السلام عليكم ورحمة الله وبركاته باقي أيام على رمضان.. فرصة تسأل نفسك بصدق: آخر مرة قرأت قرآن بتركيز كانت إمتى؟ هل بصلي في الوقت ولا في تأخير؟ هل عندي نية أبدأ صفحة جديدة مع الله في رمضان؟ لسه الوقت معاك تجهز روحك قبل ما يدخل الشهر الكريم. المهم إنك تبدأ من دلوقتي، ولو بخطوة صغيرة. رمضان.. فرصة جديدة بداية جديدة بس يا ترى قلوبنا جاهزة؟! الذنوب بتخلي العبادة تقيلة.. تحرمك من لذة الصلاة، وتخليك تقرأ القرآن من غير ما تحس بمعانيه، ولو حاولت تقوم الليل، تحس إنه صعب وتقيل على قلبك. الفضيل بن عياض رحمه الله قال: "إِذَا لَمْ تَقْدِرْ عَلَى قِيَامِ اللَّيْلِ وَصِيَامِ النَّهَارِ فَاعْلَمْ أَنَّكَ مَحْرُومٌ، مُكَبَّلٌ، كَبَّلَتْكَ خَطِيئَتُكَ." يعني الذنوب من العوامل الأساسية اللي بتمنعك من الطاعة. فلو عايز رمضان يكون مختلف، لازم تبدأ بتوبة صادقة من دلوقتي. طيب نعمل إيه؟ ✅ اندم على كل ذنب عملته، واستغفر من قلبك وقول: "اللهم اغفر لي، وتب عليَّ إنك أنت التواب الرحيم". ✅ توقف فورا عن أي ذنب بتعمله. ✅ خد قرار حااااسم بعدم الرجوع للذنب مرة تانية. ✅ لو في حق لحد، رجعه أو اطلب منه يسامحك. ✅ استعن بالله، وادعي ربنا ينقي قلبك، ويعينك على الطاعة، ويثبتك على التوبة. اللهم اجعلنا من التائبين، العائدين إليك قبل رمضان، واكتب لنا القرب منك 🤲🏻 https://whatsapp.com/channel/0029VafCrTO59PwQw2bB9X29 تيلجرام 👇🏻 https://t.me/totheheaventogether