کنـہ خاک ئنا اَگہ سربراہ اَسہ میـر یا کہ نواب ئسے، تو عذاب ئسے اگہ بلُّنی ٹِہ نواب ہم داڑے پنجہ کَش ءُ وقاب ئسے، تو عذاب ئسے کنہ نسل خنـپـک اِرَغ ولے کنہ میر اختہ کُچَّـک ئتو، کہ کَجّک ئتـــو کنہ لُمـہ غاتے تُغ اف اسُـل کنـہ ہیـــڑ گُــمّ ءِ وَلَــکّہ تو، کہ چَلَــکّہ تو اَسو حالَس اَف نے مروئی ئے اے جَوان چِست اَشکّہ، یا دوشکّہ تو خَنِہ ظلم ءِ دا کنہ مارئنا اگہ دُو ٹِہ انگہ کتاب ئسے، تو عذاب ئسے کنہ ایلُـمے تَفِہ قیـد ئٹی ای دوی ءِ اَنـگہ تہ چُپ تِخِو، کہ ہَڑُپ سَلِو کنہ مال و ملک ءِ پُلِر ہُشِر تینہ خنـتِہ شیفہ دَسِو ہُرِو،  پدہ ہم مَخِو کنہ دین و ننگ ءِ لَغاشِـہ او تینہ دڑد ءِ اَنگہ تَٹی سَہِـو،ای پُڑی وَہِو اگہ داوڑُٹ کنہ فکر ءِ ڈم کنہ جان جی و جناب ئسے، تو عذاب ئسے کنہ گوادرے ہُشِہ لمبہ ٹی کنہ کیچ و شال ءِ تباہ تِخِر، کہ سزا تِخِر کنہ راست کوہ ءِ بُن ایتِـرَک کنہ شُور ءِ ژند و یَلا تِخِـر، کہ بلا تِخِر کنہ راج ءِ جیل ئٹِہ تَچک کے نَت ءِ ہر اسِٹ نا بجا تِخِر، بےگناہ تِخِر خَنِہ جبر ءِ دا مگَہ خاچِہ او کنول آخہ چٹ کہ گلاب ئسے، تو عذاب ئسے ای تو جُوان چاوہ کُچَّک ئتو چڑہ گون و تُد مَنَہ عالمو، مَگَہ ظالمو اے وقار دا نہ غــزالی ؤ نہ نصیـرءُ نئے کہ دا قاسِـمو، نہ کہ سالِمو دا جمہـوریت نا پُجـاری ؤ دا جمہوری لَٹّ ئنـہ خادمو، اونہ عازمو دا نہ کاٹُمٹ اگہ علم ئسے ولے دُو نا ڈبّہ شراب ئسے، تو عذاب ئسے وقار بلوچ *اسلامی بلوچستان*