حقيقة ام اشاعة...⁉️ معجون الأسنان يعالج الحروق...🤔 في حاجات بتعمله الناس في البيت كعلاج للحروق في علاجات فعاله و اخري ضاره . زي ما عارفين الحروق من الإصابات البتسبب ألم و إزعاج للمصاب لانو بتأثر علي المظهر الخارجي ، وفي ناس بتعمل المعجون بحُجة تخفيف الألم... لكن الحقيقة المره إنو معجون الأسنان من المواد الضارة وبزيد المشكلة زيادة ، عشان كدا ما صاح منكم تستخدموه لعلاج الحروق . 🌼 بنقول معجون الأسنان الضار لعدد من الأسباب منها :- 🔹️ احتواءه علي مواد كيميائية زي المبيضادات والمواد الضاره بالجلد.. 🔹️ المواد الكيميائية الفي المعجون بتكون سبب في زيادة خطر حدوث الالتهاب في مكان الحريق... من يوم الليله عشان ما تضر مصاب الحروق اوعك ثم اوعك تعمل في مكان الحريق معجون ، ما تكونوا ناس عجبين المعجون جابوهو لي الأسنان ما الحروق وقعت...👌 يلا اعملوا متابعة للصفحة و ماتنسوا تشاركو البوست مع اصحابكم ما تكوني بخلين...♻️ حافظوا علي صحتكم لحياة افضل...💜💜 🎯 لو مهتم بصحتك أعمل متابعة للصفحة شير ، وتفاعل مع البوست...💜💜💜 #أشرف_جعفر #كاتب_محتوي_طبي #وطن_ينبض_بالصحة