*"ࢪوايـة : معاً نحو الجنه 🤎"* *({ الــفــ✰ــصــل『3』})* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏تابع قناه عشاق الروايات الدينيه 🤎🤎 https://whatsapp.com/channel/0029VagVZwWLSmbUNeYGbr0z ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏بعد عام : دخلت حبيبه الي المنزل وهي تنهج لتخلع نقابها وتلقي حقيبتها علي اقرب مقعد حبيبه بصوت وكأنها عجوز كبيره:اه اسقوني الهي يسقيكم من ماية زمزم الهي يحفظلكم ولادكم في مايااااه لتستقبلها ريم بضحكه:ايه يابنتي قلبتي علي عجوزه في السيده كده ليه حبيبه وهي تقفز إليها تحتضنها بشده:رييييم انتي هنا .....وحشتيني يابت ريم بضحك:طب براحه طيب أنا واحده حامل بردو حبيبه وهي تنخفض إلى بطنها:ازيك ياحبيبة خالتو ثم بدأت تخبط عليها بطريقه مضحكه انتي يابت ياللي جوه انتي مالك متكبره كده ليه ها -ثم وضعت أذنها علي بطن ريم -شوفي البت ولا حتي بتتحرك كده ولا أي حاجه ولا كأن في هوا بيكلمها الأم:بت ياحبيبه بتعملي ايه يابنت الهبله...... وانتي واقفالها كده ياريم حبيبه بضجر مصتنع:حرام عليكي ياماما كده تضيعي هيبتي قدام البونيه طب هتطلع بقا تناديني بايه هتقولي يابنت الهبله الأم:انتي بتشتميني يابت انتي حبيبه بضحكه:طب والله منا انتي اللي لسه شاتماني دلوقتي أنا رددت وراكي وبس ولا ايه ياأم عبله ريم وهي تضربها بخفه علي كتفها:أخص عليكي يا حبيبه بقا تقولي على بنتي عبله حبيبه:الله وماله عبله يعني اسم جميل وظريف أهو حتي لما تكبر نجوزها لعنتر ونعيد القصه تاني بقا وهييييح بقا وتبقي ريم أم عبله حبيبة عنتره هههههههه ريم:حرام عليكي والله يا حبيبه ايه الاسم ده يلهوي قفلتيني الأم:ملكيش دعوه بيها ياريم دي مجنونه دي اقعدي انتي عشان ماتتعبيش ببطنك دي .....وانتي يازفته ادخلي غيري واخرجي عشان تكملي معايا الأكل أختك جايه تعبانه وجوزها جي عشان يتغدي معانا حبيبه بحركه مسرحيه وكأنها أمام أحد السلاطين: أمرك ياسلطانه بطه فوررررريره ثم ركضت إلى غرفتها في ثواني لتردف الأم بقلة حيله :البت عندها 18 سنه ولسه اللي يشوفها يقول طفله في سته ابتدائي ريم:هههههههه بس عسل والله حبيبة قلبي دي الام:ربنا يخليكوا لبعض ياحبيبتي وتفضلوا علطول كده مع بعض ريم بابتسامه بدت حزينه بعض الشئ:يارب ياماما يارب ..🍁 وإنه ليُقضَى بالذكر مالا يُقضَى بالفكر🍁 انتهت حبيبه من تغيير ملابسها وأدت فرضها ثم خرجت لتجلس بجانب ريم ... حبيبه:هو انتي في الشهر الكام ياريم ريم: أهو دخلت في التامن من أسبوع ...ليه يعني حبيبه:لا أصل ببطنك دي اللي يشوفك يقول في الشهر 11 ريم:حرام عليكي يا حبيبه وبعدين بطني مش كبيره اوي كده حبيبه: انتي مش شايفه بطنك دي عامله زي البطيخه كده هههههههه ريم:بجد بس حمزه كان بيقولي أن بطني مش كبيره خالص حبيبه بغمزه:اه وبيقول ايه تاني سي روميو ها ريم بخجل:بطلي يابت.......وبعدين انتي علطول بتقولي سي روميو ماتشوفيلك بقا روميو انتي كمان حبيبه بمزاح:لا أنا هشوفلي ديك رومي أحسن أهو ينفع بحاجه بدل المحن وكلام الحب ده أنا مليش فيه ريم بضحكه:هههههه لا والله بجد مش ناويه بقا وخصوصا ماما بتقول أن جايلك واحد انما ايه.. قمر حبيبه:قمر ولا مش قمر أنا مايهمنيش ده كله أنا اللي عايزاه واحد يحافظ عليا ويتقي ربنا فيا ريم:وياتري ايه هي بقا مواصفات الشخص اللي بتحلمي بيه حبيبه بحالميه:بصي أنا عايزه واحد يكون متدين يعني عارف ربنا ،،عارف يعني ايه هيتجوز ويشيل مسؤوليه مش زي شباب اليومين دول كل همهم أنهم يتجوزوا عشان بس شويه الدلع اللي في الاول وبعدين بعد كده يملوا ويقولوا ياريتنا مااتجوزنا ،عايزاه يكون حافظ القران وياسلام بقا لو صوته حلو فيه ويصحيني بالليل عشان نصلي القيام مع بعض ،وبعد اما نخلص يمسك ايدي ويبدأ يسبح عليها عشان اخد الأجر معاه،عايزاه يحفظني قرآن،عايزاه ميزعلش مني عشان مثلا عملت الأكل وحش أو نسيت أحط ملح فيه لأ ،،يزعل لما أنسي فرض من فروضي أو أكسل أصحى للقيام ،عايزاه يكون ليا الأب والأخ والصاحب والحبيب والزوج والمرشد والقدوه،أما بالنسبه للشكل بقا ف أنا مش فارق معايا أوي حتي لو كان عادي أهم حاجه بالنسبالي أنه يكون ملتحي ويكون وشه بشوش مش علطول مكشر عشان بخاف .... ضحكت ريم عليها ثم قالت :عارفه لو كان حمزه عنده أخ مش متجوز كنت جوزتهولك والله حبيبه بجانب وجهها:ليه يختي شايفاني عانس يعني انتي اللي تجيبيلي العريس وبعدين أخو حمزه مين أنا ناقصه محن وكلام فاضي ده انتو الاتنين تجيبو الشلل ريم:هههههههه ماشي يا حبيبه اما نشوف لما تحبي كده هتتمحني ولا لأ ...وبعدين ماله حمزه ده قمر ماشاء الله عليه ده انا ببقا غيرانه عليه وهو ماشي وهموت كده حبيبه:لا ياحبيبتي أنا مش فاضيه للمحن والكلام ده هويجيبلي شوكولاته هيتلاقيني قمر معاه مش هيجيبلي هطين عيشتهضحكت ريم عليها وهي تعرف انها تعمدت ألا ترد علي الجزء الأخير من كلامها فهي تحافظ دائما علي غض البصر كما أخبرتها ذات مره حتي أن ريم بدأت تشك أن اختها تعرف شكل زوجها لأنها دائما تخفض بصرها عندما تلمح أي رجل ريم:ده انتي هتجننيه أنا عارفه والله حبيبه :اسكتي ده هياخد ملكة الهدوء والرقه ريم:رقه اه لكن هدوء أشك 😂 حبيبه:قفشاني انتي علطول ياريمو ....بس مش احسن من الهدوء أنا الصراحه مش عارفه انتو عايشين مع بعض ازاي من غير جنان كده وجري وتنطيط ريم بضحكه: لأ الحمد لله أنا وحمزه بنحب الهدوء عشان ميبقاش في مشاكل حبيبه:طب والله مفيش احسن من المشاكل🤭😂..اهو بتسلي بدل ماتفضلوا قاعدين كده مابتعملوش حاجه ريم: لأ.. لما بنبقي عايزين نتسلى كل واحد بيجيب كتاب ويقرأ فيه وبعدين بنقعد نتناقش فيه حبيبه بسخريه:ماشاء الله هي دي التسليه كتاب ..كتاب😳 يامفتريين بقا الواحد يخلص من المذاكرة للمدرسه يروح يقرأ كتاب ده انتو عايزين تنضربوا والله ريم بضحكه:يابنتي دي أحلي حاجه في العالم والله حبيبه باستياء: أحلى حاجه طب امشي ياريم امشي من هنا ببطنك دي عشان مخلكيش تولدي بدري ريم:طب استني طيب لما جوزي ييجي همشي ازاي لوحدي بس حبيبه باستعلاء:خلاص ماشي صعبتي عليا أعمل ايه بس في قلبي الطيب ده ريم وهي تقبلها من وجنتها:يسلملي الطيب ياناس حبيبه بفزع مصتنع:انتي بتعملي ايه ها بقا علي أخر الزمن تبوسيني ومن خدي😳.... الناس لو شافونا دلوقتي يقولوا علينا ايه ها ...شرفي ضاع ياناس شرفي ضاع الام بخضه:ايه ده اللي ضاع يابت حبيبه بهمس لريم:يلهوي أمي قفشتنا أعمل ايه أعمل ايه ياحنفي يلهوي لتنفجر ريم من الضحك وهي تقول:هههههههههه حرام عليكي يا حبيبه ااه يلهوي هههه هولد ياولاه هههه اااه لتجري عليها الام وهي تنهر حبيبه:عملتي فيها ايه يابت الله يخريبيتك هتولديها قبل معادها حبيبه بزهو مصتنع:وانا مالي الله أعمل ايه بس في دمي الخفيف دي حاجه مش بايدي ربنا خلقني كده 😌 ريم:خلاص ياماما أنا كويسه يلهوي ياحبيبه بقالي كتير ماضحكتش كده والله حبيبه بغمزه:يلا أي خدعه وفي أي وقت تبقي قاعده كده زهجانه سيبي سي روميو بتاعك وتعالي بس وأنا هظبطك الام:يابت بطلي لماضه شويه وقومي كده اعملي حاجه بدل ما انتي عماله ترغي كده ليقطع عليهم كلامهم فتح الباب ليدخل أنس عليهم .... أنس بترحاب بعد أن سلم على أمه:الله الله وأنا أقول الدنيا منوره كده ليه أتاري ريم عندنا النهارده ريم بابتسامه وهي تحتضنه:ازيك ياحبيبي عامل ايه أنس بلطف:أنا فل الفل ...وحبيبة خالو عامله ايه.. مش ناويه تيجي بقا ريم برقتها المعتادة:شهرين بس وأولد أن شاء الله أنس:ربنا يقومك بالسلامة ياقلبي لتقاطعهم حبيبه وهي تربع يديها علي صدرها وتضم شفتيها كالأطفال:ياترى هتخلصوا وصلة الحب دي امته بقا أنس وهو يحرك حاجبيه ليغيظها:وانتي مالك انتي ايه اللي مضايقك ها حبيبه بطفوله محببه إليهم:علي فكره أنا مش متضايقه خالص وبعدين ايه يعني لما تحضنها عادي والله أصلا بتبقا جاي من بره ريحتك مش حلوه وعرق واييي يعععع أنس وهو يرفع حاجبه:بقا كده .. أمال بتتشعلقي ف رقبتي ليه لما يبقا جايب معايا شوكولاته ياست حبيبه ،ثم توقف عن الكلام عندما لاحظ شئ ما لتحمحم حبيبه ثم تقول بتوتر حاولت إخفائه:احم احم طيب أنا هسبقك بقا ياماما علي المطبخ ،همت بالجري ولكن أوقفتها يد أنس التي امتدت ليمسكها من مؤخرة رأسها (قفاها يعني😅😹😹).. حمزه:استني هنا يابت انتي ايه اللي لابساه ده حبيبه بضحكه بلهاء:ايه لابسه تيشرت ازرق وعليه جاكيت وبنطلون اسود و... أنس مقاطعا إياها: أيوه تيشرت مين بقا ده ...هو مش ده التيشرت اللي أنا لسه جايبه من يومين وقلبت عليه الدنيا عشان أخرج بيه امبارح لتردف حبيبه بابتسامه واسعه:هو أنا مش قلت ليك...ده أنا اتلاقيته في الدولاب بتاعي بالصدفه البحته كده فحسيت أن دي اشاره عشان ألبسه أنس رافعا إحدي حاجبيه:بالصدفه ها ريم ضاحكه:وماتلاقيتيش غير تيشيرت أنس تلبسيه ياحبيبه حبيبه بطفوله: أعمل ايه ماهو اللي جايبه لونه أزرق وكمان ساده وانا مش بقيت ألاقي زيه في محلات اللبس بتاعنا ...ثم وجهت نظرها له وهي تقول بلامبالاة :وبعدين ما أنا قولتلك هاتلي واحد وهديك فلوسه أنس: أجبلك ايه يا هبله انتي طب بذمتك أروح أقول للراجل ايه ..هاتلي تيشرت مقاس ميديام والنبي عشان أختي مش لاقيه زيه ...وبعدين أصلا شكله وحش عليكي وعامله زي الطفله اللى لابسه لبس أمها حبيبه:أولاً:قول لا اله الا الله عشان قولت والنبي "من حلف بغير الله فقد أشرك"،ثانياً:فيها ايه يعني لما تروح تجبلي تيشرت مقاس ميديام ده انت حتي تبقا قدوه لغيرك كده عشان بتفرح أختك الصغيره،ثالثا بقا هو شكله جميل عليا وعاجبني وبطل تقول عليا طفله لو سمحت عشان مش تشوف مني حاجه مش هتعجبك ...أنهت كلامها وهي توجه اصبعها السبابه نحوه بتحذير وخدودها حمراء من الغضب فكانت فعلا مثل الطفله عندما تغضب ولكن كانت جميله جدا من يراها يريد فعلا أكلها منالجمال أنس وهو يضحك علي تعابير وجهها:طب امشي من هنا امشي انتي هتكليني وإياك أشوفك لابساه تاني حبيبه وهي تعدل ياقة التيشرت: أيوه كده ناس ماتجيش إلا بالعين الحمره _والله _احم أنا داخله أشوف المطبخ عايزين حاجه ..يلا يابطوط لتجري الي المطبخ وتتبعها والدتها و هي تبرطم بكلام يدل علي يأسها من أن تكبر ابنتها وتعقل ،كل ذلك تحت ضحكات أنس وريم علي هذه الطفله الجميله التي تضيف البهجه والفرح إلى أي مكان تذهب إليه ريم:هههههه مش هتكبر أبدا أنس بابتسامه:أنا كنت ناوي أعلقها لكن لما عملت كده حسيت اني عايز أكلها بنت اللذينه لما بتغضب بتبقا عامله زي الطفله بالظبط ده اللي هياخدها هتبقا أمه داعيه عليه ريم:حرام عليك دي عسل والله بالعكس دي هتبقى داعياله والله أنس: لأ منا قصدي لما تعمل أي مقلب فيه ولا حاجه ويبقا غضبان منها مش هيعرف يعاقبها خالص ده أول مايبص بس في عينها هتصعب عليه أصل هيعاقب طفله قمر كده ريم:فعلا معاك حق قمر العيله دي أنس وهو يضع يده علي بطنها:والله أنا حاسس ان بنتك هتطلع شبهها بالظبط ريم بضحكه:يارب يا أنس يارب أنس:طيب أنا هقوم أغير واجي أقعد معاكي أوك... حمزه جاي عشان يتغدا معانا صح ريم برقه:اه هيخلص بس الشغل في الشركة ويجي أنس:تمام 🍁استبدل كلمة “ ياليت “ ب كلمة “ يارب “ لتعلم أن الله قادر على تحويل ما تتمنى إلى حقيقة فقط لأنك أحسنت الظن فيه🍁 مر اليوم بسلام ولم يخلو من مشاكسة حبيبه وأنس حتى أتي الأب من عمله فلنري معا ماحدث دخل الأب محمود إلى المنزل لتقابله حبيبه التي كانت تغني أغنية ماهر زين*مولاي صلي وسلم دائما ابدا*ولكنها توقفت عندما رأته .. محمود:السلام عليكم حبيبه بابتسامه وصوت عالي:وعليكم السلام ورحمة الله وبركاته ..ثم جرت عليه تقبل يده فهي حركتها المعتاده من صغرها محمود بهدوء: أختك جت لتردف حبيبه:اه جوه يابابا محمود:تمام دخل محمود ليستقبل ريم بابتسامه وهو يقول:ازيك يابنتي عامله ايه قامت ريم تسلم عليه بابتسامه واسعه: أهلا يابابا عامل ايه واحشني والله محمود:الحمد لله يابنتي أنا كويس ...انتي عامله ايه وجوزك وحفيدتي عامله ايه لتردف حبيبه:عاملين خط وهيمشوا عليه اخخخ لينظر لها أنس بتحذير وهو يقول:روحي ياحبيبه ساعدي ماما في المطبخ لتقول هي وهي تجلس بجانب والدها من الجهة الأخري فأصبح بينها وبين ريم: لا ياحبيبي أنا هقعد هنا جنب بابي أصله واحشني اوي ليقول محمود ببرود:انتي عمرك ماهتعقلي أبدا هتفضلي مجنونه كده...خلاص بقا عندك 18 سنه في أدك فاتحين بيوت لتقول حبيبه بضحكه:لا أفتح بيت ايه بس أنا أخري أفتح ازازة كنز أفتح علبه آيس كَريم لكن بيت لسه بدري ...وبعدين أنا مش هتجوز هفضل قاعده معاك كده ..ماهو أنس هيتجوز وريم اتجوزت ف أنا بقا هقعد معاك عشان أسليك... قالت عبارتها الأخيره وهي تمسكه من ذراعه وهو يحاول أن يفلت ذراعه منها وهو يقول: لا ياختي شكرا مش عايز اتجوزي انتي بس ومالكيش دعوه بيا...أنا قايم عشان صدعت لتقول حبيبه بضحكه: ياالله بابا بيموت فيا مش عارفه لما أمشي هيعمل ايه. ليضحك أنس وريم عليها وكل منهم بداخله حزن علي هذه الطفله التي لم ترى من حنان الأب شيئا علي الرغم من أنها أصغرهم إلا أنه دائما يعاملها بجفاء على عكس ريم التي يعاملها بلطف..هو ليس حنونا للدرجه ولكنه على الأقل يبتسم في وجهها ،أما حبيبه فهو لايبتسم أبدا في وجهها ولا يسألها عن أحوالها أو ماشابه هو دائما صارم معها علي الرغم من أنها أكثرهم برا به فهي تشاكسه ولكنها تحترمه جدا جدا وتحبه جدا جدا جدا ،ولذلك فهي تحزن من معاملته ولكنها لا تظهر لهم أبدا بل تقلب الأمر في كل مره إلى المزاح والضحك...... ظلوا هكذا طوال اليوم إلى أن أتي حمزه زوج ريم فارتدت حبيبه حجابها كاملا لم تنقص منه شئ حتي" الجاونتي"ولكنها خلعته مرغمه حتي تساعد أمها في رص السفره والأطباق ..تناولوا طعامهم في هدوء علي غير العاده وذلك بسبب وجود حمزه فحبيبه في وجود أي رجل تكون أكبر مثال علي الهدوء والوقار ...انقضي اليوم علي خير وجاء موعد ذهاب ريم مع زوجها ولكنها أخذت حبيبه إلى غرفتها وأعطتها ورقه مطويه وأمنتها ألا تفتحها الا بعد صلاة الفجر إذا لم تتصل بها ريم ،، أما إذا اتصلت بها تحرق الورقه وتنسي أمرها تماما؛لم تكن حبيبه مطمئنه إلى طلب ريم ولكنها وعدتها بذلك ثم انتهي بينهم الحوار بأخذ ريم لحبيبه في حضنها وعينها تدمع لا إراديا ،خافت حبيبه كثيرا من هذه الدموع ولكنها طمأنتها بأنه لايوجد شئ وأن هذه ماهي إلا هرمونات الحمل... خرجت ريم وسلمت عليهم جميعا وهي تدمع ولكنهم فسروها بأنها سوف تشتاق لهم ولذلك فهي تبكي وخصوصا انها رقيقه أصلا وأي شئ يبكيها ..ذهبت ريم مع زوجها ودخل الجميع للنوم إلا حبيبه التي كانت شارده في تلك الورقه فماذا يوجد فيها؟ولمَ أختها كانت غريبه اليوم ؟لمَ أحست بشئ غريب عندما احتضنتها ؟لمَ كانت تنظر إليهم جميعا بنظرات غريبه اليوم؟بدت نظراتها كأنها..كأنها تودعهم ! وضعت يدها على قلبها وهي تقول في نفسها:لمَ هذا ينبض بعنف؟؟ لمَ يوجعني وأشعر بأن شئ سيء سيحدث؟ نزلت دموعها بضعف وهي تدعو الله من كل قلبها أن يحفظ لها أحبتها فهي لا تقدر أن تعيش ألم فقدان أحد عزيز عليها أبدا.. هي لاتتحمل عليهم أي شئ،استغفرت ربها وقامت تصلي لعل هذه الانقباضه تزول ....... ظلت هكذا طوال الليل ولكن انقباضة قلبها لاتزول حتي سمعت صوت هاتف أمها لتخرج من غرفتها تبحث عنه فوالدتها دائما تضعه في أي مكان ،وجدته أخيرا ليقع قلبها أرضا عندما رأت اسم المتصل والذي لم يكن سوي أختها ريم ،لترد بلهفه فيأتيها صوت زوج أختها وهو يقول بفزع:الو ياماما ريم بتولد وأنا واخدها علي المستشفي لتقاطعه حبيبه بفزع:بتولد ازاي دي في التامن لسه رد عليها وهو لم يلحظ أنها ليست حماته من الفزع:مش عارف مش عارف بس تعالي مع أنس أو أي حد هي عماله تقولي عايزه ماما أرجوكي ياحماتي حبيبه بخوف:طيب انتو هتروحوا مستشفى ايه حمزه:"..............."قولي لأنس هو هيبقا عارفها وأرجوكي تعالي علطول حبيبه:ماشي سلام أغلقت معه وجرت إلى غرفة والديها ودموعها تنزل علي خديها ولكنها توقفت ومسحت دموعها وهدأت من روعها حتي لاتفزعهم ؛دخلت وأخبرتهم بكل ما استطاعت من الهدوء ليقوم الاثنان بفزع وهما يدعيان أن يمر الأمر بسلام فالطبيبه كانت أخبرت ريم قبل ذلك أن الولاده في الشهر الثامن تكون عسيره جدا وخطيره أيضا ..... دخلت حبيبه لارتداء ملابسها بسرعه بعد أن ترجتهم أن يأخذوها معهم فوافقوا عندما رأوا دموعها التي لاتنزل ابدا ؛وصلوا جميعا للمشفي بعد ساعه ليسألوا في الاستقبال عن الحاله التي جاءت قبل قليل ثم صعدوا إلى أعلي ليجدوا عائلة حمزه جميعها هناك وحمزه يجوب المكان أمام غرفة العمليات ذهابا وإيابا بقلق وخوف.... سألت فاطمه عن حال ابنتها ببكاء ليجيب عليها حمزه بأن الطبيبه أخبرتهم أن يدعوا لها بالسلامة لتزيد في بكائها وهي تدعي لصغيرتها،أجلستها حبيبه علي الكرسي وهي تحاول أن تتماسك من أجل والدتها ثم جلست تقرأ بعض آيات القرآن......مرت قرابة الساعتين حتي خرجت إليهم الطبيبه بوجه لايبشر بالخير أبدا ... حمزه بلهفه وهو يجري عليها: ايه الأخبار يادكتور الطبيبه بعمليه: للأسف الولاده تمت في التامن وده كان غلط جدا كمان هي مااستحملتش وحصلها نزيف ومقدرناش للأسف نوقفه حمزه مقاطعا إياها:المهم من ده كله ريم كويسه الطبيبه بأسف:البقاء لله عند هذه اللحظه وتوقف بهم الزمن...ظل حمزه ينظر إليها بتوهان ..ماذا تقول هذه؟!..ماذا تعني بالبقاء لله؟!. أيعني أن حبيبتي ماتت!! ....زوجتي وقلبي وروحي وحياتي كلها ذهبت؟!...بكل بساطه ذهبت وتركتني هكذا وحيدا ...ماذا عن ابنتنا ،نحن كنا سننجب ابنه وكانت سوف تكون شبهها،كنا سوف نربيها معا؛ألن تربيها معي الان !!!.....مهلا مهلا ....ماذا يقول هؤلاء؟؟.....بالتأكيد هذا كذب.....هي لن تتركني وحدي،لن تتركني ..هي وعدتني بذلك! ....لقد تعاهدنا ألانترك بعضنا أبدا ....نعم نعم هي وعدتني أنا أتذكر جيدا عندما قالت لي"هفضل معاك طول العمر عمري ماهسيبك أبدا ياحمزه وطول مانت ماسك في إيدي ف أنا هفضل متبته فيها كده"...هل رأيتم هي وعدتني وأنا لم أترك يدها أبدا ،لمَ أتركها؟! .....وكيف أتركها وهي لي الحياة؟!! ....كيف يترك أحد عاقل روحه؟!! ....أجل هي روحي ...هي قلبي ...هي كل كياني......هل رأيتم أحد يعيش بدون قلب؟؟! .....بالتأكيد لا .....إذًا هي لم تمت ...هي لم تمت ...حبيبتي لم تمت.... ليصرخ بعد ذلك:لاااااااا ريم ما ماتتش انتي فاهمه ما ماتتش انتي اللي مش شايفه شغلك كويس وأنا هوديكوا ف داهيه كلكوا لتردف الطبيبه:أنا مقدره جدا حزن حضرتك لكن احنا عملنا اللي علينا وده أجلها محدش يقدر يأخره أبدا بعد اذنكم حمزه وهو يهم بالانقضاض عليها ليضربها علي ماتقوله عن حبيبته:انتي بتقولي ايه ها ، ولكن أوقفه أخيه وأبيه الذين أمسكوه حتي لايتهور وهم يعتذرون للطبيبه التي قدرت الوضع وذهبت وهي حزينه علي تلك الشابه الجميله حمزه وهو يحاول أن يفلت منهم :سيبني يابابا أنا هوريهم البهايم دول ...والله لأندمكوا ياكلاب .... سيبني يابابا ريم مامتتش سيبني يامصطفي ليوقفه أبوه وهو يصرخ فيه:حمزه فوق خلاص مراتك ماتت.... انت فاهم ماتت....فوق لينظر له حمزه برجاء لينفي ماقاله الآن ولكنه صدمه بقوله:انت لازم تفوق خلاص ريم ماتت نظر إلى أخيه مصطفي ولكنه وجد عينه تدمع وينظر له بحزن شديد، لم يستطع التصديق ليلتفت إلى كل الموجودين فوجدهم جميعا يبكون بصمت .....ذهب إلي حماته ملجأه الأخير وهي واقفه كالصنم فقط عينها فيها الدموع ولكن لاتنزل ..ليمسك يدها ويقبلها وهو يقول:طيب انتي مصدقه اللي بيقولوه ده ها.....هما بيكذبوا صح ...قوليلي انهم بيكذبواظلت تنظر إلي عيناه بتيه وحزن....تركها وجري إلى أمه وأمسك بيدها هي الأخرى وهو يقول بترجي:قوليلي انتي ياماما قوليلي ان ده كله كذب وان انتو عاملين فيا مقلب ...يلا قولي أمانه عليكي ومش هزعل والله مش هزعل بس قوليلي ان ده مش حقيقه....أنا عارف ان انتي بتحبيني ومش هيهون عليكي تشوفيني بتعذب وتسكتي صح، قال هذا ودخل في حضنها وكأنه الامان من هذا العالم القاسي المكتوب علينا فيه أن نفارق أحبتنا ،انفجرت أمه في البكاء علي صغيرها الذي كُتب عليه أن يُعذب في حبيبته .....أما هو صُدم عندما رأي دموعها وكأنها أعادته لأرض الواقع ،ليخر راكعًا علي ركبتيه وهو يبكي بشده، نزلت معه أمه وهو في حضنها في مشهد مؤثر جعل كل من في المستشفى يبكي حزنا وكمدا وألما .... أما والدة حبيبه عندما رأت هذا المشهد أدركت أنها لاتحلم وان ابنتها قد فارقت الحياه فعلا لتبكي بصوت عالي وهي تقول:بنتي بنتي ااااه يابنتي اااااه أخذها أنس في أحضانه وهو يبكي وأخذ يصبرها ببعض الكلمات وهو يردد بين كل كلمه والأخرى"انا لله وانا اليه راجعون"........ أما بطلتنا الصغيره فكانت تشعر أنها في حلم ..لا بل كابوس بشع جدا....كانت تنظر إلي الجميع بتيه واستغراب وكأنهم يقولون شيئا خارقا للعاده......تركتهم وأخذت تجري وكأنها تهرب من وحش قاتل ودخلت أول غرفه وجدتها أمامها ..دخلت ولم يكن أحد في الغرفه التي يظهر أنها غرفة أحد الأطباء ....جلست علي الكرسي ثم أخرجت الورقه التي كانت في يدها طوال الوقت وبدأت في قراءتها بصوت مسموع نسبيا ،فلنرى معًا ماكان مضمون هذه الرساله... "احم السلام عليكم ورحمة الله وبركاته،قولتها كامله أهو عشان آخد تلاتين حسنه زي ماكنتي بتقوليلي،عالعموم لو انتي بتقرأي الرساله دي فده يعني ان أنا روحت مكان بعيد تاني،إلا إذا قرأتيها قبل وقتها لكن أنا عارفه ان انتي بتوفي بالوعود، أنا عايزه أقولك أنا بحبك أوي يا حبيبه،انتي بالنسبالي بنتي اللي مخلفتهاش والله،بصي أنا مش عارفه أنا بكتب ليه لكن أنا بقالي كذا يوم حاسه اني خلاص همشي واني مش هشوف بنتي،يمكن أكون مأڤوراها أوي لكن ....مش عارفه والله أكتب ايه ..حقيقي احساس صعب أوي لما تكون عارف ان انت خلاص باقيلك مع الناس اللي بتحبهم أيام بس أو يمكن ساعات حتي،انا بكتبلك دلوقتي وانا بعيط ..أنا خايفه أوي يا حبيبه.....يمكن أموت وأنا لسه مش ملتزمة زيك ،وأنا لسه بسلم على رجاله عادي عشان بتكسف أقولهم مش بسلم ،،،يمكن أموت وأنا لسه مش لابسه الحجاب الشرعي زي ماكان نفسك دايما ويمكن ... أموت وأنا لسه بحط ميكب وأنا خارجه ،،،،بس أنا طمعانه في عفو ربنا مش انتي قولتيلي قبل كده إنه غفور رحيم وإنه بيغفر لأي حد عشان هو بيحبنا وعشان احنا عباده ،،،أنا فعلا بدأت أصلي الصلوات كلها في معادها حتي الفجر ..الحمد لله الحمد لله .. أنا مش عارفه كنت بضيع المتعه دي على ايه ،أجمل حاجه بجد هي صلاة الفجر في معادها،بس أنا مش عارفه ربنا هيغفرلي ولا لأ ..هيغفرلي صح؟ ...عشان أنا بحبه أوي والله بحبه أوي وأنا ناويه والله أعمل كل اللي يرضيه عني والله ناويه لو كان ليا عمر ف أنا هعمل كل اللي هو بيحبه عشان هو حبيبي زي ماكنتي بتقولي ..............حبيبه أنا لو مت عايزاكي تاخدي بالك من حمزه ،،،أنا عارفه أنه هيتعب كتير أوي لكن انتي هتقدري تخرجيه من حزنه ببراءتك وطفولتك وخفة دمك وبحبك لربك هتقدري تخليه يمشي في الطريق الصح،يمكن أنا مقدرتش أعمل ده لكن أنا واثقه فيكي وفي ايمانك بربنا ،،،،أنا عارفه ان حمزه مش زي اللي كنتي بتتمنيه ؛يعني مش هيقومك للقيام ولا هيسبح علي إيدك بعد صلاة الفجر ولا هيسمعلك قران وهيزعقلك لما تعملي الأكل وحش هههه *«يــتــبــع 🤎»* تابع قناه عشاق الروايات الدينيه 🤎🤎 https://whatsapp.com/channel/0029VagVZwWLSmbUNeYGbr0z *تـفـاعـلـوا بـࢪيـأڪـت عـلـۍ الـفـصـل لأسـتـمـࢪ 😊🤎..))*