ای تینا حق ئکن گر بادوئی کپر امر کیوک ای ٹپ ئس با ملوکو پا دتر کپر امر کیوک کنے دے ٹک بفک اچ دو کئی سال آ تیان واہم ای فکر اٹ رژن ئنا نن تے سحر کپر امر کیوک وطن ٹی ننگ کنا تینا حفاظت ایڑ ئنا افک ای گوری اوڑکن تینے اگر کپر امر کیوک بنو چیہانٹ و فریادے خنو ظلم ئے تینا خنتیٹ ای مش تیٹی تینا زندے بسر کپر امر کیوک امید اٹ سہب ئسے نا ای کننگ اٹ پند و خواری ئس خواہش آتان تینے ای بدر کپر امر کیوک گلابی آ گلاباتا دوی کننگ کے خوشبو ئے پتاتیٹ نت شپادی اٹ سفر کپر امر کیوک فرعونی آ دا ظلم آتیان تینا ای رکھ ئےکننگ کن اریٹ حیران صفا حیران امر کپر امر کیوک کنا دا مخلصی ئے نی کنا سمجھاس کمزوری ای تینے انگہ کیو عاجز کٹر کپر امر کیوک کبینی خاک ئنا کنکن کبینی ٹی کبینے دن ای ندر اوڑکن تنا است و جغر کپر امر کیوک ننا جنگ تین پتینی نا کروکو چال ئسے اونا امن کن ایلماتے تو کسر کپر امر کیوک تفوکے روح ئنا رشتہ کنا دھرتی ئتو دانش دا ہیتے دشمنے تینا خبر کپر امر کیوک۔ ( احسان دانش بلوچ۔30.1.2025)