لمهارة اللي هتخليك UI/UX جامد وتخطف الشغلانات الكبيرة 🚀🔥 بص يا معلم في حاجات كتير لازم تبقى عندك عشان تبقى UI/UX Designer ناجح بس في مهارة واحدة لو عندك هتفرق معاك 180 درجة وهتخليك مميز عن غيرك هي الـ "Problem Solving" أو حل المشكلات ليه دي أهم مهارة؟ لأن شغلتك مش بس ترسم شاشات حلوة وخلاص شغلتك إنك تحل مشاكل المستخدمين وتسهّل حياتهم. كل زرار وكل شاشة وكل تدفق (Flow) لازم يكون وراه سبب ودا مش هيحصل غير لما تبقى دماغك شغالة دايمًا بتحلل وتلاقي حلول ذكية وسهلة ودايما فكر برا الصندوق متروحش للحلول التقليديه خليك كرييتف 👀 طيب إزاي اطوّر المهارة دي ياعم امير 👀 1️⃣ خلي دايما علي لسانك كلمه "ليه؟" على اي حاجة تشوفها قدامك ليه المستخدم يعمل كذا؟ ليه نحط الزرار هنا مش هناك؟ ليه الخطوة دي قبل دي؟ 2️⃣ اتعود على التفكير كأنك مستخدم يعني حط نفسك مكان اليوزر حس بيه واتعاطف معاه وحاول تحل مشكلته بطريقه مثاليه جرّب منتجات تانية وشوف إيه المريح فيها وإيه اللي يضايقك. حط نفسك مكان العميل وفكر لو أنت مكانه هتحتاج إيه؟ 3️⃣ افهم أساسيات الـ UX Research اتعلم ازاي تحلل الداتا وتستخدمها في قراراتك. خد بالك من الـ heatmaps، الـ analytics، والـ feedback اللي بيجي من المستخدمين. 4️⃣ جرّب واغلط عادي جدا لان وقوعك ف الغلط مش معناه انك وحش بالعكس لما تغلط افرح عشان هتتعلم حل مشكله جديده متخافش تجرب أفكار جديدة وتعدلها بعد الـ feedback. أسرع طريقة تتعلم بيها هي إنك تغلط وتتعلّم من غلطك. من الاخر كدا المصمم الشاطر مش اللي بيعمل شكل حلو وبس لا بالعكس دا هو اللي بيحل المشاكل بأقل مجهود وأفضل تجربة طوّر مهارة "Problem Solving" وهتلاقي نفسك بتكسب شغلانات وبتبقى الشخص اللي الشركات بتدور عليه مش انت اللي تدور علي الشركات 😉💪 وبس كدا يا صديقي اشوفك ف بوست جديد ❤️