انت صغرت لحجم جنية فضة ، واترميت جوا خلاط ، والخلاط هيشتغل بعد ٦٠ ثانية ، هتعمل إيه ؟ ده سؤال مشهور اتسأل في بعض مقابلات العمل في جوجل ( interviews ) 😅 ڤيريتاسيام عمل فيديو عنه. متخصصي التوظيف في جوجل مش بيسألوا عشان يعرفوا إن كنت هتقول إجابة صح أو لأ ، هم بيختبروك في : إزاي هتواجه غموض الموقف وصعوبة اللغز. إزاي هتجزء وتقسم المشكلة إلى مشكلات أبسط بهدف حلها. إزاي هتبدع وتفكر في المشكلة وحلها. إزاى هتفكر بذكاء وخبراتك وقدرات ومعلوماتك السابقة هتستخدمها إزاي في الموقف ده. إزاي هتتواصل مع مدير الإنترڤيو وهتناقش خطوات فهم المشكلة وخطوات حلها وخطوات تفكيرك في الحل والـ approaches اللي هتاخدها في اتجاه فهم وحل المشكلة. شوفت الڤيديو وعجبني ، عشان كده بشاركه معاكم 🫰