مرة تبتسم ليهو او م تبين ليه ضيق من كلامو معاها : حاضر وليد : هي البركة في عزام الخلانا نشوف ابتسامتك أزارا ضحكت : شنو ياخ انت واختك وتشغيلاتكم البايخة دي وليد : يا منى ! في شنو الليلة ااا قولي لي ، ماشاءلله م نسحرك إن شاءلله دايما نشوفك كدا لكن جد كدا التغير دا سببو العرس ولا شنو قولي لي عشان نمش اعرس سرعة سرعة اتقطعت لحظتهم لمن جات لبنى وكانت صارة وشها لبنى : وليد عايزاك ثواني . مشى معاها وطلعو الحوش برة لبنى : لي متين ي وليد ؟! وليد رفع حاجبو : م فهمت ..ثم ثانيا لبنى انتي اتغيرتي كدا مالك من نحنا جينا هنا وانتي بس بتفتشي لي طريقة عشان تعملي بيها مشاكل معاي اذا انتي م راضية بي العرس دا ونا عايزاهو يتم قولي لي ماف زول ح يقدر يجبرك على شي م عايزاهو وليد : بفتش لي المشاكل ؟! اناا ولا انت الوقت كلو جاري وراها ومتلصق فيها حتى بعد عرست انا نفسي اعرف هي عاملة ليكم شنو انت وعزام اخوي عاين ليها وغلبو يرد لبنى: شفت ؟! سكت لأنك عارف كلامي صاح وليد انا م بستحمل اشوف البحصل قدامي دا وما ازعل وانت م قاعد تراعي لي اني خطيبتك وهل ح اغير ولا لأ ومرات بتديني احساس اني ما فارقة معاك ولا عرسنا دا فارق معاك ولو عليك تلغيهو وليد : سكت لاني محتار في طريقة تفكيرك فيني معقولة بس اذا كنت بالنسبة ليك واحد بعاين لي بنات الناس وبتلصق فيهم ف إنتي محتاجة تغيري وجهة نظرك دي قبل م نتلم في بيت واحد لانك ح تتعبي شديد والغيرة عندها حدود ي لبنى ...انا لسة م قادر أصدق انتي شايفاني بتلصق في مرت اخوك؟ اللي هو اخوي وصاحبي هل انا ممكن اكون لي الدرجة دي انا سيء في نظرك ؟ لبنى : اا انا م قصدي كدا ان.... وليد اتنهد : خلاص خلاص ماف داعي اقعدي مع نفسك وتفهمي انتي عايزة شنو لانو حركاتك دي حركات واحدة عايزة ليها سبب عشان تفركش لبنى: انا اسفة عليك الله م تزعل مني والله تاني م اقول اي شي......وليد دقيقة وليد بعد مشى منها مسافة وقف : اها لبنى : م زعلان مني؟ ح تسامحني وليد انا بس دي غيرة مني ما عايزة افركش استحالة طبعا وليد: انتي لسة عندك فرصة لو وقفتي حركاتك دي . مشى منها وهي وقفت في محلها لسة و اخدت ليها بكية بعداك مشت غسلت وشها . أزارا ومنى اتحركو على اتجاه الصالة محل سكينة قاعدة ....كانت قاعدة براها سكينة : كويس الجيتي افتكرتك ح تقولي م نازلة عاينت فيها مسافة وعيونها رقرقو منى : في شنو ي حبوبة ملامحك اتغيرت كدا سكينة : لالا ماف شي ، بس ساي لمن عاينت لي أزارا اسي واتذكرتها زمان فرق الليل من النهار وقلت في نفسي كرر ي سكينة كنتي غاشة نفسك وتقولي انا صاينة الأمانة ومحافظة عليها ومأكلها ومشرباها ..طلعت فشنك ساي اسمع في صفية وفي فلانة وعلانة وظلمتك.......بركة يا يمة الحصل دا وعرسك عزام والا م كنت ح اعرف نفسي غلطانة ...فرحانة منو ولدي وطلع راجل زي خالو كل واحدة عاينت لي التانية ومحتارين فيها ،التفكير اللي جا لي ازارا هل سكينة عارفة الحقيقة برضو ولا لأ أزارا : لالا م ظنيتها عارفة لانو مهما كان امي منو استحالة تعاملني بسوء كدا وانا بت ولدها لالا معناها هي طلعوها برة الحكاية وما قالو ليها شي...انا لازم استغل الحاجة دي اكيد ح تحكي لي اكيد ح تلين لي في لحظة من اللحظات واقدر اعرف منها هل الحصل دا حقيقة او لا ... قاطعتها صفية الجات داخلة وسمعت بس نهاية الكلام: ولدي راجل وسيد الرجال لكن حظو حظ التابا واليابا سكينة : م علينا اها النسوان ديل جايات متين مش اتأخرن صفية : اسي بجن .. وجهت الكلام لي ازارا انتي بس الزمي لينا خشمك دا وما تتكلمي أزارا : لي يعني صفية : شوفيها عملت ليها لسان وبقت ترد هووي احسن ليك م تنسي اصلك وفصلك أزارا : مش انا بت البيت دا ولا بتهيأ لي صفية نطتت عيونا ومنى برضو كانت محتارة فيها فجأة ازارا بقت ترد دا شي غريب أزارا: مش كدا ي حبوبة مش بقيت من بنات البيت انا صفية : اصلا دا الكنتي عايزة تصلي ليهو عشان كدا وقعتي ولدي لكن انا بعرف ليك وبنجمك بس خلي يوم الليلة دا يعدي أزارا سكتت وما ردت عليها تاني لكن كانت مبتسمة ، عدت دقائق وبعدها النسوان جو .....أزارا المرة دي بادرت وسلمت علي النسوان كان معظمهم الجو يوم العرس عشان كدا وشوهم اتغيرت وحسو كأن ازارا بتقول ليهم قطيعتكم حقت المرة الفاتت انا فاهماها . واحدة منهم : اجيي ماشاءلله متين قعدتي معاهم لمن شربتي كلامهم أزارا ضحكت وحورت في لهجتها: عزام كان دايما يحاول معاي عشان اتعلم : لالا عاد تمام طول القعدة أزارا طلعت شخصية تانية ، وكأنها اتولدت واتربت في لندن وسط العزم والنعم شخصية راقية مثقفة كل شوية كان تحكي ليهم عن اماكن وحاجات في لندن وحكايات لدرجة النسوان صدقو انها فعلا جاية من هناك بي الزات كان في كم واحدة شاكين في حتة انها من هناك لانو بالرغم من لون الشعر والعيون بس الملامح السودانية كانت مسيطرة . صفية ونهى وحتى البنات كانو مصدومين من الثقة الشخصية القوية والرقي في التعامل ...من متين أزارا بتعرف لي الرقي الزي دا . بعد مشو النسوان منى : واااي ي زارا طلعتي رهيبة شديد وين شخصيتك دي كانت مختفية ؟ يبت اعترفي انتي مشيتي لندن مش ..لالا ياخ خلينا من دا بس طريقة كلامك وتعاملك بنات الخرطوم قدامك متخلفات تبارك الله صفية لوت خشمها : عليك الله كفاية م تكبري ليها راسها مروة : لكن ي عمتي البت في التمثيل طلعت خطيرة شديد ولا شنو ي مها انا دي قربت أصدق انها مشت لندن ، ورينا مصادرك ولا دي حكاوي عزام ليك مها : باين اصلا لبنى : خلاص فكونا من السيرة دي ازارا ازارا زهجتونا منى: حبيبة روقي دمك حبة زعلانة مالك اسي انتي مروة ضحكت ونهى عاينت ليها مروة: اسي مالي انا يا امي ما تعايني لي منى هي الدايرة تبدأ المشاكل في قعدتهم ديك جا عزام داخل سلم عليهم كلهم و وجه كلامو لي سكينة : خلاص انتهيتو منها عشان عايزها منى: واي واي ما بي الواضح كدا يا ود عمتي سكينة ضربت منى : اجي يا بت وينو خجلك بتتكلمي مع الود كدا بقلة احترام منى : ايي حبوبة شنو يااخ عزام : اها منى: خليني اول شي اوريك المستجدات الحصلت ، طبعا مرتك طلعت خطيرة شديد ورهييبة عاد تبارك الرحمن عزام: معقولة بس دا كلامك صفية : كفاية يااخ مرتك مرتك انا لسة ما متقبلاها م تكرهونا العيشة عزام سفه امو واتحرك على أزارا الكانت قاعدة جنب منى عزام : عن اذنك اا .......قال ليها كدا وما اداها فرصة شالها قدامهم واتحرك طوالي وقف شوية وقبل على منى قال ليها جيبي الكرسي بعد طلعو فوق أزارا : دي شنو الحركات دي يا عزام خلي ناس بيتكم انا زاتي لسة م قادرة اتعود عزام اتحرك من جنبها وفتح الباب عاين يمين وشمال وبعداك قفلو عزام طلع من شنطتو الرسائل الكان جمعهم المرة الفاتت: كدي خلينا وهاك شوفي ديل أزارا مسكتهم منو ومحتارة بعد قرتها.. : جيف ألاريك دا ياهو ريك؟؟ يعني الناس ديل ليهم وجود اصلا ؟ الأحداث الحصلت ديك كلها حقيقية يعني ؟ نحنا لازم نمشي ونشوف الاريك دا وين اكيد ح نعرف منو باقي القصة عزام : عرفتي لي انا قلت ليك نستنى لمن انتي تبقي كويسة ...لكن م ظنيت الاريك دا ح يفيدنا بشي أزارا : نحنا بعيدين شديد لكن ي عزام ح نعرف كيف لو م سألنا واحد فيهم عزام : نستنى شوية نحنا م مستعجلين لي شي يا زارا انا حاسي ح نلقى دليل قوي حاجة نمسكها في يدنا وم ح نحتاج نسأل زول أزارا : طيب تمام بنستنى ، بي لسة م فهمت لي انت قلت لي لمن ابقى كويسة عزام : ح نمشي لندن ونفتش هناك على جوان ديزيلي . يتبع By Hope🥀