مهما حاولوا يقللوا منك، أو يطفوك، أو يحبطوك متخليش حد يهز ثقتك في نفسك ولو للحظة.. أيوا فيه ناس عايشين وسطنا أكل عيشهم بيعتمد على التقليل منك، ومن أى خطوة في العموم.. عشان كده من أهم الإنتصارات اللي ممكن تخرج بيها من الدنيا إنك تبقى فخور بنفسك، وبإنجازاتك، وبخطواتك حتى لو غيرك شافوها بسيطة، أو صغيرة، أو حتى تافهة.. أنت مبسوط بنفسك وباللي عملته ودي المفروض لوحدها عندك كفاية.. إحنا في زمن صعب من كل الاتجاهات، لكن ورغم كده وبما إنك الوحيد اللي شوفت كل صراعاتك اللي خوضتها، وانكساراتك اللي قومت بعدها، وانتصاراتك اللي حققتها، وكنت شاهد على لحظات كانت هتهزمك بس هزمتها كل دي أسباب كافية إنها تخليك تآمن بقوتك وتفخر بنفسك.. إحنا بفضل ربنا جبال ماشية على رجلين.. ده مش غرور، ولا تناكة.. ده عدل مع النفس.