Tu gaal le tol boi laitah a phung le chang thu sei jengke a, mipi su nohphah hi atamjo kum 30 nailam le kum 30 val gollhang kul ho le upa ho nahiuvin, lungset tah in neina ngah peh tauvin heute. Khangthah ho’n nangho social media a na phung le chang thu sut u a ki tahsan poi. Meilhei-Kuki gaal boi laitah a, Thadou/AKT/Kuki/Zomi adu ada na hiti boipi u hi… iti sesu ham a ki digest them hih beh e. *KUKILAND* thu i ha sei diuham kiti, tu’n phung le chang thu sei lelei le eiho kikah a sagu sep ahung um pan tan, ginchat toh i bang kigo pouve. Separate Administration (KUKILAND) mu masat di ahiye ti hi ilung uva ikikhum cheh diuvin akitem e. Boipi masat di le, boipi nukhah di heute. “Separate Administration” jong kimu ponte tia igel khah ujongleh, lamkai ho’n lungthengsel in seilha uvinlang- mipi gentheina hi suhlap di gel thei a hitai. Eiho le eiho kingol bol sot ta poute. Koi hinpat doh hiya, Thadou dialect speakers ho kikah a kitomona le mi ki suh confused na dinga, tu laitah a *”Thadou vs AKT”* narrative hin pan kigo jengke ihiu ham? Akin lam in a na kingah ute. Tukhang hi 2010s lai bang hi talou ahi. Khangthah ho jong kingol lou a hi tai. Social media jong mitin in access anei thei a hi tai. Tunia ipi hamkhat na jih chu, minute 10 kah a reply hung pei thei a hi tai. *Kuki kitumlah ho le Thadou kitumlah ho, Kuki deilou jeh a Thadou min mangcha le Thadou min vetda jeh a Kuki min mangcha ho chomkhat a na khongai uvin lang- nam mipiten, kilungtoh tah in Separate Administration mu ding bou gel thupi pen ute.* Social Media a phung le chang thu sei jengke le nam khat le ni ki dem na post ho namu u jongleh, *”NONSENSE EI BOUVE”* tin lang, donse da leuhen, eiho a dinga damna hipen ding ahi. Lungkhat thakhat keng pum’a i-cha lou ule, eiho sunga kitomona um ding hi i melma te’n a tup pi pen u ahi. Pao kibang, chon le khan kibang le i ponjem u kibang ahin, kisukhen be poute. [Hiche hi i group houva share sohkei ute.] Nabon un Nikhopha! Follow Eimemes for more updates: https://whatsapp.com/channel/0029VagAmbmCnA7rDlVFnz2z