ائیران ءَ اعدام (پاھو) ءِ سزا ءِ ھلاپ ءَ لندن ءَ زھرشانی جلسہ شمبے ءِ روچ ءَ 27 بهمن 1403 ءَ ائیران ءِ جتا جتائیں دمگاں چہ سیاسی ءُ انسانی ھکانی جھدکارانی یک ٹولی یے ءَ کہ آھانی تہ ءَ بلوچستان اُستمان گَل باسک ھم ھوار اتنت، لندن ءِ اسلامی جمھوری ایران ءِ سفارتخانہ ءِ دیم ءَ زھرشانی ءِ جلسہ کت. اے جلسہ ایران ءِ تہ ءَ اعدام ءِ سزا ءِ گیش بوھگ ءُ سرکوب ءِ گیش بوھگ ءِ پسو ءَ جوڑ کنگ بوتگ. زھرشانی کنوکاں سرکار ءِ سرکوبیں پالیسیانی ھلاپ ءَ جاک جتگ ءُ اعدام ءِ بند کنگ ءُ انسانی ھکانی احترام کنگ ءِ لوٹ کتگ. ایشاں پلاکارڈ ھم دست ءَ داشتگ ءُ ائیران ءِ اسلامی جمھوری ءِ قضائی نظام ءِ تہ ءَ برجاھیں سرکوب ءُ بے عدالت ءِ ھلاپ ءَ وتی زھرشانی ءِ درشانی کتگ. سرکوبیں پالیسی ءُ اعدام ءِ سزا ءِ وسیلہ ءِ رد ءَ تروریست ءِ پیداک کنگ ءَ نہ ایوک ءَ راج ءِ زھر گیش کتگ بلکیں ائیران ءِ جاہ ءُ مقام ھم میان استمانی تک ءَ چہ ھما ملکاں کہ گیشتریں اعدام ءِ آماچیں ملکانی بستار ءَ دیم ءَ اتکگ. Ostoman حزب مردم بلوچستان