*14 February Aur Islam* 14 February ko duniya bhar mein Valentine’s Day manaya jata hai, jo asal mein aik ghair Islami aur behayai par mabni tehwar hai. Is din log najaiz taluqat aur fazool rasoomat ko farogh dete hain, jo Islam ki taleemat ke mukammal khilaf hai. Islam humein haya, paakdaami aur izzat ka dars deta hai, aur asal muhabbat ka behtareen rasta Nikah hai. Quran Ki Roshni Mein 1. Be-hayai Se Ijtinab: Allah Ta’ala Quran mein farmate hain: *"Wala taqrabu az-zina, innahu kaana fahishatan wasaa’a sabeela."* "Aur zina ke qareeb bhi mat jao, beshak yeh behayai hai aur bura rasta hai." (Surah Al-Isra: 32) 2. Haya Aur Paakdamani Ki Takeed: *"Qul lil-mu’minina yaghuddu min absarihim wa yahfazu furoojahum; zalika azka lahum."* "Momin mardon se kaho ke woh apni nigahen neechi rakhein aur apni sharmgah ki hifazat karein, yahi unke liye zyada pakeeza hai." (Surah An-Noor: 30) Hadees Ki Roshni Mein 1. Be-hayai Nuqsan Deh Hai: Rasoolullah ﷺ ne farmaya: *"Jab tum mein haya na rahe to jo chaho karo."* (Sahih Bukhari: 3484) 2. Ghairon Ki Mushabihat Mana Hai: Rasoolullah ﷺ ne farmaya: *"Jo kisi qaum ki mushabihat ikhtiyar kare, woh unhi mein se hai."* (Sunan Abu Dawood: 4031) 14 February jese ghair Islami aur behayai par mabni tehwaron se bachna zaroori hai. Asal muhabbat najaiz taluqat mein nahi balki Nikah ki pakeeza bandish mein hai. Humein chahiye ke hum apni nasal ko Islami taleemat ke mutabiq muhabbat, izzat aur haya sikhayein, aur fazool rasoomat ka hissa banne se gurez karein.