*نہ دوست ءُ سنگت نہ یارے ھَستیں نہ واب ءُ ھارام کرارے ھَستیں* *من جندے ڈیھ ءَ درآمدے آں نہ جاہ ءُ ھَنکیں دوارے ھَستیں* *مئے ھون یَکشَل تَچ اَنت بہ کوہ ءُ تلار ءُ کَوراں بہ پَٹّ ءُ ریکاں* *نوں توپ ءُ تیرانی نود شَنز اَنت نہ ڈیھ ءَ سبزیں بھارے ھَستیں* *تو بند کن چماں مہ چار کَسّ ءَ بہ بند گوشاں مہ ھُشک گپے* *زبان ءَ کُنٹگ بجن کہ مرچاں ھمُک گِسا یک دلارے ھَستیں* *ترار ءَ مُلا نہ تُرسے اللہ نہ پِکرے دنیا نزاں آں پرچہ* *بلوچ ءِ نوبت ءَ گُنگ ءِ ھر وھد ترا پہ کشمیر توارے ھَستیں* *نہ پیر ءُ ورنا نہ زھگ ءَ ماں اِیت نہ دْرچک ءُ دارے نہ باگ ءَ ماں اِیت* *اے زُلم ءِ آس ءَ سُچ اِیت ھمُک لوگ ترا زھور مھر چِکارے ھَستیں* *زھور مھر* *2024۔8۔15*