السلام عليكم ورحمة الله وبركاته النهارده 23 شعبان. عملت خطة رمضان ولا زي كل سنة؟ دول 5 نصائح هيساعدوك في خطة رمضان إن شاء الله : 1. بلاش أحلام ، وحط خطة واقعية تتناسب مع طبيعة حياتك. 2. اهتم جدًا بالفروض الأساسية زي الصلاة في مواعيدها ، وبر والديك وخدمتهم. 3. حدد هدفك بوضوح ، وحدد كمان آلية التنفيذ. يعني مثلًا:- الهدف : ختم القرآن مرة في الشهر. آلية التنفيذ : قراءة جزء يوميًا بعد صلاة الفجر. وهكذا في كل هدف تحدده. 4. حط وقت استدراك ؛ عشان لو حصلك ظروف لغبطت جدولك تلاقي وقت تعوض فيه. 5. خليك مرن ، ومهما وقعت ، ما تيأسش ، واستعن بالله ، وقوم كمل طريقك تاني.