دژەتیرۆری کوردستان (پارتی): درۆنێکی بۆمبڕێژکراو ئاڕاستەی کەمپی ئاوارەکانی ڕۆژهەڵات کرا. بەگوێرەی ڕاگەیەندراوەکەى دژەتیرۆری کوردستان، ئێوارەی ئەمڕۆ پێنجشەممە 30ی کانوونی دووەمی 2025، کاتژمێر 17:40، درۆنێکی بۆمبڕێژکراو ئاڕاستەی کەمپی ئاوارەکانی ڕۆژهەڵاتی کوردستان لە بناری چیای کۆڕەک لە سنووری پارێزگای هەولێر کرا، درۆنەکە ئامانجی خۆی نەپێکا و تێکشکا و کەوتە خوارەوە، هیچ زیانێکی گیانی و ماددیی لێنەکەوتەوە.