`Roman Urdu` *Sher-e Ahl-e-Sunnat Hazrat Qamar Ghani Usmani* (1) Mujahid-e Ahl-e-Sunnat Hazrat Qamar Ghani Usmani sahab qibla aik taveel muddat se qaid khanay ki sau'batain bardasht kar rahe hain. Ab unki halat bhi tashweesh naak hai. Sahi ilaaj faraham na hone ke sabab bimariyan bhi mushkilat mein izafa kar rahi hain. Biradaran-e Ahl-e-Sunnat wa Jama'at ko is janib tawajjo dene ki sakht zaroorat hai. (2) Agar deen ke khadimon ki janib tawajjo na di jaye to log deeni khidmaat ke liye khud ko pesh karne se ghabraayenge aur mukhalifeen humein ibrat naak anjam se darayenge, is liye Hazrat Qamar Ghani Usmani Sahab qibla ki rihaai ke liye court mein bhi koshishen ki jayein aur baargaah-e-Khudawandi mein duaon ka bhi ehtamam kiya jaye. Allah Ta'ala apne bandon ki duaon ko qubool farmaata hai. Tariq Anwar Misbaahi