श्रीदत्तस्वरुप विनायकराव वासुदेव साठे विरचित "कृतज्ञता" सात दिन केला उत्सव तुम्हीं थोर I तुम्हीं गुरुवर आम्हांसाठीं II१II केवढे उपकार वात्सल्य केवढें I न सांपडे एवढें कोठेंही कीं II२II तुमचें तुम्हांला सकळ साजत I मति न चालत येथें कांहीं II३II बोलण्याची सीमा होवोनियां जात I गुरु अवधूत वासुदेव II४II दृष्टांत नाहींच द्यावया जगतीं I तुम्हांसीं श्रीपति गुरुनाथ II५II विनायक असे अनन्य शरण I धरीत चरण कृतज्ञत्वें II६II