من التربية الربانية اللي الواحد بيتعلمها ، متحكمش على طاقتك تقدر تتحمل ايه و متقدرش تتحمل ايه ! احيانًا تقول انا لو حصل لي كذا مستحيل اصبر أو اقدر على الابتلاء ده ، و ممكن تعدي السنين .. و يجيلك نفس الموقف الصعب ، و تعديه بشكل صادم ليك ! و بيكون الدرس الأكبر ليك ؛ إنك بتعدي المواقف ( بِلُطف ربك ) مش بقوتك الذاتية، أي موقف يخطر في بالك بعد كده متقولش مش هتحمله، لأ ، ادعي اولًا بالعافية إن ربنا يعافيك من كل شر ، ثم قول لنفسك ( و لو حصل ، ربنا هيلطف بيا ) و اللُطف في البلاء هو : السكينة 🩷 متحكمش على طاقة نفسك ، لإنك بتحكم عليها بدون ( معية الله ) اللي بتخليك تتحمل أمور عمرها ما خطرت في بالك.🩷 -نجاتك من ربنا .. مش من الطريق.