الصبر صعب ؛ مش حاجة سهلة أبداً الصبر محتاج قوة وتحمل وحكمة ومش أي حد بيقدر عليه ؛ مش أسهل حاجة نقول للناس ببرود ' أصبر يا أخي ' كَحَلٍ اتوماتيكي لمشاكلهم، الإنسان طول حياته بيعدي بتجارب وابتلاءات فيها فقد وخسارة وخذلان وناس وحشة وغيره من تجارب صعبة والإنسان يا عيني بيكون غلبان ومش فاهم الحاجات دي ؛ بتحصل ليه أو إيه الحكمة من وراها والناس تفضل تقوله أصبر وكأنه زرار بندوس عليه فنصبر، ربنا قال في القرآن على لسان سيدنا الخضر ' وَكَيْفَ تَصْبِرُ عَلَى مَا لَمْ تُحِطْ بِهِ خُبْرًا ْ ' (سورة الكهف) يعني إزاي تصبر على أمر متعرفش لا باطنه ولا ظاهره ولا علمت المقصود منه ؛ وده اللي بيحصل معانا يومياً في مواقف كتير ؛ وفي سورة الشورى ربنا بيقول ' وَلَمَن صَبَرَ وَغَفَرَ إِنَّ ذَ⁠لِكَ لَمِنۡ عَزۡمِ ٱلۡأُمُورِ ' يعني الصبر ده من أشد وأصعب الأمور اللي ممكن يعملها الإنسان ؛ فترفقوا بالناس في المواساة واسمعوا شكواهم ومتاعبهم وخلوهم يفضفضوا ويطلعوا اللي محشور في صدرهم وطبطبوا عليهم " رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ " ربنا يصبر كل مبتلى ومكروب ويرزقنا جميعًا الصبر 🤎,