*Көкшетауда 20 жастағы жігіт бөтен көлікпен үйіне жеткен* 5 ақпанда көлік иесі полицияға жүгініп, автокөлігінің жоғалғанын хабарлаған. Алайда ол екі күн бойы көлігін тексермеген, сондықтан ұрлықтың нақты қашан болғанын білмеген. Бейнебақылау камералары арқылы күдіктінің жүрген жолы анықталды. Полиция мәліметінше, *3 ақпанға қараған түні мас тұрғын кілттің көліктің ішінде қалғанын байқап, жүксалғыш арқылы ішке кірген.* Машинаны оталдырғаннан кейін үйіне жетіп, көлікті көшеге тастап кеткен. Қазір тергеу амалдары жүріп жатыр. massaget.kz