إلون ماسك مش عاجبه خالص مشروع Stargate اللي بيحاول (سام آلتمان) ينفذه، وعلّق على الموضوع بتغريدة بيقول فيها إن المشروع ده مجرد حلم كبير، مفيش تمويل محترم، ولا حتى خطة واضحة تنفذه إزاي! 😡 بس في المقابل، (سام آلتمان) وفريقه شايفين إن المشروع ده هو اللي هيغير حياة البشرية تمامًا، وهدفهم إنهم يطوروا ذكاء اصطناعي يتفوق على ذكاء البشر. 🤖 طب إيه هو مشروع Stargate ده؟ وهل هو منطقي ولا مجرد هري (كلام فاضي يعني )؟ 🤔 ✅ ببساطة، آلتمان – اللي هو المدير التنفيذي لـ OpenAI – عنده طموح ببناء بنية تحتية جبارة للذكاء الاصطناعي، وبيحاول يجمع استثمارات أولية بقيمة 100 مليار دولار، وبعدين يزود التمويل لغاية 500 مليار دولار. الفكرة كلها تدور حوالين إنشاء مراكز بيانات عملاقة، بنية تحتية متطورة، محطات طاقة، وخوادم ضخمة علشان يشغلوا ذكاء اصطناعي هيكون الأقوى والأعقد في التاريخ. 🚀 الموضوع بقى عامل جدل كبير جدًا، لأن فيه داعمين للمشروع زي Oracle و Softbank، بس حتى دعمهم مش بيتعدى 15 مليار دولار. هم شايفين إن المشروع ممكن ينجح، ومايقدروش يسيبوا الفرصة تضيع زي ما حصل مع ChatGPT. 💰 أما المعارضين فشايفين إن الفكرة دي صعبة التنفيذ، وإن آلتمان بيدور على تمويل حكومي علشان يمول نفسه وشركته الأول، وبعد كده يقفل OpenAI على نفسه ويخليها مشروع ربحي بالكامل. إلون ماسك بقى، من كتر ما هو رافض الفكرة، قال إن حتى لو المشروع اتنفذ، فهيكون بداية نهاية البشرية، وهيضرها أكتر ما هيفيدها! ☠️ في الآخر، آلتمان عينه على التمويل الحكومي، لكن أكبر عقبة في طريقه هو وجود معارض قوي زي إلون ماسك، خصوصًا إنه قريب من حكومة ترامب. 🏛 #فكرة_مبرمج http://youtube.com/post/Ugkx2-qAMrd2i155_QtXrR7fW1ZU34bVlQST?si=NEdDAAkCSeByhWiS