*ߏߞߏߞ ߜߊ߬ߘߏ߲߬ߠߊ ߘߏ߫ ߟߊ߫ ߞߏ ߓߘߊ߫ ߞߍ߫ ߡߊ߲߬ߞߊ߲ ߘߌ߫ ߦߊߥߎ߲ߘߋ߫ ߞߣߐ߫ ߢߍ߯ߠߊ ߞߍߟߌ ߞߏߛߐ߲߬ ߡߊ߲߬ߝߋ߲ ߘߐ߫* ߞߏ߲ߞߏߜߍ ߕߟߋ߬ ߁߀ ߡߍ߲ ߕߊ߬ߡߌ߲߬ߣߍ߲߫ ߕߋ߲߬߸ ߖߌ߬ߦߊ߬ߖߟߎ ߘߏ߫ ߝߙߋ߬ߟߋ߲߬ߝߙߋߟߋ߲ ߕߍ߬ߘߍ߫ ߘߍ߬ߞߙߏߝߏ ߟߎ߫ ߞߊ߲߬߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߱ ߟߎ߬ ߟߐ߬ ߓߐ߫ ߟߊ߫، ߖߌ߬ߦ߬ߖߟߎ ߣߌ߲߬ ߘߐ߫߸ ߊ߲ ߠߋ߫ ߡߏ߬ߛߏ ߘߏ߫ ߟߋ߬ ߦߋ߫߸ ߊ߬ ߦߋ߫ ߞߊ߲߬ ߞߵߊ߬ ߛߎ߯ߣߊ ߞߍ߫ ߡߊ߲߬ߝߋ߲߬ ߕߓߌ߬ ߘߊ߮ ߞߣߐ߫، ߏ߬ ߞߏ ߥߙߊ߬ ߘߊ߫ ߞߊߡߋߙߎߣߌ߲ߞߊ ߟߎ߬ ߡߊ߬ ߣߌ߲߬ ߟߏ߲ ߞߏߛߓߍ߫. ߡߏ߬ߛߏ ߣߌ߲߬ ߕߐ߯ ߟߋ߬ ߞߏ߫ ߝ߭ߌߞߑߕߏߙߌߣ ߓߌߞߐߦ߸ ߊ߬ ߛߊ߲߭ ߂߆ ߟߋ߬ ߕߋ߲߬߸ ߊ߬ ߡߊߞߍߣߍ߲߫ ߒߝ߭ߐߜ߭ߘߊ߫ ߞߌ߲߬ߘߊ ߟߋ߬ ߟߊ߫، ߊ߬ ߝߘߎߣߍ߲߫߸ ߊ߬ ߗߍ߬ ߦߋ߫ ߟߋ߬ߞߎ߬ߦߊ߬ߟߊ ߟߋ߬ ߘߌ߫߸ ߘߋ߲߫ ߥߐ߯ߙߐ߫ ߟߋ߬ ߦߴߊ߬ߟߎ߬ ߓߟߏ߫. ߞߊ߬ߕߎ߲߯߸ ߡߏ߬ߛߏ ߣߌ߲߬ ߦߋ߫ ߡߊ߲߬ߝߋ߲ ߛߎ߯ߦߊ ߘߏ߫ ߟߋ߬ ߟߊߘߊ߲߫ ߠߊ߫ ߓߊߞߍ߭߸ ߊ ߦߋ߫ ߝߐ߫ ߟߴߊ߬ ߡߊ߬ ߞߏ߫ ߏߞߏߞ߸ ߏ߬ ߦߋ߫ ߓߊ߬ߣߊ߲߬ߞߎ߬ ߝߌߘߊ ߟߋ߬ ߘߌ߫ ߡߊ߲߬ߘߋ߲߬ ߖߡߊߣߊ ߟߎ߬ ߕߊ ߟߊߡߎߣߎ߲ߧߊ ߘߐ߫ ߝߊߦߌߘߊ߫، ߂߀߂߄ ߕߎߟߊߝߌ߲ ߝߊ߲߭ ߝߍ߬߸ ߡߏ߬ߛߏ ߣߌ߲߬ ߞߊ߬ ߕߓߌߟߌ߫ ߦߙߐ ߘߏ߫ ߟߊߘߊ߲߫߸ ߞߊ߬ ߕߏ߫ ߓߎ߬ߘߊ ߣߌ߲߬ ߞߍ߫ ߟߊ߫ ߦߋ߲߬߸ ߊ߬ ߦߋ߫ ߝߐ߫ ߟߊ߫ ߡߍ߲ ߡߵߊ߬ߟߎ߬ ߓߟߏ߫ ߞߏ߫ ߏߞߏߞ، ߊ߬ ߟߊ߫ ߘߊߥߎ߲ߠߌ߲ߓߏ߲ ߣߌ߲߬ ߘߊߦߟߍ߬ߣߍ߲߫ ߦߊߥߎ߲ߘߋ߫ ߟߋ߬߸ ߞߊߡߋߙߎߣ ߞߎߓߋߘߊ ߟߊ߫ ߞߊ߬ߣߌ߲߬. ߘߊߥߎ߲ߠߌ߲ߓߏ߲ ߣߌ߲߬ ߠߊߞߊ߭ ߣߌ߫ ߛߌߛߍ߲߬ ߕߍ߸ ߏ߬ ߞߊߙߏ߫ ߟߏ߯ߟߎ߫ ߣߌ߫ ߞߐ߫ ߟߋ߬ ߕߋ߲߬، ߖߊ߬ߡߊ߫ ߘߍ߬ߜߍ ߟߋ߬ ߥߊ߫ ߟߊ߫ ߛߊ߲߬ߠߌ߲ ߞߍ߫ ߟߴߊ߬ ߡߊ߬߸ ߛߘߊ ߖߍ߬ߘߍߖߍ߬ߘߍ ߟߋ߬ ߕߎ߲߬ ߦߴߊ߬ ߟߊ߫ ߝߋߎ߫، ߒ߬ߓߊ߬߸ ߕߏ߫ ߞߍߣߍ߲߫ ߏ߬ ߟߋ ߘߐ߫ ߣߌ߲߬߸ ߡߏ߬ߛߏ ߢߌ߲߬ ߠߊ߫ ߜߋߟߋ߲ߜߋߟߋ߲ ߛߏ߲߬ߧߊ߬ ߘߊ߫ ߛߏ߲߭ ߠߎ߬ ߓߟߏ߫، ߜߋߟߋ߲ߜߋߟߋ߲ ߏ߬ ߟߋ ߞߣߐ ߘߐߖߎ߯ߓߍߣߍ߲߫ ߡߎ߬ߕߎ߲߬ ߛߊ߫߸ ߞߊ߬ ߥߊ߫ ߖߌ߬ߦߊ߬ߖߟߎ ߘߏ߫ ߦߴߊ߬ ߞߣߐ߫߸ ߊ߬ ߦߴߊ߬ ߛߎ߯ߣߊ ߞߍ ߞߊ߲߬ ߡߊ߲߬ߝߋ߲߬ ߘߊ߮ ߘߐ߫߸ ߞߊ߬ ߓߊ߲߫ ߞߵߊ߬ ߟߊߡߊ߰. ߡߐ߱ ߟߎ߫ ߞߊ߬ ߖߌ߬ߦߊ߬ߖߟߎ ߏ߬ ߟߎ߫ ߟߋ߬ ߟߊߕߊ߯ ߢߐ߲߮ ߞߎ߲߬߸ ߤߊ߲߯ ߊ߬ ߞߏ ߞߍ߫ ߘߊ߫ ߛߘߊ ߘߌ߫ ߘߍ߬ߞߙߏߝߏ ߟߎ߫ ߞߊ߲߬߸ ߞߵߊ߬ ߕߊ߬ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲ ߡߊ߬ ߞߊ߬ߣߌ߲߬، ߏ߬ ߞߍ߸ ߞߐ߬ߓߊ߬ߟߏ߲߫ ߕߊ߬ߡߌ߲߬ߣߍ߲ ߡߊ߬ ߌߞߘߐ߫߸ ߂߀߂߅ ߞߏ߲ߞߏߜߍ ߕߟߋ߬ ߁߀߸ ߡߐ߱ ߟߎ߬ ߕߊ߯ ߘߊ߫ ߘߊߥߎ߲ߠߌ߲ߓߏ߲ ߦߙߐ ߏ߬ ߘߐ߫ ߦߋ߲߬߸ ߛ߭ߊߔߍߟ ߒߝ߭ߐߜ߭ߘߊ߫ ߘߌ߲߬ߞߌߙߊ ߘߐ߫߸ ߞߵߊ߬ ߟߊ߫ ߦߙߐ ߕߋ߬ ߞߵߊ߬ ߜߘߊߟߊ߫. ߊ߬ ߟߊ߫ ߟߎߡߟߊ ߣߴߊ߬ ߟߊ߫ ߘߊߥߎ߲ߠߌ߲߫ ߝߙߋ߫ ߦߙߐ ߕߍ ߦߋ߫ ߞߎߘߍ߫ ߣߊ߯ߣߌ߲߫ ߢߐ߲߰ ߠߋ߬ ߘߌ߫߸ ߊߖߌ߲ߛߊ߫ ߞߌ߲߬ߘߊ ߟߊ߫، ߖߡߊ߬ߓߊ߫ ߟߋ߬ ߝߣߊ߫ ߥߊ߫ ߘߊ߫ ߟߎ ߡߊ߬ ߦߋ߲߬߸ ߞߊ߬ ߥߊ߫ ߦߋ߲߬ ߘߐߖߎ߯ߓߍ߫ ߣߴߊ߬ߟߎ߫ ߞߊ߬ ߡߏ߬ߛߏ ߣߌ߲߬ ߦߋ߫، ߊ߬ߟߎ߫ ߞߵߊ߬ ߛߐ߬ߘߐ߲߬ ߊ߬ ߝߘߎߗߍ ߣߴߊ߬ ߘߋ߲ ߠߎ߬ ߟߋ߬ ߕߍ߬ߘߍ߫ ߦߋ߲߬، ߊ߬ߟߎ߬ ߦߋ߫ ߓߏ߲߫ ߛߎߝߙߎ ߟߊ߫ ߘߌ߲߬ߞߌߙߊ ߡߍ߲ ߘߐ߫߸ ߦߋ߲߬ ߕߌ߱ ߞߊ߲߫ ߞߏ߫ ߊ߬ ߞߍߕߐ߫ ߟߋ߬ ߡߏ߬ߛߏ ߣߌ߲߬ ߣߴߊ߬ ߗߍ߬ ߟߎ߬ ߜߍ߲߫ ߠߴߊ߬ ߟߊ߫ ߓߏ߲ ߠߊ߫، ߓߊߏ߬߸ ߞߏ߫ ߡߐ߰ ߓߘߍ߬ ߛߌ߫ ߕߍ߫ ߛߐ߲߬ ߞߊ߬ ߡߐ߰ ߛߎ߮ ߢߌ߲߬ ߠߊߡߙߊ߬ ߌ ߟߊ߫ ߟߎ ߡߊ߬. ߡߍ߲ ߠߎ߬ ߦߋ߫ ߥߊ߫ ߟߊ߫ ߘߊߥߎ߲ߠߌ߲ ߞߍ߫ ߟߊ߫ ߦߋ߲߬߸ ߏ߬ ߘߏ߫ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߕߎ߲߬ ߓߊ߯ ߓߊ߫ ߡߏ߬ߛߏ ߢߌ߲߬ ߠߊ߫ ߛߎ߬ߡߊ߲ ߘߊߥߎ߲߫ ߠߊ߫߸ ߞߣߐ߫ ߘߌߡߌ߲߫ ߡߌߛߍ߲ ߠߎ߬ ߕߍ߬ߘߍ߫ ߊ߬ߟߎ߫ ߡߌ߬ߘߊ߬ ߟߊ߫ ߛߐ߲߬، ߡߏ߬ߛߏ ߘߏ߫ ߖߍ߬ߘߍ ߝߣߊ߫ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߋ ߘߋ߲ ߠߊ߫ ߛߎ߬ߡߊ߲߬ ߛߊ߲߬ ߦߙߐ ߟߋ߬ ߕߎ߲߬ ߦߋ߫ ߦߋ߲߬ ߘߌ߫، ߓߊ߬ߙߌ߬߸ ߞߏ߫ ߞߣߐ߫ ߘߌߡߌ߲ ߕߍ߬ߘߍ߫ ߏ߬ ߞߊ߲߬ ߠߋ߬ ߞߘߊߎ߫. ߡߏ߬ߛߏ ߣߌ߲߬ ߕߎ߲߬ ߦߋ߫ ߛߏ߬ߓߏ ߟߋ߬ ߝߟߐ߫ ߝߙߋ߬ ߟߊ߫ ߡߎߣߎ߲߬߸ ߦߊ߬ߣߴߊ߬ ߦߋ߫ ߘߏ߲߬ ߏߞߏߞ ߝߙߋ ߣߌ߲߬ ߘߐ߫، ߕߐ߲ߓߟߏߡߊ ߟߎ߫ ߞߏ߬ߣߌ߲ ߓߘߴߊ߬ߟߎ߬ ߕߍ߯ ߞߍ߫ ߊ߬ ߝߘߎߗߍ ߘߐ߫ ߡߎߣߎ߲߬߸ ߞߊ߬ ߞߏ ߕߐ߭ ߢߊߢߌߣߌ߲߫، ߓߊߏ߬߸ ߊ߬ ߓߘߊ߫ ߦߋ߫ ߢߊߢߌߣߌ߲ߠߌ߲ ߠߎ߬ ߞߐߝߍ߬߸ ߞߏ߫ ߊ߬ ߗߍ߬ ߕߎ߲߬ ߦߋ߫ ߡߏ߬ߛߏ ߟߊ߫ ߓߊ߯ߙߊ߫ ߛߎ߮ ߣߌ߲߬ ߞߊ߬ߟߊߡߊ߬، ߞߏ߫ ߊ߬ ߕߎ߲߬ ߞߵߊ߬ ߟߐ߲߫ ߕߊߦߌ߫߸ ߞߏ߫ ߊ߬ ߡߏ߬ߛߏ ߦߴߊ߬ ߛߎ߯ߣߊ ߟߋ߬ ߞߍ߫ ߟߊ߫ ߡߊ߲߬ߝߋ߲ ߘߐ߫ ߞߵߊ߬ ߝߙߋ߬. ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߡߏ߬ߛߏ ߣߌ߲߬ ߢߌߣߌ߲ ߠߋ߬ ߜߊ߬ߣߍ߲߫ ߕߋ߲߬ ߞߘߏߞߘߏ߫، ߓߊߏ߬߸ ߣߴߊ߬ ߡߊ߫ ߡߌ߬ߣߊ߬߸ ߊ߬ ߕߍߣߊ߬ ߟߐ߲߫ ߠߊ߫ ߊ߬ ߕߘߍ߬ ߞߏߢߊ ߣߌ߲߬ ߞߍ߫ ߟߊ߫ ߞߎ߲߭ ߡߍ߲ ߠߊ߫، ߘߏ߫ ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߎ ߛߌߞߊ߫ ߘߊ߫ ߞߊ߬ߦߌ߯ ߘߊߥߎ߲ߠߌ߲߫ ߝߙߋ ߘߊߡߌ߬ߣߊ߬ ߛߊ߲߬ ߞߎߘߊ ߡߏ߬ߛߏ ߣߌ߲߬ ߓߟߏ߫ ߦߋ߲߬، ߓߊߏ߬߸ ߛߘߊ ߛߎ߮ ߡߍ߲ ߕߍ߬ߘߍ߫ ߊ߬ ߟߊ߫߸ ߞߟߐ߬ߞߟߐ߬ ߕߍ߫، ߒ߹ ߊ߬ ߞߏ߬ߣߌ߲ ߡߊ߫ ߦߋ߫ ߡߎߣߎ߲߬߸ ߊ߬ ߡߊ߫ ߡߌ߬ߣߊ߬ ߡߎߣߎ߲߬، ߣߌ߫ ߡߍ߲ ߓߐ߫ ߘߴߊ߬ ߘߐ߫߸ ߊ߲ ߘߴߊߟߎ߫ ߟߊߟߐ߲ߠߌ߲߫ ߏ߬ ߟߊ߫. ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫